Fréttablaðið - 24.03.2004, Blaðsíða 30
30 24. mars 2004 MIÐVIKUDAGUR
MALONE MÆTTUR AFTUR
„Póstmaðurinn“ Karl Malone er kominn
aftur í lið Los Angeles Lakers eftir að hafa
átt við erfið meiðsli að stríða. Hér sést
hann taka körfuskot gegn Milwaukee
Bucks. Lakers vann leikinn 104-103 og
skoraði Malone 14 stig.
Körfubolti
FÓTBOLTI Chelsea hefur
ekki unnið Arsenal í síð-
ustu sextán viðureign-
um liðanna í úrvalsdeildinni og
bikarkeppninni. Arsenal hefur
unnið ellefu leiki en fimm hafa
endað með jafntefli. Liðin hafa
mæst þrívegis á þessu tímabili og
hefur Arsenal farið með sigur af
hólmi í öllum þremur viðureignun-
um. Allir leikirnir hafa endað með
2-1 sigri Arsenal en lítill munur
hefur verið á liðunum nema ef
vera skyldi í deildarleiknum á
Stamford Bridge þar sem Arsenal
réð lögum og lofum á vellinum.
Þetta lélega gengi Chelsea-manna
gegn Arsenal er farið að fara veru-
lega í taugarnar á leikmönnum
liðsins og hyggjast þeir kvitta fyr-
ir sig í kvöld í leik liðanna í Meist-
aradeildinni á Stamford Bridge. ■
FÓTBOLTI „Við viljum komast eins
langt og við getum í Meistara-
deildinni og við ætlum að gefa allt
í leikinn,“ sagði Arsene Wenger,
framkvæmdastjóri Arsenal.
Arsenal leikur í kvöld við Chelsea
í átta liða úrslitum Meistaradeild-
ar UEFA á Stamford Bridge. „Við
höfum beðið í nokkur ár eftir að
komast þetta langt og eigum góða
möguleika á að komast áfram. Það
eiga þeir líka svo ég held að það
verði erfitt að giska á úrslitin,“
bætti Wenger við.
Claudio Ranieri, framkvæmda-
stjóri Chelsea, brýnir fyrir leik-
mönnum sínum að einbeita sér að
leiknum og hugsa eingöngu um
Chelsea. Hann þakkar leikmönn-
unum stuðninginn að undanförnu
en þeir verði að einbeita sér að
leiknum við Arsenal. „Á miðviku-
dag snýst allt um Chelsea, ekki
Ranieri eða einhverja einstak-
linga.“
Framkvæmdastjórarnir eru var-
kárir en Jimmy Floyd Hasselbaink
er þegar kominn í mikinn ham. „Ég
er viss um að við munum vinna þá á
Stamford Bridge og ég gæfi allt
fyrir að verða leikmaðurinn sem
skorar sigurmarkið. Leikmenn
Arsenal munu mæta yfirvegaðir til
leiks og algjörlega sannfærðir um
að þeir séu betri en við. Það verða
mestu mistök þeirra. Mér virðist
sem leikmenn Arsenal séu orðnir
hrokafullir af velgengninni.“
„Meistaradeildin skiptir okkur
miklu máli,“ sagði Thierry Henry.
„Við erum kannski fimm leiki frá
því að komast í tæri við bikarinn
en það er enn löng leið og við
verðum bara að einbeita okkur að
næsta leik,“ sagði Henry. „Ég hef
áður komist í undanúrslitin en
ekki Arsenal. Við vorum nálægt
því í fyrra, um það bil 20 mínútur
frá því, þegar við lékum við Val-
encia. En þetta snýst ekki um
hvað við höfum gert áður heldur
hvað við getum gert núna. Ég lít
ekki til baka, ég lít til framtíðar.“
Í Madríd leikur Real Madrid
við Monaco. Félögin hafa verið í
forystu heima fyrir í mest allan
vetur en hefur fatast flugið að
undanförnu. Real Madrid heldur
forystunni á Spáni þrátt fyrir 4-2
tap í Bilbao á sunnudag. Í síðustu
viku tapaði félagið fyrir Real
Zaragoza í úrslitaleik bikarkeppn-
innar og þar með var draumurinn
um þrennuna úr sögunni. Monaco
hefur aðeins náð átján stigum í
ellefu leikjum á þessu ári og um
helgina missti félagið forystua í
deildinni en það hefur verið í
efsta sæti frá því í september. ■
FÓTBOLTI „Við ætlum að hafa gaman
af þessu og gera okkar besta,“ sagði
Lúkas Kostic, þjálfari U17-lands-
liðsins. „Ég vona að strákarnir geti
verið ánægðir og stoltir með
frammistöðu sína.“
Keppni í 2. milliriðli Evrópu-
keppni U17-liða hefst í dag í Jórvík-
urskíri á Englandi. Íslendingar
leika við Norðmenn á Glanford
Park í Scunthorpe en Englendingar
leika við Armena í Sheffield. Á
föstudag leika Íslendingar við Eng-
lendinga í Doncaster og við Armena
í Worksop á sunnudag.
