Fréttablaðið - 19.03.2004, Blaðsíða 46
46 19. mars 2004 FÖSTUDAGUR
Ítalska fótboltalandsliðið:
Kveðjuleikur Baggios
FÓTBOLTI Talsverðar líkur eru á því
að Roberto Baggio leiki kveðju-
leik með ítalska landsliðinu í vor.
Baggio,sem varð 37 ára í janúar,
lék síðast með landsliðinu þegar
Ítalir gerðu jafntefli við Hvít-
rússa í mars 1999. Hann hefur lýst
því yfir að hann ætli að leggja
skóna á hilluna þegar þessari leik-
tíð lýkur.
Giovanni Trapattoni hefur ekki
valið Baggio í landsliðið þau fjög-
ur ár sem hann hefur þjálfað það.
Nú vill Trapattoni að Baggio fái
landsleik svo ítalski knattspyrnu-
heimurinn geti kvatt hann með
viðeigandi hætti. „Ég ætla að
segja honum að ef hann hefur
áhuga muni ég velja hann í einn
leik,“ sagði Trapattoni við íþrótta-
dagblaðið Gazzetta dello Sport.
„Ég vil að það verði viðurkenning
fyrir frábæran feril. Baggio setti
mark sitt á ákveðið tímabil í fót-
boltanum og ekki aðeins á Ítalíu,“
sagði Trapattoni sem var þjálfari
Baggios hjá Juventus fyrir ára-
tug. Baggio leikur líklega kveðju-
leikinn þegar Ítalir mæta Spán-
verjum í Genúa 28. apríl. ■
Framhaldið ræðst
af leiknum í kvöld
Ingi Þór Steinþórsson, þjálfari KR, segir að Snæfell verði að vinna leik-
inn í kvöld gegn Njarðvík til að eiga möguleika.
KÖRFUBOLTI Snæfell og Njarðvík
mætast í kvöld í fyrsta leik liðanna
í undanúrslitaeinvígi Intersport-
deildar karla í Stykkishólmi. Snæ-
fell vann Hamar í tveimur viður-
eignum í átta liða úrslitunum en
Njarðvíkingar tóku Hauka í bakarí-
ið, með samtals 82 stiga mun í
tveimur leikjum. Njarðvík vann
fyrri leik liðanna í Intersportdeild-
inni í Njarðvík, 105-68, en Snæfell
svaraði fyrir sig í seinni leiknum og
fór þá með sigur af hólmi, 85-71.
Liðin mættust einnig í undanúrslit-
um bikarsins en þar báru Njarðvík-
ingar sigur úr býtum, 74-69. Frétta-
blaðið ræddi við Inga Þór Stein-
þórsson, þjálfara KR, og fékk hann
til að spá í spilin fyrir þessa rimmu.
„Þetta verður forvitnileg viður-
eign því að liðin er með svo gjör-
ólíkan bakgrunn. Snæfell er í þess-
ari stöðu í fyrsta sinn en Njarðvík-
ingar eru með gífurlega hefð og
vita nákvæmlega hvað þarf til að
vinna svona leiki. Ég held að fyrsti
leikurinn verði úrslitaleikur ein-
vígisins. Ef Snæfell ætlar sér að
vera með þá verður liðið að vinna
leikinn í kvöld. Annars er hætt við
því að sjálfstraustið hjá liðinu
hverfi fyrir annan leikinn í Njarð-
vík þar sem því hefur alltaf gengið
illa. Njarðvíkingar eru með gífur-
lega sterkt lið og nýi Bandaríkja-
maðurinn virðist vera síðasta púsl-
ið sem liðið vantaði. Ég hef reynd-
ar ekki séð liðið spila með nýja
manninn innanborðs en miðað við
hvernig þeir fóru með Haukana þá
eru þeir ekki auðsigraðir,“ sagði
Ingi Þór.
Hann sagði jafnframt að það
yrði gífurlega gaman að fylgjast
með baráttu miðherja liðanna,
þeirra Hlyns Bæringssonar og
Friðriks Stefánssonar. „Þessir
tveir leikmenn eru bestu miðherjar
deildarinnar og ég væri alveg til-
búinn til að borga aukalega inn til
að horfa á baráttu þeirra. Snæfell
þarf að passa styrkleika sína. Þeir
eru með stærra lið en Njarðvík og
þurfa að passa sig á að halda hrað-
anum niðri. Njarðvíkingar vilja
keyra upp hraðann og ef þeir ná
því þá eiga leikmenn Snæfells ekki
möguleika.“
Ingi Þór sagðist ekki geta spáð
fyrir um úrslit einvígsins: „Spurðu
mig eftir leikinn á morgun,“ sagði
hann í gær.
oskar@frettabladid.is
N
O
N
N
I
O
G
M
A
N
N
I
I
Y
D
D
A
/
s
ia
.i
s
/
N
M
1
1
6
4
5
SKRÚFUDAGUR
St‡rimannaskólans í Reykjavík
Vélskóla Íslands og
KYNNINGARDAGUR
OPI‹ HÚS VER‹UR Í SJÓMANNASKÓLA ÍSLANDS
LAUGARDAGINN 20. MARS KL. 13.00-16.30
www.mennta.is
NEMENDAFÉLÖG SKÓLANNA
Allir velkomnir!
