Fréttablaðið - 19.03.2004, Blaðsíða 2

2 19. mars 2004 FÖSTUDAGUR
“Af öryggisástæðum get ég ekki
tjáð mig um það.“
Erlendur Hjaltason er framkvæmdastjóri Eimskips
en allur búnaður vegna upptöku á nýjustu Bat-
man-myndinni var fluttur með skipi félagsins eftir
að tökum lauk.
Spurningdagsins
Erlendur, var Batmóbíllinn um borð?
■ Lögreglufréttir
■ Norræna
Fundu tvisvar skot
á öðrum piltinum
Nokkru áður en Ásgeir Jónsteinsson lést af völdum voðaskots höfðu tví-
vegis fundist byssuskot í fórum drengsins sem var með honum þegar
hann lést. Í annað skiptið var farið með skotið til lögreglu til eyðingar.
LÖGREGLUMÁL Sýslumaðurinn á Sel-
fossi segir að foreldri drengsins,
sem var með Ásgeiri Jónsteinssyni
þegar hann lést við andarpollinn á
Selfossi á mánudagskvöld, hafi
fundið skot í fór-
um hans áður en
þessi hörmulegi
atburður átti sér
stað. Þá fann
gangavörður í
grunnskólanum
einnig skot á
honum nokkru
fyrir voðaskotið
og kom þeim til
lögreglu til eyð-
ingar.
„Við vissum
það ekki fyrr en
eftir á að for-
eldrar hans
hefðu fundið
skot. Þetta kallar
á breytt vinnu-
brögð. Fyrst og fremst er ætlun
mín að hér eftir verði ekki tekið
við skotum öðruvísi en að þau
verði skráð og viðkomandi verði
spurður ákveðinna spurninga. Síð-
an verður metið hvort krafist
verði ákveðinnar rannsóknar,“
segir Ólafur Helgi Kjartansson,
sýslumaður á Selfossi.
Hann segir lögregluna oft taka
við skotum og eigi það yfirleitt sín-
ar eðlilegu skýringar og hefur í
sjálfu sér ekki kallað á neinar
rannsóknir. Aðspurður játti Ólafur
því, að málið horfi öðruvísi við
þegar skot finnst í fórum svo ungs
drengs.
„Við erum fyrst og fremst að
kanna af hverju þetta gerist með
þessum hætti og ég get ekki svar-
að öðru en að þetta hefði getað
hent hvaða lögreglumann sem er.
Þetta kallar á breytt vinnubrögð
hér innanhúss og við eigum með
einhverjum hætti að grípa inn í
einstök mál þegar verið er að skila
skotum,“ segir Ólafur Helgi.
Drengurinn sem var með Ás-
geiri þegar hann lést á mánu-
dagskvöld fór frá Selfossi til
Hveragerðis á puttanum fyrr um
daginn. Heimildir herma að hann
hafi sótt skammbyssuna í skúr í
Hveragerði en hann og vinur
hans höfðu um viku áður tekið
byssuna, sem lá á glámbekk, af
heimili þess síðarnefnda og falið
hana í skúrnum.
Samkvæmt heimildum blaðsins
gróf drengurinn, sem var með Ás-
geiri þegar hann lést, byssuna í
jörð á opnu svæði skammt frá
heimili sínu þegar hann kom með
hana á Selfoss. Þar hljóp eitt skot
úr byssunni. Seinni part sama dags
fóru hann og Ásgeir að andarpoll-
inum við Gesthús þar sem þeir not-
uðu tré sem skotmark. Þeir skutu
um tíu skotum úr byssunni áður en
slysaskot varð Ásgeiri að bana.
hrs@frettabladid.is
Líkfundarmálið í Norðfirði:
Lögregla afhendi rannsóknargögn
LÖGREGLUMÁL „Dómurinn segir
okkur að menn, lögregla og ákæru-
vald geta ekki farið með gögnin eins
og þeim sýnist,“ segir Sveinn Andri
Sveinsson, verjandi Jónasar Inga
Ragnarssonar, í líkfundarmálinu.
