Fréttablaðið - 01.04.2004, Blaðsíða 35

FIMMTUDAGUR 1. apríl 2004 35
■ Af netinu
Allir farþegar, sem mæta í innritun fyrir kl. 6 að morgni, fá páskagjöf
og njóta sértilboða í verslunum flugstöðvarinnar.
Þeim sem mæta á einkabílum fyrir kl. 6 býðst jafnframt að geyma
bílinn frítt í tvo sólarhringa á bílastæði Securitas.
Þeir sem taka rútu Kynnisferða kl. 4.45 fá 15% afslátt.
Miðar eru afhentir í innritunarsal og í afgreiðslu Securitas á bílastæðum.
Athugið að innritun hefst kl. 5.00.
Tilboðið gildir til 12. apríl.
Það er vor í lofti í Flugstöð Leifs Eiríkssonar. Dagana
frá 31. mars til 12. apríl verða verslanir á svæðinu með
spennandi tilboð á ýmsum vörum.
tilboðsdagarí Leifsstöð
Morgunstund gefur gull í mund
– sérstakur glaðningur fyrir árrisula
Þórunn Ólafsdóttir hjúkrunar-forstjóri heimahjúkrunar!
Reynsla er dýr kennari, það hafa
margir reynt. Sumir læra af
henni, aðrir ekki. Að gleyma að
hugsa getur skilið milli lífs og
dauða. Það hefur komið fram í
viðtölum við þig að í starfi þínu
séu aðalatriðin aukaatriði. Getur
verið að störf stjórnar þinnar
tengist pólitískum draumórum
Framsóknarflokksins og tipli
hans til að lifa af? Vald án hugsun-
ar um afleiðingar setur borgarana
í hættu.
Í nýafstaðinni deilu, þar sem
stjórn heimahjúkrunar misskildi
hlutverk sitt gróflega, er heil-
brigðiskerfið pólitískt bitbein
embættismanna. Svo er og með
uppsagnirnar á sjúkrahúsunum.
Hlutverk stjórnar þinnar er ekki
að vera í stríði fyrir ráðuneyti
Framsóknarflokksins gegn starfs-
konum þínum og skjólstæðingum.
Að haga sér eins og ísdrottning
við eigin stétt sæmir ekki mann-
eskju sem vill láta gott af sér
leiða. Góðir stjórnendur vita að
vellíðan í vinnu fylgir góður andi
og það skilar sér. Tilfinningakuldi
er einkenni fátæktar í mannleg-
um samskiptum.
Friður fylgir alvöru fagfólki
Ekki veit ég hvort er brjóstum-
kennanlegra, ráðherra sem stríðir
við kvennastétt, aldraða og veika,
eða forstjóri sem telur tölur mik-
ilvægari fólki. Ef alvöru fagfólk,
þá á ég við fólk sem hefur tilfinn-
ingar og skilning á mannlegum
samskiptum, skipaði stjórn
heimahjúkrunar, ríkti friður. Það
tilheyrir ekki að beita sverði til að
ná samningum. Á sama tíma og
dugmiklir einstaklingar hafa
skorið upp herör gegn þeirri þjóð-
félagsplágu sem einelti er nýtir
Framsókn sér stjórn þína. Óþol-
andi er að þessi litli flokkur kom-
ist upp með að níðast endalaust á
hjúkrunarfræðingum, sjúkralið-
um og skjólstæðingum þeirra.
Ég skil ekki hvaða hag þú hef-
ur af að fjandskapast við starfs-
systur þínar. Hvers vegna viltu
bæla konurnar sem höfðu kjark til
að láta ekki kúga sig og fórnuðu
sér fyrir félaga sína svo kaup-
skerðingin yrði minni? Þú fékkst
tækifæri til að biðjast afsökunar á
brigslyrðum eins og Guðmundur
Einarsson kaus að gera. Þú valdir
verri leiðina og nú sitja óvild og
leiðindi eftir. Það var rangt hjá
þér að telja neyðarástand létt-
væga röskun og að álasa konunum
fyrir að gefa skjólstæðingum
símanúmer sín, því það gera þær
til öryggis fyrir þá. Hverfastjórar
eiga ekki að þurfa að óttast stjórn-
anda og hann má ekki vera ósjá-
andi á hvort hann veldur saklausu
fólki óþægindum.
Tókst að reka fleyg
Þér tókst að reka fleyg á milli
starfskvennanna og valda samfé-
lagslegum örðugleikum sem eru
andlegir fjötrar og hverjum
manni vorkunn að bera. Ef Fram-
sókn væri ekki heillum horfin,
yrði Jóni vikið fyrir Siv og þú lát-
in fara svo starfskonum og skjól-
stæðingum liði betur. Hafi skrif
mín um stjórn heimahjúkrunnar
angrað þig er ég til í að ræða það
við þig á openberum vettvangi.
