Fréttablaðið - 14.03.2004, Blaðsíða 46

Brosið 46 14. mars 2004 SUNNUDAGUR
Frídagararnir hjá mér eru núafskaplega fáir,“ segir Guð-
jón Ólafur Jónsson framsóknar-
maður með meiru. „Ef ég fengi
eins og einn frídag myndi ég
reyna að vera með fjölskyldu
minni og þá helst með sonum
mínum tveimur. Annar er að
vísu búsettur í Svíþjóð svo það
er öllu erfiðara. Hann kemur
heim um páskana og ætli ég
reyni ekki að finna mér frídaga
til að vera með strákunum.“
Það er nóg að gera hjá Guð-
jóni á öllum vígstöðvum. Auk
hinnar hefðbundnu vinnu er
hann stjórnarformaður hjá
Strætó bs., stjórnarformaður
Vinnueftirlitsins og formaður
úrskurðanefndar um viðskipti
við fjármálafyritæki. „Svo hef
ég verið á kafi í Framsóknar-
flokknum í á annan áratug, lét
plata mig í stjórn knattspyrnu-
deildar Vals og er í stjórn hjá
ýmsum smærri fyrirtækjum,“
segir Guðjón Ólafur.
Guðjón Ólafur gerir svolítið af
því að fara í kvikmyndahús með
yngri drengi sínum og finnst það
ágætis samverustund. „Svo reyni
ég að fara í gönguferðir með fjöl-
skyldunni, þá aðallega um nýja
hverfið í Grafarholtinu. Það er
gaman að fylgjast með uppbygg-
ingunni þar.“
Þegar færi gefst á reynir Guð-
jón að vera mjúki maðurinn og
fara með fjölskyldunni í lengri
ferðalög til að heimsækja ætt-
menni sín og konu sinnar á Egils-
stöðum og Dalvík.
„En það vill nú verða lítill tími
til að sinna sjálfum sér og fjöl-
skyldunni. Það er hins vegar
ágætis afslöppun að gleyma sér
yfir góðum fótboltaleik,“ segir
Guðjón Ólafur. ■
Frídagurinn
GUÐJÓN ÓLAFUR JÓNSSON
■ Er með mörg járn í eldinum en
reynir að komast í bíó og gleyma
sér yfir fótboltaleik.
Þessi kona brosir við Íslandi í dag.
Hver er hún?
Fréttiraf fólki
Á kafi í vinnu
Hæstaréttarlögmaðurinn Harald-ur Blöndal greindist með
lungnakrabbamein í desember og
tók þeim ótíðindum af æðruleysi.
Hann ræðir sjúkdóminn í DV í gær
og segir meðal annars að þetta sé
„ekkert stórmál og ég er ekkert
hræddur við að deyja. Það deyja
allir einhverntíma. Bara spurning
hvenær.“ Haraldur hefur sett svip
á borgarlífið árum saman og hefur
oft látið til sín taka með greinar-
skrifum í blöð og þar fer yfirleitt
ekki milli mála að hann bindur ekki
bagga sína sömu hnútum og sam-
ferðarmennirnir. Hann fullyrðir í
DV að hann geti ekki kennt reyk-
ingum um lungnakrabbann þar
sem hann hafi hætt að reykja fyrir
30 árum. Hann reykir þó enn alltaf
eins og strompur á reyklausa deg-
inum.
Áspjallþræðinum Malefnin.comhefur safnast saman einkenni-
lega samansettur hópur kverúlanta
sem þvælir fram og til baka, af
mislítilli þekk-
ingu, um hin ólík-
legustu þjóðfé-
lagsmál í skjóli
nafnleyndar.
Björn Bjarnason
og fleiri sóma-
kærir netverjar
hafa megnustu
skömm á sam-
kundunni og senda henni stundum
kaldar kveðjur. Guðmundur Jón
Sigurðsson sendir málverjunum
kaldar kveðjur í lesendahorni DV á
laugardaginn þar sem hann varar
við vefnum þar sem hver „rógber-
inn af öðrum læðist þar um þræði
og varpar fýlubombum í garð nafn-
greindra fyrirtækja og einstak-
linga.“ Ekki stendur á viðbrögðum
málverja en helstu dugnaðarfork-
arnir þeim megin brugðust við
sneiðinni strax fyrir hádegi í gær.
„Þetta er að vísu lesendabréf. En
hvort blaðið hafi sjálft gert þetta
bréf veit maður ei,“ segir málverj-
inn vísir en umræðan rennur síðan
út í þras um birtingu klámmynda á
vefnum. Það er að vísu í takt við
daglega umræðu málverjanna sem
geta iðulega ekki haldið sig við eitt
tiltekið málefni lengi áður en um-
ræðan fer út í móa.
Fréttir þess efnis að Sjár einnværi að hafa útsendingarréttinn
á enska boltanum
af Sýn, með yfir-
boði, vöktu að
vonum athygli en
málið er þó síður
en svo til lykta
leitt. Sagan segir
að Sigurður G.
Guðjónsson, for-
stjóri Norður-
ljósa, hafi flogið til London á föstu-
dagsmorguninn ásamt fleirum í
þeim tilgangi að tryggja Sýn bolt-
ann og því er talið öruggt að hann
hafi verið með fjárveitingu frá eig-
endum fyrirtækisins upp á vasann
og muni freista þess að toppa 224
milljóna boð Skjásins í boltann.
■ Veistu svarið?
