Fréttablaðið - 13.04.2004, Blaðsíða 4

4 13. apríl 2004 ÞRIÐJUDAGUR
Fórstu í kirkju um páskana?
Spurning dagsins í dag:
Hefurðu farið á handboltaleik í vetur?
Niðurstöður gærdagsins
á www.frett.is
80%
20%
Nei
Já
Kjörkassinn
Farðu inn á frett.is og segðu þína skoðun
frétt.is
Tveir prófessorar möluðu Viltu vinna milljón?:
Gamla góða
keppnisskapið
FÓLK „Það er gamla, góða keppnis-
skapið í manni sem hvetur mann til
dáða,“ sagði Jón Steinar Gunnlaugs-
son prófessor eftir að hann og
Hannes Hólmsteinn Gissurarson
prófessor, unnu fimm milljónir
króna í páskaþætti Stöðvar 2, Viltu
vinna milljón? Þeir létu vinninginn
renna til Styrktarfélags krabba-
meinssjúkra barna.
Fimm milljóna króna spurning-
in, sú 16. í röðinni, var eftirfarandi:
Hvar bjó Loftur ríki Guttormsson á
15. öld? Rétt svar var Möðruvellir
og völdu þeir Hannes og Jón Steinar
það.
„Þetta var samvinnuniðurstaða,“
sagði Jón Steinar um rétta svarið. „Í
þessari spurningu kom strax upp í
huga mér „Möðruvellir“ áður en
valkostirnir birtust. Ef undirmeð-
vitundin gefur manni ákveðið svar
áður en maður sér valkostina þá er
það dálítið sannfærandi. Það er svo
margt sem maður hefur lesið á ára-
tuga vegferð, að það er kannski
heill hafsjór af fróðleik niðri í und-
irmeðvitundinni, sem manni tekst
stundum að lokka fram ef tími
vinnst til, en kemur stundum fram
sem fyrsta hugsun. Við voru líka
heppnir, enda þarf það að fylgja
með.“
Þeir félagar voru búnir að
ákveða fyrir þáttinn að styðja
krabbameinssjúk börn.
„Þetta er svo gott málefni,“ sagði
Jón Steinar, „og því afar ánægjulegt
að geta stuðlað að því að Stöð 2
styrkti þessi samtök.“ ■
VIÐSKIPTI Jákvæð viðbrögð fjárfesta
við skuldabréfaútboði Íslenskrar
erfðagreiningar í Bandaríkjunum
urðu til þess að útboðið var stækkað
úr 100 í 150 milljónir Bandaríkja-
dala. Að sögn Kára Stefánssonar
var eftirspurn eftir þátttöku í út-
boðinu 6,5 sinnum meiri en upphaf-
legar áætlanir um framboð gerðu
ráð fyrir.
Hann segir að staðið hafi til að
bjóða út nýtt hlutafé í fyrirtækinu
en sökum aðstæðna á markaði á síð-
ustu vikum hafi verið ákveðið að
fara frekar leið skuldabréfaútboðs
með bréfum sem eru umbreytanleg
í hlutafé.
Eftir skuldabréfaútboðið ræður
Íslensk erfðagreining yfir sjóðum
sem nema um 250 milljónum
Bandaríkjadölum. Þessi staða gerir
fyrirtækinu kleift að ráðast í fimm
til sjö ný lyfjaþróunarverkefni á
næstunni.
Skuldabréfaútboðið varð einnig
til þess að á páskadag afhenti for-
stjóri Íslenskrar erfðagreiningar
Davíð Oddssyni forsætisráðherra
bréf þar sem farið var fram á það
við ríkisstjórnina að hún drægi til
baka umsagnarbeiðni um lagafrum-
varp vegna ríkisábyrgðar til handa
fyrirtækinu.
Í bréfi sínu til forsætisráðherra
tilgreinir Kári tvær ástæður fyrir
því að áætlanir um veitingu ríkis-
ábyrgðar hafi runnið út í sandinn.
Fyrri ástæðan sé pólitíkin og tregða
embættismanna. „Önnur er sú að
Evrópuskrímslið virðist ekki vilja
að Íslendingar afli salts í grautinn
með öðru en því að draga fisk úr sjó
og bræða málmgrýti,“ segir í bréfi
Kára.
