Fréttablaðið - 29.03.2004, Blaðsíða 8
8 29. mars 2004 MÁNUDAGUR
■ Lögreglufréttir
Saklaus
„Ég hef ekkert gert til að
„séðogheyrt-væða“ embættið.“
Ólafur Ragnar Grímsson, forseti Íslands.
Fréttablaðið 28. mars.
Þakklátur tónlistarmaður
„Ég er býsna ánægður með
mitt hlutskipti og á maður
ekki að vera þakklátur fyrir
að hafa enn heilsu og
hreinlega vera á lífi?“
Þórir Baldursson tónlistarmaður.
Morgunblaðið. 28. mars.
Hremmingar
„Starfsfólkið hér hefur farið
í gegnum ýmsar hremmingar
og það væri ekki gott fyrir
fyrirtækið ef salan misheppn-
aðist.“
Brynjólfur Bjarnason, forstjóri Símans.
Fréttablaðið 28. mars.
Orðrétt
Halldór Ásgrímsson vill endurvekja hugmyndir um
útflutning raforku:
Strengur kostar
65 milljarða
RAFMAGN Halldór Ásgrímsson utan-
ríkisráðherra vill endurvekja hug-
myndir um að flytja út raforku með
sæstreng frá Íslandi til Skotlands.
Þetta kemur fram í skoska dagblað-
inu The Scotsman í gær og er haft
eftir Halldóri í viðtali við skoska
fiskitímaritið Fishing Monthly.
Sæstrengur milli Íslands og
Skotland væri gríðarleg áskorun
tæknilega séð. Strengurinn þyrfti að
vera 500 mílur að lengd hið minnsta
en áætlaður kostnaður er um 65
milljarða króna.
„Tæknilega séð er þetta fram-
kvæmanlegt,“ segir Halldór meðal
annars í viðtalinu. „Þetta er dýr
framkvæmd en ég hef trú á því að sá
dagur muni renna upp að við tengj-
umst Evrópu.“
Þorsteinn Hilmarsson, upplýs-
ingafulltrúi Landsvirkjunar, segir
fyrirtækið hafa átt í viðræðum um
sæstrengsmál í Skotlandi fyrir
nokkrum árum með það í huga að
selja rafmagn áfram suður til Evr-
ópu. Lítið hefur þó farið fyrir við-
ræðum við Skota undanfarið en
Landsvirkjun, ásamt Statoil og
Statnet, lét gera hagkvæmisathugun
á því að leggja sæstreng til Noregs.
Niðurstaðan var sú að sæstrengur er
ekki fýsilegur kostur sem stendur
vegna markaðsaðstæðna. ■
Andlitslyfting
Alþingishússins
Framkvæmdir hefjast í sumar við endurbætur Alþingishússins að innan. Heildarkostnaður
við að gera húsið upp nemur um 200 milljónum króna. Sótt er í hugmyndir frá þeim tíma
þegar húsið var byggt.
ENDURBÆTUR Umfangsmiklar fram-
kvæmdir eru fyrirhugaðar innan
veggja Alþingishússins við Austur-
völl í sumar. Á síðasta ári var hafist
handa við að laga húsið að innan og
er vinnan nú í raun framhald á þeim
framkvæmdum. Endurbæturnar
felast í ýmsu, meðal annars verður
skipt um gólfefni víða í húsinu og
verður fallegt stafaparkett áber-
andi, auk þess sem frískað verður
upp á litavalið. Þá verður lýsing
bætt og skipt um ljósakrónurnar
þrjár í þingsölunum. Í stað þeirra
sem nú prýða salina koma
ljósakrónur sem voru lengi vel í Al-
þingishúsinu, en var skipt út og hafa
til að mynda prýtt Þjóðmenningar-
húsið undanfarin ár.
Útlit Alþingishússins verði
upprunalegt
„Alþingishúsið er alfriðað og á
sína merkilegu sögu. Meginmark-
miðið verður að gefa því uppruna-
legt útlit. Við framkvæmdirnar
sækjum við í frumhugmyndir og
tíðaranda þess danska arkitekts
sem teiknaði húsið á sínum tíma,“
segir Sigurður Einarsson, arkitekt
hjá Batteríinu, sem hefur umsjón
með framkvæmdunum.
Reiknað er með að framkvæmd-
irnar hefjist fljótlega eftir að vor-
þingi lýkur í byrjun maí næstkom-
andi og verða þær teknar í tveimur
áföngum. Stefnt er að því að ljúka
fyrri áfanganum um miðjan júlí,
eða nokkru fyrir innsetningu í emb-
ætti forseta Íslands 1. ágúst, en þá
verða þingsalurinn og forsalurinn
að vera tilbúnir. Markmiðið er síðan
að klára síðari áfangann fyrir sept-
ember. Kostnaðurinn við fram-
kvæmdirnar í sumar nemur um 70
milljónum króna, en heildarkostn-
aður við að gera upp Alþingishúsið
bæði að utan og innan hljóðar upp á
um 200 milljónir króna.
