Fréttablaðið - 15.04.2004, Blaðsíða 8

8 15. apríl 2004 FIMMTUDAGUR
Og skammastu þín svo
„Það er ljóst að atvinnulausir
eiga lítið skjól hjá Hjálmari
Árnasyni sem ætti að skammast
sín fyrir hvernig íhaldsstjórn
hans hefur hlunnfarið þá tekju-
lægstu á undanförnum árum.“
Jóhanna Sigurðardóttir sendir þingflokksfor-
manni Framsóknarflokks tóninn. Fréttablaðið,
14. apríl.
Ekkert léttvín í matvörubúðir
„Vonandi sér Alþingi sóma sinn í
að sinna í engu þessu postullega
bænakvaki brennivínssinna.“
Helgi Seljan, formaður fjölmiðlanefndar IOGT,
Morgunblaðið 14. apríl.
Ákærð
„Ég er 25 ára og á ekki að þurfa
að þola öll þessi ósköp vegna
þess eins að hafa unnið á Prik-
inu sem þessir menn áttu og
ráku.“
Auður Harpa Andrésdóttir, einn fimm sakborn-
inga í stóra Landssímamálinu, DV 14. apríl.
Orðrétt
Fjölmiðlaskýrslan legið tvær vikur á borði ráðherra:
Lagt til að reglur
verði hertar til muna
STJÓRNMÁL Nái tillögur nefndar
menntamálaráðherra um eignar-
hald á fjölmiðlum fram að ganga
mun í framtíðinni ekki gefast tæki-
færi á að koma fyrirtæki á borð við
Norðurljós á laggirnar. Þetta herma
heimildir Fréttablaðsins en skýrsl-
an hefur legið í um tvær vikur á
borði Þorgerðar Katrínar Gunnars-
dóttur menntamálaráðherra. Hefur
hún enn ekki verið gerð opinber þar
sem Þorgerði hefur ekki gefist
tækifæri til að kynna efni hennar
fyrir samráðherrum sínum í ríkis-
stjórn.
Tillögurnar ganga út á að ekki
skuli vera hreyft við þeim fyrir-
tækjum sem þegar starfa innan
greinarinnar en samkeppnisreglur
skuli hertar til muna og ekki á að
vera mögulegt að steypa mörgum
fjölmiðlum saman í eitt eins og
raunin varð með Norðurljós, sem á
og rekur Stöð 2, Sýn, Fréttablaðið
og DV auk verslunarfyrirtækja á
borð við Skífuna og BT.
Skýrsluna stóð til að kynna á rík-
isstjórnarfundi á morgun en sam-
kvæmt upplýsingum frá forsætis-
ráðuneytinu er enn óvíst hvort af
honum verði. Þorgerður Katrín
svaraði ekki skilaboðum blaða-
manns vegna þessa. ■
Velta apóteka minnkar
um sex til 700 milljónir
Lyfsalar eru ósáttir vegna ráðstafana ríkisstjórnarinnar í lyfjamálum. Fyrirhugaður sparnaður
ríkisins mun hafa í för með sér 600-700 milljónum króna minni veltu apótekanna í landinu,
segja Samtök verslunar og þjónustu.
Fegurðarsamkeppni:
Hversdags-
leikinn þótti
tilbreyting
RÚSSLAND Rússnesk skólastúlka
sem þykir afar hversdagsleg í út-
liti er orðin að feminískri fyrir-
mynd í heimalandi sínu eftir að
vinkona hennar sendi mynd af
henni í fegurðarsamkeppni.
Súlkan sigraði með yfirburðum í
netkosningu. Stuðningsmenn
stúlkunnar stofnuðu heimasíðu
um hana undir slagorðinu „Segj-
um nei við Barbie-dúkkum!“. Á
myndunum sem birtust af
stúlkunni var hún án andlitsmáln-
ingar og afar eðlileg í útliti. ■
Þrettán ára kynskiptingur:
Hormóna-
meðferð
heimiluð
ÁSTRALÍA, AP Dómstólar í Ástralíu
hafa ákveðið að heimila þrettán
ára unglingsstúlku að gangast
undir hórmónameðferð fyrir kyn-
skiptiaðgerð. Úrskurðurinn er
byggður á mati geðlækna sem
hafa meðhöndlað stúlkuna.
