Fréttablaðið - 22.03.2004, Blaðsíða 19
Í sumar verður frumsýnd á Fá-skrúðsfirði óperan Le Pays eft-
ir franska tónskáldið Joseph-Guy
Ropartz. Flytjendur verða söngv-
ararnir Sigrún Hjálmtýsdóttir,
Bergþór Pálsson og Gunnar Guð-
björnsson ásamt Jónasi Ingi-
mundarsyni píanóleikara.
„Þetta er eina óperan sem ger-
ist hér á landi og er samin af út-
lendingi,“ segir Albert Eiríksson,
sem hefur ásamt öðrum skipulagt
Franska daga á Fáskrúðsfirði
undanfarin ár. Flutningur Le Pays
verður einn af hápunktum hátíð-
arinnar í ár.
„Hún var samin árið 1908 og
sýnd þá í Frakklandi, en síðan
týndist hún að heita má þar til hún
var gefin út á diski af sinfóníu-
hljómsveit í Lúxemborg árið
2000.“
Óperan fjallar um franskan
sjómann sem kemst einn lífs af
þegar skútan hans ferst við Ís-
land. Honum er bjargað af ís-
lenskum bónda og verður svo ást-
fanginn af heimasætunni á bæn-
um.
„Þessi ópera er byggð á sögu-
legum heimildum. Árið 1873 fór-
ust við Vesturhorn margar
franskar skútur í fárviðri. Það var
gerð smásaga um einn af þeim
mönnum sem björguðust, og upp
úr þeirri smásögu var síðan þessi
ópera gerð.“
Elín Pálmadóttir blaðamaður
verður sögumaður við flutning-
inn, og hún sér einnig um gerð
efnisskrár. Hún hefur kynnt sér
mjög vel málefni franskra sjó-
manna við Íslandsstrendur fyrr á
tímum.
„Hún hefur skrifað bók um
þessi mál þar sem hún talar með-
al annars um þetta fárviðri 1873
og rekur sögu þessa manns. Þar
segir frá því þegar herskip kom
að sækja manninn eftir fimm eða
sex mánuði. Þá fylgdi heimilis-
fólkið honum niður í fjöru og þar
grét ein stúlka svo hátt að eftir
var tekið.“
Franskir dagar hafa í nokkur
ár verið haldnir á Fáskrúðsfirði
og hafa tekist verulega vel. Fjöldi
fólks gerir sér ferð í bæinn af
þessu tilefni og auk þess koma
jafnan góðir gestir frá vinabæ
Fáskrúðsfjarðar í Frakklandi í
heimsókn. ■
19MÁNUDAGUR 22. mars 2004
Ópera
LE PAYS
■ Franska óperan verður frumsýnd á
Fáskrúðsfirði í sumar. Óperan verður
hápunktur Franskra daga fyrir austan.
Frumraun íslensku gítar-rokksveitarinnar Singapore
Sling, breiðskífan The Curse of...
fékk frábæra dóma í Washington
Post á föstudag. Dómarnir birtast
þó heldur seint í blaðinu, þar sem
platan kom út á síðasta ári.
Gagnrýnandinn Mike Joyce
talar um að gagnrýnendur vestra
hafi margir reynt að lýsa tónlist
sveitarinnar nákvæmlega með
orðum, en án árangurs.
Hann segist heyra áhrif frá
Velvet Underground, Jesus and
Mary Chain, My Bloody Val-
entine, surf-gítarleikaranum Dick
Dale og jafnvel popparanum
Chris Isaak.
Að lokum segir hann að á þeim
köflum sem andi tónlistarinnar sé
ekki sannfærandi sé stemningin
alltaf undarlega aðlaðandi.
Singapore Sling eru nú í
Bandaríkjunum í stuttu tónleika-
ferðalagi. Upptökur á annarri
breiðskífu þeirra eru hafnar. ■
Tónlist
SINGAPORE SLING
■ Fá frábæra dóma í Washington Post.
Singapore Sling í
Washington Post
■ Þetta gerðist
1882 Bandaríkjaþing bannar fjölkvæni.
1913 Jack London, sem síðar varð rit-
höfundur, skrifar þekktum rithöf-
undum bréf til að spyrja hve
miklar tekjur þeir hefðu af
ritstörfum.
1945 Arababandalagið er stofnað.
1958 Kvikmyndaframleiðandinn Mike
Todd, þriðji eiginmaður Elísabetar
Taylor, ferst í flugslysi.
1974 Bandaríkjaþing samþykkir stjórn-
arskrárbreytingu um jafnrétti
kynjanna.
1984 Sjö leikskólakennarar í Kaliforníu
eru kærðir fyrir kynferðisbrot
gegn leikskólabörnum.
1999 Réttarhöld hefjast yfir lækninum
Jack Kevorkian, sem hafði þá
verið kærður fyrir að svipta fár-
sjúkan mann lífi.
SINGAPORE SLING
Halda áfram að fá góða gagnrýni í Bandaríkjunum.
Franska óperan
Le Pays á Fáskrúðsfirði
SIGRÚN
HJÁLMTÝSDÓTTIR
Syngur ásamt Berg-
þóri Pálssyni og
Gunnari Guðbjörns-
syni þegar franska
óperan Le Pays
verður frumflutt hér
á landi í sumar.