Fréttablaðið - 19.03.2004, Blaðsíða 6

6 19. mars 2004 FÖSTUDAGUR
GENGI GJALDMIÐLA
Bandaríkjadalur 70,42 -0,25%
Sterlingspund 128,54 0,48%
Dönsk króna 11,61 -0,08%
Evra 86,47 -0,09%
Gengisvísitala krónu 121,39 0,80%
KAUPHÖLL ÍSLANDS
Fjöldi viðskipta 392
Velta 7.533 milljónir
ICEX-15 2.541 0,26%
Mestu viðskiptin
Íslandsbanki hf. 151.866
Kaupþing Búnaðarbanki hf. 145.786
Straumur Fjárfestingarbanki hf 138.141
Mesta hækkun
Grandi hf. 2,94%
SÍF hf. 1,65%
Straumur Fjárfestingarbanki hf 1,56%
Mesta lækkun
Sæplast hf. -1,82%
Og fjarskipti hf. -1,21%
Landsbanki Íslands hf. -0,63%
ERLENDAR VÍSITÖLUR
DJ* 10.239,7 -0,6%
Nasdaq* 1.956,4 -1,0%
FTSE 4.402,5 -1,2%
DAX 3.822,8 -1,9%
NK50 1.428,7 -0,2%
S&P* 1.115,8 -0,7%
*Bandarískar vísitölur kl. 17.00
Veistusvarið?
1Hver er formaður Stúdentaráðs?
2Hver er eiginmaður menntamálaráð-herra?
3Til hvaða stofnunar hefur ÁstþórMagnússon leitað vegna ójafnvægis í
umfjöllun fjölmiðla um forsetaframbjóð-
endur?
Svörin eru á bls. 54
Fjarlægja þurfti 40 tonn:
Síðustu menn úr Meðallandsfjöru
BJÖRGUN Frágangi í Meðallands-
fjöru vegna björgunar Baldvins
Þorsteinssonar EA lauk laust eftir
miðnætti í fyrrinótt. Fjarlægja
þurfti um 40 tonn af dráttartaug-
um, vírum og öðrum búnaði úr
fjörunni og flytja til Reykjavíkur.
„Við þurftum að grafa skarð í
gegnum sandöldu svo hægt væri
að draga vírinn beint frá dráttar-
skipinu. Um tíu til fimmtán þúsund
rúmmetrar af sandi voru teknir úr
öldunni og þeim svo aftur komið á
sinn stað að verkinu loknu,“ segir
Guðmundur Hjálmarsson, sem sá
um framkvæmdir vinnuvéla á
landi. Guðmundur segir að verkið
hafi tekist þar sem margir tóku
höndum saman. Hann segir alla
sem leitað var til hafa verið fúsa til
að hjálpa, að nóttu sem degi. Þakk-
læti vill hann koma til manna
Landsvirkjunar, Vegagerðarinnar,
bílstjóra, tækjamanna, björgunar-
sveitarmanna og allra annarra
sem að verkinu komu.
Guðmundur segir það hafa ver-
ið áfall þegar vírinn slitnaði á milli
Baldvins og dráttarskipsins í
fyrstu tilraun við að draga Baldvin
af strandstað. Ekki hafi þó verið
annað að gera en að halda ótrauðir
áfram og að verkinu loknu hafi
menn verið hvíldinni fegnir.
Hann segir þá Samherjafrænd-
ur Þorstein Má og Kristján hafa
stjórnað allri framkvæmdinni í
heild sinni af stakri prýði. ■
KOSOVO Mikil óöld geisar nú í
Kosovo eftir að átök blossuðu upp
milli Serba og Albana en átökin
hafa kostað 22 lífið og allt að 500
eru særðir. Óttast er að átök eigi
eftir að hefjast aftur en mikil ólga
er meðal þjóðarbrotanna. Hefur
NATO þegar sent fleiri hermenn á
vettvang en um 17 þúsund her-
menn eru þar að jafnaði við friðar-
gæslustörf. Eru þetta blóðugustu
skærur í landinu síðan árið 1999.
Um 30 Íslendingar starfa á
flugvellinum í Pristina í Kosovo en
allir voru þeir heilir á húfi þrátt
fyrir að fáeinir þeirra hafi orðið
fyrir skothríð þegar þeir reyndu
að slökkva eld í íbúðarhúsi
skammt frá flugvellinum.
Um 300 manns starfa á flug-
vellinum og var honum lokað
fyrir almennri flugumferð
þar sem farþegar komust
ekki frá vellinum sökum
óaldar í bænum Kosovo-
Polje sem flugvöllurinn
stendur við.
Þungt yfir íbúum
landsins
„Hér er eldfimt ástand og
ég óttast að það eigi eftir að
versna til muna næstu
daga,“ segir Árni Snævarr,
sem starfar í Pristina á veg-
um OSCE, Öryggis- og sam-
vinnustofnunar Evrópu.
„Það er þungt yfir íbúum landsins
enda er þetta tvímælalaust þung-
bært fyrir friðargæsluliðin og það
gríðarlega starf sem unnið hefur
verið til að koma varanlegum friði
á í landinu.“
Árni segir reiði fólks þó ekki
beint að útlendingum heldur séu
eingöngu erjur milli Serba og Al-
bana. „Átökin hófust í bænum
Mitrovica fyrir norðan Pristina
þegar þrjú börn drukknuðu við að
reyna að komast undan Serbum
sem eltu þau. Dag-
inn áður hafði ung-
ur Serbi verið skot-
inn í bænum Cagla-
via og það hafa ver-
ið smáskærur síð-
an sem svo mögn-
uðust upp í þau
blóðugu átök sem
urðu í fyrradag.