„Eitthvað segir mér að það hafi
ekki verið einhugur um þetta innan
ríkisstjórnarinnar. Davíð studdi
þetta en ég er ekki viss um að aðrir
hafi verið jafnvissir um að það væri
eðlilegt að gera þetta. Þar er ég ekk-
ert endilega að segja að ég hafi fjall-
háar mótbárur gegn því sjónar-
miði,“ segir Kári.
Hann samsinnir þeim sem telja
að opinber stuðningur við atvinnu-
fyrirtæki með sértækum aðgerðum
geti verið hættulegur. „Þá er þetta
bara spurning um hvernig þú vegur
annars vegar hættuna og það sem
þú kannt að fá út úr þessu og þar er
mér málið of skylt til að rýna ná-
kvæmlega í það hvort það hefði ver-
ið eðlilegt eða ekki,“ segir hann.
Að sögn Kára hefur það valdið
Íslenskri erfðagreiningu óþægind-
um hversu langan tíma málið hafi
tekið sérstaklega sé tekið tillit til
þess að fyrirtækið starfi á opinber-
um markaði og rík upplýsinga-
skylda hvíli á því. Hann segir það
hafa verið óþægilegt að málið hafi
verið látið „dingla“ í tvö ár án þess
að niðurstaða fengist.
Kári segir að fjármagnið sem Ís-
lensk erfðagreining aflaði í skulda-
bréfaútboðinu henti starfsemi fyr-
irtækisins betur en ríkisábyrgð
enda fylgi því engar sérstakar kvað-
ir.
„Við munum gera nákvæmlega
það sem hentar fyrirtækinu sem
best og munum ekki gera neinar
málamiðlanir hvað það varðar. Ég
held hins vegar að það sé hægt að
byggja upp ákveðna hluti betur hér
á landi heldur en í Bandaríkjunum
og ég reikna með að vöxturinn hjá
okkur verði hér en ekki úti,“ segir
hann.
Hann segir að áfram verði lögð
áhersla á niðurskurð og hagræð-
ingu í rekstrinum og að leitað verði
leiða til þess að draga úr þeirri
starfsemi sem ekki skili nægum ár-
angri.
Hann segir að Íslensk erfða-
greining hafi byggt upp getu til
rannsókna og þróunar sem jafnist á
við það sem gerist hjá stórum lyfja-
fyrirtækjum. „Það höfum við gert
með því að selja þjónustu til lyfja-
fyrirtækja og annarra. Á þennan
hátt höfum við ekki bara fengið
tekjur heldur einnig byggt upp inn-
viði sem við getum notað til okkar
eigin þarfa,“ segir Kári.
thkjart@frettabladid.is
Afmælisveisla
stjórnmálamanns:
Á þriðja tug
tróðst undir
INDLAND, AP Að minnsta kosti 21
tróðst undir, aðallega konur og börn,
þegar þúsundir manna söfnuðust
saman í litlum almenningsgarði í
borginni Lucknow á Indlandi til að
fagna afmæli stjórnmálaleiðtogans
Lalji Tandon.
Garðurinn, sem var afgirtur, var
yfirfullur af fólki en verið var að
deila út ókeypis saríum til við-
staddra þegar atvikið átti sér stað.
Atal Behari Vajpayee, forsætisráð-
herra Indlands, flaug til Lucknow til
að votta aðstandendum hinna látnu
samúð sína. Yfirvöld hafa fyrirskip-
að rannsókn á atvikinu en lögð hefur
verið fram kæra vegna vanrækslu á
hendur þeim sem skipulögðu hátíð-
arhöldin. ■
Dub
lin
Innifalið: Flug, gisting í 3 nætur á Bewleys hótel
í nóvember í 2ja manna herbergi með morgunverði,
flugvallarskattar og ísl. fararstjórn.

37.700 kr.
Netver› á mann frá
Plúsfer›ir • Hlí›asmára 15 • Sími 535 2100 • www.plusferdir.is
Minnisblað CIA um hættu vegna al-Kaída:
Bin Laden var
ákveðinn í árás
BANDARÍKIN, AP Minnisblað CIA um
hættu vegna al-Kaída sem lagt var
fyrir forseta Bandaríkjanna 6.
