Fréttablaðið - 01.04.2004, Blaðsíða 20

20 1. apríl 2004 FIMMTUDAGUR
KRÖFUGANGA Í LILLE
Franskur járnbrautastarfsmaður heldur á
blysi í kröfugöngu í Lille í Frakklandi. Þús-
undir manna söfnuðust saman í miðborg
Lille í gær til að mótmæla einkavæðingu
járnbrauta.
Sigurjón Þórðarson, Frjálslynda flokknum:
Vill breyta
kennitölukerfinu
ALÞINGI Sigurjón Þórðarson, Frjáls-
lynda flokknum, hefur lagt fram
þingsályktunartillögu um að Hag-
stofu Íslands verði falið að gera út-
tekt á þeim forsendum sem liggja
að baki kennitölukerfi einstaklinga
hér á landi. Hann vill að þetta verði
borið saman við kennitöluformið í
nágrannaríkjunum með tilliti til
þess hvort þar sé notast við sam-
bærilegt kerfi til auðkenningar og
hvort í þeim felist augljósar per-
sónuupplýsingar.
Samkvæmt tillögunni yrðu
metnir kostir og gallar þess að
taka upp nýtt kerfi sem væri
laust við persónuupplýsingar og
gæti staðið við hlið núverandi
kennitölukerfis, þannig að fólk
hefði val um kennitölu.
„Bent hefur verið á að kenni-
tölur séu notaðar óhóflega hér á
landi og þeim mun bagalegra
þykir fólki að þurfa sífellt að
veita persónulegar upplýsingar,
ef það kærir sig ekki um það.
Það eru sjálfsögð réttindi að
fólk geti valið um það hvort það
veitir persónulegar upplýsingar
á borð við fæðingardag sinn og
ár eða ekki,“ segir í greinar-
gerð. ■
Kvenréttindafélag Íslands:
Staða kvenna í Íslands-
banka vonbrigði
VIÐSKIPTI Kvenréttindafélag Ís-
lands lýsir yfir miklum von-
brigðum með nýlegar skipulags-
breytingar í Íslandsbanka og
áhrif breytinganna á stöðu
kvenna. Í ályktun Kvenréttinda-
félagsins segir að fyrir kaup Ís-
landsbanka á Sjóvá-Almennum
tryggingum hafi bankaráðið ver-
ið skipað sex körlum og einni
konu og sama skipting hafi verið
í stjórn tryggingafélagsins.
Bæði hafi fyrirtækin verið fyrir-
myndir og mjög leiðandi í jafn-
réttisumræðu á Íslandi undan-
farin ár.
Nýjar stjórnir þessara félaga
hafi enga konu innan sinna vé-
banda. Þeir nýju framkvæmda-
stjórar sem komi til starfa í
félögunum séu allir karlkyns.
Kvenréttindafélag Íslands lýs-
ir yfir miklum vonbrigðum með
áhrif þessara breytinga á stöðu
kvenna í Íslandsbanka og væntir
þess að sjá jafnara hlutfall kynja
sem fyrst bæði í bankaráði og
yfirstjórn bankans. ■
Námslán fyrir skólagjöldum í háskólum:
Hálfur millj-
arður á ári
SKÓLAGJALDALÁN
Kostnaður LÍN vegna affalla og niðurgreiðslu útlánavaxta er um 45-50% skólagjaldalána
og þar með endurgreiða lántakendur að meðaltali um 50-55% lánanna.
ALÞINGI Veitt skólagjöld fyrir
nám á Íslandi á skólaárinu 2002-
2003 námu 263 milljónum króna.
Þar af voru 195 milljónir vegna
háskóla og 68 milljónir vegna
sérskóla. Skólagjöld fyrir nám
erlendis námu 300 milljónum,
sem er ríflega helmingur af
þeirri heildarfjárhæð sem veitt
var til námslána á skólaárinu.
Þetta kemur fram í svari
menntamálaráðherra við fyrir-
spurn Katrínar Júlíusdóttur,
Samfylkingunni, um námslán
fyrir skólagjöldum
Skólaárið 2001-2002 nam
heildarupphæðin 512 milljónum,
en 213 milljónum var úthlutað í
skólagjöld fyrir nám hérlendis
og 299 milljónir fóru til greiðslu
námslána í útlöndum. Fjöldi lán-
þega með skólagjaldalán á Ís-
landi var 1.130 árið 2002-2003 og
er það nokkur fjölgun frá árinu á
undan, þegar 932 þáðu lán. Alls
fengu 345 manns lán vegna náms
erlendis á þessu tímabili, en þeir
voru 317 skólaárið á undan.
