Fréttablaðið - 19.03.2004, Blaðsíða 28
28 19. mars 2004 FÖSTUDAGURfermingar
ALMA ODDGEIRSDÓTTIR
Ég man mjög vel eftir fermingunni minni.Ég fermdist í Grenivíkurkirkju 1978.
Veislan og allir gestirnir standa upp úr og svo
man ég ótrúlega vel eftir því að við fermingar-
systkinin gengum um þorpið um kvöldið. Við
Anna vinkona mín vorum í nýju kápunum
okkar. Við þurftum nefnilega að fara til
Reykjavíkur að kaupa fermingarfötin.“
Ferminginmín
Inntak fermingarfræðslunnar:
Gott að vera í
kirkjunni bæði
í gleði og sorg
Í vor fermast 160 börn í Árbæj-arkirkju í Reykjavík í sjö at-
höfnum. Séra Sigrún Óskarsdótt-
ir er annar tveggja presta við
kirkjuna en hún kom þar til
starfa fyrir tæpum þremur
árum. Hún segir fermingar-
undirbúning hafa staðið frá því í
haust og þegar hún er spurð um
inntak hans svarar hún: „Það er
vissulega margt sem fram fer í
tímunum hjá okkur, bæði
fræðsla og upplifun. Grundvöll-
urinn er vissan um að Guð er
mikill og máttugur og sú vissa er
veganestið inn í framtíðina. Við
viljum að börnin finni að þau eigi
erindi í kirkjuna sína áfram og
að þar sé gott að vera bæði í gleði
og sorg.“
Sigrún minnist einnig á sam-
spil kirkjunnar og heimilanna,
sem hún telur mjög þýðingar-
mikið. Draumur hennar er sá að
hægt verði að gera það enn betra
en það er nú. „Sumir foreldrar
sinna kirkjustarfinu mjög vel
þann tíma sem barnið undirbýr
ferminguna en því miður eru
dæmi um hitt að stór hópur
barna komi foreldralaus í mess-
ur og þá getur orðið annar brag-
ur á athöfninni en við viljum
hafa,“ segir hún. Hvernig hefur
henni gengið að ná til barnanna
með sinn góða boðskap? „Þau
eru misjafnlega upplögð. Stund-
um eru þau þreytt eftir langan
skóladag þegar þau koma til okk-
ar en þetta er spennandi tímabil
í ævi þeirra og þau eru vel mót-
tækileg á þessum aldri. Því er
gaman að koma inn í líf þeirra
þegar svona mikið er að gerast
og áhugavert þegar tekst að
skapa umræður um ýmis mál-
efni samtímans. Við höfum þurft
að glíma við vanda eins og ein-
elti í hópnum okkar og bættum
þess vegna sjálfsstyrkingu inn í
fræðsluna. Það gaf mjög góða
raun,“ segir séra Sigrún. ■
Trúarlegar fermingargjafir:
Biblían langvinsælust
Biblían er óhemjuvinsæl tilfermingargjafa,“ segir Edda
Möller, framkvæmdastjóri Skál-
holtsútgáfunnar og Kirkjuhússins,
um vinsælustu fermingargjafirnar
með trúarlegu ívafi. „Biblían er sí-
vinsæl og það dregur síst úr vin-
sældum hennar. Bókin er enda gjöf
til framtíðar og algengt að gefand-
inn láti gylla nafn fermingarbarns-
ins á kápuna.“
Auk Biblíunnar segir Edda að
mikið sé tekið af gull- og silfur-
krossum í hálsmenum og svo vegg-
krossum í messing og viði. „Unga
fólkið er mjög hrifið af hvers konar
íkonum og helgimyndum. Þannig
rjúka út suður-amerískir viðar-
krossar, myndskreyttir Jesú og
fagnaðarerindi guðspjallanna. Unga
fólkið kaupir þetta mikið handa vin-
um sínum, sem og hálskrossa,“ seg-
ir Edda og bendir á að unglingar
vilji ekki síst gefa hver öðrum trú-
arlegar gjafir á tímamótum sem
þessum. „Það segir okkur svolítið
að fullorðna fólkið er að rugla ung-
viðið í ríminu með því að segja gjaf-
irnar skipta mestu á fermingardag-
inn og að það sé það eina sem dagur-
inn snúist um. Vitaskuld vilja allir
krakkar gjafir en fyrst og fremst
þrá þau kristilegt samfélag við Guð
og menn.“
Edda segir Passíusálmana
einnig sígilda fermingargjöf og
minni bækur um kristna trú.
„Bókin um englana er afar vin-
sæl og sömuleiðis kverin um
kristna trú. Þetta eru fallegar og
eigulegar bækur sem skila sér til
framtíðar.“ ■
EDDA MÖLLER Í KIRKJUHÚSINU
„Biblían er sívinsæl til fermingargjafa og það dregur síst úr vinsældum hennar.“
SÉRA SIGRÚN ÓSKARSDÓTTIR
Segir orsök eineltis vera lélega sjálfsmynd gerenda.
SMÁRALIND
Sími 517 7007
KAUPHLAUP
25% afsláttur
www.changeofscandinavia.com
BRJÓSTAHALDARI
áður kr. 2.790 - nú kr. 2.092
G-STRENGUR
áður kr. 1.490 - nú kr. 1.117
BRJÓSTAHALDARI
áður kr. 3.990 - nú kr. 2.992
NÆRBUXUR
áður kr. 2.190 - nú kr. 1.642
NÁTTFÖT
áður kr. 5.990 - nú kr. 4.492
NÁTTKJÓLL
áður kr. 3.990 - nú kr. 2.992