Fréttablaðið - 15.03.2004, Blaðsíða 2

2 15. mars 2004 MÁNUDAGUR
„Alveg fullt af fánýtum fróðleik.“
Sigurður Svavarsson er útgáfustjóri Eddu útgáfu
en félagið gaf nýverið út bók sem er sögð einkar
heppileg til aflestrar á náðhúsinu.
Spurningdagsins
Sigurður, hvað þarf maður að eiga í
bókahillunni á salerninu?
FRANKFURT, AP Lögreglan á Spáni
grandskoðaði í gær myndband,
þar sem því er lýst yfir að al-
Kaída beri ábyrgð á hryðjuverk-
unum í Madríd á fimmtudaginn,
þar sem 200 manns fórust og 1500
manns særðust.
Lögreglan treysti sér ekki til
að fullyrða hvort myndbandið
væri raunverulega frá al-Kaída,
eða hvort það væri falsað.
„Við lýsum yfir ábyrgð okkar á
því sem gerðist í Madrid nákvæm-
lega tveimur og hálfu ári eftir
árásirnar á New York og Was-
hington,“ sagði maður á mynd-
bandinu sem sagðist vera talsmað-
ur al-Kaída í Evrópu. Hann sagðist
heita Abu Dujan al-Afgani.
„Þetta er svar við samstarfi
ykkar með glæpamönnunum
Bush og bandamönnum hans,“
sagði hann ennfremur. „Þetta er
svar við þeim glæpum sem þið
hafið valdið í heiminum, einkum í
Írak og Afganistan, og það verður
meira, ef Guð lofar.“
Víða í Evrópu heyrðust raddir
um að efla þurfi öryggismál í kjöl-
far sprengjuárásanna í Madrid,
ekki síst ef satt reynist að her- ská-
ir múslimar beri ábyrgð á þeim.
„Við þurfum að fá skýrar og ít-
arlegar upplýsingar um bakgrunn
þessara árása,“ sagði Otto Schily,
innanríkisráðherra Þýskalands.
„Ennfremur þurfum við að sam-
hæfa það hvernig við berjumst
gegn þessu.“
Hann krafðist þess að Bertie
Ahern, forsætisráðherra Írlands,
sem nú fer með formennsku í
framkvæmdastjórn Evrópusam-
bandsins, kalli saman fund innan-
ríkisráðherra allra Evrópusam-
bandsríkjanna „eins fljótt og
mögulegt er - strax í næstu viku
ef hægt er.“
Schily sagðist sannfærður um
að taka yrði þessa þróun mjög al-
varlega og að hún leiddi til þess að
gera yrði nýtt mat á öryggismál-
um fyrir alla Evrópu.
Spánverjum sjálfum óar einnig
við tilhugsuninni um að nýr óvin-
ur sé kominn til sögunnar, að her-
skáir múslimar séu farnir að
beina spjótum sínum að Spáni í
viðbót við aðskilnaðarhreyfingu
Baska, ETA, sem borið hefur
ábyrgð á fjölmörgum hryðjuverk-
um á Spáni undanfarna áratugi.
„Þetta er hræðilegra. Þetta er
blóðugra, ofsafengið og órökrétt,“
sagði Maribel Iglesias, 35 ára
skrifstofustjóri, sem var á leið til
að kjósa í þingkosningunum á
Spáni í gær. ■
MADRID, RABAT, AP Á miðvikudags-
kvöldið, kvöldið fyrir verstu
hryðjuverk sem framin hafa verið
á Spáni, skemmti sér einn
Marokkómannanna þriggja, sem
handteknir voru á laugardaginn,
við uppáhaldsiðju margra Spán-
verja: Hann var að horfa á fót-
bolta ásamt vinum sínum.
Nú situr Mohamed Bekkali í
fangelsi grunaður um að hafa út-
vegað sprengjumönnunum í
Madríd gsm-síma, sem notaðir
voru til þess að koma af stað
sprengingunum á fimmtudaginn,
sem urðu 200 manns að bana og
særðu 1500 manns að auki.
Vinir Marokkómannanna
þriggja, sem bjuggu í sama hverfi
og þeir, segja þá hins vegar al-
saklausa.
„Það á ekki að setja fólk í fang-
elsi fyrir að selja gsm-síma. Þeir
eru duglegir verkamenn,“ sagði
Karim, einn nágrannanna. „Það er
ekki nokkur leið fyrir þá að hjálpa
stjórnvöldum.“
Tveir hinna handteknu,
Bekkali og Jamal Zougam, störf-
uðu í litlu símafyrirtæki, sem nú
hefur verið lokað. Ekki voru
haldnar skrár yfir kaupendur
síma í þessari verslun.
Nágrannar þeirra, sem margir
eru af arabískum uppruna, segj-
ast nú óttast um sinn hag á Spáni.
Stjórnvöld draga hins vegar
upp mun dekkri mynd af hinum
handteknu. Dómarinn Baltazar
Garzon segir einn þeirra,
Zougam, vera grunaðan um tengsl
við herskáa múslima.