Að lokum, húmorsleysi þitt
kemur ekki í veg fyrir glettnina í
samskiptum starfskvenna og
skjólstæðinga. Einum, sem beið
hjálpar til tvö um nótt, varð að
orði þegar yfirhlaðin konan var
búin að koma honum í rúmið:
Fleiri menn þú háttað hefur
heldur en drottinn konum gefur.
Þegar þú við rúm mitt tefur
þá vaki ég og borgin sefur. ■
Lúpulegur ráðherra
Það var lúpulegur verðandi for-
sætisráðherra sem mætti í Kast-
ljósið í gærkvöldi og reyndi af
veikum mætti, og sennilega gegn
betri vitund, að réttlæta stríðs-
mangið í Írak, eða ölluheldur hlut
Íslendinga í því. [...]
Mikið væri ánægjulegt að sjá
loksins íslenskan ráðamann við-
urkenna mistök og að tiltekin
ákvörðun hafi verið illa upplýst,
óábyrg og hefði raunveruleg, nei-
kvæð áhrif á einstaklinga úti í
heimi. Það er ekki nóg að klappa
sjálfu sér á öxlina og hossa
flokksbræðrum á hnjám sér þeg-
ar vel tekst til. En Halldór kýs að
beita því sem kalla má „þeir létu
mig gera það“ taktíkinni. Það
mætti einnig útleggjast sem
aumingjasyndrómið.
BERGSTEINN SIGURÐSSON Á SELLAN.IS
Samkeppni orkufyrirtækja
Orkumálastjóri hreyfði mikil-
vægu máli á ársfundi Orkustofn-
unar í liðinni viku. Hann benti á
þann vanda sem væri í uppsigl-
ingu vegna samkeppni orkufyrir-
tækja um virkjanlegar orkulindir.
[...]
Sem dæmi rifjaði orkumálastjóri
m.a. upp að tvö fyrirtæki, Norður-
orka og Orkuveita Reykjavíkur,
hafa þegar lýst áhuga sínum á
virkjun í Skjálfandafljóti. Það
kom svo í ljós á ársfundi Ís-
lenskra orkurannsókna á föstu-
dag, að Landsvirkjun dreif líka í
því í vikunni að sækja um rann-
sóknarleyfi, einkaleyfi til rann-
sókna í sjö ár, í Skjálfandafljóti.
Þar með eru fyrirtækin orðin þrjú
sem sækjast eftir þessum réttind-
um. Og hvað á nú að gera? Ekki
auðvelt verk fyrir ráðherra, en
ekki svo sem óvænt því ef fólk
heykist á því að vinna sína
heimavinnu þá kemur það venju-
lega í hausinn á því. Nú væri
nefnilega gott að hafa auðlinda-
stefnu og geta vísað til hennar í
stað þess að þurfa að móta regl-
urnar undir áhrifum hagsmuna-
aðila.
SVANFRÍÐUR JÓNASDÓTTIR Á SAMFYLKING.IS
Aukin afköst og árangur
Aukin afköst og árangur í námi á
öllum skólastigum ættu að vera
kjörorð umræðu um menntamál.
Tillögur um ,,styttingu“ fram-
haldsskólans taka alls ekki á
meginkjarna málsins, sem er:
Samþætting allra skólastiga,
mikið brottfall framhaldsskóla-
nema og takmarkað námsfram-
boð til þeirra, þróun nýrra náms-
leiða og kennsluaðferða til að
koma til móts við nemendur á
öllum aldri.
STEFÁN JÓN HAFSTEIN Á SAMFYLKING.IS
Menn sem girnast börn
Menn sem girnast börn og láta
það eftir sér eru með þeim allra
hættulegustu mönnum sem fyrir-
finnast í samfélaginu. Slíkir
glæpir eru í raun skilgreiningin á
réttlætingu fyrir frelsisviptingu
glæpamanna. Samfélag sem ekki
gerir allt sem mögulegt er til að
vernda fólk frá slíkum skaðvöld-
um á ekki skilið að kalla sig
siðað.
ÞÓRLINDUR KJARTANSSON Á DEIGLAN.COM
Umræðan
ALBERT JENSEN
■ segir að hjúkrunarforstjóri heima-
hjúkrunar megi ekki haga sér eins og
ísdrottning.
Ekki beita sverði til að ná samningum