Fréttablaðið - 16.03.2004, Blaðsíða 25
FÓTBOLTI Hér á eftir gefur að líta
eftirminnileg ummæli þriggja
blaðamanna hjá tveimur af vin-
sælustu dagblöðum Bretlandseyja
um stöðu Manchester United á
þessum tímapunkti. Liðið er nú
tólf stigum á eftir Arsenal í titil-
baráttunni þegar tíu leikir eru eft-
ir og er dottið út úr meistaradeild
Evrópu.
Síðasta niðurlægingin
Blaðamaður Daily Mirror,
sparaði ekki stóru orðin eftir leik-
inn. „Eftir hverja lélega frammi-
stöðuna á fætur annarri gekk
Manchester City frá þeim, af öll-
um liðum. Þegar veikburða vörn
United gerði sín síðustu mistök
var liðið búið að vera. Jafnvel
stoltið hafði verið rifið í burtu.
Þetta var síðasta niðurlægingin.
Við getum ekki lengur talað um
baráttuna um meistaratitilinn.
United hefur dregist svo langt aft-
ur úr á svo skömmum tíma að
Arsenal gæti átt titilinn vísan
strax á annan í páskum.“
Bestu liðin í London
Annar blaðamaður Daily Mirr-
or hafði þetta fram að færa: „John
Terry [leikmaður Chelsea] sýndi
fram á að nýtt tímabil væri runnið
upp í enska boltanum og að Chel-
sea væri nú næstbesta liðið á eftir
Arsenal.“ Vitnaði hann síðan í orð
Terry: „Ég held að breyting hafi
orðið og að bestu lið landsins sé nú
að finna í London. Arsenal og Chel-
sea eru í fyrsta og öðru sæti deild-
arinnar og ég held að við höfum
sannað það á þessari leiktíð að
menn eigi að taka okkur alvarlega.
Manchester United er frábært lið
og hefur enn góða leikmenn innan
sinna raða en við erum enn að
vinna leiki og ná í stig, jafnvel þótt
við spilum ekki vel.“
Stærstu mistök Ferguson
„Það er kaldhæðnislegt að bera
þennan hluta leiktíðarinnar saman
við síðustu leiktíð þegar Manchest-
er United fór fram úr Arsenal á
endasprettinum,“ sagði blaðamað-
ur The Sun. „Arsene Wenger
[stjóri Arsenal] gerði þau mistök
að selja miðvörðinn Matthew Up-
son til Birmingham og í kjölfarið
missti hann marga menn í bann og
meiðsli. Það kostaði Arsenal meist-
aratitilinn. Ef litið er til United er
ljóst að Alex Ferguson hefur eng-
an til að hlaupa í skarð Rios
Ferdinand. Með því að kaupa ekki
nýjan varnarmann í stað hans
gerði Ferguson stærstu mistökin í
knattspyrnustjóratíð sinni.“
freyr@frettabladid.is
25ÞRIÐJUDAGUR 16. mars 2004
Manchester United
í vandræðum
Dagblöð á Englandi hafa gagnrýnt Manchester United harkalega eftir
4-1 tap liðsins gegn nágrönnum sínum í Manchester City um helgina.
BARÁTTA UM BOLTANN
Cristiano Ronaldo, Portúgalinn í liði Manchester United, í baráttu við Shaun Wright-
Phillips í 4-1 tapleiknum gegn Manchester City um helgina.
Guðbjörn Þór Ævarsson, formaður Manchester United klúbbsins:
Þetta getur ekki versnað meira
FÓTBOLTI Guðbjörn Þór Ævarsson,
formaður Manchester United
klúbbsins á Íslandi, er að vonum
ókátur með árangur Manchester
United upp á síðkastið. Liðið datt
út úr meistaradeildinni á dögun-
um og tapaði síðan 4-1 í ná-
grannaslag gegn Manchester
City.
