Fréttablaðið - 19.03.2004, Blaðsíða 10
10 19. mars 2004 FÖSTUDAGUR
SPÁNVERJA MINNST Í PALESTÍNU
Á aðra milljón palestínskra skólabarna
gerðu hlé á skólastarfi sínu í gær til að
minnast fórnarlamba hryðjuverkaárásanna
í Madríd viku fyrr. Börnin héldu spænskum
og palestínskum fánum á lofti og höfðu
einnar mínútu þögn í virðingarskyni við þá
látnu.
Páll Skúlason:
Skólagjöldin
yrðu hófleg
SKÓLAGJÖLD Páll Skúlason, rektor
Háskóla Íslands, segir að fái skólinn
heimild til að innheimta skólagjöld
af stúdentum verði um hófleg gjöld
að ræða. Hann telur víst að Lána-
sjóðurinn muni lána fyrir þeim.
Páll telur einboðið að Alþingi
muni setja skólanum hámark eins
og gert hefur verið í nágrannalönd-
um þar sem skólagjöld hafa verið
tekin upp við ríkisháskóla.
Hann segist skilja vel þá af-
stöðu stúdentaforystunnar að setja
sig alfarið gegn skólagjöldum. „Ég
skil auðvitað sjónarmið stúdenta að
vera almennt á móti skólagjöldum.
Hins vegar er rétt að benda á að
þótt Háskólinn fái hugsanlega
heimild til skólagjalda segir það
ekkert um það að hún verði nýtt til
að reyta fé af stúdentum. Það er
ekki tilgangurinn með þessu,“
segir Páll.
Fyrir háskólafundi sem verður
næsta mánudag liggur að taka af-
stöðu til þess hvort óska eigi eftir
almennri heimild til upptöku skóla-
gjalda en deildar meiningar eru inn-
an Háskólans um hvort taka eigi svo
stórt skref. Ef slík tillaga fæst ekki
samþykkt má gera ráð fyrir að ósk-
að verði eftir heimild til upptöku
skólagjalda í framhaldsnámi. ■
Segir ekki horfa illa í
fjarskiptarekstrinum
Forstjóri Orkuveitu Reykjavíkur segir umfjöllun um fjarskiptaviðskipti OR hafa verið villandi.
Hann segir tap mestmegnis skýrast vegna afskrifta viðskiptavildar.
ORKUVEITA REYKJAVÍKUR Guðmundur
Þóroddsson, forstjóri Orkuveitu
Reykjavíkur, telur að í umfjöllun
fjölmiðla um fjárfestingar fyrir-
tækisins í fjarskiptum hafi verið
dregin upp villandi mynd af raun-
verulegri stöðu mála. Hann segir
að því hafi ekki verið haldið til
haga að eftir fjárfestingarnar
standi verulegar eignir sem skap-
að geti orkuveitunni miklar tekjur
í framtíðinni.
„Í fjölmiðlum hafa verið settar
fram tölur þar sem hlutum er
blandað saman eins og kaupum á
hlutabréfum og eignum og einnig
er lagt saman uppsafnað tap
Línu.Nets hf., Rafmagnslínu og
Tetra Íslands,“ segir Guðmundur.
Þegar fjallað er um kaup
Orkuveitunnar á ljósleiðaraneti
Línu.Nets telur Guðmundur eðli-
legra að miða við að Orkuveitan
hafi fengið til baka fjögur hundr-
uð milljónir en að hún hafi lagt út
1.350 milljónir þar sem kaupverð
ljósleiðaranetsins hafi meðal ann-
ars verið í hlutabréfum í
Línu.Neti.
„Það er fjarri lagi að halda því
fram að þessi fjárfesting sé glöt-
uð nema hvað stærsti hluti fjár-
festingarinnar í Tetra-kerfinu
verður afskrifaður á árunum 2003
og 2004 vegna þeirra erfiðleika
sem fyrirtækið hefur verið í,“
segir Guðmundur.
„Ljósleiðarinn var keyptur af
Línu.Neti haustið 2002 og samein-
aðist OR í janúar 2003. Kerfið var
keypt fyrir 1.758 milljónir og er
nú hluti af OR. Í janúar var Raf-
magnslína ehf. sameinuð OR og
gengu þá eignir og skuldir Raf-
magnslínu inn í OR en þess má
geta að Rafmagnslína ehf. var
með jákvætt eigið fé við þá gjörð
upp á 65 milljónir,“ segir Guð-
mundur.
