Fréttablaðið - 03.04.2004, Blaðsíða 51
LAUGARDAGUR 3. apríl 2004
■ TÓNLEIKAR
Allir miðar á tónleika DeepPurple í Laugardalshöll þann
24. júní seldust á innan við
klukkutíma á föstudag.
Einar Bárðason tónleikahald-
ari segir viðbrögðin vera framar
öllum vonum og að hann hafi í
rauninni aldrei upplifað annað
eins.
Löng röð myndaðist fyrir
framan Hard Rock í Kringlunni.
Óvenjulega mikið magn var af
börnum og unglingum í röðinni og
segir Einar ljóst að það verði fjöl-
skyldustemning í Höllinni á tón-
leikunum.
Meðal þekktustu laga sveitarinn-
ar eru Smoke on the Water, Child in
Time, Hush og Highway Star.
Enn eru þrír af upprunalegu
meðlimum sveitarinnar innan-
borðs, þar á meðal söngvarinn Ian
Gillan. ■
Umfjölluntónlist
Dauðakippir síðrokksins?
Gítarleikarinn David Pajohefur verið hetja í síðrokks-
heimum alveg frá því að hann
stofnaði Slint árið 1987. Síðan þá
hefur hann tekið þátt í nokkrum
áhugaverðum verkefnum og
fyrstu plötur Papa M, og Aerial
M eins og sveitin hét upphaf-
lega, eru nokkuð fínar. Eftir það
tók hann þátt í Zwan, skammlífu
ævintýri Billy Corgan.
Síðustu misseri hefur hallað
undan fæti hjá síðrokkinu og lít-
ið áhugavert verið að gerast þar.
Pajo er síleitandi og skapandi og
því eðlilegt að hann þreifi fyrir
sér og prófi nýja hluti. En mér
heyrist hann vera á villigötum
núna.
Pajo lumar þó enn á nokkrum
góðum gítarhugmyndum en
gítaræfingar gera ekki góða
plötu. Eitt og eitt sæmilegt lag
er líka að finna, og tvö tökulög,
„Turn, Turn, Turn“ og „Last
Caress“, í sæmilega áhugaverð-
um útsetningum.
Platan hljómar meira eins og
demó en eitthvað annað. Ég
kann alveg að meta lágstemmd-
ar og minimalískar útsetningar
en það er bara ekkert spenn-
andi við þetta. Svo get ég ekki
fyrirgefið tvö tilgangslaus lög
sem ná bæði yfir 13 mínútna
múrinn. Í öðru þeirra daðrar
Pajo við raftónlist, með hörmu-
legum afleiðingum. Þessi leið-
inda langloka hefði kannski átt
heima sem einkabrandari á
menntaskólaballi, en ekki á
breiðskífu.
Þessi arfaslappa plata er mik-
il synd og skemmt epli í annars
ferskri ávaxtakörfu Pajo. Hann
er hæfileikaríkur tónlistarmað-
ur en virðist hafa misst tengslin
við það sem gerir gott síðrokk
að góðu síðrokki. Einlægni og
vönduð spilamennska. Svona
letilegar flippplötur eru bara
sóun á plasti.
Birgir Örn Steinarsson
PAPA M:
Hole of Burning Alms
O.N.E. - One Day
„Þessi plata heldur athyglinni og rúmlega
það. Ekkert slakt lag en nokkur ákaflega
góð eins og það síðasta, sem er sumar-
legt eins og platan í heild sinni. Helst má
setja út á ósmekklega texta á stöku stað
og að lögin hefðu mátt vera aðeins færri.
Mjög fínn gripur sem á tvímælalaust eftir
að vekja mikla lukku á meðal rappvina í
sumar.“ FB
Zero 7 - When It Falls
„Þetta er í rauninni svipað kokkteilboð
og fyrri breiðskífa Zero 7 var, Simple
Things frá árinu 2001. Mér líður eigin-
lega eins og þeir séu að reyna að fanga
sömu notalegu stemningu og náðist
þar. Það tekst því miður ekki. Þó að
veislan sé notaleg sýnist mér samt
nokkrir gestir við barinn vera byrjaðir að
geispa fyrir miðnætti. Kannski er það
vegna þess að veislan hjá Air í síðasta
mánuði var öllu líflegri og meira um
nýjar uppákomur.“ BÖS
Scissor Sisters - Scissor
Sisters
„Minnir stundum á Elton John, Billy
Joel, Eagles eða REO Speedwagon.
Helsti munurinn er að textarnir eru
meira „gay“ og kaldhæðnislegir. Það
gerir þetta bara því miður ekkert
skemmtilegra. Ég spái því að þessir
verði horfnir af sjónarsviðinu áður en
við getum lagt nafn þeirra á minnið.
Þetta er kannski artí... en alveg lamað
partí.“ BÖS
Oneida - Secret Wars
„Þetta er ein af þessum sjaldgæfu ger-
semum sem erfitt er að finna í augna-
blikinu. Ef það væri ekki fyrir netið þá
væri þetta nálin í heystakknum, en leit-
in mun margborga sig. Virkilega framúr-
skarandi og ætti að hrista verulega upp
í gallhörðum tónlistarspekúlöntum.
Með því betra sem ég hef heyrt á þessu
ári.“ BÖS
George Michael - Patience
„Einhverjir myndu nota orðið „sótthreins-
að“ til þess að lýsa tónlistinni á meðan
aðrir myndu nota lýsingarorð eins og
„nákvæmt“ og „gallalaust“. Allir hafa svo
sem rétt fyrir sér og ef þessi tónlist væri
veitingastaður væri hún Perlan, gamli Rex
eða Apótek við Austurstræti. Kappinn
hljómar þó einlægur, ljúfur og platan
rennur vel í gegn. Þetta er þó ekki
popptónlist fyrir alla... þetta er háþróaður
George Michael fyrir lengra komna.“ BÖS
SMS
um nýjustu plöturnar
AÐDÁENDUR BÍÐA
Þó svo að löng röð hafi myndast fyrir tón-
leikana var ekki að sjá að aðdáendur væru
neitt sérstaklega æstir.
Uppselt á Deep Purple