Fréttablaðið - 15.03.2004, Blaðsíða 7
6 15. mars 2004 MÁNUDAGURVeistusvarið?
1Hver er yfirmaður íþróttadeildarRÚV?
2Hver er formaður UNICEF á Ís-landi?
3Hver er markvörður kvennalandsliðsÍslands í Knattspyrnu?
Svörin eru á bls. 22
Tetra Ísland:
Bíður eftir svari frá ráðuneyti
TETRA ÍSLAND Þorleifur Finnsson,
stjórnarformaður Tetra Íslands,
segir að einungis eigi eftir að fá
svar frá dómsmálaráðuneytinu um
áframhaldandi samstarf um rekst-
ur tetra-kerfis áður en hægt verði
að ganga frá fjárhagslegri endur-
skipulagningu félagsins.
Yfirlýsing frá dómsmálaráðu-
neytinu um áframhaldandi kaup
á þjónustu félagsins er forsenda
þeirra samninga sem gerðir hafa
verið við lánadrottna og greint
var frá í Fréttablaðinu í gær.
Þeir samningar fela í sér veru-
lega skuldaniðurfellingu og um-
breytingu skulda í hlutabréf hjá
tveimur stærstu hluthöfunum
ásamt því að allt núverandi
hlutafé verði afskrifað.
Þorleifur segir að allir kröfu-
hafar hafi gefið jákvæð svör um
samninga um kröfur en gert er ráð
fyrir að flestir þeirra felli niður
60% af kröfum sínum gagnvart
Tetra Íslandi.
Þorleifur segir að stjórnendur
félagsins séu vongóðir um að ekki
komi til þess að leita þurfi nauða-
samninga eins og stjórnin hefur þó
heimilað. ■
Alþjóðavæðingin á
sínar skuggahliðar
Félagsmálaráðherra segir ekki útilokað að setja þurfi lagaramma til að þrengja að íslensku við-
skiptalífi. Ríkisstjórninni beri skylda til að sjá til þess að þróunin sé sem best fyrir land og þjóð.
Alþjóðavæðingin hefur of fáa kosti, segir í nýrri skýrslu Alþjóðavinnumálastofnunarinnar.
STJÓRNMÁL „Efasemdir fara vax-
andi um það í hvaða átt alþjóða-
væðingin stefni,“ sagði Árni
Magnússon félagsmálaráðherra
og vísar þar til nýrrar skýrslu Al-
þjóðavinnumálastofnunarinnar í
Genf um alþjóðavæðingu.
Að sögn Árna kemur fram í
skýrslunni að kostir alþjóðavæð-
ingar séu of fjarlægir fyrir of
marga og samtímis feli hún í sér
raunverulegar hættur. Auk þess
sé í skýrslunni sett spurninga-
merki við framtíð frjálsra og
hindrunarlausra viðskipta.
„Við höfum
séð að viðskipta-
lífið hefur verið
að þróast með
ákveðnum hætti
hér á landi á
u n d a n f ö r n u m
misserum og
finnst mér full
ástæða til þess
að við höldum
vöku okkar,
bæði þeir sem
starfa að stjórn-
málum og þeir
sem eru í viðskiptum,“ sagði Árni.
„Þótt ég sé mikil fylgismaður
frjálsra viðskipta finnst mér ekki
sama hvernig farið er með það
frelsi. Það er ekki tilviljun að nú
þegar eru starfandi tvær nefndir
á vegum stjórnvalda, önnur á að
fjalla um eignarhald á fjölmiðlum
og hin er að fara yfir eignatengsl í
atvinnulífinu með tilliti til hluta-
félagalaga en þar verður einnig
horft til hringamyndunar í við-
skiptalífinu,“ segir hann.
Aðspurður um hvort stefnt sé
að lagasetningu sem þrengja
muni að íslensku viðskiptalífi
sagði hann það ekki útilokað.
„Þessi ríkisstjórn hefur auðvit-
að stuðlað að þessu aukna frelsi í
viðskiptum en það er ekki sama
hvernig farið er með það frelsi. Ef
okkur finnst þróunin í viðskipta-
lífinu ekki í þá átt sem best er fyr-
ir land og þjóð er það ekki síður
skylda okkar að koma því á rétta
braut en að hafa opnað fyrir þetta
á sínum tíma.“ segir hann.
Í ræðu sinni á Iðnþingi á föstu-
daginn gagnrýndi hann starfsemi
íslensku viðskiptabankanna og
sagði það umhugsunarefni að
þjónustustofnanir á sviði fjár-
mála séu nú orðnir virkir gerend-
ur á fyrirtækjamarkaði.
