Fréttablaðið - 24.03.2004, Blaðsíða 2
2 24. mars 2004 MIÐVIKUDAGUR
„Ætli ég hafi ekki svipað traust á þess-
ari niðurstöðu og þjóðin hefur á mér.“
Steingrímur J. Sigfússon, formaður Vinstri grænna,
naut mest trausts stjórnmálamanna í könnun
Fréttablaðsins þegar veginn hafði verið saman
fjöldi þeirra sem treysta best og treysta síst stjórn-
málamönnum landsins.
Spurningdagsins
Steingrímur, hefurðu traust á þessari
niðurstöðu?
■ Lögreglufréttir
Tilmælin verði
ekki orðin tóm
Davíð Oddsson telur að Seðlabankinn eigi að beita sér ógni bankarnir
stöðugleikanum í leit sinni að skyndigróða. Bankastjóri Landsbankans
segir stöðu erlendra skammtímalána hafa batnað mikið að undanförnu.
EFNAHAGSMÁL „Aukning erlendra
skulda hefur verið það mikil að
undanförnu að ekki fær staðist til
lengdar,“ sagði Davíð Oddsson
forsætisráðherra í ræðu sinni á
ársfundi Seðlabankans. Davíð ít-
rekaði viðvaranir sínar til bank-
anna um aukningu erlendra
skulda bankakerfisins. Hann
sagði nauðsynlegt að stjórnendur
viðskiptabankanna taki þær til al-
varlegrar skoðunar. Davíð sagði
áminningarnótu Seðlabankans til
viðskiptabankanna um aukningu
erlendra skulda ekki plagg sem
bankinn sendi til þess að firra sig
ábyrgð og vísa í ef illa færi. Hann
sagði opinn og frjálsan fjármála-
markað forsendu fyrir góðu gang-
verki samfélagsins, en að menn
yrðu að kunna sér hóf og gæta að
langtímahagsmunum. „Bankarnir
eiga vissulega að sækjast eftir
góðum hagnaði, en þeir geta ekki
leyft sér að skara að sér skyndi-
gróða á kostnað stöðugleikans í
efnahagslífinu.“
Birgir Ísleifur Gunnarsson
Seðlabankastjóri segir að frá því
að Seðlabankinn sendi sínar við-
varanir hafi hið ánægjulega gerst
að bankarnir hafi lengt í erlendum
lánum, þannig að hlutfall langtíma-
lána og skammtímalána hafi batn-
að. Birgir sagði viðbrögð við við-
vörunum Seðlabankans hafa verið
með ólíkum hætti. „Einhverjir
sögðu: ekki benda á mig.“ Hann
segir viðvörunarorðum um er-
lendu lánin og ógn þeirra við láns-
hæfismat vera beint til allra þeirra
banka á Íslandi sem hafi að undan-
förnu stundað lántöku erlendis.
Sigurjón Þ. Árnason, banka-
stjóri Landsbankans, segir það rétt
að staðan við áramót hafi verið
þannig að hlutfall skammtímalána
hafi verið hærra en menn hafi vilj-
að hafa. „Við biðum heimildar frá
matsfyrirtækjum til þess að
stækka ramma fyrir langtímalán.
Þannig að ef horft er á stöðuna
eins og hún er í dag þá hefur hún
breyst mikið til batnaðar.“ Hann
segir það gilda um þetta eins og
margt annað að alltaf sé ástæða til
að fara varlega, en telur ekki
ástæður til að gera mikið úr hætt-
um þessu samfara.
Davíð Oddsson sagði að best
væri að stjórnendur bankanna
sæju sjálfir hvert stefndi og
ógnuðu ekki stöðugleikanum. „En
á hinn bóginn má enginn vafi ríkja
um að Seðlabankinn tekur fast á
málum er ekki er farið að vin-
samlegum tilmælum, sem hann
sendir frá sér.“
haflidi@frettabladid.is
Dómur kveðinn upp yfir morðingja Önnu Lindh:
Dæmdur í lífstíðarfangelsi
STOKKHÓLMUR, AP Mijailo
Mijailovic var í gær dæmdur í
lífstíðarfangelsi fyrir morðið á
Önnu Lindh, þáverandi utanríkis-
ráðherra Svíþjóðar, sem hann
stakk í verslunarmiðstöð í Stokk-
hólmi 10. september í fyrra en
hún lést af sárum sínum næstu
nótt.