Hæstiréttur synjaði kröfu ríkis-
lögreglustjóra um að verjanda Tom-
asar Malakauskas yrði synjað um
aðgang að gögnum sem beinast að
honum í málinu um þriggja vikna
skeið.
Sveinn Andri segir að hálfur
mánuður hafi liðið frá að hann bað
um gögnin þar til að lögreglan bað
um fyrir dómi að hann fengi ekki
gögnin.
„Ég átti að fá þau viku gömul og
ef þeir ætluðu að framlengja þann
frest yrðu þeir að fara með það fyr-
ir dóm. En þeir gerðu það ekki fyrr
en tveir dagar voru eftir af þriggja
vikna frestinum sem þeir hefðu get-
að fengið í dómi.“ Sveinn Andri seg-
ir sig vera búinn að fá hluta gagn-
anna og verið sé að útbúa restina
fyrir hann. Verjandi Tomasar var sá
eini sem kærði úrskurð héraðsdóms
fyrir Hæstarétti, sjálfur fór Sveinn
Andri aðra leið. „Nú eigum við allir
að fá gögnin því þetta gildir um okk-
ur alla.“ ■
Slys í Vík í Mýrdal:
Með brotna
höfuðkúpu
LÖGREGLUMÁL Eldri kona féll í göt-
una í Vík í Mýrdal í fyrrinótt og
höfuðkúpubrotnaði. Hún var flutt
á bráðamóttöku Landspítala -
háskólasjúkrahúss í Fossvogi.
Lögreglan var kvödd út
vegna slyssins um miðnætti. Lá
konan þá í götunni. Var talið að
hún hefði misst meðvitund um
tíma. Konan var flutt með
sjúkrabifreið á bráðamóttökuna
í Reykjavík. Við læknisskoðun
reyndist hún hafa höfuðkúpu-
brotnað.
Ekki er vitað hver orsök slyss-
ins var, en tildrög þess eru í
rannsókn hjá lögreglunni í Vík. ■
Voðaskot á Selfossi:
Lögregla
óskar
upplýsinga
LÖGREGLUMÁL Drengurinn sem var
með Ásgeiri Jónsteinssyni þegar
hann lést af völdum voðaskots á
Selfossi á mánudagskvöld fór á
puttanum frá Selfossi til
Hveragerðis og aftur til baka fyrr
um daginn. Lögreglan á Selfossi
biður þá sem hafa tekið ungan lág-
vaxinn dreng upp í bifreið sína
aðra hvora leiðina að hafa sam-
band í síma 480-1010. ■
Íslenska útvarpsfélagið:
Tap í fyrra
UPPGJÖR Íslenska útvarpsfélagið
sem rekur meðal annars Stöð 2, Sýn
og Bylgjuna tapaði 373 milljónum
króna á síðasta ári. Hagnaður ársins
á undan var 46 milljónir króna.
Í tilkynningu félagsins kemur
fram að niðurstaðan sé vel viðun-
andi að teknu tilliti til afskrifta
dagskrárefnis. Langtímaskuldir
félagsins lækkuðu um rúma tvo
milljarða, en skuldir hafa verið
færðar á móðurfélagið Norðurljós
og skammtímaskuldir hafa verið
lækkaðar umtalsvert.
Að sögn stjórnenda hafa að-
haldsaðgerðir skilað árangri án
þess að það hafi komið niður á
dagskránni. Sú uppbygging muni
halda áfram. ■
HAFRAHVAMMSGLJÚFUR
Þar var ungi maðurinn sem lést á mánu-
daginn við störf þegar óhappið átti sér
stað.
Banaslysið við
Kárahnjúka:
Öryggi
ábótavant
KÁRAHNJÚKAR „Rannsókn stendur
enn yfir vegna málsins en það er
ljóst að ekki var farið að einu og
öllu að reglum,“ segir Eyjólfur
Sæmundsson. forstjóri Vinnueft-
irlitsins, vegna banaslyssins sem
varð á vinnusvæði Impregilo við
Kárahnjúka á mánudaginn var.
