Fréttablaðið - 15.04.2004, Blaðsíða 34
26 15. apríl 2004 FIMMTUDAGUR
MICKELSON KOMINN HEIM
Phil Mickelson og eiginkona hans Amy
voru glaðbeitt við heimkomuna til San
Diego eftir sigur Mickelsons á Masters-
mótinu um síðustu helgi.
Golf
FÓTBOLTI Ísland fellur um tvö sæti
á styrkleikalista FIFA, sem var
gefinn út í gær. Liðið er nú í sex-
tugasta sæti.
Engar breytingar eru á efstu
þremur sætum listans, Brasilíu-
menn eru efstir sem fyrr, Frakkar
í öðru sæti og Spánverjar í því
þriðja. Eina breytingin á lista
fimm efstu liða er sú að Mexíkó
kemst upp fyrir Holland í fjórða
sætið. Lettland, sem mætir ís-
lenska landsliðinu í næstu viku, er
í 52. sæti á listanum. ■
Dúxaði á þjálfaraprófi KSÍ
Mist Rúnarsdóttir, 19 ára þjálfari hjá Þrótti, gerði sér lítið fyrir og sló öllum við á þjálfaraprófi
KSÍ á dögunum. Mist fékk 99,5 af 100 mögulegum í einkunn.
FÓTBOLTI Um var að ræða fyrstu út-
skrift KSÍ hjá þeim sem hafa lokið
UEFA-B þjálfaragráðunni, sem er
formleg gráða
samkvæmt nýj-
um alþjóðlegum
staðli. Veitir hún
réttindi til að
þjálfa alla yngri
flokka á Íslandi.
Við þetta hátíð-
lega tilefni var
Guðna Kjartans-
syni, þjálfara U-
19 ára landsliðs
karla, afhent
þjálfaraskírteini númer 1.
Mist segist ekki hafa átt von á
því að dúxa á prófinu. „Ég náði ekki
að undirbúa mig neitt af viti og var
næstum hætt við að taka prófið en
ákvað hálftíma áður að kýla bara á
það,“ segir Mist. „Ég bjóst við að
þetta væri aðeins strembnara en jú,
ég er frekar sátt.“
Margir kunnir þjálfarar tóku
prófið á sama tíma og segir Mist
það hafa verið gaman að toppa
stjörnurnar í bransanum. Ekki hafi
þó allir tekið prófið, því sumir
fengu einkunn sína metna. Aðeins
tvær konur tóku prófið og sex í
heildina. Var Mist sú eina þeirra
sem sá um þjálfun yngri flokka.
Þrátt fyrir ungan aldur er Mist
nokkuð reyndur þjálfari því síð-
astliðin fimm ár hefur hún þjálfað
yngri flokkana hjá Þrótti. „Þegar
ég var 15 ára var voðalega lítið að
gerast hjá Þrótti. Stelpan sem var
með yngri flokkana þurfti að
hætta, en þá var bara til fjórði og
fimmti flokkur kvenna. Ég hugs-
aði að það væri enginn skárri sem
myndi bjóða sig fram og ég myndi
alla vega sýna áhuga. Þetta byrj-
aði þannig og svo varð þetta að
miklum áhuga,“ segir Mist. „Þetta
er mjög skemmtilegt og ég kynn-
ist miklu af frábæru fólki.“
Um þessar mundir er Mist að
þjálfa 5. og 6. flokk kvenna, auk
þess sem hún þjálfar 8. flokk
karla og kvenna. Ástæðan fyrir
því að hún þjálfar stelpurnar
frekar en strákana er einföld.
„Mér hefur fundist þurfa miklu
meiri þjálfun hjá stelpum. Það eru
ekki jafn margir þjálfarar sem
eru tilbúnir að sýna kvennabolt-
anum áhuga og ég vil gera þeim
eins gott og ég get.“
Sjálf hefur Mist eitthvað vera
að sprikla með meistaraflokk
Þróttar eins og hún orðar það.
Stendur hún þá á milli stanganna.
„Ég byrjaði svo ung að þjálfa og
ef maður ætlar að einbeita sér
hundrað prósent að þjálfun getur
maður ekkert verið í hinu á fullu,“
segir hún og vill sem minnst gera
úr sínum eigin leikmannsferli.
Mist ætlar að að einbeita sér að
þjálfun í framtíðinni og stefnir að
því að vera dugleg að sækja þau
námskeið sem KSÍ býður upp á.
Eitthvað ætlar hún þó að bíða með
að taka A-prófið, enda liggi ekkert
á því. Aðspurð segist hún ekki
ætla að þjálfa meistaraflokk á
næstunni, í það minnsta ekki
næstu tíu árin. „Það sem mér
finnst skemmtilegast við þetta er
hvað þetta er gefandi. Það er alveg
ótrúlegt hvað maður fær mikið til
baka frá börnum og unglingum.
Það eru bara yngri flokkarnir sem
eiga hug minn núna. Síðan verður
það kannski meistaraflokkur og
svo landsliðið,“ segir þessi efni-
legi þjálfari að lokum og hlær.
freyr@frettabladid.is
KOBE BRYANT
Bryant treður boltanum af miklu afli í körf-
una í leiknum gegn Golden State Warriors.
Karl Malone, samherji Bryants, fylgist með
af aðdáun.