Guðmundur segir að hafa
þurfi hugfast þegar skoðuð sé
rekstrarniðurstaða fjarskipta-
fyrirtækja sem Orkuveitan teng-
ist, að tapið sé að mestum hluta
vegna afskriftar á viðskiptavild
sem hafi skapast við sameiningu
og kaup á eignum. „Oftast var
greitt fyrir viðskiptavildina með
hlutabréfum í Línu.Neti, oft á
mjög háu gengi. Þannig var við-
skiptavild lægst greidd með hlut-
um í LN á genginu fimm og hæst
níu en ekki með beinum peninga-
greiðslum. Þess vegna er eðli
taprekstursins mikilvægt og alls
ekki eðlilegt að telja hann allan
til kostnaðar hjá OR,“ segir Guð-
mundur.
Hann ítrekar einnig að Orku-
veitan sé ekki eini hluthafinn í
Línu.Neti og Tetra Íslandi, sem
mikið hafa verið til umræðu.
Orkuveitan á 68 prósent í
Línu.Neti en 44 prósent í Tetra Ís-
landi. „Það verður einnig að hafa í
huga að tapreksturinn fer til
lækkunar eiginfjár þessara fyrir-
tækja sem varð til með framlagi
hluthafa á hlutafé. Varast ber því
að leggja saman hlutafjárframlög
og taprekstur því þá er oft verið
að telja sömu krónuna tvisvar,“
bætir hann við.
Guðmundur telur að framtíð
Orkuveitunnar í fjarskiptarekstri
sé góð. „Miklar eignir og tekjur
eru í fjarskiptarekstri þeim sem
Orkuveitan kemur að og ekki má
einungis horfa á aðra hliðina á
peningnum. Tekjur fara vaxandi
af fjarskiptarekstrinum og það er
síður en svo að illa horfi með
þessa fjárfestingu,“ segir Guð-
mundur Þóroddsson, forstjóri
Orkuveitu Reykjavíkur.
thkjart@frettabladid.is
Ólögleg uppsögn:
Bæturnar
lækkaðar
HÆSTIRÉTTUR Hæstiréttur lækkaði
bótagreiðslu Háskóla Íslands til
Gunnars Þórs Jónssonar, fyrrum pró-
fessors, úr sjö milljónum króna í fjór-
ar en staðfesti úrskurð Héraðsdóms
Reykjavíkur að honum hefði verið
sagt upp með ólöglegum hætti. Gunn-
ar var upphaflega leystur tímabundið
frá störfum eftir að hafa fengið
áminningu fyrir alvarlega vanrækslu
í starfi. Þegar ljóst var að ekki mætti
víkja honum úr starfi á þeim grund-
velli var staða hans lögð niður, og
þykir réttinum ljóst að það hafi verið
gert til að koma manninum frá.
Hæstiréttur taldi rétt staðið að
uppsögn hans úr stöðu yfirlæknis. ■
Lögregluforingi
stal dóppeningum
og missir
starfið
– kominn tími til
Staða dómstóla rædd á Alþingi:
Efasemdir um sjálfstæði dómstóla
DÓMSTÓLAR Efast var um sjálfstæði
dómstólanna á Alþingi í utandag-
skrárumræðu um starfsskilyrði
héraðsdómstólanna er Jón Bjarna-
son, þingmaður Vinstri grænna, hóf
máls á. Enn fremur kom fram að
dómsmálum hefði fjölgað verulega
á síðustu árum og fjárveitingar
þættu ekki nægilegar.
Fram kom að fjöldi opinberra
mála hefur þrefaldast og einkamál-
um fjölgað úr rúmum sex þúsund í
tæp 17 þúsund. Jafnframt var vitn-
að í ályktun Dómarafélags Íslands
þar sem segir að dómarar telji það
brýnt að fjárveitingar til héraðs-
dómstóla verði auknar.
Jón benti á að dómsvaldinu væri
ætlað að vera einn þriggja horn-
steina lýðveldisins, auk fram-
kvæmdavalds og löggjafarvalds.
