Fréttablaðið - 29.03.2004, Blaðsíða 25
MÁNUDAGUR 29. mars 2004
Sellófondrottningin
er andlit No Name
Björk Jakobsdóttir leikkona erandlit No Name árið 2004 en hún
var kynnt til leiks með pompi og
prakt í Iðnó á laugardagskvöld.
„Þetta leggst vel í mig vegna þeirrar
stefnu sem þær hafa tekið, að vera
alltaf með konur sem hafa skarað
fram úr fyrir fleira en fegurð. Þetta
eru konur sem mér finnst ógeðslega
flottar. Á meðan stefnan frá snyrti-
vörulínunni er svona er ekkert að því
að vera andlit þeirra. Það er ekki
amalegt að fylgja Bryndísi Schram,“
segir Björk, sem einnig fetar í fót-
spor Eddu Björgvins, Diddúar,
Selmu Björnsdóttur, Siggu Beinteins
og fleiri glæsikvenna.
No Name-stúlkur liðinna ára létu
einnig til sín taka og þannig sungu til
að mynda Selma og Sigga saman en
þær vilja alls ekki láta kalla sig
„fyrrum No Name-stúlkur“ þar sem
þær líta svo á að sú sem hafi einu
sinni verið No Name-stúlka sé ávallt
No Name-stúlka. Þá tróð Edda Björg-
vins upp og fór á sínum alþekktu
kostum þegar hún ræddi reynsluna
að vera No Name-andlit og listina að
eldast. Edda segist alltaf vera 29 ára
þó hún hafi fæðst fyrir 43 árum og
allir jafnaldrar hennar séu orðnir 51
árs. Þá benti hún á að aldurinn væri
ekki síst afstæður þar sem þetta
væri allt „uppgert“ og brjóstin væru
10 ára, nefið 5 ára og tennurnar síð-
an í síðustu viku. ■
Sigrún tilnefnd til verðlauna
Sigrún Eldjárn, rithöfundur ogmyndlistarkona, er tilnefnd af
hálfu Íslands til Norrænu barna-
bókaverðlaunanna árið 2004.
Greint var frá tilnefningunni á
aðalfundi Félags skólasafnskenn-
ara sem haldinn var í húsi Kenn-
arasambands Íslands 24. mars.
Sigrún er tilnefnd fyrir höf-
undarferil, sem rithöfundur og
listamaður, en hún hefur mynd-
skreytt fjöldann allan af barna-
bókum, bæði eigin sögur og ann-
arra. Einnig hafa myndskreyttar
ljóðabækur og stafrófskver sem
hún hefur gert með Þórarni bróð-
ur sínum heillað unga fólkið í
gegnum árin. Sigrún hefur samið
um tuttugu barnabækur og marg-
ar persónur hennar, eins og
Langafi, Kuggur og Teitur tíma-
flakkari, eru góðkunningjar bók-
hneigðra barna.
Einnig hafa verið tilnefndir
höfundar frá Svíþjóð, Danmörku,
Finnlandi og Noregi. Verðlaunin
verða veitt í ágúst á norrænni ráð-
stefnu skólasafnskennara í Hró-
arskeldu í Danmörku en þess má
geta að Íslendingar hafa titil að
verja þar sem Kristín Steinsdóttir
hlaut verðlaunin árið 2003. ■
Bækur
SIGRÚN ELDJÁRN
■ Hefur verið tilnefnd til Norrænu
barnabókaverðlaunanna árið 2004 fyrir
Íslands hönd.
Andlit
BJÖRK JAKOBSDÓTTIR
■ Er andlit No Name 2004.
Segist feta stolt í fótspor forvera sinna,
sem eru hver annarri glæsilegri.
SIGRÚN ELDJÁRN, ÞÓRA SJÖFN GUÐ-
MUNDSDÓTTIR OG ANNA BJÖRG
SVEINSDÓTTIR
Félags skólasafnskennara tilkynnti í liðinni
viku að Sigrún Eldjárn yrði fulltrúi Íslands í
samkeppni um Norrænu barnabókaverð-
launin þetta árið.
DÍSA Í HÁRNÝ, BJÖRK OG KRISTÍN STEFÁNSDÓTTIR Í NO NAME
Dísa sá um hár Bjarkar, sem geislaði eins og klassísk kvikmyndastjarna í Iðnó.
FR
ÉT
TA
B
LA
Ð
IÐ
/R
Ó
B
ER
T
BJÖRK
No Name andlit ársins á spjalli við eigin-
manninn, Gunnar Helgason leikara, sem
var staddur á Akureyri og því fjarri góðu
gamni.