Fréttablaðið - 03.04.2004, Blaðsíða 1
MEST LESNA DAGBLAÐ Á ÍSLANDI Skaftahlíð 24, 105 Reykjavík — sími 515 7500
LAUGARDAGUR
LEIKIÐ Í KÖRFU- OG HAND-
BOLTA Keflavík mætir Snæfelli í úrslitum
Intersport-deildarinnar í körfubolta karla.
Leikurinn hefst klukkan 17 í Keflavík. Þrír
leikir verða í úrslitakeppni Remax-deildar
kvenna í handbolta. Klukkan 13 tekur
KA/Þór á móti íBV, Valur sækir Víking heim
klukkan 16.15 og Grótta KR tekur á móti
Stjörnunni klukkan 16.30.
DAGURINN Í DAG
VEÐRIÐ Í DAG
BESTA VEÐRIÐ Á AKUREYRI
og þar í kring enda þurrast og trúlegast
hlýjast þar. Í borginni verður úrkoma,
vindur þó hægur og milt.
Sjá síðu 6
3. apríl 2004 – 93. tölublað – 4. árgangur
SKORAR Á HELGU AÐ LESA YFIR
Hannes Hólmsteinn skorar á Helgu Kress
að lesa yfir handrit að næstu bindum hans
um Laxness. Telur óvini betur fallna en vini
til yfirlestrar. Sjá síðu 4
VANDRÆÐI VEGNA KATTASKÍTS
Garðar í íbúðahverfum víða í Reykjavík eru
löðrandi í kattaskít. Íbúarnir hafa reynt öll
ráð til að halda köttunum frá lóðunum, en
allt kemur fyrir ekki. Sjá síðu 2
VISSU UM ÁFORM AL-KAÍDA
Bandarískir embættismenn vissu mörgum
mánuðum fyrir hryðjuverkaárásirnar 11. sept-
ember að al-Kaída hygðist ræna flugvélum til
að ráðast á Bandaríkin. Sjá síðu 6
HARMAR HÆKKUN RÚV Formaður
Neytendasamtakanna harmar að stjórnvöld
skuli hafa ákveðið að hækka afnotagjöld Ríkis-
útvarpsins um sjö prósent 1. maí. Sjá síðu 2
VERSLÓ VANN Í GETTU BETUR Lið Verslunarskólans bar sigurorð af liði Borgarholtsskóla í spurningakeppni framhaldsskólanna í gær í
æsispennandi keppni þar sem úrslit réðust í bráðabana. Síðustu vikur hafa verið gjöfular fyrir Versló því skólinn vann einnig sigur í Mor-
fís, mælsku og rökræðukeppni framhaldsskólanna.
KJARADEILA Mikill viðsnúningur hef-
ur orðið hjá samninganefnd ríkisins
eftir að ljóst varð að starfsmenn að-
ildarfélaga innan Starfsgreinasam-
bandsins voru reiðubúnir að hefja
verkfallsaðgerðir um miðjan mán-
uðinn.
Nýtt tilboð hefur verið lagt fram
til lausnar kjaradeilunni og sam-
kvæmt heimildum Fréttablaðsins er
það nokkuð betra en fyrra tilboð rík-
isins, sem þótti með öllu óviðunandi.
Hefur harka samninganefndar
Starfsgreinasambandsins komið á
óvart, sem og einarður vilji félags-
manna til að gera alvöru úr verk-
fallshótun sinni.
Starfsgreinasambandið hefur
hótað því að hefja verkfall föstudag-
inn 16. apríl en nú eru góðar líkur
taldar á því að Starfsgreinasam-
bandið og ríkið nái samkomulagi,
jafnvel fljótlega eftir helgina. Fleiri
fundir eru ráðgerðir um helgina þar
sem reyna á að taka á smærri deilu-
málum en menn telja að nú sjáist til
lands í helstu ágreiningsmálunum
eins og varðandi jöfnun lífeyrisrétt-
inda. Verulegar breytingar hafa
náðst í gegn þar og enn fremur hef-
ur ríkið í auknum mæli komið til
móts við verkalýðshreyfinguna í
launamálum.
Halldór Björnsson, formaður
Starfsgreinasambandsins, er mun
bjartsýnni en fyrr í vikunni og seg-
ist gæla við að lending náist í kjara-
deilunni fljótlega eftir helgina.
„Nú sitja nefndirnar yfir út-
reikningum og reyna að gera sér
fulla grein fyrir hvar við stöndum.