Dalvegur 6-8 · 201 Kópavogur
Sími 535 3500 · Fax 535 3519
tjorvi@kraftvelar.is
www.kraftvelar.is
Vökvaknúnar
rafstöðvar
Fyrir gröfur,
bíla og báta
• Tengjanlegar við öll
vökvakerfi
• Nýtir þann vélbúnað
sem fyrir er
• Léttar og taka lítið pláss
samanborið við ljósavélar
• Sjálfvirk tíðni- og spennustilling
• Fáanlegar frá 3,5-70 kVA
• Ýmiss annar búnaður
fyrir vökvakerfi fáanlegur
Verð kr 428.663,-
með vsk.
■ ■ SJÓNVARP
18.00 Fram leikur við ÍBV í Fram-
húsinu í 1. deild kvenna í hand-
bolta.
18.30 Fram og FH keppa í Egilshöll
í deildabikarkeppni karla í fótbolta.
19.15 Keflavík og Grindavík leika
oddaleik í Keflavík í undanúrslit-
um 1. deildar kvenna í körfubolta.
19.15 Snæfell keppir við Njarðvík í
Stykkishólmi í undanúrslitum Inter-
sport-deildarinnar í körfubolta.
19.15 ÍR mætir HK í Austurbergi í
úrvalsdeild RE/MAX-deildarinnar í
handbolta.
19.15 Stjarnan leikur við Hauka í
Ásgarði í úrvalsdeild RE/MAX-
deildarinnar í handbolta.
19.15 KA keppir við KR í Boganum
í deildabikarkeppni karla í fót-
bolta.
20.00 Fram fær Val í heimsókn í
Framhúsið í úrvalsdeild RE/MAX-
deildarinnar í handbolta.
20.00 KA og Grótta/KR keppa í
KA-heimilinu í úrvalsdeild
RE/MAX-deildarinnar í handbolta.
20.00 Íslendingar leika við Íra í
Skautahöllinni í Laugardal í 3.
deild undankeppni HM í íshokkí.
20.30 Þróttur R. mætir ÍBV í Egils-
höll í deildabikarkeppni karla í
fótbolta.
■ ■ SJÓNVARP
17.30 Olíssport á Sýn. Fjallað er
um helstu íþróttaviðburði heima
og erlendis.
18.00 Gillette-sportpakkinn á Sýn.
18.30 Meistaradeild UEFA á Sýn.
Fréttaþáttur um meistaradeild
UEFA.
19.00 Intersport-deildin á Sýn.
Bein útsending frá fyrsta leik
Snæfells og Njarðvíkur í undan-
úrslitum Intersport-deildarinnar.
21.00 Alltaf í boltanum á Sýn.
21.30 Supercross á Sýn. Nýjustu
fréttir frá heimsmeistaramótinu í
Supercrossi.
22.30 Motorworld á Sýn. Kraftmik-
ill þáttur um allt það nýjasta í
heimi akstursíþrótta.
hvað?hvar?hvenær?
16 17 18 19 20 21 22
MARS
Föstudagur
ROBERTO BAGGIO
Hefur skorað 200 mörk í ítölsku A-deildinni.
ROBERTO BAGGIO
(f. 18. febrúar 1967)
Deildarleikir og mörk
Vicenza (1982-1985) * 36 13
Fiorentina (1985-1990) 94 39
Juventus (1990-1995) 141 78
AC Milan (1995-1997) 51 12
Bologna (1997-1998) 30 22
Inter Milan (1998-2000) 41 9
Brescia (2000-2004) 86 40
Samtals (1982-2004) 479 213
* Lék með Vicenza í C-deildinni
A-LANDSLEIKIR OG MÖRK
Ítalía (1988-1999) 55 27
FRIÐRIK STEFÁNSSON, MIÐHERJI NJARÐVÍKUR
Menn bíða spenntir eftir einvígi hans og Hlyns Bæringssonar hjá Snæfelli.
FR
ÉT
TA
B
LA
Ð
IÐ
/H
AR
I