Fréttablaðið - 01.04.2004, Blaðsíða 14

14 1. apríl 2004 FIMMTUDAGUR
KEPPT Í BAKSTRI
Heimsmeistarakeppni í pitsubakstri var
haldin í bænum Salsomaggiore á Ítalíu í
gær. Keppendur frá tíu þjóðlöndum reyn-
du með sér og var keppt í sex flokkum.
Frumvarp um olíugjald og kílómetragjald:
Núverandi þunga-
skattskerfi lagt niður
ALÞINGI Fjármálaráðherra mun á
næstu dögum leggja fram á Alþingi
frumvarp til laga um olíugjald og
kílómetragjald, en með því er lagt
til að núverandi þungaskattskerfi,
sem byggir á lögum um fjáröflun til
vegagerðar, verði lagt niður og í
staðinn komi olíugjald ásamt sér-
stöku kílómetragjaldi á ökutæki,
sem eru yfir 10 tonn að leyfðri
heildarþyngd.
Olíugjaldið verður lagt á sömu
aðila og þungaskatturinn, eða eig-
endur ökutækja sem knúin eru
dísilolíu, en þeir sem eru undan-
þegnir þungaskatti í dag, verða und-
anþegnir olíugjaldi, þar sem dísil-
olía til þeirra verður lituð og þannig
aðgreind frá hinni gjaldskyldu
dísilolíu.
Með þessu er verið að stuðla að
notkun á sparneytnari og umhverf-
isvænni ökutækjum og dísilknúnar
fólksbifreiðar verða álitlegri kostur
fyrir einstaklinga en verið hefur.
Með sérstöku kílómetragjaldi á
þyngri bifreiðar verður gjaldtakan
meira í samræmi við það slit sem
þær valda á vegakerfinu.
Stefnt er að því að ný lög taki
gildi næstu áramót, en líklegt er að
samsetning bifreiðaflotans breytist
og dísilbifreiðum fjölgi á kostnað
bensínbifreiða. Sú breyting er talin
leiða til þess að eldsneytiskostnaður
þjóðarbúsins lækkar þar sem dísil-
bifreiðar nota ódýrara eldsneyti. ■
Kvartanir
teknar alvarlega
Ríkisskattstjóri hefur ekki hafið formlega rannsókn á því hvers vegna tilskilin gjöld erlendra
verkamanna við Kárahnjúka hafa ekki skilað sér í sjóði viðkomandi sveitarfélaga.
SKATTAMÁL Indriði H. Þorláksson rík-
isskattstjóri segir af og frá að
skattayfirvöld taki kvartanir sveit-
arstjórna Fljótsdalshrepps og Norð-
ur Héraðs ekki alvarlega þó að
skattskil verk-
takafyrirtækisins
Impregilo séu
ekki formlega í
rannsókn hjá
embættinu.
„Það kemst
ekkert fyrirtæki
upp með að
greiða ekki
skatta og ef ein-
hver vafi leikur á
þá skoðum við
þau mál af kost-
gæfni. Meðan
Ríkisskattstjóri
tjáir sig ekkert um einstök mál þá er
ljóst að miðað við málflutning
sveitarstjórnarmanna fyrir austan
þá eru hnökrar á því að skattar og
gjöld skili sér með eðlilegum hætti.“
Komið hefur fram að hvorugt
viðkomandi sveitarfélaga hefur
fengið útsvargreiðslur vegna
erlendra starfsmanna, hvorki frá
Impregilo né erlendum undirverk-
tökum þeirra. Um talsverða hags-
muni er að ræða fyrir bæði sveitar-
félögin sem bæði eru smá og munar
um hvern eyri í sjóði sína. Herma
heimildir að bæði hafi einnig gert
ráð fyrir að þessar greiðslur skiluðu
sér með venjulegum hætti en um
nokkrar milljónir króna mun vera
að ræða.
Indriði segir tvær skýringar geta
verið á því hvers vegna sveitarfélög
fái ekki í sinn hlut tilskilin gjöld og
skatta þegar um erlenda aðila er að
ræða. „Annars vegar getur það staf-
að af því að búseta þeirra fer á milli
mála og ekki er rétt staðið að skrán-
ingu þeirra í þjóðskrá. Sé um slíkt að
ræða eru sveitarfélögin ekki alveg
óábyrg. Hins vegar kann að vera að
þeir sem launin greiða hafi ekki
staðið skil á upplýsingum og greiðsl-
um eins og vera ber. Þá er það á
valdsviði Ríkisskattstjóra að taka á
því ef það reynist raunin.“
Indriði ítrekar að fyrirtækjum sé
skylt að halda eftir staðgreiðslu
skatta og þannig sé hægt að tryggja
að gjöld starfsmanna sem þegar
hafa yfirgefið landið komist til skila.
albert@frettabladid.is
Stofnfjáreigendur
SPRON:
Fá 21% arð
af stofnfé
VIÐSKIPTI Stofnfjáreigendur í
Sparisjóði Reykjavíkur og ná-
grennis fá greiddan út tuttugu
og eins prósents arð af stofnfé
sínu auk þess sem bréfin verða
endurmetin um fimm prósent í
takt við verðlagsbreytingar á
árinu en stofnfé í sparisjóðum
er verðtryggt.