„Eftir gott gengi undanfarinna
ára erum við að kynnast súrum
ávöxtum og verðum bara að taka
því eins og menn. Þetta getur ekki
versnað mikið meira,“ segir Guð-
björn, sem viðurkennir að draum-
ar um meistaratitilinn í ár séu nú
að bak og burt. „Annað væri bara
óréttlátt. Við eigum bara ekki
skilið að fá hann. Það er bara eitt
lið á Englandi sem á það skilið,
Arsenal.“
Að sögn Guðbjörns voru miklu
meiri vonbrigði að detta út úr
meistaradeildinni heldur en að
tapa gegn nágrönnunum í City.
„Ég held að þetta sé bara gott fyr-
ir þessa bláklæddu að fá að vinna
okkur því þeir gera dálítið grín af
þeim þessir rauðklæddu. Þetta er
bara ágætt fyrir borgina en
meistaradeildin var hundfúl.“
Guðbjörn ber engan kala til
Alex Ferguson, stjóra United,
þrátt fyrir skrykkjótt gengið.
„Allir þessir menn sem eru á
samningi eiga að geta spilað fót-
bolta. Það er ekki hann sem er að
brenna af dauðafærum og það er
ekki hann sem er að láta klobba
sig í vörninni. Hann er að setja
sterka spilara inn á í staðinn fyrir
aðra en þeir eru ekki að skila
neinu. Stór partur af þessum
mannskap hefur verið að klára
Evrópumeistaratitil og veit um
hvað fótbolti snýst. En það er
mikil deyfð yfir þessu og ótrúleg-
ur viðsnúningur að missa einn
mann úr vörninni.“
Að sögn Guðbjörns er framtíð-
in engu að síður björt hjá United.
„Þarna eru fimm til sex nýir
menn, allt niður í Ronaldo sem er
18 ára. Þetta eru hörkuspilarar og
ég hef ekki trú á öðru en að vörn-
in verði bætt fyrir næsta haust.
Þegar Saha og Nistelrooy fara að
skilja hvorn annan þá kvíði ég
engu. Þeir eiga eftir að vera
gífurlega öflugir og færa liðinu
marga titla – ég er sannfærður
um það,“ sagði Guðbjörn Þór
brattur að lokum. ■
KÖRFUBOLTI Keflavík og ÍS tóku
frumkvæðið í úrslitakeppni 1.
deildar kvenna með sigrum á
heimavelli. ÍS vann KR 74-63 en
Keflavík vann Grindavík 58-52.
ÍS skoraði sex fyrstu stig leiks-
ins gegn KR og héldu forystunni
utan eitt skipti þegar KR-ingar
jöfnuðu í 30-30 í upphafi seinni
hálfleiks. Alda Leif Jónsdóttir og
Casie Lowman skoruðu sautján
stig fyrir ÍS og Lovísa Guðmunds-
dóttir fimmtán. Lovísa náði að
auki ellefu fráköstum, átti fimm
stoðsendingar og varði átta skot.
Katie Wolfe skoraði 25 stig fyrir
KR og Hildur Sigurðardóttiir 20,
þar af tíu af vítalínunni.
Keflvíkingar höfðu frumkvæð-
ið gegn Grindvíkingum allan tím-
ann. Mestur varð munurinn ellefu
stig en í leikhléi leiddu Keflvík-
ingar 33-29. Varnarleikur beggja
liða var góður en mikið var um
mistök í sóknarleiknum. Keflvík-
ingar höfðu góðar gætur á Kesha
Tardy og skoraði hún aðeins tíu
stig í leiknum. Við það fengu Ólöf
Pálsdóttir og Sólveig Gunnlaugs-
dóttir betra næði í sókninni og
skoraði Sólveig sextán stig og
Ólöf fimmtán. Anna María Sveins-
dóttir var stigahæst Keflvíkinga
með átján stig, Birna Valgarðs-
dóttir skoraði ellefu og Erla Reyn-
isdóttir tíu. ■
Úrslitakeppni 1. deildar kvenna:
ÍS og Keflavík unnu
ALDA LEIF JÓNSDÓTTIR
Skoraði sautján stig og átti tíu stoðsendingar.