Serbar og Albanar
hugsa hverjir
öðrum þegjandi
þörfina og heyrst hefur að Serbar
geri sér að leik að loka vegum hér
og þar með vegatálmum.
Kraumað undir í langan
tíma
Íbúar Kosovo hafa um hríð ver-
ið vonsviknir með litlar efndir
Sameinuðu þjóðanna en áætlanir
um alla uppbyggingu og viðreisn í
landinu hafa ekki gengið eftir. Í
Kosovo stóð einmitt yfir klukku-
stundar langt verkfall til að mót-
mæla hægaganginum.
Óeirðir og átök hafa átt sér stað
á mörgum stöðum í landinu og
bendir flest til að meiri átök séu
fram undan. Í bænum Obilic var
serbnesk kirkja brennd til grunna
og kveiktir eldar í húsum Serba á
svæðinu. Í Pristina voru byggingar í
eigu Serba eyðilagðar og þeir
Serbar drepnir sem til náðist á göt-
um úti.
Mikil reiði er í Serbíu vegna
árása Albana á landa þeirra og
hefur verið mótmælt á götum úti.
Um 200 þúsund Serbar yfirgáfu
Kosovo þegar stríðinu lauk en tals-
verður fjöldi heldur sig enn á af-
viknum svæðum, sértaklega í norð-
urhluta landsins.
„Þarna kemur fram hið sanna
eðli Albana,“ sagði forsætisráð-
herra Serbíu, Vojislav Kostunica,
þegar fyrstu fréttir bárust af óeirð-
unum. Ekki er langt síðan hann bar
upp framtíðartillögu fyrir Kosovo
um að landinu yrði hreinlega skipt
eftir þjóðarlínum, Serbar fengju
norðurhlutann og Albanir suður-
hlutann.
albert@frettabladid.is
Smástirni:
Aldrei farið
nær jörðinni
SAN DIEGO, AP Smástirni þaut fram-
hjá jörðu í gærkvöldi, nær en
nokkurt smástirni hefur áður
komið að jörðu. Vísindamenn
höfðu þó ekki miklar áhyggjur af
árekstri enda var áætlað fyrir
fram að smástirnið yrði í um
42.640 kílómetra fjarlægð þegar
það færi framhjá suðurhveli
jarðar á ellefta tímanum í gær-
kvöld.
„Það fer nokkuð örugglega
framhjá,“ sagði stjarnfræðingur-
inn Paul Chodas sem starfar hjá
bandarísku geimvísindastofnun-
inni, NASA. ■
Íslenskir starfsmenn flug-
vallarins í Pristina:
Höfum það
allir gott
KOSOVO „Það er allt með kyrrum
kjörum hér á flugvellinum fyrir
utan að það er nóg að gera,“ segir
Egill Már Markússon, flugumferð-
arstjóri á alþjóðaflugvellinum í
Pristina í Kosovo. Hann er í hópi
þeirra 30 Íslendinga sem sjá um
rekstur flugvallarins en ekkert
amaði að þeim nema þreyta. „Við
höfum lítið orðið varir við óeirð-
irnar fyrir utan að við fáum ekki
að fara heim til okkar. Við gistum
hér í fyrrinótt og gerðum það aftur
í gærnótt en við höfum það allir
mjög gott. Það er mikið að gera hér
og von á tug herflutningavéla með
mannskap næstu dagana.“ ■
Traustur og framsækinn
með baksýnisspegli
ÍS
LE
N
SK
A
A
U
G
LÝ
SI
N
G
A
ST
O
FA
N
/S
IA
.I
S
T
O
Y
24
03
2
0
3/
20
04
Áhyggjulaus og örugg bílaviðskipti - Strangt skoðunarferli, 14 daga skiptiréttur,
ókeypis skoðun eftir 1000 km, allt að 1 árs ábyrgð.
Skoðaðu úrvalið á Nýbýlavegi 4, á www.toyota.is eða hringdu í 570 5070.
Skoda Octavia Laurin&Klement
Fyrst skráður: 02.2003
Ekinn: 16.000 km
Vél: 1800cc, 5 gíra
Litur: Svartur
Verð: 2.680.000 kr.
Búnaður: Leður, sóllúga, 4WD,
Turbo, spoiler, Xenon ljós o.fl.
Tilboðsverð: 2.490.000 kr.
FRÁ MEÐALLANDSFJÖRU
Guðmundur Hjálmarsson, sem sá um
framkvæmdir í landi, segir verkið hafa tek-
ist þar sem margir góðir menn tóku hönd-
um saman.
FR
ÉT
TA
B
LA
Ð
IÐ
/P
JE
TU
R
Friðurinn úti í Kosovo
Íslendingarnir á flugvellinum í Pristina allir óhultir eftir að skærur Albana og Serba í Kosovo
blossuðu upp. Friðargæslusveitir gera það sem þær geta en NATO hefur þegar sent aukaherlið.
ÁTÖKIN Í KOSOVO
september 1998 NATO gefur Milosevic
lokaaðvörun um að
hætta árásum sínum á
Kosovo-Albani.
mars 1999 NATO hefur loftárásir á
gömlu Júgóslavíu
vegna Kosovo.
júní 1999 Milosevic dregur herlið
sitt til baka. Samein-
uðu þjóðirnar senda
friðargæslulið til
Kosovo.
desember 2003 Friðarvegvísir handa
Kosovo dreginn upp
og gildir til ársins
2005.
mars 2004 Verstu skærur í Kosovo
síðan 1999 blossa
upp.
ÁRNI SNÆVARR
Til eru áætlanir um skyndi-
brottflutning erlendra
starfsmanna í Kosovo en
Árni vonar að ekki komi til
þess.
FRÁ PRISTINA
Reiðir íbúar réðust gegn friðargæslusveitum þegar þær gerðu sig líklegar til að stilla til friðar.