Fréttablaðið - 18.04.2004, Page 2

2 18. apríl 2004 SUNNUDAGUR
,,Já - öllu rafmagni getur fylgt stuð
og við ætlum að framleiða mikið
rafmagn.“
Ellert Eiríksson, stjórnarformaður Hitaveitu Suður-
nesja, undirritaði samninga um raforkusölu til
stækkaðs álvers Norðuráls í Svartsengi í gær-
morgun.
Spurningdagsins
Ellert, var stuð í Svartsengi?
Tapa tugum þúsunda
á breyttu vaktakerfi
Talsmaður hjúkrunarfræðinga segir þá lækka töluvert í launum vegna breytinga á vaktakerfi.
Tuttugu og tveir hjúkrunarfræðingar á skurðdeild Landspítalans við Hringbraut munu hætta
störfum um næstu mánaðamót. Uppsagnirnar hafa áhrif á starfsemi deildarinnar.
UPPSAGNIR Um næstu mánaðamót
munu 22 af 25 hjúkrunarfræðing-
um á skurðstofu Landspítala - há-
skólasjúkrahúss við Hringbraut
hætta störfum
vegna óánægju
með nýtt vakta-
fyrirkomulag.
Þá hafa þrír
hjúkrunarfræð-
ingar af fimm á
g ö n g u d e i l d
barna- og ung-
lingageðdeildar,
BUGL, sagt upp
störfum af sömu
ástæðum og mun uppsögn þeirra
taka gildi 30. júní.
„Við viljum halda vaktafyrir-
komulaginu eins og það var og í
þau laun sem við höfum verið
með,“ segir Elín Ýrr Halldórsdótt-
ir, talsmaður hjúkrunarfræðinga.
Hjúkrunarfræðingar á skurð-
stofu fengu bréf í byrjun febrúar
þar sem þeim var tilkynnt um fyrir-
hugaðar breytingar. Þeir vildu ekki
ganga að breytingunum og því hafa
þeir sagt upp störfum. Elín Ýrr seg-
ir að jafn mikil vinna felist í nýja
vaktafyrirkomulaginu en launin séu
minni. „Breytingarnar muna okkur
töluverðu í launum – jafnvel tugum
þúsunda,“ segir Elín Ýrr.
Helga Kristín Einarsdóttir,
sviðstjóri hjúkrunar á skurðstofu-
sviði Landspítala – háskólasjúkra-
húss, segir að breytingarnar séu
hluti af sameiningu spítalanna í
Fossvogi og við Hringbraut og
verið sé að samræma vaktir
þeirra á milli.
Fari svo að hjúkrunarfræðing-
arnir hætti mun það hafa talsverð
áhrif á starfsemi skurðdeildar við
Hringbraut en þar eru allar hjarta-
skurðlækningar framkvæmdar.
Að sögn Helgu Kristínar verður
bráðastarfsemi haldið úti en komi
til aðgerða verði sumarlokunum
flýtt um mánuð og skurðstofum
fækkað úr átján í ellefu þann 1.
maí. „Þá er spurning hvort við för-
um alfarið í bráðaþjónustu,“ segir
Helga Kristín.
Hjúkrunarforstjóri mun eiga
fund með sviðstjóra og hjúkrunar-
fræðingum í dag þar sem farið
verður yfir málið.
kristjan@frettabladid.is
Flugskeytaárás á Gaza-ströndinni:
Ísraelar myrða leiðtoga Hamas
PALESTÍNA, AP Leiðtogi Hamas-sam-
takanna, Adel Aziz Rantisi, lést
þegar flugskeyti sem skotið var
úr þyrlu ísraelska hersins hæfði
bíl hans.
Þar með hefur ísraelski herinn
á skömmum tíma ráðið af dögum
tvo af helstu leiðtogum samtak-
anna því í síðasta mánuði myrti
herinn Ahmed Yassin, trúarleið-
toga og stofnanda Hamas. Yassin
var einnig myrtur í flugskeyta-
árás.
Bíll Rantisis var á vegi skammt
frá heimili hans á Gaza-ströndinni
þegar flugskeytið hæfði hann.
Sonur Rantisis og lífvörður hans
létust einnig í árásinni og fimm
vegfarendur slösuðust. Skömmu
eftir að ljóst var að Rantisi hefði
látist streymdi fólk út á götur og
hrópaði slagorð þar sem hótað var
að hefna morðsins.
Rantisi tilheyrði hinum her-
skáa armi samtakanna sem ávallt
hefur neitað öllum málamiðlun-
um og samningum við Ísraela.
Hann lýsti því oft yfir að hann
vildi tortíma gyðingaríkinu.
Ísraelski herinn hafði áður
reynt að ráða Rantisi af dögum. Í
júní í fyrra var gerð flugskeyta-
árás á bíl hans en Rantisi slapp.
