Fréttablaðið - 14.03.2004, Blaðsíða 26

26 14. mars 2004 SUNNUDAGUR
Hver er maðurinn?
Þjóðarsorg hefur ríkt á Spánieftir að 190 manns létust og
1.400 særðust í tíu sprengingum
á þremur lestarstöðvum í
Madríd í fyrradag. Aukinn við-
búnaður hefur verið viðhafður í
mörgum löndum í kjölfarið
vegna hugsanlegra árása.
Hryðjuverkaárásirnar í
Madríd eru þær mannskæðustu
sem gerðar hafa verið í Evrópu
síðan 1988 þegar flugvél Pan Am
félagsins sprakk í loft upp yfir
Lockerbie. Þá létust 270 manns.
Mannskæðar árásir
Á síðustu fimm árum hafa
fimm stórar hryðjuverkaárásir
verið gerðar um allan heim. Í
ágúst árið 1998 sprungu bíla-
sprengjur, sem hryðjuverka-
samtökin al-Kaída höfðu komið
fyrir, samtímis hjá bandaríska
sendiráðinu í Dar es Salaam í
Tansaníu og Nairobi í Kenýu. Þá
létust 231 maður.
Um þrjú þúsund manns létust
þegar þremur flugvélum var
rænt og flogið á World Trade
Center og Pentagon. Fjórða vél-
in hrapaði til jarðar, áður en
henni var flogið á byggingu.
Í október árið 2002 létust 202
þegar sprengja sprakk á nætur-
klúbbi á eyjunni Balí í
Indónesíu. Hryðjuverkasamtök
sem talin eru tengjast al-Kaída
voru ábyrg.
Um 180 manns biðu bana og
hundruð manna særðust í sam-
stilltum árásum á helgidóma
sjíta-múslíma í Bagdad og borg-
inni Karbala í suðurhluta Íraks í
byrjun mánaðarins. Árásirnar
áttu sér stað þeg-
ar milljónir sjíta-
múslíma höfðu
safnast saman í
borgum og bæjum
landsins til að
fagna Ashura-há-
tíðinni í fyrsta
sinn í áratugi.
Árásin í fyrradag er sú fimm-
ta en þá eru ekki taldar upp
árásir sem ollu ekki jafn mikl-
um skaða. Að minnsta kosti átta
slíkar hafa verið gerðar í Írak
frá áramótum.
911 dagar frá 11. september
Enginn hefur lýst yfir ábyrgð
á árásunum í Madríd en marga
grunar ETA, aðskilnaðarsamtök
Baska. Handbragðið þykir
minna um margt á fyrri verk
samtakanna. Talsmenn ETA
neita þó öllum ásökunum.
Hryðjuverkasamtökin al-
Kaída eru einnig grunuð um
verknaðinn en arabískt dagblað
segir samtökin hafa lýst yfir
ábyrgð. Þar að auki fannst hljóð-
snælda og hvellhettur í sendibif-
reið skammt frá einni járn-
brautastöðinni. Þeir sem gruna
al-Kaída benda á máli sínu til
stuðnings að 911 dagar eru liðn-
ir frá hryðjuverkaárásunum í
Bandaríkjunum þann 11. sept-
ember 2001 eða 9-11 eins og at-
burðurinn hefur verið nefndur í
Bandaríkjunum. Þar að auki
voru hryðjuverkaárásirnar í
Madríd gerðar þann 11. mars (3-
11) tveimur og hálfu ári eftir
árásirnar í Bandaríkjunum.
Þess ber að geta að Spánverjar
studdu Bandaríkjamenn þegar
þeir réðust inn í Írak. Þeir sendu
jafnframt hermenn þangað.
Lönd draga lappirnar
Þörf er á meiri samvinnu
milli landa í baráttunni gegn al-
þjóðlegum hryðjuverkahópum.
Þetta er niðurstaða fundar sem
haldinn var á vegum Samein-
uðu þjóðanna í Vín og lauk í
gær. Inocencio Arias, yfir-
maður nefndar sem berst gegn
hryðjuverkum og fulltrúi Spán-
ar hjá Sameinuðu þjóðunum,
sagði á sömu ráðstefnu að mörg
lönd dragi lappirnar í barátt-
unni gegn hryðjuverkum.