Þar lést ungur starfsmaður verk-
takafyrirtækisins Arnarfells þeg-
ar hnullungur féll á hann úr brött-
um klettavegg sem hann vann við
að bora í um miðja nótt. „Einn
þátturinn sem við skoðum er lýs-
ing á svæðinu þar sem slysið varð
en ekkert er hægt að fullyrða að
svo stöddu.“ ■
Börn með Goldenhar-heilkenni:
Ráðuneyti vinna að úrlausn
FÉLAGSMÁL Félagsmálaráðuneytið
og heilbrigðisráðuneytið vinna að
gerð heildstæðrar úrlausnar fyrir
börn með Goldenhar-heilkenni, að
því er fram kom í svari Árna
Magnússonar félagsmálaráðherra
við fyrirspurn Valdimars L. Frið-
rikssonar alþingismanns um hvað
félagsmálaráðuneytið hefði gert
til að koma til móts við þau börn
og aðstandendur þeirra.
Í svari félagsmálaráðherra kom
fram að málið snerist að hluta til
um hver bæri kerfislega ábyrgð á
þjónustunni við þessi börn og sam-
ræmingu hennar. Þessi mál væru
oft á gráu svæði, ekki síst milli
heilbrigðisráðuneytis og félags-
málaráðuneytis. Þess vegna væri
mjög mikilvægt að góð samvinna
tækist með þeim ráðuneytum um
úrlausn þeirra. Félagsmálaráð-
herra sagði að samvinna í þessu
máli hefði verið með ágætum.
Hann upplýsti enn fremur, að
hann hefði á undanförnum mán-
uðum átt í viðræðum við foreldra
barna með Goldenhar-heilkenni,
þar sem reynt hefði verið að kort-
leggja á hvern hátt ráðuneytið og
undirstofnanir þess gætu komið
að þjónustu og stuðningi við þessi
börn svo og önnur börn sem álíka
væri ástatt um. ■
SVEINN ANDRI SVEINSSON
Hæstiréttur synjaði kröfu um að verjanda
Tomasar Malakauskas yrði synjað um gögn
í málinu um þriggja vikna skeið.
INNBROT Í KEFLAVÍK Brotist var
inn í blómabúð í Keflavík í fyrri-
nótt. Eigendur verslunar í sama
húsi tóku eftir að einn glugga
vantaði í blómabúðina og gerðu
lögreglu viðvart. Málið er í rann-
sókn lögreglu.
M
YN
D
/Ó
M
AR
R
. V
AL
D
IM
AR
SS
O
N
FRÁ TJALDSVÆÐINU Á SELFOSSI
Drengurinn sem var með Ásgeiri þegar hann lést fór á puttanum frá Selfossi til Hvera-
gerðis sama dag til að sækja skammbyssu sem hann hafði falið í skúr ásamt vini sínum.
„Fyrst og
fremst er ætl-
un mín að
hér eftir verði
ekki tekið við
skotum öðru
vísi en að
þau verði
skráð og við-
komandi
verði spurður
ákveðinna
spurninga.
FR
ÉT
TA
B
LA
Ð
IÐ
/G
VA
AFTUR Í SIGLINGU Ferjan Nor-
ræna mun hefja áætlunarsigling-
ar á ný á morgun eftir viðgerð á
skrokki ferjunnar í Þýskalandi.
Ferjan sigldi á bryggju í Þórs-
höfn í janúar eftir að hún kom úr
fyrstu ferð ársins til Seyðisfjarð-
ar. Stórt gat rifnaði á skrokkinn.
Norræna fer frá Hanstholm
klukkan fjögur á morgun áleiðis
til Færeyja.
ÁRNI MAGNÚSSON
Félagsmálaráðherra vinnur að málefnum barna með Goldenhar-heilkenni.