Verjendur Mijailovic héldu því
fram við réttarhöldin að sakborn-
ingur ætti við það mikil geðræn
vandamál að stríða að hann væri
ekki sakhæfur. Geðlæknar sem
skoðuðu hann komust að annarri
niðurstöðu og neitaði dómarinn í
síðustu viku að verða við beiðni
verjenda um að geðrannsókn á
Mijailovic yrði endurtekin. Þá
þótti ljóst að hann yrði dæmdur í
lífstíðarfangelsi.
Í dóminum segir að Mijailovic
hafi verið meðvitaður um hvað
hann var að gera þegar hann réðst
á Lindh og að árás hans hafi verið
mjög hrottafengin. Mijailovic ját-
aði verknaðinn en sagðist hafa
fylgt röddum í höfði sér og neitar
því að hafa ætlað að myrða Lindh.
Peter Althin, lögmaður
Mijailovic, sagði í gær að engin
ákvörðun hefði verið tekin um
áfrýjun. ■
NORRÆNA
Ferjan kom til Seyðisfjarðar í gær eftir
tveggja mánaða hlé frá siglingum.
Norræna siglir á ný:
Seinkun
vegna veðurs
SIGLINGAR Farþegaskipinu Nor-
rænu, sem væntalegt var til Seyð-
isfjarðar snemma í gærmorgun,
seinkaði um hátt í sjö klukku-
stundir vegna veðurs.
Þetta er fyrsta ferð Norrænu
til Íslands í tvo mánuði en ferjan
hefur verið í slipp í Hamborg þar
sem gert var við skemmdir sem
urðu þegar hún rakst á hafnar-
garðinn í Þórshöfn í Færeyjum.
Um eitt hundrað farþegar voru
um borð í Norrænu þegar hún
lagðist við bryggju á Seyðisfirði
síðdegis í gær. Lögreglan leitaði í
bifreiðum og farangri með aðstoð
sérþjálfaðra hunda en engin ólög-
leg fíkniefni fundust.
Flestir farþeganna fara aftur
með skipinu í kvöld. ■
HÚS BRANN TIL KALDRA KOLA
Eldur kviknaði í gömlu yfirgefnu
timburhúsi í Bessastaðahreppi í
gærkvöldi. Slökkvilið höfuðborg-
arsvæðisins var kallað á staðinn
en húsið brann til kaldra kola og
verður að öllum líkindum rifið.
VÖRUBIFREIÐ VALT Vörubifreið
með gám í eftirdragi lenti á ljósa-
staur og valt á hliðina á afrein
frá Vesturlandsvegi að Sæbraut
um miðjan daginn í gær. Bílstjór-
inn var fluttur á slysadeild með
sjúkrabifreið en meiðsl hans eru
ekki talin alvarleg. Kallaður var
til krani til að rétta flutningabíl-
inn við.
EINMANA MÓTMÆLANDI
Mikið hefur verið um mótmæli gegn for-
setanum en þessi mótmælandi var þó
einn innan um gaddavírsgirðingar.
Forseti Taívans:
Vill telja at-
kvæði á ný
TAÍVAN, AP Chen Shui-bian, forseti
Taívans, sem vann nauman sigur í
forsetakosningum um síðustu
helgi, hvatti í gær til þess að at-
kvæði yrðu endurtalin og hét því
að sætta sig við niðurstöðuna.
Stjórnarandstæðingar hafa gagn-
rýnt kosningarnar harkalega og
sagt óeðlilega að þeim staðið.
Forsetinn var veiklulegur og
virkaði þreyttur þegar hann
ávarpaði landsmenn í sjónvarpi
fjórum dögum eftir að hann varð
fyrir skoti á kosningaferðalagi.
