Fréttablaðið - 14.04.2004, Blaðsíða 32
14. apríl 2004 MIÐVIKUDAGUR
Engjateigi 5, sími 581 2141
Opið virka daga frá kl. 10.00-18.00, laugardaga frá kl. 10.00-16.00.
NÝ SENDING
HÖRFATNAÐUR
JAKKAR, KJÓLAR, PILS OG BUXUR
Leigðu stuðningsmenn
Stuðningshópur þýska fót-boltaliðsins SC Goettingen sem
keppti í fjórðu deild lenti í tilvist-
arkreppu á dögunum þegar liðið
var lýst gjaldþrota. Brot af hópn-
um dó þó ekki ráðalaust og leigir
sig nú út til annarra fótboltafé-
laga gegn því að fá pylsur og bjór.
Liðið var gert gjaldþrota í
október á síðasta ári og auglýsti
hópurinn eftir liði á netinu undir
slagorðinu Fans Without a Club.
Þetta eru reyndir fótboltaunnend-
ur og lofa að syngja réttu söng-
vana og láta öllum illum látum á
spennandi augnablikum í leikn-
um. Þeir halda því fram að stuðn-
ingur áhorfenda geti skipt tölu-
verðu máli um niðurstöðu leiks-
ins.
„Við erum búnir að fá það
margar fyrirspurnir að við getum
auðveldlega verið á fríum fót-
boltaleikjum út sumarið,“ segir
Christoph Pauer, fyrrum stuðn-
ingsmaður SC Goettingen. Hann
og vinir hans mæta glaðir á svæð-
ið fyrir nokkra bjóra og eina
pylsu.
Pauer segir aðalmarkmið með
hópnum vera að halda áfram að
styðja fótboltaiðkun á Goettingen-
svæðinu. „Takmark okkar er að ná
Goettingen-aðdáendahópnum aft-
ur saman,“ segir hann.
Um 30 manns mættu „til
vinnu“ á fyrsta vinnudegi. Þá
studdi hópurinn Wolfenbuetteler
sem vann leik sinn 2-0. ■
Skrýtnafréttin
■ Hópur þýskra fótboltaáhangenda leigir
sig út til félaga fyrir pylsur og bjór.
FÓTBOLTAAÐDÁENDUR
Alltaf gott að hafa góða stuðningsmenn,
jafnvel þótt maður þurfi að borga þeim
fyrir að koma.
UMA THURMAN
Sýnir mýkri hliðar á Brúðinni sem er enn í hefndarhug og hugsar gamla kærastanum sínum og barnsföður, honum Bill, þegjandi þörfina.
Beittari samtöl
og minna blóð
KVIKMYNDIR „Hafi Kill Bill Vol. 1
verið eitt allsherjarspark í hausinn
þá má segja að Kill Bill Vol. 2 sé
næstum því eins og hlýtt faðmlag,“
segir Christy Lemire, kvikmynda-
gagnrýnandi hjá AP, um seinni
mynd leikstjórans Quentin Tar-
antino um Brúðina sem leitar hefn-
da á þeim sem reyndu að drepa
hana á giftingardeginum.
Þetta þýðir þó ekki að dyggir að-
dáendur Tarantinos þurfi að hafa
miklar áhyggjur af því að hann sé
að mýkjast. Það er nóg af ofbeldi í
þessum síðari hálfleik samurai,
kung-fu og spagettívestrablöndu
sem meistarinn hefur hrist saman,
áherslurnar eru bara öðruvísi.
Lemire gefur myndinni þrjár
stjörnur af fjórum mögulegum og
segir að þrátt fyrir frábær slags-
málaatriði þá sé ofbeldið ekki jafn
yfirgengilegt og teiknimyndalegt
og það var í fyrri hlutanum „Vol. 2
endar því næstum því á hjarta-
hlýjan hátt þar sem persóna Umu
Thurman, morðingi í hefndarhug,
finnur hamingju á hefðbundinn
hátt.“
Það sem ætti síðan tvímælalaust
að gleðja þá sem kunna að meta
Tarantino er sú staðreynd að hér er
miklu meira um taktföst og smart
samtöl sem eru eitt helsta höfund-
areinkenni leikstjórans.
„Þetta gefur myndinni þá til-
finningadýpt sem vantaði í þá fyrri
umleið og heildin verður sterkari.
Ég myndi samt enn vilja sjá mynd-
irnar báðar saman í einum rykk,“
bætir Lemire við og bindur vonir
við að verkið verði sýnt í heild í
kvikmyndahúsum.
Það fór lítið fyrir harðjöxlunum
Michael Madsen, sem leikur Bud
bróður Bills, og David Carradine í
Vol. 1 og þannig heyrðist aðeins
rödd Carradine í hlutverki Bills í
Vol. 1. Hann er hins vegar í for-
grunni í Vol. 2 og Lemrie telur Tar-
antino varla getað hafa valið betri
leikara í hlutverkið. „Hann hefur
svo mikinn þunga og reynslan sem
er mörkuð í veðrað andlit hans ger-
ir hann heillandi.“
Þá skilar Uma Thurman einnig
sínu með sóma í hlutverki Brúðar-
innar. „Einhverjir gagnrýnendur
fundu að því að persóna hennar í
fyrri myndinni hefði ekki verið
nægilega vel útfærð en hér er hún
fullsköpuð og þó hún sé yfirþyrm-
andi þá fær hún einnig að sýna á
sér mýkri hliðar og það er banvæn
blanda.“ ■
QUENTIN TARANTINO
Gírar sig aðeins niður í blóðsúthellingunum í Kill Bill Vol. 2. Það vantar þó ekki kraftinn og
samtölin minna meira á snilldina úr Pulp Fiction og Reservoir Dogs.