Fréttablaðið - 18.04.2004, Síða 12
12 18. apríl 2004 SUNNUDAGUR
Bandaríska sendiráðið í Beirút íLíbanon gereyðilagðist á þess-
um degi eftir að bíll, staðsettur
utan við sendiráðið, sprakk í loft
upp. 63 manns fórust í sprenging-
unni, þar á meðal árásarmaðurinn
og 17 Bandaríkjamenn. Hryðju-
verkaárásin var gerð í mótmæla-
skyni vegna komu bandaríska
herliðsins til Líbanon.
Blóðug borgarastyrjöld braust
út árið 1975 í Líbanon, milli
Palestínumanna og harðlínu-
múslima sem og annarra hópa.
Sýríumenn, Ísraelar og Samein-
uðu þjóðirnar komu á fjölþjóðlegu
friðargæsluliði og sendu til Beirút
en háðu árangurslausa baráttu
fyrir friði næstu ár. Þann 20.
ágúst 1982 lentu fjölþjóðlegar
hersveitir, þar á meðal bandaríski
herflotinn, í Beirút.
18. apríl 1983 var bandaríska
sendiráðið í Beirút sprengt í loft
upp. 23. október sneiddu líbanskir
hryðjuverkamenn hjá öryggis-
kerfi og óku vörubíl, drekk-
hlöðnum af sprengiefnum, inn á
bandaríska flotaherstöð í Beirút
og myrtu 241 bandarískan her-
mann. 58 franskir hermenn fórust
einnig í sambærilegri sprengingu
í aðskilinni sjálfsmorðsárás. Þann
7. febrúar 1984 tilkynnti þáver-
andi forseti Bandaríkjanna, Ron-
ald Reagan, endi afskipta Banda-
ríkjanna af friðarferli og þátttöku
í friðarsveitum og þann 29. febrú-
ar yfirgaf síðasti liðsmaður
Bandaríkjaflotans Beirút. ■
Ég er kominn til Spánar,“ seg-ir Hjörtur Magni Jóhanns-
son, safnaðarprestur Fríkirkj-
unnar, aðspurður þegar afmæli
hans ber á góma. „Þar ætla ég að
eyða deginum í faðmi fjölskyld-
unnar. Eflaust veljum við glæsi-
legan veitingastað til að snæða
kvöldverð,“ segir hann enn
fremur og blæs þar með af allar
sögusagnir um stórveisluhald á
þessum annars ágæta degi.
Þau hjónin eru í dag nýbakað-
ir foreldrar og það var einmitt
af því tækifæri sem þau brugðu
undir sig betri fætinum með
þremur börnum sínum. Tímann
ætla þau að nýta í fæðingarorlof
föðurins, sem tók sér frí frá
kirkjulegum skyldum til að
sinna nýfæddu barni sínu. Eldri
sonur Hjartar átti reyndar ekki
heimangengt þegar ferðin var
ákveðin, þar sem hann er við
nám í Verslunarskóla Íslands og
undirbýr nú próflestur.
Það var á sólarströnd Alcudia,
Mallorca, sem Hjörtur kynntist
eiginkonu sinni fyrir einum fjórt-
án árum síðan og segir hann í
framhaldi af því eitt hafa leitt af
öðru. „Nú, hún var þarna komin í
ferðalag með móður sinni og syst-
ur þegar við hittumst á kaffihúsi
og má segja að fundur okkar hafi
verið tilviljun. Sjálfur var ég í fríi
frá amstri dagsins og í fylgd með
þriggja ára dóttur minni.“
Örvar Amors áttu greiða leið
að hjörtum turtildúfnanna og eft-
ir seiðandi stundir við suðrænar
strendur, kom lítil dóttir í heim-
inn og í framhaldi fylgdi hjóna-
band. „Hingað erum við svo kom-
in aftur, fjórtán og farsælum
árum seinna. Við ætlum á þenn-
an hátt að rifja upp okkar fyrstu
kynni.“ Þrátt fyrir að sólar-
strendur séu ylríkar segir Hjört-
ur að endingu veðrið vera sæmi-
legt. „Hér hafa dunið yfir skúrir
í smástund en ég fæ þó vonandi
sólarglætu í sumargjöf áður en
dagur rennur á enda.“ ■
JAMES WOODS
Leikarinn, sem tekst að túlka bæði ill-
menni og ljúfmenni, er 57 ára í dag.
