Fréttablaðið - 08.04.2004, Blaðsíða 20
20 8. apríl 2003 FIMMTUDAGUR
Fermingarvertíðin er hafin og núþegar hefur fjöldi barna verið
tekinn í fullorðinna manna tölu. Yfir
páskahátíðina standa margar ferm-
ingar fyrir dyrum og jafn margar
fermingarveislur. Slíkar veislur eru
jafnan tilkomumiklar og glæsilegar
og það er foreldrum og öðrum for-
ráðamönnum fermingarbarna mikið
kappsmál að standa vel að veislun-
um. Vikum og jafnvel mánuðum er
varið til undirbúnings svo allt verði
sem best og mest enda ber veislan
vott um hve mikilvægt blessað barn-
ið er og sú staðreynd að það hefur
ákveðið að staðfesta skírn sína.
Allur gangur er á hvar ferming-
arveislan er haldin. Búi fjölskyldan í
stóru og rúmgóðu húsnæði er hún
haldin heima. Tilefnið er notað til að
taka allt í gegn enda tilvalið „þar
sem við erum hvort eð er að ferma“.
Þeir stórtækustu mála og leggja nýtt
parkett, skipta um eldhúsinnréttingu
og brjóta jafnvel vegg á milli eld-
húss og stofu „til að fá betra rými“.
Aðrir fara varlegar í sakirnar og
láta sér nægja að mála og skipta um
gardínur í stofunni.
Ef híbýlin eru í smærra lagi eða
þeim mun fleiri gestum boðið til
veislunnar er leigður salur úti í bæ.
Þeir allra flottustu fara á hótel en
aðrir leigja sal af einhverju stéttar-
félaginu, íþróttafélaginu eða fá inni í
salnum í vinnunni.
Gott að borða
Veitingarnar eru helst af tvennum
toga; kaffi eða matur. Og sé síðar-
nefndi kosturinn valinn er ýmist um
heitan eða kaldan mat að ræða. Í
kaffiboðunum svigna veisluborðin
undan þunganum af vel smurðum
brauðtertum, vöfflum, pönnukökum,
flatbrauði, heitum brauðréttum,
kransakökum, brúnkökum og rjóma-
tertum og öllu er skolað niður með
kaffi og appelsíni.
Á köldu matarborðunum er lax,
silungur, paté, roast beef, skinka,
brauð og ostar en á þeim heitu eru
steikur af ýmsu tagi; lamb, svín, naut
og jafnvel hreindýr.
Í eina tíð var boðið upp á gin og
vodka í fermingarveislum en sú tíð
er liðin. Flestar eru þær með öllu vín-
lausar nú til dags en þó er á stöku bæ
dreginn tappi úr rauðvínsflösku eða
tveim til að renna niður steikunum.
Leggst á sálina
Þó að mikið sé lagt upp úr ferm-
ingarveislunum og jafnan girnilegar
veitingar í boði verður það að segjast
alveg eins og er að fólk tekur boðum
um slíkar veislur upp og ofan. Sumir
vita nefnilega ekkert hræðilegra en
að mæta í fermingarveislu og
ganga með fýlusvip í
marga daga og kvíða-
hnút í maganum yfir
að þurfa að mæta.
Raunar virðist
þetta ríkara í
körlum en kon-
um.
Engar hald-
góðar skýring-
ar hafa fengist
á þessari ferm-
ingarveislufælni
en þó nefndu nokkrir
karlar sem rætt var við að
annars vegar væri svo ómögulegt að
þurfa að fara í jakkaföt og setja upp
bindi og hins vegar væru samræðurn-
ar í veislunum svo þvingandi og stirð-
ar.
„Maður hittir eitthvað fólk sem
maður hefur eiginlega aldrei séð áður
og veit ekki hvað heitir og þarf að
segja því hvað maður er að gera og
hvað börnin manns séu orðin gömul
og svona. Þetta er bara hundleiðin-
legt,“ sagði karl um þrítugt sem talað
var við. Annar bar því við að það væri
alltaf sama sagan; þótt fjöldi fólks
væri í veislunni söfnuðust alltaf sömu
fjölskyldurnar saman við borð og
hann talaði því bara við fólkið sem
hann þekkir best. „Við getum alveg
eins verið heima hjá mér,“ sagði hann.
Umræðuefnin
Umræðuefnin í fermingarveisl-
unum eru nokkuð hefðbundin, ef
undan eru skilin dægurmál hvers
tíma. Vinsælustu efnin í þeim flokki
þessa vertíðina eru hvað Davíð gerir
í haust, hvort einhver eigi séns í Ólaf
Ragnar og hvort Bjöggarnir séu
hreinlega að eignast allt Ísland.
Tíðin er alltaf ofarlega á baugi
enda sískemmtilegt umræðuefni og
er þá talað um hvort sumarið verði
gott og að þetta hafi nú eiginlega
ekki verið neinn vetur.