Það er annar fundur boðaður í dag
en það má fullyrða að málin eru
komin á rekspöl sem þau voru ekki
áður. Það er í það minnsta von mín
að þessu megi ljúka farsællega
fljótlega.“
albert@frettabladid.is
Viðsnúningur eftir
verkfallshótanir
Annað hljóð kom frá samninganefnd ríkisins eftir að hvert aðildarfélagið af fætur öðru innan
Starfsgreinasambandsins samþykkti verkfallsboðun um miðjan þennan mánuð. Fundur í dag.
Spænska lögreglan:
Hindraði
hryðjuverk
MADRÍD, AP Sprengjusérfræðingar
spænsku lögreglunnar fundu
sprengju undir lestarteinum hrað-
lestar sem fer á milli Madrídar og
Sevilla í gær. Um var að ræða um
tólf kíló af sprengiefni sem tengt var
við 136 metra langan kveikjuþráð.
Spænskur járnbrautarstarfsmað-
ur kom auga á dularfullan böggul við
brautarteinanna og gerði lögreglu
viðvart. Lokað var fyrir alla umferð
um teinana og farþegar fluttir með
rútum á milli Madríd og Sevillu.
Að sögn Angel Acebes, innanrík-
isráðherra Spánar, er ekki vitað hver
kom sprengjunni fyrir en ETA, að-
skilnaðarhreyfing Baska, hefur áður
falið sprengjur við lestarteina á
Spáni. Fyrir rúmum þremur vikum
sprungu tíu sprengjur í fjórum far-
þegalestum í Madríd með þeim af-
leiðingum að 191 maður lét lífið og
yfir 1.800 særðust. Rannsókn lög-
reglu beinist að marokkóskum
hryðjuverkasamtökum sem tengjast
al-Kaída. ■
Kvikmyndir 46
Tónlist 40
Leikhús 40
Myndlist 40
Íþróttir 42
Sjónvarp 48
Síðasti séns!
Það reynir á leikmenn Manchester
United í dag þegar þeir mæta
Arsenal í undanúrslitum ensku
bikarkeppninnar. Úrslit fyrri
viðureigna liðanna í bikarkeppninni
eru rifjuð upp í dag.
r ir l i t r
it í r ir t
r l í r lit
i r i r. r lit f rri
i r i li í i r i i
r rifj í .
▲
SÍÐA 30 & 31
Enski boltinn: Tíska:
Þeir sem fylgja tískunni horfa til
ákveðinna einstaklinga til að sjá
hvernig á að klæða sig og hvernig
ekki. Fámennur hópur leggur línurnar,
bæði meðvitað og ómeðvitað. Sagt er
frá þessu fólki.
Þau leggja línurnar!
SÍÐA 24 & 25
▲
Heimir Guðjónsson:
● 35 ára í dag
Enn fljótastur
í FH
SÍÐA 16
▲
Mireya Samper:
● fyrsta sýningin á fimm árum á Íslandi
Hugarástand
stjórnar heiminum
SÍÐA 41
▲
TÓNLEIKAR Þungarokksveitin Metall-
ica heldur tónleika í Egilshöll þann
4. júlí næstkomandi. Sveitin er ein
sú stærsta í heiminum í dag. Egils-
höll tekur rúmlega 10 þúsund
manns og verða þetta því stærstu
innanhústónleikar sem nokkru sinni
hafa verið haldnir hér á landi, fyrr
og síðar.
Sveitin kemur hingað með 60
tonn af tækjabúnaði og kaupa þarf
15 tonn af öryggisbúnaði til þess að
tryggja öryggi tónleikagesta.
Einnig þurfa tækjaleigur hér á landi
að kaupa mikið af aukabúnaði vegna
gífurlegra krafna sveitarinnar.
Metallica var stofnuð árið 1981
og hefur á ferli sínum gefið út átta
breiðskífur og er sveitin sjöundi
söluhæsti flytjandinn í sögu Banda-
ríkjanna frá upphafi. Samtals hafa
plötur sveitarinnar selst í tugmillj-
ónum eintaka um heim allan. Sölu-
hæsta platan „svarta platan“
svokallaða, kom út árið 1991 og hef-
ur ein og sér selst í um rúmlega 15
milljónum eintökum.
Þetta verða síðustu tónleikar
Metallicu í Evrópu í heimsreisu sem
fylgdi í kjölfar plötunnar St. Anger
frá því í fyrra. Búist er við mikilli
fjölmiðlaathygli vegna þessa.
Það er RR ehf. sem flytur Metall-
icu til landsins en það fyrirtæki er
rekið af Ragnheiði Hanson og Hall-
dóri Kvaran. ■
FR
ÉT
TA
B
LA
Ð
IÐ
/V
AL
LI
Ein stærsta rokksveit heims boðar komu sína:
Metallica til Íslands