Hins vegar heyrðu dómstólar nú
undir framkvæmdavald og því
mætti spyrja að því hvort sjálfstæði
þeirra væri með þeim hætti sem
ætlað er. Hann spurði hvort ekki
væri rétt og jafnvel afar brýnt að
skilja algerlega í milli og færa
stjórnsýslu dómsmálanna frá fram-
kvæmdavaldinu og beint undir Al-
þingi til að tryggja sjálfstæði þeirra.
Björn Bjarnason dómsmálaráð-
herra sagði allt tal um að þrengt
hafi verið að fjárhag héraðsdóm-
stóla úr lausu lofti gripið og umtals-
verð raunhækkun hafi orðið á fjár-
framlögum til þeirra undanfarin ár.
Einnig sagðist hann algerlega ósam-
mála þeim sem telja að sjálfstæði
dómstólanna sé ekki tryggt. ■
Á LEIÐ Í LAND
Línabátar mokveiða nú fyrir austan og fást
allt að 18 tonn í róðri.
Austurbyggð:
Mokveiði
á línuna
AUSTURBYGGÐ Línubátarnir Narfi SU
og Heiðrún SU hafa mokveitt á línuna
að undanförnu grunnt undan Stöðvar-
firði. Mestur hluti aflans er steinbít-
ur. Á þriðjudaginn fékk Narfi rúm 18
tonn á 46 bala og Heiðrún fékk 9,7
tonn á 26 bala. Báðir bátarnir þurftu
að fara tvær ferðir í land með afla úr
sömu lögninni. Róðurinn hjá Narfa
þar á undan var svipaður og hafa
þessi tveir síðustu róðrar Narfa gefið
ríflega 30 tonn. Narfi og Heiðrún eru
gerð út frá Stöðvarfirði og eru einu
línubátarnir í Austurbyggð. Aflinn er
lagður upp hjá Skútuklöpp og stein-
bíturinn er frystur hjá Loðnuvinnsl-
unni. ■
Þyrping og ÍAV:
Byggja við
Borgartún
FRAMKVÆMDIR Íslenskir aðalverk-
takar og Þyrping hafa gert samn-
ing um uppyggingu á níu þúsund
fermetra skrifstofu- og þjónustu-
húsnæði á Bílanaustsreitnum við
Borgartún 26. Einnig verður
byggt íbúðarhúsnæði á reitnum.
Fyrirtækin tvö munu vinna
saman að deiliskipulagi á lóðinni
ásamt skipulagsyfirvöldum í
Reykjavík. Þær byggingar sem nú
eru á reitnum verða rifnar niður.
Þetta kemur fram í frétt frá
fyrirtækjunum, en ráðgert er að
framkvæmdir hefjist 2005. ■
PÁLL SKÚLASON
Rektor Háskóla Íslands segir að ef tekin
verði upp skólagjöld sé líklegast að há-
mark verði sett á þau og að Lánasjóðurinn
láni stúdentum fyrir þeim.
FR
ÉT
TA
B
LA
Ð
IÐ
/E
LM
A
FRAMLAG ORKUVEITUNNAR TIL FJARSKIPTAFYRIRTÆKJA
Framlög Lína.Net Rafmagnslína Tetra Lína.Net Rafmagnslína Tetra
1999 214 214
2000 88,9 88,9
2001 670,8 40 296,5 670,8 40 296,5
2002 -408,3 0 131,7 1.350,5 0 131,7
2003 0 0 0 0 0 0
Samtals 567,4 40 428,2 2.324 40 428,5
Svar Orkuveitunnar um fjár-
festingar 15. febrúar 2004
Túlkun forstjóra Orkuveitunnar
á framlögum nú
GUÐMUNDUR ÞÓRODDSSON
Forstjóri Orkuveitu Reykjavíkur segir verðmætar eignir vera til staðar eftir fjárfestingar í
fjarskiptum.
JÓN BJARNASON
Spurði hvort ekki væri rétt að færa dómstólana frá dómsmálaráðuneyti beint undir Alþingi.
FR
ÉT
TA
B
LA
Ð
IÐ
/P
JE
TU
R
Allar tölur eru í milljónum króna.