„Flest lönd hafa verið svifasein
í að bregðast við ógninni og
setja lög sem taka á hryðju-
verkum,“ sagði Arias meðal
annars. „Ég verð ekki jafn kurt-
eis eftir eitt ár og mun þá nafn-
greina löndin.“
Arias sagði að ekki hefði verið
hægt að koma í veg fyrir árásirn-
ar í Madríd. „Hryðjuverkamenn
reyna og reyna. Þeim tekst í
fimmtugasta hvert skipti.“
Nefndin hyggst funda á ný í
Kaíró í Egyptalandi eftir ár í
boði Arababandalagsins.
Ekkert verður sem fyrr
Spænskt þjóðfélag var sem
lamað eftir árásirnar og söfnuð-
ust mörg hundruð þúsund
manns saman til að minnast
hinna látnu á föstudaginn. Einn-
ar mínútu þögn var til minning-
ar um fórnarlömbin. Eins og
gefur að skilja hefur mikil
taugaspenna ríkt í Madríd í
kjölfar hryðjuverkanna og
rýmdi lögreglan lestarstöð í At-
ocha í gær af ótta við að
sprengju hefði verið komið fyr-
ir. Svo reyndist hins vegar ekki
vera.
Stjórnvöld um allan heim hafa
sent samúðarkveðjur til Spán-
verja og hafa heitið stuðningi.
Spænsk blöð sögðu meðal ann-
ars að um alþjóðlegt stríð milli
lýðræðis og óvina þess væri að
ræða. Sögðu þau þjóðernissinna,
íslamska öfgamenn og gyðinga-
hatara vera þessa óvini.
Spænska blaðið ABC sagði að
Madrid hefði nú gengið í gegn-
um það sama og New York,
Bagdad, Karbala og Jerúsalem
og fengið sinn skerf af hryðju-
verkum. „Frá og með þessum
degi verður ekkert sem fyrr,“
sagði í ritstjórnargrein í ABC.
kristjan@frettabladid.is
Duglegur og
skarpur
Maðurinn sem við spyrjum umað þessu sinni er „mjög skarp-
ur og greinir fljótt aðalatriði frá
aukaatriðum,“ að sögn Björgólfs Jó-
h a n n s s o n a r
framkvæmda-
stjóra Síldar-
vinnslunnar hf í
Fjarðabyggð.
„Hann vakir
þegar aðrir sofa
og fær sínar
bestu hugmyndir þá.“ Björgólfur
segir hann traustan vin vina sinna
en þeir þekkjast afar vel. Skapferli
mannsins er Björgólfi þó hugleikið:
„Hann getur verið afar grimmur,
sumir segja hann stundum of
grimman.“
Jóhannes Geir Sigurgeirsson,
stjórnarformaður Landsvirkjunar,
þekkir vel til viðkomandi. „Hann er
gífurlega duglegur og hefur mikla
þekkingu á sínu sviði og er nánast
tölvuheili þegar kemur að ýmsu
sem snertir starfsemi hans.“ Jó-
hannes Geir segir hann líka fylginn
sér og röggsaman og stundum jafn-
vel um of: „Það má kannski segja að
einstöku sinnum sjáist hann ekki
fyrir.“ Síðast en ekki síst nefnir
hann svo að okkar maður búi yfir
þeim góða kosti að vera mikill vinur
vina sinna. „Hann er afar traustur
fyrir sitt fólk, bæði samstarfsfólk,
vini og fjölskyldu.“
„Hann er ábyggilegur og stefnu-
viss maður,“ segir Áskell Gíslason
kaupmaður sem þekkir nokkuð til
viðkomandi, „og afskaplega kröfu-
harður.“ Spurður hvort okkar mað-
ur sé skemmtilegur svarar hann:
„Já, já, hann getur verið skemmti-
legur en konan hans er þó mun
skemmtilegri.“
Við hvern ætli þessar lýsingar
eigi? Svarið er að finna á blaðsíðu
28. ■
■
Hryðjuverka-
menn reyna og
reyna. Þeim
tekst í fimmtug-
asta hvert
skipti.
Um 190 manns létust í hryðjuverkunum á Spáni á
fimmtudag. Fjögur svipuð hryðjuverk hafa verið
framin í heiminum síðustu ár
Fimm stór
hryðjuverk
á sex árum