Fréttablaðið - 14.04.2004, Blaðsíða 29
MIÐVIKUDAGUR 14. apríl 2004
Denver í úrslit NBA-deildarinnar:
Níu ára bið á enda
KÖRFUBOLTI Denver Nuggets komst í
úrslitakeppni NBA-deildarinnar í
fyrsta sinn í níu ár eftir sigur á
Sacramento Kings í fyrrinótt, 97-89.
Marcus Camby átti frábæran leik
fyrir Denver. Kappinn skoraði 12
stig, tók 21 frákast, gaf sjö stoðsend-
ingar og varði boltann fimm sinnum.
Mikil fagnaðarlæti voru í leikslok
þegar ljóst var að sætið í úrslita-
keppninni var í höfn. Þriðji mesti
áhorfendafjöldi í sögu liðsins var á
leiknum, eða tæplega 20 þúsund
manns. Denver hefur gengið illa
undanfarin ár og vann til að mynda
aðeins sautján leiki á síðustu leiktíð.
Liðið er það fyrsta í sögu NBA til að
komast í úrslitakeppnina árið eftir
að hafa unnið færri en 20 leiki.
Tvö fornfræg félög, Utah Jazz og
Portland Trail Blazers, komust ekki í
úrslitakeppnina í ár. Þetta er í fyrsta
sinn í 22 ár sem Portland nær ekki
markmiðinu og í fyrsta skipti í 20 ár
sem Utah nær ekki inn í úrslitin. ■
Hermann og
Eiður aftur með
Landsliðsþjálfararnir hafa tilkynnt 22 manna
leikmannahóp fyrir leikinn gegn Lettum í
næstu viku.
FÓTBOLTI Landsliðsþjálfararnir
Ásgeir Sigurvinsson og Logi
Ólafsson tilkynntu í gær 22
manna hóp sem leikur við Letta
í Ríga í næstu viku. Hópur-
inn er að mestu leyti skipað-
ur þeim leikmönnum sem
léku við Albani í lok síð-
asta mánaðar. Hermann
Hreiðarsson og Eiður
Smári Guðjohnsen, sem
gátu ekki leikið í Albaníu,
koma inn í hópinn að nýju
ásamt Arnari Grétarssyni og
Helga Sigurðssyni. Arnar lék síð-
ast landsleik þegar Íslendingar
kepptu við Þjóðverja í haust en
Helgi lék gegn Mexíkóum í nóv-
ember.
Lettar undirbúa sig fyrir loka-
keppni Evrópumeistarakeppninnar
í Portúgal í sumar. Þeir taka þá þátt
í lokakeppni stórmóts í fyrsta sinn
og leika í riðli með Tékkum, Þjóð-
verjum og Hollendingum. Leikur-
inn við Íslendinga er næstsíðasti
leikur þeirra fyrir mótið en þeir
mæta einnig Aserum í Ríga
6. júní. Lettar unnu Sló-
vena 1-0 á útivelli í
loka mars en í febr-
úar unnu þeir
Kazaka en töpuðu
fyrir Ungverj-
um og Hvít-
rússum.
Þ j á l f a r i n n
Aleksandrs Starkovs
hefur ekki tilkynnt
le ikmannahópinn
fyrir leikinn gegn
Íslendingum en
hann hefur úr
nokkrum atvinnu-
mönnum að velja.
Andrejs Stolcers,
sem leikur með
Fulham, á að baki
74 landsleiki og
Marians Pahars,
leikmaður Sout-
hampton, hef-
ur leikið 59
leiki og skorað
fimmtán mörk.
Leikreyndast-
ur er Vitalijs
Astafjevs, sem leikur með Admira
frá Vín í Austurríki, en hann hefur
leikið 100 landsleiki. Lettar eiga
einnig leikmenn í Belgíu, Dan-
mörku, Rússlandi, Úkraínu og Ísra-
el en þeir sem leika með liðum í
Lettlandi eru flestir á mála hjá
Skonto Riga og FK Ventspils.
Íslendingar og Lettar hafa einu
sinni áður mæst í landsleik. Íslend-
ingar unnu 4-1 í Laugardalnum í
ágúst 1998. Þórður Guðjónsson
skoraði tvö mörk og Ríkharður
Daðason og Auðun Helgason eitt
hvor en Auðun lék þá sinn fyrsta
landsleik. ■
Einkunnagjöf norska Dagblaðsins:
Gylfi og Ólafur
fengu fimm
FÓTBOLTI Gylfi Einarsson og Ólafur
Örn Bjarnason fengu fimm í ein-
kunn hjá norska Dagblaðinu fyrir
frammistöðu sína með Lillestrøm
og Brann á mánudag. Gylfa var
skipt út af á lokamínútunni þegar
Lillestrøm vann Fredrikstad 2-0
en Ólafur lék allan leikinn þegar
Brann tapaði 1-0 fyrir Rosenborg
í Þrándheimi.
Veigar Páll Gunnarsson kom
verst Íslendinganna út úr ein-
kunnagjöf Dagblaðsins og fékk
tvo í einkunn fyrir frammistöðu
sína í tapleik Stabæk gegn Odd
Grenland.
Davíð Þór Viðarsson og Hann-
es Þ. Sigurðsson léku of stutt til að
fá einkunn. Hannes kom inn í lið
Vikings um miðjan síðari hálfleik
fyrir Danann Mads Timm sem
félagið fékk að láni frá Manchest-
er United. Timm fékk aðeins einn
í einkunn og telst skussi fyrstu
umferðar.
Petter Rudi, leikmaður Molde,
var besti leikmaður fyrstu um-
ferðar að mati Dagblaðsins sem
gaf honum átta í einkunn. Leik-
menn Tromsø koma vel út úr ein-
kunnagjöfinni enda hófu þeir leik-
tíðina með glæsibrag og unnu Vik-
ing 4-0 í snævi þöktum heimavelli
sínum. ■
KOMNIR ÁFRAM
Jon Barry, til vinstri, og Hollendingurinn
Francisco Elson fagna sigri Denver Nuggets
gegn Sacramento Kings. Denver leikur í úr-
slitakeppninni í fyrsta sinn síðan 1995.
LANDSLIÐHÓPUR ÍSLANDS
Markverðir
Árni Gautur Arason (Manchester City)
Kristján Finnbogason (KR)
Aðrir leikmenn
Arnar Grétarsson (Lokeren)
Hermann Hreiðarsson (Charlton )
Helgi Sigurðsson (AGF Århus)
Þórður Guðjónsson (Bochum)
Brynjar Björn Gunnarsson (Stoke City)
Tryggvi Guðmundsson (Örgryte)
Arnar Þór Viðarsson (Lokeren)
Pétur Hafliði Marteinsson (Hammarby)
Eiður Smári Guðjohnsen (Chelsea)
Heiðar Helguson (Watford)
Jóhannes Karl Guðjónsson (Wolves)
Ólafur Örn Bjarnason (Brann)
Indriði Sigurðsson (Genk)
Bjarni Guðjónsson (Coventry)
Ívar Ingimarsson (Reading)
Marel Baldvinsson (Lokeren)
Gylfi Einarsson (Lillestöm)
Hjálmar Jónsson (IFK Göteborg)
Veigar Páll Gunnarsson (Stabæk)
Kristján Örn Sigurðsson (KR)
EIÐUR SMÁRI
GUÐJOHNSEN