Persónulegri málefni koma líka
til tals, t.d. hvað Ragnar og Ingiríður
séu eiginlega komin með mörg börn,
hvort Óli sé ennþá í ballett og Stella
í fiðlunni.
Þegar umræðuefni skortir er
alltaf gott að gera sér mat úr næsta
umhverfi. Sé veislan í sal er tilvalið
að tala um hvað salurinn sé nú
fallegur, hvað hann sé opinn og
skemmtilegur og lýsingin þægileg.
Sé hún í heimahúsi er upplagt að
ræða um hvað breytingarnar hafi nú
tekist vel, hvað nýi liturinn á stof-
unni sé vel heppnaður og að gardín-
urnar í borðstofunni séu algjört æði.
Svo er náttúrlega við hæfi að tala
um hvað veislan sé nú frábær „enda
Stella og mamma hennar svo rosa-
lega sniðugar í eldhúsinu. Já, og
Friðgeir auðvitað líka.“
Þetta er allt í lagi
En sé nú öllu á botninn hvolft er
ljóst að enginn þarf að bera kvíðboga
fyrir fermingarveislum, þær eru
nefnilega bæði góðar og skemmti-
legar. Maturinn er yfirleitt óviðjafn-
anlegur, það er nóg til frammi og því
hægt að borða og borða og flestir
hafa jú gaman af því. Og svo er fé-
lagsskapurinn fínn, fjölskyldan sam-
an komin í sínu fínasta pússi, glöð í
bragði yfir að Snjólfur sé nú loksins
fermdur og margt að ræða.
En sjái fólk ekki nokkra leið færa
til að hafa ánægju af veislunni er
betra að boða forföll. Segjast bara
vera slappur og komast ekki. Því
miður. Það er mun skárra en að
mæta og láta sér leiðast.
Fýldir karlmenn í
krumpuðum jakkafötum
með ómögulegan
bindishnút, japlandi
á brauðtertu og
sötrandi Mix, er
sorgleg sjón.
bjorn@frettabladid.is
Fermingarveislur fara núna fram um allan bæ með öllum þeim kræsingum og herlegheitum sem þeim fylgja. Það hefur lengi
loðað við veislurnar að svo virðist sem fólk hafi misgaman af því að sækja þær. Margir njóta þeirra, en aðrir kvíða þeirra.
Fermingarveislur
– kátína eða kvöl?
Fermingarveisluleiði getur átt sér djúpstæðar orsakir. Sálfræðingur nefnir erfið-
leika, kvíða og átraskanir sem algengar skýringar.
Margir upplifa mikinn kvíða
Fermingarveislur fara fyrirbrjóstið á fólki af ýmsum
ástæðum, bæði einföldum og
flóknum. Björn Harðarson sál-
fræðingur segir að sumum finnist
einfaldlega leiðinlegt í slíkum
veislum, öðrum hrjósi hugur við
að fara á mannamót þar sem þeir
þekkja varla sálu og enn aðrir fá
sig sadda ef margar veislur eru á
skömmum tíma.
Svo vilja sumir einfaldlega
verja tímanum í eitthvað annað,
t.d. áhugamál sín eða til afslöppun-
ar.
Djúpstæðari ástæður geta
einnig legið að baki: „Erfiðleikar í
fjölskyldum, t.d. vegna áfengis-
neyslu eða ósættis, geta einnig
haft áhrif. Óþægindin vegna slíks
geta verið mikil og jafnvel valdið
kvíða,“ segir Björn.
„Og þeir eru margir sem upp-
lifa mjög mikinn kvíða í svona
veislum. Mjög margir þjást af fé-
lagslegum kvíða eða ennþá erfið-
ari félagsfælni og eru þá stór
mannamót, þar sem „athygli“
margra er á þeim, einna erfiðust.“
Björn segir marga skjólstæð-
inga sína í gegnum árin hafa nefnt
fermingarveislur sem dæmi um
aðstæður sem valda þeim erfið-
leikum og kvíða.
Og fleiri vandamál koma við
sögu: „Svo er eitthvað um fólk með
t.d. offituvandamál eða aðrar
átraskanir sem upplifir kvíða
gagnvart því að vera á stað þar
sem það „þarf“ að borða fyrir
framan aðra,“ segir Björn.
Það er því greinilega ekki að
ástæðulausu sem margir eru
með böggum hildar í tengslum
við fermingarveislur, þó að
vissulega kunni líka margir að
njóta herlegheitanna og hafa
gaman af. ■
MIKIÐ STENDUR TIL
Fermingarveislur eru haldnar
með pompi og prakt um allan
bæ þessa dagana. Ljóst er að
fólki finnst misgaman að sækja
veislurnar.
KRÆSINGAR
Margir sem haldnir eru
átröskunum af ýmsu tagi
fá kvíða út af kræsingunum í
fermingarveislum, segir Björn
Harðarson sálfræðingur.