„Stærsta framkvæmdin á fyrstu
hæðinni verður við gamla steypta
plötu sem var steypt um leið og hús-
ið var byggt. Steypan er svo mjúk
og dregur í sig svo mikinn raka að
það er varla hægt að setja nokkuð
gólfefni á hana. Það eru hugmyndir
um að setja stafaparket í forsalinn,
en til þess að það sé mögulegt þá
þarf að brjóta alla plötuna upp og
steypa nýja plötu. Við náum þó ekki
að klára vinnuna við gólfið á þessu
ári og því er reiknað með að frekari
fjármunum verði veitt í verkefnið á
næsta ári,“ segir Sigurður.
Húsið fullt af draugalögnum
Á annarri hæð Alþingishússins,
í þingsalnum og í lestrarstofu
verða öll teppi tekin af, en undir
þeim eru spónaplötur sem hafa
verið lagðar á gólfin. Markmiðið er
að breyta gólfunum í sína upp-
runalegu mynd og slípa þau og
meðhöndla. Sigurður segir að gríð-
arleg vinna verði ennfremur við að
endurnýja allar lagnir hússins.
„Húsið er fullt af alls konar
draugalögnum, jafnvel frá byrjun
síðustu aldar, sem liggja hér og þar
og enginn veit hvort eru í notkun
eða ekki. Þetta verður sett í heild-
stætt lagnakerfi, enda er Alþingis-
húsið afar tæknivætt hús og því
nauðsynlegt að hafa allar lagnir í
lagi þannig að auðvelt verði að
skipta þeim út. Stóra andlitslyft-
ingin verður í raun hreinsunin á
öllu þessu drasli. Allir þessir smáu
hlutir eiga eftir að gjörbreyta
ásýndinni innanhúss,“ segir Sig-
urður.
Ekki er fyrirhugað að ráðast í
framkvæmdir á þriðju hæð Al-
þingishússins í sumar, en leka-
vandamál ofan á þaki hússins hef-
ur þegar verið leyst. Stefnt er að
því að taka ytra byrði þaksins í
gegn á næsta ári.
bryndis@frettabladid.is
Írland:
Reykinga-
bann á
vinnustöðum
DUBLIN, AP Frá og með deginum
í gær tóku gildi á Írlandi
ströngustu tóbaksvarnarlög
heims. Frá og með gærdegin-
um er með öllu óheimilt að
reykja á vinnustöðum, þar með
talið veitingastöðum.
Meirihluti Íra styður hina
ströngu löggjöf og hafa þús-
undir leitað aðstoðar við að
hætta reykingum í kjölfar mik-
illar auglýsingaherferðar
stjórnvalda. Veitingastaðaeig-
endur eru hins vegar margir
uggandi um sinn hag og telja
að bannið muni hafa slæm
áhrif á ferðamannaiðnaðinn í
landinu. ■
KVIKNAÐI Í BÍL Á REYKJANES-
BRAUT Eldur kviknaði í bíl sem
ekið var eftir Reykjanesbraut í
gærdag. Ökumaðurinn, sem var
einn í bílnum, keyrði út í kant
þegar eldurinn kom upp og
hringdi á lögreglu. Greiðlega
gekk að slökkva eldinn. Bílinn
er ónýtur.
ÖLVUNARAKSTUR Sjö ökumenn
voru teknir grunaðir um ölvun
við akstur í Reykjavík aðfaranótt
sunnudags. Þá var einn tekinn
ölvaður á bíl í Hafnarfirði í gær-
morgun.
ALÞINGISHÚSIÐ LAGFÆRT
Sigurður Einarsson arkitekt hefur umsjón með framkvæmdunum í Alþingishúsinu sem ráðist verður í í sumar. Hann segir markmiðið að
tryggja upprunalegt útlit hússins að innan.
LJÓSAKRÓNUR Í ÞINGSAL
Ljósakrónur sem voru upphaflega í sölum þingsins, eins og sést á þessari mynd, en var
skipt út á sínum tíma, koma nú aftur í húsið.
ENDURBÆTUR
Reiknað er með því að heildarkostnaður við
endurbætur Alþingishússins, bæði að innan
og utan, nemi um 200 milljónum króna.
HALLDÓR ÁSGRÍMSSON
Vill leggja sæstreng til Skotlands. Landsvirkjun átti í samstarf við Scottish Highdrow fyrir
nokkrum árum en lítið hefur farið fyrir viðræðum undanfarið.