Þetta þýðir að arður stofn-
fjáreigenda er alls tuttugu og
sex prósent að nafnvirði fyrir
árið 2003.
Arðgreiðslan var samþykkt á
aðalfundi SPRON í fyrradag og
er samkvæmt tillögu stjórnar. ■
„Miðað við
málflutning
sveitarstjórn-
armanna fyrir
austan þá eru
hnökrar á því
að skattar og
gjöld skili sér
með eðlileg-
um hætti.
Sveitarstjóri Hríseyjar um uppsagnir:
Gríðarlegt áfall
ATVINNUMÁL Öllum starfsmönn-
um Íslensks sjávarfangs, fjórt-
án talsins, hefur verið sagt upp.
Tíu stöðugildi voru í Hrísey en
heildarfjöldi á vinnumarkaði
þar er um eitt hundrað. Þar hafa
því um tíu prósent vinnufærra
manna misst vinnuna.
„Þetta er gríðarlegt áfall.
Þetta er eins og tuttugu þúsund
manns færu á einu bretti á
höfuðborgarsvæðinu,“ segir
Ragnar Jörundsson sveitar-
stjóri.
Hann segir aðkomu sveitar-
félagsins að fjárhagslegri end-
urskipulagningu Íslensks sjáv-
arfangs ekki fyrirhugaða enda
hafi sveitarfélagið ekki bol-
magn til þess.
Ragnar segir að vandræðin í
Hrísey megi rekja til fiskveiði-
stjórnunarkerfisins en árið 2000
reið einnig áfall yfir Hríseyinga
þegar allur kvóti og landvinnsla
var flutt úr eynni.
„Þetta er ekki Hríseyingum að
kenna. Hér hefur ekki verið fjár-
festinga- eða framkvæmda-
fyllirí. Það datt engum það í hug
þegar KEA var að byggja hér allt
upp að þeir gætu farið á einu
bretti með allt í burtu. Þetta er
ósanngjarnt kerfi,“ segir Ragnar.
Hann er þó bjartsýnn á fram-
tíð Hríseyjar. „Eyjan er perla
Eyjafjarðar og hún á eftir að
rísa upp. Það tekur bara tíma,“
segir hann. ■
HÁSPENNULÍNUR
Ástæða þykir að rannsaka hvort fylgni sé
milli rafsegulmengunar og barnahvítbæðis.
Barnahvítblæði:
Háspennu-
línur gætu
verið orsaka-
valdur
BRETLAND Breska ríkisstjórnin
hefur óskað eftir rannsókn á því
hvort fylgni sé á milli rafsegul-
mengunar frá háspennulínum
og barnahvítblæði. Geislavarn-
arráð Bretlands hefur skýrt frá
því að töluverð rafsegulmengun
til lengri tíma tvöfaldi líkurnar
á barnahvítblæði.
Ekki var hægt að sýna fram á
einstök dæmi þar sem áhrifin
voru með beinum hætti en að
sögn ráðsins þykir ástæða til
þess að kanna fylgnina frekar
því í stærra úrtaki kæmi betur í
ljós hvort um fylgni gæti verið
að ræða. ■
ÞUNGASKATTSMÁLIÐ LOKS Í ÞINGSALI
Geir H. Haarde fjármálaráðherra mun á
næstu dögum leggja fram frumvarp um
niðurlagningu núverandi þungaskattkerfis
en í staðinn verður tekið upp olíugjald og
kílómetragjald.
RAGNAR JÖRUNDSSON
Sveitarstjórinn segir áfallið mikið en er
bjartsýnn á framtíð Hríseyjar.
AÐALVINNUBÚÐIR IMPREGILO VIÐ KÁRAHNJÚKA
Enn bólar ekkert á skattgreiðslum erlendra verkamenna við Kárahnjúka og viðkomandi sveitarfélög að missa þolinmæðina.
FR
ÉT
TA
B
LA
Ð
IÐ
/E
M
IL
Þ
Ó
R