Hamas svaraði þeirri árás með
sjálfsmorðsárás í Jerúsalem þar
sem sextán Ísraelar létu lífið. ■
Verslunarfólk:
Fundað með
ríkissátta-
semjara
KJARAMÁL Samninganefndir á veg-
um Landssambands verslunar-
manna og Verslunarfélags
Reykjavíkur sátu með ríkissátta-
semjara, Ásmundi Stefánssyni, í
gær en samningar þessara félaga
við Samtök atvinnulífsins hafa
ekki gengið snurðulaust og reynir
sáttasemjari að miðla málum.
Aðrir sem þurfa aðstoð frá
sáttasemjara eru kennarar í Fé-
lagi íslenskra grunnskólakennara
en þeir funda á morgun um sín
mál. ■
Ísraelskur hermaður
myrtur:
Mótmæli í
Palestínu
PALESTÍNA, AP Þúsundir Palestínu-
manna fóru í árlega mótmæla-
göngu á Gaza-ströndinni og Vest-
urbakkanum þar
sem því var hót-
að að ef palest-
ínskum föngum í
haldi ísraelskra
stjórnvalda yrði
ekki sleppt yrðu
ísraelskir her-
menn teknir í
gíslingu.
Mótmælend-
ur fordæmdu
einnig stuðning Bandaríkjamanna
við stefnu ísraelskra stjórnvalda
en George W. Bush Bandaríkja-
forseti hefur viðurkennt að Ísra-
elar eigi tilkall til hluta af her-
teknu svæðunum á Vesturbakkan-
um.
Um sjö þúsund Palestínumenn
eru í haldi ísraelskra stjórnvalda.
Ísraelskur hermaður lést á
landamærastöð við Gaza-strönd-
ina eftir að Palestínumaður hafði
sprengt sig í loft upp. ■
FALLUJAH, ÍRAK, AP Bandarískir emb-
ættismenn hittu í gær íraska starfs-
bræður sína og ræddu ástandið í
borginni Fallujah. Þetta er annar
dagurinn í röð sem embættismenn-
irnir ræðast við í von um að friður
komist á. Bandarískir hermenn létu
einnig eftir brú sem liggur að aðal-
spítala borgarinnar.
Á sama tíma sögðust bandarískir
herforingjar ætla að virða ósk sjía-
klerka um að ráðast ekki af fullum
krafti inn í hina helgu borg Najaf.
Þeir segjast samt vera að missa þol-
inmæðina gagnvart vopnuðum
sveitum sem styðja við bakið á
sjíaklerkum sem eru andvígir
Bandaríkjunum. Þrír menn féllu
þegar heimamenn og hernámsliðar
skiptust á skotum í Najaf í gær.
Tveir heimamenn féllu í valinn og
einn hernámsliða. Ekki er vitað
hvert þjóðerni hans var en talið að
hann hafi verið bandarískur. ■
Jeppi sökk í Álftarvatni:
Fullir yfir
land og vötn
LÖGREGLAN Tveir ungir menn sátu
uppi á toppi jeppabifreiðar í
Álftarvatni í Grímsnesi aðfara-
nótt laugardags þegar lögreglan á
Selfossi kom að þeim. Báðir voru
þeir ölvaðir og höfðu verið að
keyra utan vegar og í vatninu,
sem endaði með að jeppinn sökk í
vatnið. Mennirnir voru látnir
gista fangageymslur um nóttina
og voru yfirheyrðir í gær til að
finna út hvor þeirra ók bílnum. Þá
voru tveir aðrir ökumenn teknir
fyrir ölvunarakstur. Annar þeirra
hafði farið of snemma af stað eft-
ir drykkju kvöldið áður. ■
GAZA-STRÖNDIN
Mótmælendur for-
dæmdu stuðning
Bandaríkjamanna
við stefnu íraelskra
stjórnvalda.
RANTISI SYRGÐUR
Fjöldi manna syrgði Rantisi við sundur-
skotinn bíl hans.
KEMUR Í FRIÐI
Ung írösk stúlka veifaði hvítum fána þegar hún kom að máli við bandaríska hernámsliðið
í Fallujah í gær ásamt tug samborgara sinna. Fólkið bað um vatn, mat og aðrar nauðsynj-
ar en ástandið í borginni er afar slæmt.
ELÍN ÝRR HALLDÓRSDÓTTIR
Hún segir að með nýju vaktafyrirkomulagi
muni laun hjúkrunarfræðinga lækka mikið.
FRÁ LANDSPÍTALANUM
Fari svo að uppsagnir hjúkrunarfræðinga gangi eftir mun það hafa töluverð áhrif á skurðdeild Landspítala.
„ Breyting-
arnar muna
okkur tölu-
verðu í laun-
um – jafnvel
tugum þús-
unda.
Embættismenn hittast í Fallujah:
Reynt að semja um frið