Fréttablaðið - 16.03.2004, Blaðsíða 13
ÞRIÐJUDAGUR 16. mars 2004
SPURNING: Er eðlilegt að eign-
færa viðskiptavild félagsins
miðað við rekstrarafkomuna?
Bókfært verð viðskiptavildar
nemur 162 milljónum í árslok
2002.
SVAR: Viðskiptavildin er til
komin vegna samnings við
stjórnvöld um Tetra-þjónustu,
samningurinn er til 10 ára og
er viðskiptavildin afskrifuð á
þeim tíma. Enginn ágreiningur
er um þetta milli stjórnar Tetra
Íslands og endurskoðenda fé-
lagsins. Tetra-kerfið hefur
margsannað gildi sitt sem ör-
yggiskerfi og við björgunar- og
sjúkrastörf. Engin ástæða er til
annars en ætla að félagið muni
rétta við nú þegar friður hefur
komist á um starfsemina og
stjórnendur félagsins geta ein-
beitt sér að uppbyggingu þess
markaðslega.
SPURNING: Veltufé til rekstrar
nam á síðastliðnu ári 175,3
milljónum króna. Það er því
ekkert afgangs frá rekstri til
að greiða niður langtímalán,
standa undir fjárfestingum eða
til að laga greiðslustöðuna.
Heildarvelta félagsins var að-
eins 93,8 milljónir króna á síð-
asta ári. Árlegar tekjur félags-
ins ná varla áætluðum afborg-
unum langtímalána. Er einhver
von til þess að reksturinn skili
eigendum arði?
SVAR: Eigendur hafa vænting-
ar um að reksturinn skili arði
til langs tíma enda náist sam-
staða við ríkisvaldið um að
áfram verði haldið uppbygg-
ingu kerfisins sem neyðarfjar-
skiptakerfi þjóðarinnar, eins
og áformað er.
SPURNING: Er gert ráð fyrir
bata í rekstrinum? Hverjar eru
helstu niðurstöður rekstrará-
ætlunar fyrir árið 2003? Áform
félagsins um sölu á öðru af
tetrakerfum félagsins hafa
brugðist. Er líklegt að slík
áform muni ganga eftir?
SVAR: Mikill bati hefur þegar orð-
ið í rekstri, sem ekki sér stað í
uppgjöri 2002, enda var rekstur-
inn að mestu tvöfaldur allt árið.
Ekki liggja fyrir endurskoðaðir
samningar við stjórnvöld, þannig
að óljóst er hversu mikið upp-
byggingu verður haldið áfram í
ár, en stefnt er að því að ná sem
næst jafnvægi í afkomu fyrir af-
skriftir og fjármagnsliði, sem var
neikvæð um 125 milljónir árið
2002. Áform um sölu annars
tetrakerfis hafa verið lögð til
hliðar, þar sem tekist hefur að
samtengja og samnýta kerfin,
sem er mun hagstæðara en að
selja annað þeirra með miklu
sölutapi eins og ráð var fyrir gert.
SPURNING: Telja forsvarsmenn
félagsins að bókfært verð eigin-
fjár félagsins endurspegli raun-
verulegt verðmæti þess?
SVAR: Eins og fram kemur í grein-
argerð endurskoðenda er gerður
sá fyrirvari á framsetningu efna-
hagsreiknings að rekstur félags-
ins þurfi að ná því að skila fram-
legð sem stendur undir fjárfest-
ingum félagsins. Erfitt er að segja
til um raunverulegt verðmæti fé-
lagsins út frá eiginfé þess. Eina
vísbendingin um hvert verðmæti
félagsins er frá utanaðkomandi
aðila er innkoma Motorola Ltd
sem keypti tæp 20% af félaginu
fyrir 114 milljónir í sumar auk
þess að koma með mjög hagstæða
samninga til frekari uppbygging-
ar á kerfinu.
Svör við fyrirspurnum um ársreikninga
Orkuveitunnar á stjórnarfundi 16. maí 2003
Tetra-kerfi er samskiptastaðall í
fjarskiptum sem notaður er af
lögreglu, björgunarsveitum og
fleiri aðilum á höfuðborgar-
svæðinu og víðar. Tetra-staðall-
inn er áþekkur GSM-kerfinu
nema hvað meiri möguleikar eru
á ýmis konar aukakostum sem
geta komið í staðinn fyrir far-
síma og talstöðvakerfi.
Tetra-kerfi eru auk þess lang-
drægari en GSM-kerfi og mun
minni hætta er á að samskipti
truflist við mikið álag.
Ríkislögreglustjóri varð fyrsti
aðilinn til að taka kerfið í notkun
og var samningur þess efnis und-
irritaður vorið 2000. ■
GUÐLAUGUR ÞÓR
ÞÓRÐARSON
Fulltrúi Sjálfstæðis-
flokks í stjórn Orku-
veitu Reykjavíkur.
