Fréttablaðið - 16.03.2004, Blaðsíða 16

Unicef, Barnahjálp Samein-uðu þjóðanna, skrifaði í gær
undir samstarfssamning við
fjóra stofnstyrktaraðila,
Pharmaco, Samskip, Baug og
Allianz sem hver um sig styrkti
Barnahjálpina um fjórar millj-
ónir króna.
„Þessi samningur er mjög
mikilvægur fyrir okkur,“ segir
Stefán Ingi Stefánsson, fram-
kvæmdarstjóri UNICEF á Ís-
landi. „Þetta er stofnfé skrif-
stofunnar og verður notað til að
kynna hvað Barnahjálp stendur
fyrir og til að bjóða fólki að ger-
ast styrkaraðilar að starfi þess.“
Við undirritun samningsins
sagði Hreinn Loftsson, stjórnar-
formaður Baugs, að þetta væri
vonandi byrjun þess að við-
skiptalífið taki aukin þátt í þró-
unaraðstoð og tóku fulltrúar
annara stofnstyrktaraðila undir
þá skoðun Hreins.
Verkefni Barnahjálpar á
næstu árum verða margvísleg
og verður fylgt fimm forgangs-
atriðum sem UNICEF hefur sett
sér til næstu fimm ára. Þau eru
menntun stúlkna, stuðningur við
ung börn og fjölskyldur þeirra,
bólusetning og grunnheilsu-
gæsla, baráttan gegn HIV/eyðni
og barnavernd gegn ofbeldi.
Fyrsta verkefni Barnahjálp-
ar verður samstarf við skóla til
að kynna samninginn um rétt-
indi barna sem er útbreiddasti
réttindasamningur Sameinuðu
þjóðanna og að þróa námsefni
fyrir eldri bekki grunnskóla í
samráði við Námsgagnastofnun.
„Svo ætlum við að kynna fyrir
fólki hvað UNICEF gerir í heim-
inum og hvaða þýðingu verk
stofnunarinnar hafa fyrir börn í
heiminum. Næstu tvö ár fara í
að byggja upp þessa þekkingu
meðal fólksins í landinu.“ ■
16 16. mars 2004 ÞRIÐJUDAGUR
Heimsókn bandaríska geimfar-ans, Norman Thagard, um
borð í rússnesku geimstöðina Mír
þann 16. mars 1995 bar þíðunni í
samskiptum Bandaríkjanna og
Sovétríkjanna skýrt vitni en Thag-
ard var fyrsti bandaríski geimfar-
inn sem steig um borð í Mír.
Thagard var skotið á loft, ásamt
tveimur rússneskum kollegum sín-
um, frá Bajkonúr-geimferðamið-
stöðinni í Kasakstan en þeirra biðu
þrír rússneskir geimfarar um borð
í Mír. Einn þeirra, Valeríj Poljakov,
fór aftur til jarðar með geimfarinu
en hann hafði þá dvalið úti í geimn-
um í 438 daga, lengst allra manna.
Thagard átti að dvelja um borð
í sovésku geimstöðinni í 90 daga en
geimskotið frá Kasakstan var liður
í geimferðasamstarfi Bandaríkja-
manna og Rússa sem náði hámarki
nokkrum mánuðum seinna þegar
bandaríska geimferjan Atlantis
lagðist upp að Mír. Sú ferð Atlantis
markaði einnig þau tímamót í
geimferðasögu Bandaríkjanna að
hún var hundraðasta mannaða
geimferð Bandaríkjamanna. ■
■ Afmæli
Unnur Dís Skaptadóttir mannfræðingur
er 45 ára.
Páll Óskar Hjálmtýsson tónlistarmaður
er 34 ára.
■ Leiðrétting
Guðrún Kvaran sem varð 83 ára í gær
er ekki prófessor í íslensku eins og blað-
ið sagði frá. Prófessorinn og afmælis-
barnið eru mæðgur og biðst Fréttablað-
ið velvirðingar á þessum mistökum.
■ Andlát
Hilmar H Gestsson vélstjóri, Granaskjóli
14, Reykjavík lést laugardaginn 13.
mars.
■ Jarðarfarir
13.30 Haukur Tryggvason, Sæbóli, Dal-
vík, verður jarðsunginn frá Dalvík-
urkirkju.
13.30 Kolbeinn Kristófersson læknir,
Garðatorgi 7, Garðabæ, verður
jarðsunginn frá Vídalínskirkju í
Garðabæ.
