Fréttablaðið - 24.03.2004, Blaðsíða 14
14 24. mars 2004 MIÐVIKUDAGUR
■ Norðurlönd
HERFERÐ GEGN AL-KAÍDA MÓTMÆLT
Pakistönsk stjórnvöld standa fyrir mikilli
herferð gegn al-Kaídaliðum nú um stundir.
Ekki eru þó allir á því að sú herferð sé til
góðs og var efnt til mótmæla gegn henni í
gær í Bara-héraði nærri landamærum
Afganistans.
LÍKFUNDARMÁLIÐ Illugi Jökulsson,
ritstjóri DV, undrast ummæli
Björns Bjarnasonar dómsmála-
ráðherra um birtingu blaðsins á
lögregluskýrslu eins sakborning-
anna í Neskaupstaðarmálinu.
Ráðherra sagðist í Ríkisútvarp-
inu í gær harma að blaða-
mennska á Íslandi væri komin
niður á þetta stig.
„Mér finnst þessi ummæli
mjög einkennileg,“ segir Illugi.
„Það hefur alltaf tíðkast í ís-
lenskri blaðamennsku að blöð
skrifi um sakamál þó ekki sé búið
að upplýsa þau endanlega eða
dæma í þeim. Þó magnið sé meira
í þessu tilviki hjá okkur þá get ég
ekki séð að það sé neinn eðlis-
munur á því að birta þetta og ým-
islegt annað sem sjálfsagt þykir
að birta.“
Illugi segir að tekin hafi verið
ákvörðun um að birta skýrsluna í
heild sinni vegna þess að málið sé
eitt sérstæðasta og óhugnanleg-
asta sakamál sem upp hafi komið
á Íslandi.
„Skýrslan birtir alveg nýja
hlið á íslenskum undirheimum
þannig að okkur þótti full ástæða
til að leyfa fólki að kynnast þeim
veruleika.“
Ríkissaksóknari hefur falið
lögreglunni að rannsaka hvernig
skýrslan barst til DV. Illugi sagði
í gærkvöld að lögregluyfirvöld
hefðu ekki haft samband við rit-
stjórn DV.
„Ef við verðum yfirheyrðir þá
verður það mjög stutt yfir-
heyrsla því við gefum náttúrlega
ekkert upp hvar við fengum
þetta.“ ■
LÍKFUNDARMÁLIÐ Bogi Nilsson ríkis-
saksóknari hefur farið fram á að
lögreglan í Reykjavík rannsaki
hvernig lögregluskýrsla með
játningu Grétars Sigurðarsonar í
Neskaupstaðarmálinu barst til
DV og birtist á síðum blaðsins í
gær.
Björn Bjarna-
son dómsmála-
ráðherra sagði
að birting lög-
regluskýrslunn-
ar væri aðför að
íslenska réttar-
kerfinu en Bogi sagðist ekkert
vilja tjá sig um það. Hins vegar
væri þetta, svo hann myndi, í
fyrsta skiptið sem svona nokkuð
gerðist og hann liti málið mjög al-
varlegum augum.
„Ég hef óskað eftir því við lög-
regluna að hún taki þetta til rann-
sóknar og það segir hvað mér
finnst um þetta,“ segir Bogi. „Það
verður ekki annað séð en að þarna
hafi verið rofinn trúnaður eða
þagnarskylda. Það getur líka ver-
ið að einhver hafi komist yfir
skýrsluna með ólögmætum hætti,
til dæmis með því að brjótast ein-
hvers staðar inn eða hnýsast ein-
hvers staðar í hana, en það er lög-
reglunnar að fara yfir málið.“
Þeir sem hafa lögregluskýrsl-
una, sem birt var í heild
sinni í DV í gær, undir höndum
eru lögregluyfirvöld, dómstólarn-
ir og verjendur sakborninganna í
málinu. Bogi segir að sá trúnaður
sem eigi að ríkja milli þeirra sem
sinna málinu hafi brostið. Málið
sé einnig mjög alvarlegt því það
ríki viss trúnaður á milli þess
yfirheyrða og lögreglunnar.
„Hann hefur að mínum dómi
greinilega verið rofinn,“ segir
Bogi.
Bogi segist ekki getað svarað
því hvaða afleiðingar svona trún-
aðarbrestur geti haft.
„Þetta á náttúrlega bara ekki
að gerast. Ég man ekki dæmi þess
að skýrsla af sakborningi hafi
áður birst með þessum hætti í
fjölmiðlum.“
Ekki náðist í Harald Johannes-
sen ríkislögreglustjóra þar sem
hann er erlendis. Arnar Jensson,
aðstoðaryfirlögregluþjónn hjá
Ríkislögreglustjóra, vildi ekkert
tjá sig um birtingu lögreglu-
skýrslunnar heldur vísaði á ríkis-
saksóknara.
trausti@frettabladid.is
Sími 540 1900 www.krabbameinsfelagid.is
F
ít
o
n
/
S
ÍA
F
I0
0
8
9
9
6
– TIL STYRKTAR KRABBAMEINSFÉLAGINU
Í marsmánuði er hægt að leggja
Krabbameinsfélaginu lið í 38 verslunum
um land allt. Einnig er hægt að hringja
í styrktarsíma Krabbameinsfélagsins
907 5050 og verða þá 1.000 krónur
skuldfærðar af símareikningi.
Engjateigi 5, sími 581 2141
Opið virka daga frá kl. 10.00-18.00, laugardaga frá kl. 10.00-16.00.
NÝJAR PILS- OG BUXNADRAGTIR
Á ÓTRÚLEGA
GÓÐU VERÐI
BOGI NILSSON
Ríkissaksóknari segist ekki muna eftir því
að skýrsla hafi áður verið birt með þeim
hætti sem gert var í DV í gær.
„Þetta á
náttúrlega
bara ekki að
gerast.
Greinilegur
trúnaðarbrestur
Bogi Nilsson ríkissaksóknari hefur farið fram á að lögreglan rannsaki
hvernig lögregluskýrsla barst til DV. Hann segir trúnað hafa verið
rofinn og þagnarskyldu brotna.
ILLUGI JÖKULSSON OG MIKAEL TORFASON
Ritstjóri DV segir að ef hann verði yfirheyrður vegna málsins muni hann ekkert gefa upp.
Illugi Jökulsson ritstjóri DV:
Undrast ummæli ráðherra
NÍU PRÓSENTA ATVINNULEYSI
Ellefti hver vinnufær Finni var
án vinnu í síðasta mánuði, eða
níu prósent. Það er litlu minna
atvinnuleysi en í janúar þegar
9,4 prósent Finna voru atvinnu-
laus. Alls voru 229.000 án vinnu í
febrúar, jafn margir og í febrúar
fyrir ári.
FORMANNSSKIPTI Kja Leo Jo-
hannesen verður formaður Sam-
bandsflokksins færeyska sem
heldur flokksþing sitt um næstu
helgi. Johannesen gefur einn kost
á sér og er því sjálfkjörinn. Hann
tekur við af Alfred Olsen, sem
hefur gegnt formennsku til
bráðabirgða síðan Lisbeth L. Pet-
ersen sagði af sér eftir kosningar
í janúar.