Komið hafa fram kenningar um
að árásin hafi verið sviðsett en
rannsóknarmenn sem vinna að
rannsókn árásarinnar segja bílinn
hafa verið á of mikilli ferð til að
hægt væri að skjóta á forsetann
til þess eins að særa hann. ■
TUGIR ÖKUMANNA EKKI MEÐ
BELTI Umferðarátak var í
Reykjanesbæ í gær. Lögreglan
var við eftirlit á nokkrum stöðum
í sveitarfélaginu og stöðvaði öku-
menn sem ekki voru í bílbelti eða
notuðu farsíma án handfrjáls
búnaðar. 37 ökumenn og þrír far-
þegar voru kærðir fyrir að vera
ekki með beltin spennt og ellefu
fyrir að tala í farsíma.
SINUBRUNAR VIÐ GRUNNSKÓLA
Kveikt var í sinu við Hvaleyrar-
skóla, Víðistaðaskóla, Lækjar-
skóla, Klukkuberg og Lindarberg
í Hafnarfirði og víðar í gær. Talið
er að skólakrakkar hafi verið að
verki í flestum tilfellum. Greið-
lega gekk að slökkva eldana og
hvorki urðu meiðsl á fólki né tjón
á mannvirkjum.
DÝRBÍTUR DRAP KIND Hundur
réðst á kindur við Garðaveg í
Hafnarfirði. Ein rolla drapst og
önnur særðist. Vegfarandi varð
vitni að atvikinu og hafði sam-
band við lögreglu. Eigandi hunds-
ins er ófundinn.
Glitnir kemur flér í samband
vi› rétta bílinn
– traustur samstarfsa›ili í fjármögnun
HEILBRIGÐISMÁL Miðstjórn banda-
lags háskólamanna (BHM) hefur
endanlega fallið frá hugmynd um
málshöfðun á hendur Landspítala
- háskólasjúkrahúsi vegna skorts
á samráði við uppsagnir og kjara-
breytingar starfsfólks spítalans í
tengslum við sparnaðaraðgerðir.
„Við ætlum að taka höndum
saman með stjórn spítalans í
þeirri von að við getum komið í
veg fyrir frekari sparnaðarað-
gerðir, því þessar uppsagnir og
aðgerðir núna duga engan veginn
til ef ekki kemur viðbótarfram-
lag,“ sagði Halldóra Friðjónsdótt-
ir, formaður BHM. „Við ætlum
því að reyna að leggjast á eitt með
stjórn spítalans til að herja á
stjórnvöld til að ekki verði um
frekari niðurskurð að ræða.“
Halldóra sagði að næsta skref
yrði að kynna málið fyrir Jóni
Kristjánssyni heilbrigðisráð-
herra. Síðan yrðu þau atriði kynnt
sem BHM og stjórn spítalans
myndu leggja áherslu á. ■
HALLDÓRA FRIÐJÓNSDÓTTIR
BHM og Landspítali taka höndum saman.
BHM fellur frá málssókn:
Herja á stjórnvöld
■ Lögreglufréttir
ÍTREKAR VIÐVARANIR
Davíð Oddsson varar bankana við að ganga of langt í erlendum lántökum. Hann segir mikil-
vægt að vinsamleg tilmæli Seðlabankans séu ekki orðin tóm og ekki megi ríkja vafi um að
bankinn fylgi orðum sínum eftir. Best sé þó að frumkvæðið komi frá bönkunum sjálfum.
FR
ÉT
TA
B
LA
Ð
IÐ
/R
Ó
B
ER
T
MIJAILO MIJAILOVIC
Morðingi Önnu Lindh var dæmdur í ævi-
langt fangelsi. Áfrýjun hefur ekki verið
ákveðin.
Voðaskot:
Fékk skot í
höfuðið
FÆREYJAR Fimmtán ára færeyskur
drengur lést af völdum voðaskots
sem hann varð fyrir í fyrrakvöld.
Hann var staddur í húsi í Tvøroyri
ásamt þremur jafnöldrum sínum
þegar skotið hljóp af og fór í höfuð
piltsins.
Sýslumaðurinn á Tvøroyri sagði
við blaðið Sósíalinn að líklegt væri
að skotið hefði hlaupið af þegar pilt-
urinn hafi verið að leggja byssuna
frá sér en þremenningarnir sem
með honum voru segjast ekki hafa
handleikið byssuna. Lögreglan á
sama stað sagði við Útvarp Færeyja
að ekkert benti til annars en að um
voðaskot hefði verið að ræða. ■