Fréttablaðið - 05.04.2004, Blaðsíða 12
12 5. apríl 2004 MÁNUDAGUR
PÁLMASUNNUDAGUR Í JERÚSALEM
Hópur fólks gekk í fótspor Krists í Jerúsal-
em í gær. Mikil öryggisgæsla var á þessu
svæði, enda hafa samskipti Ísraela og
Palestínumanna verið erfið upp á síðkast-
ið. Þessar nunnur létu alvopnaða hermenn
ekki á sig fá og veifuðu pálmagreinum í
tilefni dagsins.
Bandarískur dómstóll sýknar geðveika móður:
Myrti tvo syni sína
BANDARÍKIN, AP Deanna Laney hef-
ur verið sýknuð af ákæru um að
hafa myrt tvo syni sína í maí í
fyrra. Dómstóll í Tyler í Texas
komst að þeir niðurstöðu að Lan-
ey hafi verið ósakhæf sökum
þess að hún hafi verið gripin
stundarbrjálæði þegar hún
myrti syni sína.
Laney, sem er 39 ára gömul,
hefur haldið því fram að guð
hafi skipað henni að myrða syni
sína. Hún barði tvo þeirra, sem
voru sex og átta ára, í höfuðið
þannig að þeir létust. Þá limlesti
hún eins árs son sinn í vöggu
sinni.
Eftir að dómurinn var kveð-
inn upp brast Laney í grát sem
og nokkrir kviðdómendur. Lan-
ey átti yfir höfði sér lífstíðar-
fangelsisdóm en nú verður hún
send á geðsjúkrahús. Það fer
síðan eftir batanum hvenær
henni verður sleppt þaðan.
Allir fimm læknarnir sem
komu fyrir dóminn voru sam-
mála um að Laney, sem er
strangtrúuð, hefði verið gripin
stundarbrjálæði þann örlaga-
ríka dag þegar hún myrti syni
sína. Sögðu þeir að á þeim tíma
hafi hún ekki gert greinarmun á
réttu og röngu. ■
Mokveiði í Varmá
Vorveiðin byrjar vel. Mjög góð veiði hefur verið í Varmá. Mikið af regnbogasilungi
sem er allt að 4,5 punda þungur. Veiðimenn hafa aldrei sleppt jafn miklu af fiski og núna.
VEIÐI Vorveiðin hefur byrjað vel
þetta árið. Fyrsti dagurinn í
Varmá gaf um 80 fiska.
Mokveiði var af góðum regn-
bogasilungi og voru þeir
stærstu 4,5 pund. Mikið virðist
vera af regnbogasilungi í Varmá
og má líklega rekja það til þess
að fiskur sleppur úr fiskeldis-
stöðvum kringum ána. Það kem-
ur reyndar veiðimönnum til
góða núna því um 600 til 700
fiskar hafa veiðst það sem af
tímabilinu.
„Þetta búið að vera gott hérna
fyrir austan, ég veiddi einn 16
punda í Hörgsá og fór svo dag-
inn eftir aftur í ána og veiddi
fína fiska á sama staðnum.
Vatnamótin hafa líklega gefið
um 90 fiska,“ sagði Ragnar Jo-
hansen á Hörgslandi. „Veiði-
menn sem voru í Vatnamótunum
í gær fengu 90 sentimetra fisk
og hann hefur verið um 15 til 16
pund, þykkur og fallegur. Opn-
unarhollið í Vatnamótum veiddi
59 fiska og núna eru skilyrðin
mjög góð, svo menn ættu að
vera í fiski.“
„Ég fór austur í Varmá í
fyrradag og þá var áin lituð en
var að hreinsa sig eftir mikil
flóð, ég náði einum fallegum 5 til
6 punda sjóbirtingi,“ sagði Stef-
án Sigurðsson, hjá Lax-á. „Fyrsti
dagurinn var frábær og veiði-
menn sem ég hitti sögðu að veið-
in væri öll að koma til aftur.“
„Strax á fyrsta degi settu
veiðimenn í vænan fisk fyrir
neðan Ægisíðufoss í Ytri-Rangá
en hann slepp af eftir stutta bar-
áttu - sleit,“ sagði Ágúst K.
