Fréttablaðið - 05.04.2004, Blaðsíða 25

25MÁNUDAGUR 5. apríl 2004
FORMÚLA 1 „Þetta var frábær helgi
þótt þetta væri erfitt á köflum,“
sagði heimsmeistarinn Michael
Schumacher eftir öruggan sigur í
Barein í gær. „Þetta var allt okkur
í hag, fremstir í rásröðinni og í
fyrstu tveimur sætunum.“
Schumacher var á ráspól og
náði strax góðu forskoti. Hann var
kominn með sjö sekúndna forskot
eftir fjóra hringi og 12,1 sekúndu
forskot á 15. hring. Hann hélt
þessu forskoti mestalla keppnina
en dró úr hraðanum undir lokin og
kom í mark 1,3 sekúndum á undan
Rubes Barrichello.
„Bíllinn minn var frábær,“
sagði Barrichello eftir keppnina.
„Michael var mjög fljótur í fyrstu
beygjunum og náði góðu forskoti.
Svo átti ég í smávægilegum erfið-
leikum í viðgerðarhléi og hann var
þegar tíu sekúndum á undan þan-
nig að þetta var of erfitt.
Schumacher hefur 30 stig eftir
þrjá sigra í keppni ökuþóra og
Barrichello 21 en hann varð í öðru
sæti í Ástralíu og Barein og fjórða
sæti í Malasíu. Jenson Button, hjá
BAR-Honda, er þriðji með fimmt-
án sti.
Ferrari er fyrir vikið með yfir-
burðaforystu í keppni bílasmiða.
Ferrari hefur 51 stig en Renault er
í öðru sæti með 22 stig. Ross
Brawn, tæknistjóri Ferrari, sagði
eftir sigur Schumacher að Ferr-
ari-menn ætluðu ekki að tapa átt-
um vegna frábærrar byrjunar.
Þeirra einkenni væri að halda sig
á jörðinni og taka ekkert sem gef-
ið.
Á sama tíma og allt gengur
Ferrari í haginn gengur allt í mót
Kimi Raikkonen. Hann varð að
hætta keppni á sjöunda hring þeg-
ar eldur kom upp í vélinni.
Raikkonen hefur enn ekki lokið
keppni á þessu ári en hann varð að
hætta á sjötta hring í Ástralíu og
Malasíu. ■
Haukar deildarmeist-
arar þriðja árið í röð
Haukar og Valur voru jöfn að stigum og stóðu jafnt í innbyrðis viður-
eignum en markatala Hauka var hagstæðari.
HANDBOLTI Haukar urðu deildar-
meistarar eftir dramatíska bar-
áttu við Val. Haukar unnu KA 36-
34 á Ásvöllum en Valsmenn gerðu
jafntefli við HK, 24-24, að Hlíðar-
enda. Bæði félög fengu 25 stig og
þar sem báðum leikjum félaganna
í úrvalsdeildinni lauk með jafn-
tefli réðust úrslitin á markatölu.
Þar stóðu Haukar betur.
Haukar unnu KA 36-34 í jöfn-
um og skemmtilegum leik. Hauk-
ar leiddu 19-15 í hléi en KA náði
að vinna þann mun upp og komast
yfir snemma í seinni hálfleik. KA
hafði forystuna, 32-31, þegar
skammt var til leiksloka en Hauk-
ar snéru stöðunni sér í hag og
sigra 36-34.
Halldór Ingólfsson skoraði ell-
efu af mörkum Hauka, sex þeirra
úr vítaköstum, Robertas Pauzuol-
is sjö og Ásgeir Örn Hallgrímsson
og Þorkell Magnússon fimm hvor.
Birkir Ívar Guðmundsson varði
23 skot, þar af eitt víti.
Andreus Stelmokas skoraði ell-
efu mörk fyrir KA, Arnór Atlason
átta, helminginn úr vítum, og Jón-
atan Magnússon fjögur.
Jafnt var á flestum tölum fram
eftir leik Vals og HK. Staðan var
jöfn, 14-14, og þegar langt var lið-
ið á síðari hálfleik leiddi Valur 20-
19. Þá skoraði HK þrjú mörk í röð
og þegar skammt var eftir leiddi
Kópavogsliðið 24-22. Valsmenn
skoruðu tvö síðustu mörkin en það
dugði ekki til að tryggja félaginu
deildarmeistaratitilinn.
