Fréttablaðið - 15.04.2004, Blaðsíða 37

29FIMMTUDAGUR 15. apríl 2004
FÓTBOLTI Villarreal vann Celtic 2-0 í
seinni leik félaganna í átta liða úr-
slitum UEFA-bikarkeppninnar í
gær. Fyrri leik liðinna lauk með
jafntefli, 1-1, í Glasgow fyrir viku
og kemst spánska félagið því í und-
anúrslit.
Árangur Villarreal er einkar at-
hyglisverður. Félagið vann sér
þátttökurétt í UEFA-bikarnum með
góðum árangri í getraunakeppni
UEFA. Villarreal sló Brescia, Brno
og Heerenveen út úr getrauna-
keppninni og Trabzonspor, Torpedo
frá Moskvu, Galatasaray og Roma
út úr UFEA-bikarnum. Villarreal
leikur við Valencia, topplið spæn-
sku deildarinnar, í undanúrslitum
en aðeins einu félagi úr getrauna-
keppninni hefur tekist að komast
alla leið í úrslitaleik UEFA-bikar-
keppninnar. Bordeaux, með Zinedi-
ne Zidane, Bixente Lizerazu,
Christophe Dugarry og Richard
Witschge innanborðs, fór alla
þessa leið veturinn 1995 til 1996 en
tapaði fyrir Bayern Munchen í úr-
slitum.
Villareal náði forystunni gegn
Celtic þegar á sjöttu mínútu. Bras-
ilíumaðurinn Juliano Belletti lagði
upp markið fyrir landa sinn Sonny
Anderson. Belletti sendi boltann
inn í vítateiginn af hægri kanti og
Sonny Anderson stökk hærra en
Bobo Balde, miðvörður Celtic, og
skallaði boltann í mark. Roger
García skoraði seinna mark Villar-
real 22 mínútum fyrir leikslok og í
þetta sinn var það Sonny Anderson
sem lagði upp markið. Hann sendi
boltann inn í vítateiginn af vinstri
kanti og Roger García skoraði með
viðstöðulausu skoti. ■
FÓTBOLTI Valencia sigraði franska
félagið Girondins de Bordeaux 2-1 í
seinni leik félaganna í átta liða úr-
slitum UEFA-bikarkeppninnar í
gærkvöldi. Valencia sigraði einnig
2-1 í fyrri leik félaganna í Bor-
deaux fyrir viku og leikur í undan-
úrslitum við landa sína í Villarreal.
Valencia hefur verið í miklum
ham að undanförnu. Félagið hefur
sigrað í síðustu átta leikjum sín-
um og á sunnudag komst félagið í
efsta sæti spænsku deildarinnar
með 1-0 sigri á Real Zaragoza á
heimavelli.
Sigur Valencia var öruggari en
lokatölurnar gefa til kynna. Val-
encia réði lengstum gangi mála en
tókst ekki að skora fyrr en á 52.
mínútu þegar varnarmaðurinn
Mauricio Pellegrino skallaði í
mark eftir hornspyrnu Francisco
Rufete.
Rufete bætti öðru marki við
átta mínútum síðar eftir skyndi-
sókn. Angulo átti hárnákvæma
sendingu af hægri kantinum á
Rufete sem skoraði af markteig.
Brasilíumaðurinn Eduardo Costa
lagaði stöðuna fyrir Bordeaux á
71. mínútu eftir aukaspyrnu
Argentínumannsins Pablo
Francia.
Fyrri leikur Valencia og
Villarreal í undanúrslitum UEFA-
bikarkeppninnar verður í
Villareal á fimmtudag eftir viku
en seinni leikurinn fer fram í
Valencia 6. maí. ■
UEFA-BIKARKEPPNIN
Úrslit leikja í gær
Inter Milan - Marseille 0-1
0-1 Camel Meriem (74.)
Marseille sigraði 2-0 samanlagt.
Newcastle - PSV Eindhoven 2-1
1-0 Alan Shearer (9.), 1-1 Mateja Kezm-
an, vsp (52.), 2-1 Gary Speed (66.),
Newcastle sigraði 3-2 samanlagt.