Alex hefur verið alin upp sem
drengur og lítur á sig sem karl-
mann. Hún klæðist strákafötum
og gengur með bleiur í skólanum
til að komast hjá því að fara á
kvennaklósettið. Geðlæknir sem
meðhöndlaði Alex komst að þeirri
niðurstöðu að hún þjáðist af alvar-
legu þunglyndi þar sem hún væri
„föst í líkama sínum“.
Félagsmálayfirvöld, sem hafa
forræði yfir Alex, greiða fyrir
hormónameðferðina en hún mun
ekki gangast undir kynskiptiað-
gerð fyrr en hún nær átján ára
aldri. ■
KRÖFURNAR 2 MILLJARÐAR
Lýstar kröfur í Skala ehf., áður
Svínabúið Brautarholti á Kjal-
arnesi, og í fasteignafélagið
Svörð ehf., áður fasteignafélag-
ið Ali, sem er að mestu í í eigu
sömu aðila, námu samanlagt
rúmlega tveimur milljörðum
króna en kröfulýsingarfrestur
rann út á þriðjudag.
KB banki á stærstu kröfurnar í
bæði félögin en alls bárust á
annað hundrað kröfur í búin.
Eigendur félaganna óskuðu eft-
ir gjaldþrotaskiptum í janúar
síðastliðnum en félögin voru í
eigu sömu aðila og áttu
kjúklingabúið Móa, sem var úr-
skurðað gjaldþrota í nóvember
í fyrra. Kröfur í þrotabú Móa
námu hátt í tvo milljarða
króna.
– hefur þú séð DV í dag?
Alvarlega
veikur fyrir
feigðar-
förina
HEILBRIGÐISMÁL Sjúklingar verða
fyrir barðinu á sparnaði heilbrigðis-
ráðuneytis. Tillögur ráðuneytisins
einkennast af ráðaleysi. Kostnaðar-
vanda ríkisins er velt yfir á sjúk-
linga og apótek í landinu, afslættir
sjúklinga teknir eignarnámi og ný
og fullkomnari lyf verða aðeins á
færi hinna efnameiri.
Svo segir í tilkynningu frá Sam-
tökum verslunar og þjónustu, sem
átelja aðgerðir ríkisstjórnarinnar í
lyfjamálum harðlega. Samtökin
fullyrða að sparnaður ríkisins muni
hafa í för með sér um 600-700 millj-
óna króna minni veltu hjá apótekum
í landinu og fylgjandi framlegðar-
lækkun. Aðgerðir heilbrigðisráðu-
neytisins, sem spara eigi 450 millj-
ónir, séu tvíþættar. Annars vegar
ætli ríkið að lækka greiðsluþátttöku
sína í þremur lyfjaflokkum; maga-
lyfjum, hjartalyfjum og geðlyfjum,
og hins vegar að lækka álagningu í
heildsölu og smásölu.
„Ríkið hefur ekki lagt fram til-
lögur um hvernig apótekin eigi að
mæta þessari tekjuskerðingu,“ seg-
ir enn fremur. „Ríkið hefur ekki
heldur lagt fram tillögur um
hvernig minnka mætti kostnað af
smásölu hérlendis því að leggja
mætti af ýmsar sérkröfur, til dæm-
is um húsnæði lyfjaverslana og fjöl-
da lyfjafræðinga eru mun meiri hér
en annarstaðar á Norðurlöndunum,
eins og Ríkisendurskoðun benti á í
nýlegri skýrslu. Í sömu skýrslu hef-
ur Ríkisendurskoðun komist að
þeirri niðurstöðu að
álagning og hagnaður
smásala á Íslandi sé
með eðlilegum hætti.“
Síðan segir að áætl-
að sé að smásalar veiti
árlega um 500 milljónir
króna í afslátt til sjúk-
linga. Þessi afsláttur
renni helst til ellilífeyr-
isþega og öryrkja. Komi
tillögur um sparnað rík-
isins til framkvæmda
sjái lyfsalar ekki aðra
leið en að ganga veru-
lega á þennan afslátt.
Þannig muni í reynd
lyfjaverð til sjúklinga
hækka en ekki lækka og
ríkið sé því að taka af-
slátt sjúklinga eignar-
námi. Sparnaður ríkis-
ins verði því á kostnað
sjúklinga.