Heimir Örn Árnason skoraði
sex mörk fyrir Val, Bjarki Sig-
urðsson fimm og Hjalti Pálmason
fjögur. Pálmar Pétursson varði
fjórtán skot, eitt þeirra vítakast.
Andrius Rackauskas var yfir-
burðamaður hjá HK og skoraði
þrettán mörk. Hann skoraði níu af
fjórtán mörkum liðsins í fyrri
hálfleik. Már Þórarinsson og
Augustas Strazdas skoruðu fjögur
mörk hvor en Björgvin Páll Gúst-
avsson varði tólf skot.
Stjarnan veitti óvænta mót-
spyrnu í Garðabæ er best greidda
lið deildarinnar, ÍR, kom í heim-
sókn. Stjörnumenn byrjuðu leik-
inn með miklum látum. Skoruðu
grimmt og lömdu svo ÍR-inga að
þeir vissu ekki hvaðan á þá stóð
veðrið. Stjarnan náði mest sex
marka forystu í fyrri hálfleik, 11-
5, en þá vöknuðu ÍR-ingar og
minnkuðu muninn í 15-11 fyrir
hlé.
ÍR-ingar mættu vel stemmdir,
og greiddir, í síðari hálfleik og
byrjuðu að saxa á forskot heima-
manna. Þegar fjórtán mínútur
lifðu leiks tókst þeim að jafna og
síðan taka forystuna í kjölfarið.
Stjarnan jafnaði fljótlega en ÍR-
ingar voru sterkari á lokasprettin-
um og unnu sigur, 29-26.
Hannes Jón Jónsson og Einar
Hólmgeirsson voru atkvæðamest-
ir ÍR-inga með sjö mörk og Sturla
Ásgeirsson gerði sex. Lítil mark-
varsla var hjá ÍR en Ólafur Gísla-
son varði tíu skot. Vilhjálmur
Halldórsson fór á kostum í liði
Stjörnunnar og gerði 14 mörk.
Kristján Kristjánsson kom næst-
ur með fimm og Jacek Kowal
varði 15 skot í markinu.
Grótta/KR tryggði sér sæti í
átta liða úrslitum með sigri á
Fram, 27-23, á Seltjarnarnesi. Gísli
Guðmundsson var maður leiksins
en hann varði 29 skot. Páll Þórólfs-
son skoraði tíu mörk, sex úr vítum,
og Daði Hafþórsson, Arnar Sæ-
þórsson og Hjálmar Vilhjálmsson
voru markahæstir Framara með
sjö mörk. Egidijus Petkevicius
varði þrettán skot í marki Fram. ■
Handlyftarar
Dalvegur 6-8 · 201 Kópavogur · Sími 535 3500 · Fax 535 3519
tjorvi@kraftvelar.is · www.kraftvelar.is
Lyftigeta 2,3 tonn
Sterkbyggðir
og öruggir
Standard
Quicklift
kr
kr
48.515,-
55.966,-
m/vsk
m/vsk
Formúlan í Barein:
Tvöfalt hjá Ferrari
MICHAEL SCHUMACHER
Fylgdi eftir sigrum í Ástralíu og Malasíu með sigri í Barein.
Úrslit leikja í gær
Stjarnan - ÍR 27-29
Haukar - KA 36-34
Grótta/KR - Fram 27-23
Valur - HK 24-24
Lokastaðan í úrvalsdeildinni
Haukar 14 8 4 2 451:387 25(5)
Valur 14 7 3 4 387:358 25(8)
ÍR 14 7 2 5 412:408 24(8)
KA 14 7 0 7 439:437 21(7)
Fram 14 7 0 7 411:387 20(6)
Grótta/KR 14 7 1 6 364:357 18(3)
HK 14 5 2 7 384:398 17(5)
Stjarnan 14 2 0 12 336:452 10(6)
Innan sviga eru stigin sem félögin tóku
með sér úr riðlakeppninni.
HALLDÓR INGÓLFSSON
Skoraði ellefu mörk þegar Haukar tryggðu sér deildarmeistaratitilinn.