Lakers vann
Golden State:
Bryant með
45 stig
KÖRFUBOLTI Kobe Bryant skoraði
45 stig þegar L.A. Lakers vann
Golden State 109-104 í NBA-deild-
inni í fyrrinótt. Þetta var hæsta
stigaskor Bryants á leiktíðinni en
hann hefur átt slaka leiki upp á
síðkastið.
Kappinn hitti úr 17 af 18 víta-
skotum sínum og úr 14 af 29 skot-
um utan af velli. Skoraði hann jafn-
framt sjö stig á síðustu 20 sekúnd-
um leiksins. Auk þess náði Bryant
sjö fráköstum og gaf átta stoðsend-
ingar. Sigur Lakers var sá annar af
síðustu fimm en áður hafði liðið
unnið ellefu leiki í röð. ■
Aganefnd KKÍ fundaði í
gær.
Ingi Þór og
Steinar í
bann
KÖRFUBOLTI Ingi Þór Steinþórsson,
þjálfari unglingaflokks KR, og
Steinar Páll Magnússon, leikmað-
ur sama flokks, voru dæmdir í
eins leiks bann á fundi aganefnd-
ar KKÍ í gær. Taka þeir bannið út
í byrjun næsta keppnistímabils.
Ingi Þór og Steinar fengu
dæmdar á sig brottrekstrarvillur í
úrslitaleik KR og Hauka í ung-
lingaflokki karla 7. apríl og voru
þeir kærðir til aganefndar fyrir
óprúðmannlega framkomu. Stein-
ar gengur upp úr unglingaflokki á
næsta keppnistímabili og mun því
taka bannið út í meistaraflokki.
Ingi tekur sitt bann út í unglinga-
flokki karla, en þjálfaði einnig
meistaraflokk KR síðasta vetur. ■
ÍSLAND
Íslenska landsliðið mæt-
ir Lettum í vináttulands-
leik í næstu viku.
Styrkleikalisti FIFA:
Ísland í 60. sæti
FR
ÉT
TA
B
LA
Ð
IÐ
/T
EI
TU
R
FÓTBOLTI Gary Neville skor-
aði sitt fimmta mark í 431
leik fyrir Manchester
United þegar hann skoraði
sigurmarkið gegn Leicester í
fyrrakvöld.
Neville, sem er 29 ára gamall
bakvörður, skoraði sitt fyrsta
mark fyrir United þann 5. maí
1997 í 3-3 jafntefli gegn Midd-
lesbrough. Næst setti hann bolt-
ann í netið 21. mars tveimur
árum síðar í 3-1 sigri gegn Ev-
erton. Enn liðu tvö ár á milli
marka því það næsta kom í 2-0
sigri gegn Aston Villa 20. janúar
2001. 12. mars í fyrra var síðan
röðin komin að fjórða marki
hans, í 1-1 jafntefli gegn Basel í
Meistaradeildinni. Neville virð-
ist kunna vel við sig á Old
Trafford því þar hann hefur
skorað öll sín mörk. ■
■ Tala dagsins
5
„Það eru
ekki jafn
margir þjálf-
arar sem eru
tilbúnir að
sýna kvenna-
boltanum
áhuga.
Forráðamenn Chelsea:
Ræða við Ranieri
FÓTBOLTI „Ég vil fá niðurstöðu
vegna þess að mér finnst mikil-
vægt að binda enda á allar vanga-
veltur,“ sagði Claudio Ranieri,
framkvæmdastjóri Chelsea. Hann
á í viðræðum við félagið um nýjan
samning. „Ég nýt vinnunnar
vegna þess að mér líður vel hjá
Chelsea og langar til að vera um
kyrrt. Ég veit ekki hvað Peter
Kenyon er að hugsa en mig langar
til að vera um kyrrt.“
Framtíð Ranieri hjá Chelsea
hefur verið umfjöllunarefni fjöl-
miðla frá því Roman Abramóvitsj
keypti félagið í fyrra. Fjölmiðl-
arnir héldu því fram að
Abramóvitsj vildi fá landsliðs-
þjálfarann Sven-Göran Eriksson
til Chelsea en Eriksson skrifaði
nýlega undir samning við enska
knattspyrnusambandið. Samn-
ingsstaða Ranieris hefur einnig
batnað stórkostlega eftir að Chel-
sea komst í undanúrslit Meistara-
deildarinnar.
Samningur Ranieris við Chel-
sea rennur út árið 2007 en nýr
samningur felur hugsanlega í sér
annað starfssvið innan félagsins.
Jafnvel er talið að hann muni
sættast á stöðu knattspyrnustjóra
fái hann að ráða því hver verði
þjálfari liðsins. Uppbygging
knattspyrnuakademíu hefur
einnig verið nefnd og sagði Rani-
eri við BBC að hann gæti hugsað
sér að vinna við hana. En hann
bætti við að það gæti verið erfitt
fyrir 52 ára mann að söðla um. ■
CLAUDIO RANIERI
Í betri samningsstöðu eftir að Chelsea komst í undanúrslit Meistaradeildarinnar.
Á ÆFINGU
Mist Rúnarsdóttir segir það mjög
skemmtilegt og gefandi að
þjálfa yngri flokkana hjá Þrótti.