Meðallán á Íslandi í fyrra hljóð-
aði upp á 232 þúsund krónur, en
meðallán fyrir nám erlendis var
870 þúsund krónur.
Í svari ráðherra kemur fram
að gera megi ráð fyrir að kostn-
aður LÍN vegna affalla og niður-
greiðslu útlánavaxta sé um 45-
50% skólagjaldalána og þar með
endurgreiði lántakendur að með-
altali um 50-55% lánanna. ■
Slasaður ökumaður:
Lamaður á hrað-
braut í 36 tíma
TEXAS, AP Maður sem slasaðist í
umferðarslysi á hraðbraut í Texas
lá lamaður á bak við vegatálma í
36 klukkustundir.
Ed Theisen, sem er 46 ára, lá
hálsbrotinn á veginum og átti
enga möguleika á að gera vart við
sig. Eftir hálfan annan sólahring
kom maður sem sat aftan á pallbíl
auga á hann og gerði lögreglu við-
vart. „Lögreglumaðurinn ýtti við
honum með kylfu þar sem hann
hélt að þetta væri lík en hann var
sprelllifandi,“ sagði eiginkonan
Debora Rodeffer-Theisen.
Ed Theisen hafði lent í aftaná-
keyrslu og var að skiptast á upp-
lýsingum við hinn ökumanninn
þegar hann fékk aðsvif og féll til
jarðar á bak við vegatálma. Hinn
maðurinn hélt að hann hefði
stungið af. ■
Tillögur um breytingar á samflykktum sjó›sins er a› finna á heimasí›u
KB banka, www.kblifeyrir.is, og í höfu›stö›vum KB banka a› Borgartúni 19.
Stjórn sjó›sins hvetur sjó›félaga til a› mæta á fundinn.
1. Sk‡rsla stjórnar.
2. Kynning ársreiknings.
3. Tryggingafræ›ileg athugun.
4. Fjárfestingarstefna sjó›sins.
5. Kjör endursko›anda.
6. Tillögur um breytingar á samflykktum sjó›sins.
7. Laun stjórnarmanna.
8. Sameining Frjálsa lífeyrissjó›sins og Séreignalífeyrissjó›sins.
9. Önnur mál.
DAGSKRÁ
Stjórn Frjálsa lífeyrissjó›sins minnir á ársfundinn í dag,
fimmtudaginn 1. apríl, á Nordica hotel, Su›urlandsbraut 2
í Reykjavík. Fundurinn hefst kl. 17.15.
N
O
N
N
I O
G
M
A
N
N
I I Y
D
D
A
/ sia
.is / N
M
1
1
6
8
1
Aðildarfélög BSRB:
Fimm sam-
einast í eitt
FÉLÖG Fimm af átta aðildar-
félögum innan Bandalags
starfsmanna ríkis og bæja á
Norðurlandi hafa sameinast í
stéttarfélaginu Kili eftir at-
kvæðagreiðslur innan hvers
félags fyrir sig. Verða höfuð-
stöðvar félagsins á Akureyri
og er heildartala félaga tæp-
lega þúsund manns. Markmiðið
með sameiningunni er að efla
enn frekar það félagsstarf sem
fram fer á félagsvæðinu og
veita félagsmönnum betri
þjónustu en hefur tíðkast hing-
að til. ■
ALÞINGI
Sigurjón Þórðarson, þingmaður Frjálslynda flokksins, vill að metnir verði kostir og gallar
þess að taka upp nýtt kennitölukerfi sem væri laust við persónuupplýsingar og gæti stað-
ið við hlið núverandi kennitölukerfis, þannig að fólk hefði val um kennitölu.
FR
ÉT
TA
B
LA
Ð
IÐ
/G
VA
HEILDARUPPHÆÐ
SKÓLAGJALDALÁNA
(í milljónum króna)
2001-2002 2002-2003
Ísland 212 263
Erlendis 299 300
MEÐALLÁN
(í þús. króna)
2001-2002 2002-2003
Ísland 228 232
Erlendis 944 870