Fréttablaðið - 12.03.2004, Blaðsíða 41

41FÖSTUDAGUR 12. mars 2004
Valencia tapaði óvænt
Genclerbirligi lagði spænska liðið að velli í UEFA-bikarnum.
FÓTBOLTI Tyrkneska liðið Gencler-
birligi vann spænska stórliðið
Valencia óvænt á heimavelli 1-0 í
sextán liða úrslitum Evrópu-
keppni félagsliða í gærkvöldi. Fil-
ip Daems skoraði sigurmarkið úr
vítaspyrnu strax á tólftu mínútu.
Gençlerbirligi, sem er í tíunda
sæti tyrknesku deildarinnar, hef-
ur þegar slegið Blackburn, Sport-
ing frá Lissabon og Parma út úr
UEFA-bikarnum.
Bordeaux vann Club Brugge
3-1 í Frakklandi. Gert Verheyen
kom Brugge yfir á 58. mínútu
leiksins en aðeins einni mínútu
síðar jöfnuðu heimamenn með
marki frá Celades. Hann bætti
öðru marki við fyrir Bordeaux
skömmu síðar og á 87. mínútu inn-
siglaði Riera sigurinn. Loks gerði
franska liðið Auxerre 1-1 jafntefli
við PSV Eindhoven á heimavelli.
Teemu Tainio skoraði fyrir
Auxerre en Theo Lucius jafnaði
leikinn fyrir PSV.
Öðrum leikjum umferðarinnar
var ólokið þegar blaðið fór í
prentun.
Seinni leikir liðanna fara fram
25. mars. ■
Úrslitakeppni Intersport-deildarinnar í körfuknattleik:
Sigrar hjá Keflavík og Snæfelli
KÖRFUBOLTI Það var ekki boðið upp á
óvænt úrslit í gærkvöld þegar úr-
slitakeppni Intersport-deildarinnar
í körfuknattleik hófst með tveimur
leikjum. Íslandsmeistarar Keflavík-
ur báru sigurorð af Tindastóls-
mönnum, 98-81, í Keflavík. Þetta
var áttundi sigur liðsins í röð í úr-
slitakeppninni og 27. heimasigurinn
í röð. Keflvíkingar höfðu yfir eftir
fyrsta leikhluta, 27-18, en þeir skor-
uðu 24 stig gegn tveimur stigum
gestanna á fyrstu fimm mínútum
annars leikhluta. Staðan í hálfleik
var 57-31, Keflvíkingum í vil. Tinda-
stólsmenn hófu síðari hálfleikinn af
miklum krafti, skoruðu níu fyrstu
stigin og tókst á tímabili að minnka
muninn í níu stig, 72-63. Nær
komust þeir ekki og Keflvíkingar
unnu öruggan sautján stiga sigur,
98-81. Gunnar Einarsson var stiga-
hæstur hjá Keflavík með 20 stig á
25 mínútum, Derrick Allen skoraði
18 stig og tók 13 fráköst, Fannar
Ólafsson skoraði 17 stig og tók 18
fráköst og Magnús Þór Gunnarsson
og Nick Bradford 15 stig hvor.
Clifton Cook var atkvæðamestur
hjá Tindastóli með 20 stig, 9 fráköst
og 5 stoðsendingar, David Sanders
19 stig, 5 fráköst og 5 stoðsendingar
og Helgi Rafn Viggósson og Svavar
Atli Birgisson með 11 stig hvor.
Miklu munaði fyrir Tindastól að
Nick Boyd lék ekki með liðinu
vegna meiðsla og þarf liðið nauð-
synlega að fá hann í lag fyrir annan
leik liðanna sem fer fram á morgun
á Sauðárkróki.
Snæfell vann Hamar, 99-86, í
Stykkishólmi. Leikurinn var jafn
framan af og var staðan jöfn, 21-21,
eftir fyrsta leikhluta. Snæfell náði
undirtökunum í öðrum leikhluta og
leiddi í hálfleik, 48-41. Heimamenn
voru síðan sterkari allan síðari hálf-
leikinn og unnu að lokum sannfær-
andi þrettán stiga sigur, 99-86.
Dondrell Whitmore átti stórleik í liði
Snæfells, skoraði 39 stig og stal 7
boltum og gaf 6 stoðsendingar, Hlyn-
ur Bæringsson skoraði 13 stig og tók
19 fráköst, Edward Dotson og Sig-
urður Þorvaldsson skoruðu 12 stig
og Corey Dickerson skoraði 11 stig.
Chris Dade var stigahæstur hjá
Hamri með 17 stig, Svavar Pálsson
skoraði 16 stig og tók 5 fráköst,
Faheem Nelson skoraði 14 stig og
tók 10 fráköst, Marvin Valdimarsson
skoraði 12 stig og tók 6 fráköst og
Adrian Owens skoraði 10 stig og tók
7 fráköst. Liðin mætast að nýju í
Hveragerði á morgun. ■
Guðni Rúnar Helgason:
Í raðir Fylkismanna
FÓTBOLTI Guðni Rúnar Helgason,
sem hefur leikið með Val undan-
farin ár, hefur ákveðið að ganga
í raðir Fylkismanna. Áður höfðu
Fylkir og Valur náð samkomu-
lagi um kaup á leikmanninum.
Guðni mun skrifa undir
þriggja ára samning við Árbæj-
arfélagið í næstu viku. Guðni
Rúnar er fæddur 1976. Hann hóf
feril sinn með Völsungi á Húsa-
vík, var hjá Sunderland og síðan
hjá KR. Þaðan fór hann til ÍBV
þar sem hann varð tvöfaldur
meistari árið 1998. Fyrir tveim-
ur árum fór hann til Hönefoss í
Noregi og þaðan til Vals. ■
GUÐNI RÚNAR
Hefur ákveðið að yfirgefa her-
búðir Valsmanna og ganga til liðs
við Fylki.
DONDRELL WHITMORE
Fór hamförum í liði Snæfells
og skoraði 39 stig gegn Hamri
í gærkvöld.
FÓRNARLAMBA MINNST
Leikmenn Valencia og Genclerbirligi halda á borða sem á stendur: „Við samhryggjumst
Spánverjum,“ fyrir leik liðanna í í gær. Mínútu löng þögn var einnig fyrir leikinn vegna
þeirra sem létust í sprengjuárásunum á Spáni.
AP
/M
YN
D