ALFREÐ
ÞORSTEINSSON
Stjórnarformaður
Orkuveitu
Reykjavíkur.
Hvað er Tetra?
kjölfarið keypti Orkuveita Reykja-
víkur hlut Landssímans í Stiklu og
tetra-kerfi Tetralínu.Nets. Stikla
rann svo inn í hið nýja fyrirtæki
Tetra Ísland.
Úr bjartsýni í nauðasamninga
Rekstur Tetra Íslands og kaupin
á Irju hafa frá upphafi verið mikið
pólitískt bitbein í borgarstjórn
Reykjavíkur og hafa fulltrúar
minnihlutans ítrekað lagt fram fyr-
irspurnir um reksturinn. Á stjórn-
arfundi í Orkuveitunni 16. maí
lögðu þeir fram fyrirspurnir um
rekstur Tetra Íslands. Í svari við
fyrirspurnum Guðlaugs Þórs Þórð-
arsonar, fulltrúa Sjálfstæðisflokks,
um verðmæti Tetra Íslands sagði
meðal annars: „Engin ástæða er til
annars en að ætla að félagið muni
rétta við nú þegar friður hefur kom-
ist á um starfsemina og stjórnendur
félagsins geta einbeitt sér að upp-
byggingu þess markaðslega“.
Aðeins tæpum níu mánuðum eft-
ir að forsvarmenn Orkuveitunnar
veittu þessi bjartsýnislegu svör um
framtíð Tetra Íslands samþykkti
stjórn félagsins að veita heimild til
þess að leitað yrði nauðasamninga. Í
tilkynningu sem stjórn félagsins
sendi fjölmiðlum þann 11. febrúar
2004 sagði meðal annars: „Stjórnin
telur að ekki sé grundvöllur fyrir
áframhaldandi óbreyttum rekstri,
en í ljósi þess hversu mikilvægt ör-
yggistæki tetrakerfið er, verður að
leita allra leiða til að halda neyðar-
fjarskiptum gangandi“.
Ræðst á næstu dögum
Forsvarsmenn Tetra Íslands
segja að búið sé að semja við alla
stærstu kröfuhafa og nú sé aðeins
beðið eftir svörum frá dómsmála-
ráðuneytinu um áframhaldandi og
aukin kaup á þjónustu félagsins. Á
meðan er ljóst að fjöldi kröfuhafa
verður fyrir miklu tapi vegna við-
skipta við félag í eigu tveggja af
stærstu fyrirtækjum landsins,
beggja í eigu opinberra aðila, og
mörg hundruð milljónir af almanna-
fé hafa gufað upp í rekstrur á fyrir-
tæki sem nú berst í bökkum. ■
STJÓRNMÁL „Menn þurfa að huga að
leikreglum á markaði,“ svaraði
Davíð Oddsson forsætisráðherra
fyrirspurn Ögmundar Jónassonar,
þingmanni Vinstri grænna, varð-
andi yfirlýstar áhyggjur ríkis-
stjórnarinnar undanfarið um þróun
á íslensku atvinnulífi og fjármála-
markaði.
Ögmundur vísaði þar til ræðu
Árna Magnússonar félagsmálaráð-
herra á iðnþingi í síðustu viku, þar
sem Árni sagði að ástæða væri til að
halda vöku sinni gagnvart þróun-
inni á íslensku efnahagslífi.
„Markaðurinn er að eflast,
stækka og styrkjast og það er vel,
en jafnframt þurfa menn að huga
mjög vel að leikreglum á þessum
stærri markaði en við höfum áður
búið við,“ sagði forsætisráðherra í
svari sínu.
Í ræðu sínu á iðnþingi gagnrýndi
félagsmálaráðherra jafnframt
starfsemi íslensku viðskiptabank-
anna sem hann sagði nú vera virka
sem gerendur á fyrirtækjamarkaði.
Í svari sínu tók forsætisráðherra
undir þá gagnrýni og sagði að bank-
arnir eigi ekki til lengri tíma að
vera með hagsmuni í stjórnun
stærri fyrirtækja.
Ögmundur spurði einnig hvort
ætlunin væri að hætta við sölu
Landssímans í ljósi þess að hann sé
líklegur að lenda inni í einokunar-
soginu. Forsætisráðherra svaraði
þessu sem svo að í stjórnarsáttmála
ríkisstjórnarinnar sé gert ráð fyrir
því að Landssíminn verði seldur og
þeim ákvæðum hafi ekki verið
breytt. ■
DAVÍÐ ODDSSON
Davíð sagði að bankarnir ættu ekki til
lengri tíma að vera með hagsmuni í
stjórnun stærri fyrirtækja.
Davíð Oddsson forsætisráðherra:
Huga þarf að leikreglum á markaði