„Apótekin eru þarna með ákveð-
inn rekstur sem verður fyrir tekju-
tapi og menn verða að bregðast við
því með því að skerða þá afslætti
sem veittir eru neytendum,“ sagði
Sigurður Jónsson, framkvæmda-
stjóri Samtaka verslunar og þjón-
ustu. „Ríkið kemur ekki til móts við
apótekin með tillögur um breyting-
ar á þeim sérstöku kröfum sem
gerðar eru til þeirra.“
Sigurður sagði að sjúklingar
hefðu þrjá kosti eftir breytinguna:
Að halda sig við núverandi lyf og
greiða þá allt upp í 633% meira fyr-
ir sinn hlut eða, skipta í ódýrasta lyf
í viðkomandi flokki í samráði við
lækni, sem ekki væri endilega
heppilegasta lyf fyrir lyfjameðferð
viðkomandi og hefði oft í för með
sér aukaverkanir og skert lífsgæði,
og loks gæti læknir sótt um aukna
greiðsluþátttöku til ríkisins fyrir
sjúkling vegna núverandi lyfs. Slíkt
myndi einungis verða veitt ef sér-
staklega stæði á.
jss@frettabladid.is
Lyfjaverðsnefnd:
Vill fá ódýr samheitalyf
HEILBRIGÐISMÁL Lyfjaverðsnefnd
hefur ákveðið, í því skyni að
fjölga samheitalyfjum á markaði
á Íslandi, að heimila tímabundið
allt að 20% hærra heildsöluverð
en er í viðmiðunarlöndum, Nor-
egi, Danmörk og Svíþjóð, enda sé
um að ræða ný samheitalyf sem
ekki hafi verið á markaði hér.
Páll Pétursson, formaður
Lyfjaverðsnefndar, sagði að ríkis-
endurskoðun hefði komist að
þeirri niðurstöðu að einn þáttur í
háu lyfjaverði hér á landi væri að
hér væru ekki til á markaði ódýr
samheitalyf sem væru aðgengileg
í nágrannalöndunum.
„Við erum að reyna að freista
innflytjenda til þess að nálgast
þessi samheitalyf og koma þeim á
markað hér,“ sagði Páll. „Þeir fái
heimild til að selja þau dálítið dýr-
ar meðan verið er að sjá hvort þau
nái einhverri markaðshlutdeild.
Þessi lyf eru til muna ódýrari en
frumlyfin.“ ■
MENNTAMÁLARÁÐHERRA
Ekki er víst að fjölmiðlaskýrslan svokallaða
verði gerð opinber fyrr en í næstu viku.
PÁLL PÉTURSSON
Reynt að freista lyfjainnflytjenda.
DÆMI UM VERÐHÆKKUN TIL SJÚKLINGA
Lífeyrisþegar Almenningur
Hækkun Hækkun
april maí kr. % apríl maí kr. %
MAGALYF
Lomex-T 20 mg 56 stk. 1.375 4.917 3.542 258% 4.950 8.492 3.542 72%
Losec MUPS 20 mg 56 stk. 1.375 5.484 4.109 299% 4.950 9.059 4.109 83%
HJARTALYF
Sivacor 40 mg 98 stk. 1.375 8.138 6.763 492% 4.950 11.713 6.763 137%
Zocor 40 mg 98 stk. 1.375 10.084 8.709 633% 4.950 13.659 8.709 176%
Zarator 20 mg 100 stk. 1.375 8.048 6.673 485% 4.950 11.623 6.673 135%
GEÐLYF
Fontex 20 mg 100 stk. 1.050 6.819 5.769 549% 3.400 9.169 5.769 170%
Cipramil 20 mg 100 stk. 2.108 6.505 4.397 209% 4.458 8.855 4.397 99%
Oropram 20 mg 100 stk. 1.050 4.389 3.339 318% 3.042 6.381 3.339 110%
Paroxat 20 mg 100 stk. 1.050 6.280 5.230 498% 4.406 9.636 5.230 119%
Seroxat 20 mg 100 stk. 1.050 6.280 5.230 498% 4.796 10.026 5.230 109%
Zoloft 50 mg 100 stk. 1.050 6.072 5.022 478% 3.788 8.810 5.022 133%
Heimild SVÞ
LYFJAMÁL Í BRENNIDEPLI
Lyfsalar segja ráðstafanir ríkisstjórnarinnar í lyfjamálum koma verst niður á sjúklingum, því
ríkið sé í raun að taka afslátt þeirra eignarnámi.
■ Gjaldþrot