Fréttablaðið - 29.03.2004, Blaðsíða 10

29. mars 2004 MÁNUDAGUR
TÚNIS, AP Leiðtogafundi Araba-
bandalagsins sem átti að hefjast
í Túnis í dag hefur verið frestað
um óákveðinn tíma. Þar átti
meðal annars að ræða hugmynd-
ir um að endurvekja friðartil-
lögur milli Palestínumanna og
Ísraela sem rúmlega tuttugu
arabaríki lögðu fram fyrir
tveimur árum.
Talsverð reiði ríkir hjá Aröb-
um vegna frestun fundarins og
er leiðtogum ríkjanna kennt um,
sem og Ísraelum og Bandaríkja-
mönnum.
Þetta er í fyrsta sinn síðan
1983 sem fundi leiðtoganna er
frestað en þeir hafa margoft
verið haldnir.
Hosni Mubarak, forseti Eg-
yptalands, segist tilbúinn að
halda fundinn í Kaíró eins fljótt
og auðið er. ■
Hvergi ráðgefandi
símaþjónusta
Ómögulegt virðist vera að fá símasamband við barnalækni ef neyð
krefur. Engir virðast veita ráðgefandi símaþjónustu til ungra foreldra
sem vita ekki í hvorn fótinn á að stíga varðandi veikindi barna sinna.
HEILBRIGÐISMÁL „Það var alveg
sama hvað ég reyndi, það var
hvergi möguleiki að fá að tala
augnablik við barnalækni,“ seg-
ir Árni Jón Guðmundsson, en
ungt barn hans
veiktist heift-
arlega í vik-
unni.
„Okkur varð
ekki um sel
þegar barnið
var ælandi og
með niðurgang
alla nóttina og
það eina sem ég
vildi var að fá
ráð sérfræð-
ings hvort ég
ætti að koma
með barnið eða
hvort ég væri
kannski að gera úlfalda úr
mýflugu. Ég bý langt frá og
þessar upplýsingar hefðu skipt
mig máli. En það var sama
hvert ég hringdi, enginn gat
gefið sér eina mínútu til að
ræða við mig.“
Hjá bráðadeild Landspítala -
háskólasjúkrahúss er ekki veitt
ráðgefandi símaþjónusta af
neinu tagi og fólki sem þangað
hringir er bent á að tilvísunar
þurfi til að fá aðgang að sjúkra-
húsinu. Sé fólki órótt vegna
veikinda barns er því bent á að
ræða við heilsugæslu eða panta
tíma hjá barnalækni. Hjá Dom-
us Medica fengust þær upplýs-
ingar að læknar þar tækju ekki
síma og á tveim heilsugæslu-
stofnunum sem Fréttablaðið
hafði samband við var það sama
uppi á teningnum. Eingöngu
væri mögulegt að ná sambandi
við barnalækni á sérstökum
hálftíma símatímum einu sinni í
viku.
Árni Jón segist orðlaus þar
sem þær aðstæður geti myndast
að fólk komist ekki á sjúkrahús
með góðu móti eða að það fari
erindisleysu ef í ljós komi að lít-
ið sem ekkert ami að barninu.
„Ég komst loks með barnið á
sjúkrahús seinnipart dags og sá
læknir sem tók á móti okkur
lagði barnið strax inn án mála-
lenginga.“
Matthías Halldórsson aðstoð-
arlandlæknir segir erfitt við
slíkt að eiga. „Þjónusta sem
þessi ætti að vera aðgengileg al-
menningi en það vakna margar
spurningar. Hverjir eiga að
greiða fyrir þjónustuna, hvern-
ig á slík greiðsla að fara fram
og hver er ábyrgð þeirra sem
þjónustuna veita? Því miður er
það einnig svo að símaþjónusta
af þessu tagi er fyrst undir hníf-
inn þegar skóinn kreppir fjár-
hagslega.“
albert@frettabladid.is
ÞÓRHÖFN Prammi sem losnaði aft-
an úr dæluskipinu Scandiu úti
fyrir Langanesi síðastliðinn
föstudagsmorgun var festur
heilu og höldnu við bryggju á
Þórshöfn aðfaranótt sunnudags.
Að sögn Steins Karlssonar,
hafnarvarðar í Þórshöfn, gekk
flutningurinn vel fyrir rest, en í
millitíðinni hafði pramminn ver-
ið festur við togskipið Hoffell en
slitnað aftur seint á föstudags-
kvöld í hvassviðri. Pramminn er
í eigu Gáma- og tækjaleigu Aust-
urlands, er 400 fermetrar að flat-
armáli og tekur 2.000 tonna
þunga. Hann er vélarlaus og án
ljósabúnaðar, og því skapast mik-
il hætta þegar hann rekur stjórn-
laust um hafið. Það voru björg-
unarsveitarmenn á Þórshöfn
sem festu taug milli prammans
og Scandiu, sem dró hann til
Þórshafnar. ■
Stjórnlaus prammi úti af Langanesi:
Kominn í höfn á Þórshöfn
„Því miður
er það einnig
svo að síma-
þjónusta af
þessu tagi er
fyrst undir
hnífinn þegar
skóinn krepp-
ir fjárhags-
lega.
AMR MOUSSA
Amr Moussa, aðalritari Arababanda-
lagsins, yfirgefur ráðstefnu utanrík-
isráðherra arabaríkja á laugardag.
Utanríkisráðherrarnir hittust að
vanda fyrir fund leiðtoga ríkjanna,
sem nú hefur verið frestað.
LÆKNISSKOÐUN
Engir barnalæknar veita ráðgefandi
þjónustu gegnum síma.
Myndin tengist ekki efni fréttarinnar
með beinum hætti.
Arababandalagið:
Leiðtogar fresta fundi