Valencia - Bordeaux 2-1
1-0 Mauricio Pellegrino (52.), 2-0
Francisco Rufete (60.), 2-1 Eduardo
Costa (71.)
Valencia sigraði 4-2 samanlagt.
Villarreal - Celtic 2-0
1-0 Sonny Anderson (6.), 2-0 Roger
García (68.)
Villareal sigraði 3-1 samanlagt.
Leikir í undanúrslitum
Newcastle - Marseille
Villarreal - Valencia
Leikirnir fara fram 22. apríl og 6. maí.
Úrslitaleikurinn fer fram í Gautaborg
19. maí.
FÓTBOLTI Newcastle United tryggði
sér í gær sæti í undanúrslitum
UEFA-bikarkeppninnar með 2-1
sigri á hollenska félaginu PSV
Eindhoven á heimavelli í gær.
Newcastle hefur ekki náð jafn
langt í Evrópukeppni frá árinu
1969 þegar félagið sigraði í borga-
keppni Evrópu, fyrirrennara
U E F A - b i k a r k e p p n i n n a r .
Newcastle leikur við franska fé-
lagið Olympique Marseille í und-
anúrslitum.
Alan Shearer skoraði fyrra
mark Newcastle á níundu mínútu
eftir hornspyrnu. Laurent Robert
sendi boltann að nærstönginni og
Shearer var á undan Wilfred
Bouma, leikmanni PSV, og skall-
aði í mark. PSV jafnaði úr víta-
spyrnu á sjöundu mínútu seinni
hálfleiks. Frakkinn Olivier Bern-
ard braut á Suður-Kóreumannin-
um Ji-Sung Park og Spánverjinn
Manuel Mejuto dæmdi umsvifa-
laust vítaspyrnu. Mateja Kezman
skoraði sitt 30. mark á leiktíðinni
úr vítaspyrnunni.
Gary Speed skoraði sigurmark
Newcastle á 66. mínútu og aftur
var það hornspyrna Laurent Ro-
bert sem gaf markið. Robert sendi
boltann inn að markteignum og
Speed skallaði í netið. ■
FÓTBOLTI Franska félagið Olympique
Marseille sigraði Inter Milan 1-0 í
Mílanó í gærkvöld. Marseille sigr-
aði einnig 1-0 í fyrri leiknum og er
því komið í undanúrslit. Marseille
leikur við Newcastle í undanúrslit-
um og verður fyrri leikurinn á
Englandi. Marseille hefur einu sinni
leikið til úrslita í keppninni en fé-
lagið tapaði 3-0 fyrir Parma árið
1999.
Camel Meriem skoraði eina
mark leiksins í gær eftir skyndi-
sókn. Meriem fékk boltann á eigin
vallarhelmingi brunaði upp völlinn
og inn í vítateig Inter og sendi bolt-
ann með jörðinni framhjá
Francesco Toldo og í mark Inter. ■
SONNY ANDERSON
Skoraði fyrra mark Villarreal gegn Celtic og lagði upp það seinna.
Villarreal
sló Celtic út
Villarreal leikur við Valencia í undanúrslitum
UEFA-bikarkeppninnar.
MERIEM SKORAR
Camel Meriem skoraði sigurmark Marseille
í Mílanó í gær.
UEFA-bikarinn:
Marseille vann aftur
ALAN SHEARER
Skoraði fyrra mark Newcastle.
UEFA-bikarkeppnin:
Newcastle í
undanúrslit
VALENCIA
Stuðningsmenn Valencia hafa haft ærna
ástæðu til að fagna í vikunni. Á sunnudag
komst Valencia í efsta sæti spænsku
deildarinnar og í undanúrslit
UEFA-bikarkeppninnar í gær.
UEFA-bikarinn:
Öruggur sigur Valencia
FABIEN BARTHEZ
Hélt markinu hreinu í báðum leikjunum
gegn Inter Milan.