Zougam hafði verið undir eftir-
liti í Marokkó af þessum sökum,
en þó ekki verið ákærður. Hinir
tveir eru ekki á sakaskrá. ■
NÆSTI STJÓRNARFORMAÐUR
BURÐARÁSS
Reiknað er með að Björgólfur Thor Björg-
ólfsson verði formaður stjórnar Burðaráss
næsta föstudag. Nafni Eimskipafélagsins
verður breytt í Burðarás.
Eimskipafélag Íslands:
Björgólfur
í stólinn
ATHAFNALÍF Ráðandi hluthafar í
Eimskipi hafa lagt fram tillögu
um skipan stjórnar félagsins fyrir
aðalfund á föstudaginn. Lagt er til
að Björgólfur Thor Björgólfsson
einn eigenda Samsonar taki sæti í
stjórninni og er fastlega gert ráð
fyrir að hann verði stjórnarfor-
maður félagsins, sem þá mun
heita Burðarás hf.
Eini maðurinn sem gefur kost á
sér til áframhaldandi setu er Þór
Kristjánsson en stærstu hluthafar
hafa einnig leitað til Eggerts
Magnússonar, formanns KSÍ, Sig-
urjóns Þ. Árnasonar, bankastjóra
Landsbankans, og Þórunnar Guð-
mundsdóttur, hæstaréttarlög-
manns. Þá hefur Jóhann Páll Sím-
onarson einnig gefið kost á sér til
stjórnarsetu en útilokað má telja
að hann nái kjöri gegn þeim fimm
sem ráðandi hluthafar leggja til
að taki sæti í stjórninni.
Enn hefur ekki verið tekin end-
anleg ákvörðun um hvenær flutn-
ingastarfsemin verði skilin frá
Burðarási en telja má að manna-
valið í stjórn Burðaráss bendi til
þess að vilji sé til að auka útrásar-
starfsemi félagsins. ■
FISKVEIÐAR „Það er mjög lítið um að
vera eins og er og lítill afli,“ sagði
Svanur Gunnsteinsson, stýrimað-
ur á Faxa RE, á loðnumiðunum í
gær en þá var fjöldi báta milli
Þorlákshafnar og Vestmannaeyja.
„Það er lokabragur á þessu,“ sagði
Svanur en ekki er talið líklegt að
hægt verði að veiða upp í kvótann
áður en vertíðinni lýkur.
Á laugardag fengu mörg loðnu-
skip ágætan afla en lítið var um
landanir dagana þar á undan
vegna brælu. Rúmlega 200 þús-
und tonn eru enn óveidd af út-
gefnum kvóta.
„Það hefur ekkert gengið,“ seg-
ir Oddgeir Jóhannsson, skipstjóri
á Hákoni EA. „Þetta lítur ekki vel
út og það kæmi mér ekki á óvart
að þetta færi að verða búið. En við
erum ekki alveg búnir að gefast
upp. Það er hins vegar alveg von-
laust að ná kvótanum, þessi fimm
daga bræla fór alveg með það.“
Ægir Páll Friðbertsson, hjá Ís-
félagi Vestmannaeyja, segir fé-
lagið eiga eftir um 25 þúsund tonn
af sínum kvóta. „Það þýðir
náttúrulega verulegt tekjutap ef
þetta næst ekki. Við byrjuðum
ekki að veiða fyrr en í febrúar
vegna óvissu um kvótaúthlutun.
Síðan setti þessi bræla í síðustu
viku verulegt strik í reikninginn,
en við ráðum ekki við náttúruöfl-
in. Það sem skiptir mestu máli
núna er hversu lengi veiðin stend-
ur.“ ■
Lokabragur á loðnuvertíð:
Lítið um að vera á miðunum
NÁ EKKI AÐ VEIÐA UPP Í KVÓTANN
Svanur Gunnsteinsson á Faxa RE segir ólíklegt að loðnukvótinn klárist. Veiðarnar töfðust
mjög vegna óvenjulega slæms veðurs í marga daga.
FR
ÉT
TA
B
LA
Ð
IÐ
/J
Ó
H
AN
N
I
N
G
I Á
R
N
AS
O
N
Rannsókn lögreglu
beinist að al-Kaída
Al -Kaída lýsir yfir ábyrgð á sprengjuárásunum í Madríd. Lögreglan á Spáni treystir sér ekki til
að fullyrða að myndbandið sé ófalsað. Þjóðverjar vilja kalla saman neyðarfund í Evrópusam-
bandinu.
KOSIÐ Í SKUGGA HRYÐJUVERKA
„Ekki stríð“ stendur aftan á skyrtubol þessarar ungu konu, sem var að reyna að finna nafnið sitt á lista á kjörstað í Madrid í gær.
AP
/D
EN
IS
D
O
YL
E
ÞARNA UNNU ÞEIR
Þessi drengur gengur framhjá símaverslun-
inni í Madríd þar sem tveir hinna hand-
teknu Marokkómanna störfuðu. Nágrannar
þeirra segja þá saklausa.
Marokkómennirnir þrír sem grunaðir eru um hryðjuverkin í Madríd:
Saklausir að sögn nágranna