Svör við spurningum á bls. 6
1.
2.
3.
Erlendur Indriðason
Þórey Vilhjálmsdóttir
Katrín Jakobsdóttir
Náðhúsið 2004 er ný bók semkemur frá Vöku-Helgafelli í
viku bókarinnar í lok apríl. Rit-
stjóri hennar er Gústav S. Berg
sem segir í inngangi bókarinnar
að til séu þeir sem líti á salernið
sem einskæran vettvang fyrir los-
un og aðra þrifnaðariðju líkamans
sem skuli ljúka sem allra fyrst og
skunda svo til brýnni starfa.
Þessu sé hann ekki allskostar
sammála því salernið sé griðar-
staður þar sem stundin er þín.
„Sé rétt að málum staðið getur
vel heppnuð dvöl á salerninu ver-
ið manni þrotlaus uppspretta
fróðleiks og skemmtunar svo að
stundin flýgur hratt við leik og
störf á meðan líkaminn sinnir
sínu.“ Þannig kom til hugmyndin
að bókinni sem inniheldur alls
kyns upplýsingar sem lítil eða
engin not eru fyrir, nema til
skemmtunar.
Hugmyndin var að Gústav yrði
ekki einungis ritstjóri bókarinnar,
heldur myndi hann einnig skrifa
hana. „Hann var með allt niður
um sig,“ segir Sigurður Svavars-
son útgáfustjóri Eddu. „Því þurft-
um við nokkur að draga hann að
landi. En hann náði samt að skrifa
formálann.“ Höfundar bókarinnar
eru því í raun nokkrir útgáfustjór-
ar, ritstjórar og annað innanhús-
fólk hjá Eddu útgáfu. Þar var einn
ritstjóri, Bjarni Guðmarsson, sem
hafði alla þræði í hendi sér og var
í nánu samstarfi við Gústav.
Þar sem Edda hefur nokkrar
útgáfur á sínum vegum var
ákveðið að halda innanhúsútboð
til að ákveða hver skyldi hreppa
hnossið til útgáfu og var það Vaka
Helgafell sem varð hlutskörpust.
„Vaka-Helgafell náði að sigra með
dýrðlegri gulrótarköku sem út-
gáfustjórinn Dröfn Þórisdóttir
náði að útvega,“ upplýsir Sigurður.
svanborg@frettabladid.is
Fróðleikur sóttur á Náðhúsið
Náðhúsið
■ VAKA-HELGAFELL
gefur út bók stútfulla af gagnslausum
fróðleik í apríl. Bókin þykir heppilegust til
lesturs á salerninu.HVAÐ VARÐ UM
ÆSKUHETJURNAR?
Tinni (75) er löngu hættur öll-
um spæjarastörfum og sestur í
helgan stein í dvalarheimili
aldraðra leynilögreglumanna í
Perú. Hann mænir oft til tungls-
ins og syrgir að hafa aldrei
komist þangað nema einu
sinni. Grafar vinar síns Tobba
vitjar hann reglulega.
Jón Oddur og Jón Bjarni eru
þrítugir í ár. Töluverður kvíði er
fyrir afmælisdeginum hjá fjöl-
skyldunni enda muna allir
hvernig húsið var útlítandi eftir
tvítugsafmælið. Þó má ætla að
hátíðahöldin verði rólegri í ár
enda er Jón Bjarni ráðsettur
þriggja barna faðir í Grafarvogi
(þar af einir tvíburar) og Jón
Bjarni býr með sínum fimm
börnum (þar af tvennum tvíbur-
um) á Selfossi.
ALÞINGISMENNIRNIR
OKKAR
Flestir þingmenn hafa borið
nöfn sem byrja á bókstafnum S
(136).
Aðeins einn þingmaður hefur
borið nafn sem byrjar á bók-
stafnum N.
Enginn þingmaður hefur fram
til þessa borið nafn sem byrjar
á stöfunum Ú, Y, Ý eða Æ.
KYNLÍFINU SETTAR
SKORÐUR
Svínum er óheimilt að eðla sig
á yfirráðasvæði flugvalla
(Texas).
Hóteleigendum ber að láta alla
gesti hafa hreinan, hvítan nátt-
serk og gestum er óheimilt að
njóta ásta nema þeir klæðist
serknum (Nebraska).
VISSIR ÞÚ
UM HEIMINN?
Það er ekki hægt að sleikja á
sér olnbogann.
Hægra lungað tekur til sín
meira af lofti en það vinstra.
Það eru meira en helmingslíkur
á að þú hafir reynt að sleikja á
þér olnbogann.
DRÖFN ÞÓRISDÓTTIR, KRISTJÁN B. JÓNASSON, PÉTUR ÁSTVALDSSON, BJARNI GUÐMARSSON, SVALA ÞORMÓÐSDÓTTIR, GUÐMUNDUR ANDRI THORSSON, ODD-
NÝ JÓNSDÓTTIR, ÓLÖF ELDJÁRN, SIGURÐUR SVAVARSSON OG SIGÞRÚÐUR GUNNARSDÓTTIR.
Hluti þess hóps sem dró Gústav S. Berg að landi þegar kom í ljós að hann var með allt niður um sig.
GUÐJÓN ÓLAFUR JÓNSSON
Framsóknarmaðurinn fær fáa frídaga
sökum anna í vinnu.
(Þórey Vilhjálmsdóttir)
FR
ÉT
TA
B
LA
Ð
IÐ
/G
VA