14.00 Kristinn Karlsson, Lerkigrund 3,
Akranesi, verður jarðsunginn frá
Akraneskirkju.
Fyrir viku síðan var haldin Ís-landsmeistarakeppni í nöglum
og förðun á Broadway. Þátttakan
var mjög góð og tókst Rósu Björk
Hauksdóttur nagla- og förðunar-
meistara að verja titil sinn frá í
fyrra sem Íslandsmeistari í nögl-
um jafnframt því sem hún varð Ís-
landsmeistari í ljósmyndaförðun.
Í framhaldi af Íslandsmeist-
aratitlinum er Rósa nú á leiðinni
til Düsseldorf í Þýskalandi til að
taka þátt í heimsmeistarakeppni í
ásetningu gervinagla sem verður
haldin á sunnudaginn kemur.
„Fyrstu tvö sætin frá hverju
landi fá þátttökurétt á þessu móti
sem er aðalheimsmeistarakeppn-
in í nöglum. Ég var fyrsti Íslend-
ingurinn sem tók þátt í þessari
keppni en þetta er fjórða árið í röð
sem ég fer út. Í fyrra var ég í ell-
efta sæti og ég hef alltaf verið að
bæta mig, þannig að ég stefni á
topp tíu núna.“ Rósa er ekki viss
um hversu margir taki þátt í kepp-
inni að þessu sinni en í hennar
flokki hafa keppendur frá 18 lönd-
um og fjórum heimsálfum skráð
sig til leiks.
Hún hefur að undanförnu verið
að æfa sig fyrir keppnina sem hún
lýsir sem mikilli nákvæmnis-
íþrótt. „Allar neglurnar þurfa að
vera jafn langar. Á tíu fingur set
ég french-línuna þar sem c-kúr-
van verður að vera sú sama og
hæðarpunkturinn sá sami. Það er
mikilvægt í þessu að geta horft
inn í nöglina frá réttu sjónarhorni.
Það er bara eitt rétt sjónarhorn
sem þarf að finna svo hægt sé að
sjá alla lögunina á nöglinni í einu.
Ég lærði þetta af einum dómaran-
um þarna í keppninni þegar hún
kom til landsins árið 2000 og við
það varð bylting í nöglunum hjá
mér.“
Með Rósu fer naglamódel til
Þýskalands og segir hún að góð
naglamódel sé erfitt að finna.
„Módelið verður að vera með
langt og mjótt naglastæði og svo
þarf líka að gæta hvort hún hafi
nokkuð klemmt á sér fingurna í
æsku eða eitthvað slíkt. Konan
sem kemur með mér út kom hing-
að í neglur í eitt skiptið og fékk
ekki að fara út aftur,“ segir Rósa
og hlær. ■
Heimsmeistaramót
■ Nýbakaður Íslandsmeistari í
nöglum á leið til Þýskalands á
heimsmeistaramót.
Tímamót
UNICEF
■ Skrifar undir samning við íslenska
stofnstyrktaraðila.
JERRY LEWIS
Þessi eldhressi leikari og grínisti er 78 ára í
dag.
16. mars
GEIMSTÖÐIN MÍR
Norman Thagard varð fyrsti bandaríski
geimfarinn til að stíga um borð í rúss-
nesku geimstöðina Mír en þar dvaldi hann
í 90 daga ásamt rússneskum
starfsbræðrum sínum.
Kani um borð í Mír
NORMAN THAGARD
■ steig fyrstur Bandaríkjamanna um
borð í rússnesku geimstöðina Mír.
16. mars
1995
Erfitt að finna góð naglamódel
Til hjálpar börnunum
VIÐ UNDIRRITUN Á SAMSTARFS-
SAMNINGI VIÐ STYRKTARAÐILA
Pharmaco, Samskip, Baugur og Allianz eru
stofnstyrktaraðilar Barnahjálpar á Íslandi.
Ástkæra eiginkona mín og móðir okkar
Magðalena Kristín Bragadóttir
Tunguseli 3
lést á líknardeild Landspítalans í Kópavogi
laugardaginn 13. mars
Fyrir hönd aðstandenda
Guðbjörn Karl Ólafsson
Bragi Hlífar Guðbjörnsson
Thelma Dögg Guðbjörnsdóttir
RÓSA BJÖRK
HAUKSDÓTTIR
Vinnur á snyrtistofu
sinni, Neglur og list,
þegar hún er ekki að
keppa í iðn sinni.