Einnig benti hann á að verslun-
ar- og þjónustufyrirtæki hefðu á
sama tíma stækkað gífurlega.
„Völd þeirra gagnvart smærri
fyrirtækjum, ekki síst smærri
framleiðslufyrirtækjum, eru mik-
il. Þræðirnir liggja svo víða að
helst minnir á vef risavaxinnar
kóngulóar. Þessi stórfyrirtæki
geta í mörgum tilvikum ráðið því
hverjir fái lifað og hverjir skuli
deyja,“ sagði Árni.
sda@frettabladid.is
Auðlindaráðherra:
Rannsókn á
úthlutunum
MOSKVA, AP Nýskipaður auðlinda-
ráðherra Rússlands, Yuri Trutnev,
hyggst láta rannsaka úthlutun
leyfa til olíuborunar sem forveri
hans í starfi veitti síðustu dagana
áður en hann lét af störfum.
Vitaly Artyukhov, sem lét af
starfi í síðustu viku, hafði lengi sætt
ásökunum um spillingu í starfi.
Þeim ásökunum lauk ekki þó hann
léti af störfum því fljótlega bárust
fréttir af því að síðasta mánuðinn
áður en hann lét af störfum hefði
hann úthlutað 54 olíuborunarleyf-
um, þar af 45 síðustu þrjá dagana.
Mörg þeirra fóru til félaga sem
tengdust syni ráðherrans. ■
FJARSKIPTAMIÐSTÖÐ Í SKÓGARHLÍÐ
Lögregla og slökkvilið á höfuðborgarsvæð-
inu og víðar hafa tekið upp tetra staðalinn
í fjarskiptum. Tetra Ísland sér um rekstur
kerfisins.
FR
ÉT
TA
B
LA
Ð
IÐ
/H
AR
I
Íbúaþing í Súðavík:
Enginn
vilji til sam-
einingar
SVEITARSTJÓRNARMÁL Um 60 manns
tóku þátt í fyrsta íbúaþinginu í
Súðavík í gær, undir yfirskrift-
inni „Til móts við nýja tíma“.
Ómar Már Jónsson sveitarstjóri
segist ánægður með þátttökuna
og þann áhuga sem íbúar sýna
málefnum sveitarfélagsins. „Við
fórum yfir það sem hefur áunn-
ist á kjörtímabilinu og það sem
framundan er, en við teljum mik-
ilvægt að veita íbúum innsýn í
það.“ Ómar segir að meðal ann-
ars hafi komið sterklega fram að
á þessari stundu sé enginn vilji
til að sameinast öðrum sveitarfé-
lögum. „Við teljum að við höfum
ekkert að vinna og að eitthvað
þyrfti þá að koma í staðinn. Ef
hér kæmu til dæmis göng á milli
Ísafjarðar og Súðavíkur væri
komin forsenda fyrir samein-
ingu, en fyrr ekki.“ ■
ÁRNI MAGNÚSSON
„Þótt ég sé mikill fylgismaður frjálsra viðskipta finnst mér ekki sama hvernig farið er með
það frelsi. Það er ekki tilviljun að nú þegar eru starfandi tvær nefndir á vegum stjórnvalda,
önnur á að fjalla um eignarhald á fjölmiðlum og hin er að fara yfir eignatengslí atvinnulífinu
með tillit til hlutafélagalaga en þar verður einnig horft til hringamyndunar í viðskiptalífinu.“
„Þótt ég sé
mikil fylgis-
maður frjál-
sra viðskipta
finnst mér
ekki sama
hvernig farið
er með það
frelsi.“
LÆKNING VIÐ SKALLA Vísinda-
menn í Bandaríkjunum segjast
geta látið hár vaxa á ný á sköll-
óttum músum með því að
græða í þær ákveðnar stofn-
frumur. Þeir segja sömu aðferð
væntanlega geta gert sköllótta
menn hárprúða þegar fram líða
stundir.
SÖFNUÐIR HUNSA BISKUP Sex
íhaldssamir söfnuðir í banda-
rísku biskupakirkjunni fengu
utanaðkomandi biskupa til þess
að stjórna fermingarathöfn í
Ohio í gær. Söfnuðirnir vilja
með þessu mótmæla afstöðu yf-
irstjórnar biskupakirkjunnar til
samkynhneigðra í framhaldi af
því að samkynhneigður prestur
var kosinn biskup á síðasta ári.
■ Bandaríkin