ágúst 2001 var gert opinbert síðast-
liðinn laugardag. Í skjalinu, sem ber
fyrirsögnina „Bin Laden ákveðinn í
árás innan Bandaríkjanna“ kemur
fram að Bush hafi fengið skýrslur
um al-Kaída allt fram í maí 2001 og
flestar þær upplýsingar sem síðast
komu fram einblíndu á hugsanlegar
aðgerðir þeirra í Bandaríkjunum.
Miklar deilur hafa risið upp í
Bandaríkjunum vegna þessara nýju
upplýsinga um hvort rétt hafi verið
brugðist við þessu minnisblaði og
hvort meira hafi mátt gera til að af-
stýra hryðjuverkaárásinni á New
York og Washington.
Bush sagði að engar ákveðnar
upplýsingar hefðu legið fyrir sem
bentu á ákveðin skotmörk og ekkert
komi fram í minnisblaðinu um árás
á Bandaríkin. „Það er talað um ætl-
anir og að einhver hataði Bandarík-
in en það var vitað fyrir,“ sagði
hann í Fort Hood, Texas á sunnudag.
Í minnisblaðinu er tekið fram að
liðsmenn al-Kaída væru á banda-
rískri grund, að þeir væru búnir að
koma sér upp stuðningskerfi og að
athæfi þeirra vekti grunsemdir þar
sem það væri sambærilegt við und-
irbúning fyrir flugrán eða aðrar
árásir. ■
ÞEIR UNNU
Það var heitt í kolunum hjá Hannesi Hólmsteini og Jóni Steinari þegar þeir voru komnir
að takmarkinu, að vinna fimm milljónir.
HEFÐI FLUTT FJÖLL
George Bush, forseti Bandaríkjanna, sagð-
ist hefðu flutt fjöll til að koma í veg fyrir
hryðjuverkaárásirnar 11. september 2001.
ÓÖLD Á HAÍTÍ
Hér sést einn hermaður franska friðar-
gæsluliðsins á Haítí, en þeim hefur ekki
tekist að koma í veg fyrir að bardagar
stríðandi fylkinga berist inn á sjúkrahús
landsins.
Bardagar á Haítí:
Árásir á
sjúkrahús
PORT-AU-PRINCE, AP Gripið hefur ver-
ið til þess ráðs að girða spítala á
Haítí af með gaddavír. Borið hefur á
því að sjúklingar hafi verið skotnir
þar sem þeir liggja á sjúkrahúsinu
eða dregnir í burtu af því. Miklir
bardagar geisa milli stuðnings-
manna og andstæðinga Aristide,
forseta landsins, sem haktist af
valdastóli ekki alls fyrir löngu.
Að sögn fulltrúa Rauða krossins
á Haítí er allgjört forgangsatriði að
gera spítala landsins örugga, en
stofnunin hefur nú þegar eytt mikl-
um fjármunum í öryggisbúnað. ■
BRÉF KÁRA TIL DAVÍÐS
Íslensk erfðagreining telur að vegna seina-
gangs við framkvæmd hugmyndar um
ríkisábyrgð í tengslum við uppbyggingu
félagsins sé hún í raun orðin úrelt og hefur
farið fram á að ríkið dragi beiðni um
umsögn til baka.
KÁRI STEFÁNSSON
Forstjóri Íslenskrar erfðagreiningar segir skuldabréfaútboð í Bandaríkjunum gefa félaginu
svigrúm til að hefjast handa við fimm til sjö ný lyfjaþróunarverkefni.
Evrópuskrímslið í
vegi ríkisábyrgðar
Vel heppnað skuldabréfaútboð í Bandaríkjunum varð til þess að Kári Stefánsson óskaði eftir að
ríkisstjórnin hætti við ríkisábyrgð. Hann segir að tafir á afgreiðslu málsins
hafi gert hugmyndina um ríkisábyrgð úrelta.
FR
ÉT
TA
B
LA
Ð
IÐ
/S
TE
FÁ
N