Fréttablaðið - 08.04.2004, Blaðsíða 36
28 8. apríl 2004 FIMMTUDAGUR
SIGUR Í HÖFN
Carlos Beltran, leikmaður Kansas City
Royals í bandarísku hafnaboltadeildinni,
fagnar tveimur heimahlaupum sínum sem
tryggðu liðinu sigur gegn Chicago White
Sox á dögunum. Leikurinn endaði 9-7 fyrir
Kansas.
Hafnabolti
hvað?hvar?hvenær?
5 6 7 8 9 10 11
APRÍL
Fimmtudagur
UEFA-bikarkeppnin:
Robson á fornar slóðir
FÓTBOLTI „Það var mjög sérstakt þeg-
ar ég fór með Newcastle til
Barcelona í Meistaradeildinni og það
verður svipað þegar ég fer aftur til
PSV,“ sagði Bobby Robson, fram-
kvæmdastjóri Newcastle. PSV og
Newcastle leika í Eindhoven í kvöld
en Robson þjálfaði PSV með góðum
árangri á síðasta áratug.
Robson þjálfaði PSV á árunum
1990 til 1992 og aftur frá 1998 og
fram á haustið 1999 þegar hann tók
við þjálfun Newcastle. PSV varð
hollenskur meistari árin 1991 og
1992 undir stjórn Robsons.
„Þetta var mjög sérstakur tími
fyrir mig í Hollandi eftir átta ár með
enska landsliðinu og ég naut þess
mjög,“ sagði Robson, sem á von á
erfiðum leik í kvöld. „PSV hefur ekki
gengið vel í deildinni en félagið hef-
ur átt velgengni að fagna í þessari
keppni og vill örugglega vinna.“
Celtic lék til úrslita í UEFA-bikar-
keppninni í fyrra og stefnir þangað á
ný. Celtic leikur við spánska félagið
Villarreal, sem vann sér þátttökurétt
í UEFA-bikarnum með góðum ár-
angri í Intertoto-keppninni.
Francisco García, sem hefur
gælunafnið Paquito, hefur þjálfað
Villarreal frá því að Benito Floro
sagði starfi sínu lausu í janúar. Undir
stjórn Paquito hefur Villarreal bæði
slegið Galatasaray og Roma út úr
keppninni og hann hræðist ekki Celt-
ic. „Roma er fortíðin og nú verðum
við að einbeita okkur að því að slá
Celtic út frekar en að dvelja í fortíð-
inni,“ sagði Paquito, sem telur að það
sé alls ekki útilokað að vinna í Glas-
gow. „Þetta er bara ellefu gegn ellefu.
Celtic verður að muna það og ég trúi
á styrk okkar. Við getum komið á
óvart,“ sagði þjálfarinn. ■
JOHN TERRY
Terry hefur staðið sig frábærlega með
Chelsea á leiktíðinni.
John Terry, varnarmaður
Chelsea:
Berjumst til
síðasta
manns
FÓTBOLTI John Terry, varnarmaður-
inn sterki í liði Chelsea, er ekki bú-
inn að gefast upp í baráttunni um
Englandsmeistaratitilinn. Chelsea
er fjórum stigum á eftir toppliði
Arsenal, sem á leik til góða.
„Við höfum haldið því fram alla
leiktíðina að við munum berjast til
síðasta manns og það sýndum við á
Highbury,“ sagði Terry eftir að
Chelsea sló Arsenal út úr Meistara-
deildinni í fyrrakvöld. „Liðsandinn
hjá okkur er frábær. Öllum kemur
vel saman og það hefur sýnt sig í
leikjunum.“ ■
■ ■ LEIKIR:
12.00 Keflavík og Fram leika í
Reykjaneshöllinni í deildabikar-
keppni karla í fótbolta.
12.00 Víkingur leikur við Fylki í Fíf-
unni í deildabikarkeppni karla í
fótbolta.
■ ■ SJÓNVARP:
13.15 Ameríski fótboltinn á Sýn. Út-
sending frá úrslitaleik New Eng-
land Patriots og Carolina
Panthers í ameríska fótboltanum
2004.
16.20 Olíssport á Sýn. Fjallað er um
helstu íþróttaviðburði heima og
erlendis.
16.45 Evrópska mótaröðin í golfi á
Sýn. Þáttur um Algarve Open De
Portugal.
17.40 Sterkasti maður heims á Sýn.
Í þættinum er fylgst með for-
keppni í Sterkasti maður heims
árið 1994.
18.10 Sterkasti maður heims á Sýn.
Í þættinum er fjallað um keppn-
ina árið 1991.
19.05 Bandaríska meistarakeppnin
í golfi á Sýn. Upprifjun á keppn-
inni árið 2003.
20.00 Bandaríska meistarakeppnin
í golfi á Sýn. Bein útsending frá
fyrsta keppnisdegi bandarísku
meistarakeppninnar í golfi.
BOBBY ROBSON
Stjórnar Newcastle gegn sínu gamla félagi í kvöld.
LEIKIR KVÖLDSINS
Girondins Bordeaux - Valencia
Olympique Marseille - Internazionale
Celtic - Villarreal
PSV Eindhoven - Newcastle
Seinni leikirnir fara fram á miðvikudag