Ágústsson, hjá Laxá, og bætti
við: „Veiðimenn hafa líka verið
að setja í fiska í Vífilsstaða-
vatni. Þar fékk einn tvær bleikj-
ur en missti þrjár.“
„Við segjum veiðimönnum að
sleppa öllum fiski í vorveiðinni,
veiðimenn hafa ekkert við þessa
fiska að gera og þá verður hægt
að viðhalda vorveiðinni,“ sögðu
þeir Ágúst Karl og Stefán. Veiði-
menn hafa aldrei sleppt eins
mörgum fiskum og núna, líklegt
er talið að þeir sleppi um 95% af
aflanum. ■
UPPLÝSINGAR OG SKRÁNING Í SÍMA 544 4500 OG Á NTV.IS
Hlíðasmára 9 - Kópavogi
TÖK NÁMSKEIÐ
TÖK tölvunám er 90 stunda tölvunám hjá NTV sem
bæði er ætlað fyrir byrjendur og þá sem eitthvað
kunna. Námið og kennslugögnin miða að því að
gera nemendum kleift að taka þau 7 próf sem þarf til
að fá TÖK skírteini.
Námsgreinar:
Upplýsingatækni - Windows - Word - Excel
Access - PowerPoint - Póstur - Internetið
TÖK er skammstöfun á al-
þjóðlegu prófskírteini sem
vottar tölvukunnáttu þína og
vottar að þú sért tölvulæs.
Það þýðir að þú kunnir að
nýta þér flesta möguleika
tölvunnar og þeirra forrita sem
hvað mest eru notuð við
vinnu og daglegt líf.
TÖK-skírteini er mikill styrkur
á vinnumarkaðinum jafnt hér-
lendis sem erlendis.
Morgunnámskeið:
Byrjar 14. apríl og lýkur 17. maí.
Kennt á mán., mið. og fös.
frákl. 8:15-12:15
Kvöldnámskeið:
Byrjar 17. apríl og lýkur 22. maí.
Kennt á mán. og mið.
frá kl. 18 til 22 og lau. kl. 13-17.
JÁRNSTYKKI Á TEINUM
Tveimur 18 kílóa málmstykkjum var komið
fyrir á járnbrautarteinum.
Hraðhentur lestarstjóri:
Bjargaði
farþegum
ÞÝSKALAND Þýskum lestarstjóra tókst
naumlega að bjarga tvö hundruð far-
þegum frá slysi þegar hann nauð-
hemlaði til að koma í veg fyrir árekst-
ur. Búið var að skrúfa tvö flennistór
málmstykki á miðja teinana en lestar-
stjórinn kom auga á hindrunina í 400
km fjarlægð og tókst að hægja ferð-
ina nógu mikið til að enginn farþeg-
anna slasaðist. Ekki er vitað hver eða
hverjir bera ábyrgð á tilræðinu, en
þýska lögreglan segir að ekkert bendi
til þess að um hryðjuverkatilræði
hafi verið að ræða. ■
Páfinn á pálmasunnudag:
Blessaði í skugga
hryðjuverka
VATÍKANIÐ, AP Yfir fjörutíu þúsund
manns söfnuðust saman í Vatíkaninu
í gær, pálmasunnudag, til að hlýða á
ávarp Jóhannesar Páls páfa. Dagur-
inn var helgaður ungu fólki sem fjöl-
mennti þangað og veifaði ólívugrein-
um honum til heiðurs. Páfinn bless-
aði mannfjöldann í tveggja klukku-
stunda langri athöfn og lýsti
Vatíkanið hátíðinni sem „mótefni“
gegn hræðslunni við hryðjuverk.
Engu að síður var mikil öryggis-
gæsla á svæðinu í gær vegna ótta við
að íslömsk öfgasamtök gripi til að-
gerða gegn páfanum á þessum helgu
tímum kristinna manna. ■
HÆTTULEG MÓÐIR
Deanna Laney brast í grát þegar dómurinn var kveðinn upp. Hún hélt því fram að guð
hefði skipað sér að myrða syni sína.
VATÍKANIÐ
Yfir 40.000 manns voru viðstaddir guðsþjónustu páfans.
ÁNÆGÐIR VEIÐIMENN VIÐ VARMÁ
Veiðimenn ganga eftir árbakkanum á Varmá, á leiðinni úr Stöðvarhylnum, sem hefur gefið
mikið af fiski.
FR
ÉT
TA
B
LA
Ð
IÐ
/G
U
N
N
AR
B
EN
D
ER