Lúkas telur liðin í riðlinum í
svipuðum gæðaflokki. „Á þessu
stigi keppninnar eru bara góð lið
svo þetta verður erfitt en við erum
tilbúnir. Albanir og Litháar sem
urðu eftir í okkar riðli í haust voru
einnig með mjög góð lið.“ Íslending-
ar unnu Albani 3-1 í haust og Litháa
5-1 en gerðu einnig markalaust jafn-
tefli við Rússa.
Lúkas segir að íslenska liðið hafi
undirbúið sig með æfingum og
leikjum í fótboltahúsunum í vetur.
Spurning sé um leikform íslenska
liðsins enda langt í mótin hér heima.
Engu að síður eru leikmenn bjart-
sýnir á góð úrslit. Norðmenn
bjuggu sig undir keppnina með
leikjum við norsk unglingalið og æf-
ingaferð til La Manga á Spáni. Eng-
lendingar léku við Svisslendinga í
haust og við Frakka, Portúgali og
Finna á móti í Algarve í febrúar. ■
■ ■ LEIKIR
19.15 Keflavík mætir ÍS í Keflavík í
fyrsta úrslitaleik 1. deildar kvenna í
körfubolta.
19.15 ÍR og Haukar leika í Austur-
bergi í úrvalsdeild RE/MAX-deildar karla
í handbolta.
19.15 HK keppir við Gróttu/KR í
Digranesi í úrvalsdeild RE/MAX-deildar
karla í handbolta.
19.15 Fram leikur við Stjörnuna í
Framhúsinu í úrvalsdeild RE/MAX-deild-
ar karla í handbolta.
19.15 KA og Valur keppa í KA-
heimilinu í úrvalsdeild RE/MAX-deildar
karla í handbolta.
■ ■ SJÓNVARP
17.40 Olíssport á Sýn. Fjallað er
um helstu íþróttaviðburði heima og er-
lendis.
18.00 Fákar á Sýn. Fjölbreyttur
þáttur um hestaíþróttir.
18.30 US PGA Tour 2004 á S’yn.
Þáttur um bandarísku mótaröðina í
golfi.
19.30 Meistaradeild UEFA á Sýn.
Bein útsending frá fyrri leik Chelsea og
Arsenal í átta liða úrslitum.
21.40
Meistara-
deild UEFA
á Sýn. Út-
sending frá
fyrri leik
Real Ma-
drid og
Monaco í
átta liða úrslitum.
22.50 Handboltakvöld á RÚV.
23.30 Olíssport á Sýn. Fjallað er
um helstu íþróttaviðburði heima og er-
lendis.
hvað?hvar?hvenær?
21 22 23 24 25 26 27
MARS
Miðvikudagur
Paul Dickov, leikmaður
Leicester:
Ekki í skoska
landsliðinu
FÓTBOLTI Framherjinn Paul Dickov,
einn af þremur leikmönnum
Leicester sem eru sakaðir um
kynferðislega misnotkun, var
ekki valinn í leikmannahóp Skota
fyrir vináttulandsleik gegn Rúm-
eníu 31. mars.
Berti Vogts landsliðsþjálfari
segist hafa rætt við Dickov og
þeir hafi báðir talið best að hann
spilaði ekki leikinn. „Eins og er
vill hann fyrst spila með Leicester
áður en hann getur einbeitt sér
100 prósent að því að spila með
landsliðinu,“ sagði Vogts. „Ég
virði ákvörðun hans og Paul mun
áfram koma til greina í landslið-
ið.“
Dickov var ásamt félögum
sínum í Leicester í æfingabúðum
á Spáni þegar þrjár konur sökuðu
hann og þá Keith Gillespie og
Frank Sinclair um að hafa mis-
notað sig kynferðislega. ■
Ólympíuleikarnir í Aþenu:
CIA óttast
hryðjuverk
FRJÁLSAR ÍÞRÓTTIR Hæstráðandi
hryðjuverkadeildar bandarísku
leyniþjónustunnar, CIA, hitti
skipuleggjendur Ólympíuleik-
anna í Aþenu í gær í því skyni að
bæta öryggi á leikunum, sem hefj-
ast 13. ágúst.
Hryðjuverkin í Madrid fyrr í
mánuðinum hafa aukið á hræðslu
skipuleggjendanna en ríkisstjórn
Grikklands er þegar undir mikl-
um þrýstingi um að efla öryggis-
ráðstafanir sínar. Ríkisstjórnin
hefur beðið samherja sína innan
NATO um hjálp við að fylgjast
með lofthelgi Grikklands og um
að vera á varðbergi gagnvart
hryðjuverkahótunum á meðan á
leikunum stendur. ■
AP
/M
YN
D
■ Tala dagsins
16
Evrópukeppni U17-liða:
Leika við Norðmenn í dag
Gefum allt í leikinn
Chelsea og Arsenal leika á Stamford Bridge í kvöld í átta liða úrslitum
Meistaradeildarinnar. Arsene Wenger ætlar sér langt í keppninni.
THIERRY HENRY
Hefur skorað átta mörk í þrettán leikjum gegn Chelsea.