18. apríl
■ Þetta gerðist
1853 Fyrsta skráða lestin í sögu Asíu
hefur sína fyrstu ferð frá Bombay
til Tanna.
1877 Charles Cros skráir ritgerð, sem
lýsir ferli upptöku og endurspilun
hljóðs. Frakkar telja Cros hafa
fundið upp hljóðritun. Bretar til-
einka Thomas Edison heiðurinn.
1910 Walter R. Brookins flýgur fyrstur
allra manna flugvél eftir sólarlag.
1937 Leon Trotsky lýsir því yfir að hann
ætli að steypa einræðisherra
Sovétríkjanna Jósep Stalín af stóli.
1949 Írska lýðveldið stofnað.
1955 Albert Einstein deyr.
1984 Michael Jackson gengst undir
skurðaðgerð á höfði af völdum
brunasára sem hann hlaut við
gerð Pepsi-auglýsingar fyrr á því
ári.
2002 Berlínarþing ákveður að veita
Marelene Dietrich heiðursborg-
aratitil. Dietrich flúði til Bandaríkj-
anna árið 1930 og neitaði að
snúa aftur til Þýskalands eftir
valdatöku Adolfs Hitler.
BANDARÍSKA SENDIRÁÐIÐ Í BEIRÚT
Sendiráðið gereyðilagðist á þessum degi í
öflugri sprengingu þar sem 63 manns létu
lífið að meðtöldum árásarmanninum.
Bandaríska sendiráðið í Beirút sprengt í loft upp
LÍBANON
■ Hryðjuverkaárásir í mótmælaskyni
hefjast í Beirút.
18. apríl
1983
Fyrstu kynni
á sólarströnd
Í nógu að snúast í námi og starfi
Eva Magnúsdóttir, upplýs-ingafulltrúi Símans, hefur í
nógu að snúast þessa dagana en
auk krefjandi starfs er hún að
ljúka MBA-námi frá Háskóla
Íslands í vor. „Sem betur fer er
bæði starfið og skólinn fjöl-
breytt og skemmtilegt,“ segir
Eva. „Við það að fara í fram-
haldsnám á MBA-stigi opnast
fyrir manni nýjar víddir og
hugmyndir kvikna sem mögu-
legt er að nýta í starfinu. Að
mínu mati eru það forréttindi
að vinna hjá jafnöflugu og
framsæknu fyrirtæki eins og
Símanum á meðan á námi
stendur. Þannig er mögulegt að
heimfæra ýmis atriði og kenn-
ingar jafnóðum upp á það sem
er að gerast í fyrirtækinu
hverju sinni.“
Eva starfaði áður sem ráð-
gjafi í almannatengslum og sem
blaðamaður og segir reynslu
sína á þeim sviðum nýtast sér
vel. „Núverandi starf mitt er
meðal annars fólgið í því að
miðla fréttum frá fyrirtækinu
til fjölmiðla og nýtist þá frétta-
nefið ágætlega. Ég leita einnig
svara við fyrirspurnum frétta-
manna sem snerta fyrirtækið.“
Hún segir margt spennandi
vera framundan í starfinu.
„Þróun í samskiptatækni hefur
verið mjög ör undanfarin ár og
á Íslandi gera menn kröfur um
hröð og góð fjarskipti og okkur
er haldið á tánum þar sem Ís-
lendingar eru nýjungagjarnir
með eindæmum. Í raun og veru
býður starfið upp á nýjungar á
hverjum degi en það hentar
mér ágætlega þar sem rútínu-
vinna er ekki mín deild.“ ■
EVA MAGNÚSDÓTTIR
Íslendingar með eindæmum nýjungagjarn-
ir í samskiptatækni.
Tímamót
EVA MAGNÚSDÓTTIR
■ Nýr upplýsingafulltrúi Símans
útskrifast úr MBA-námi í vor.
HJÖRTUR MAGNI JÓHANNSSON
Eyðir fæðingarorlofi sínu í faðmi fjölskyldunnar á Spánarströnd.Afmæli
HJÖRTUR MAGNI JÓHANNSSON
■ er 46 ára. Rifjar upp fyrstu kynnin af
konu sinni.
■ Blaðberi vikunnar
ELFAR ELÍ JAKOBSSON
Er blaðberi vikunnar hjá Fréttablaðinu.
Hann hefur borið blaðið út síðan í janúar í
fyrra og styður Haukana dyggilega.
Hvað heitir blaðberinn?
Elfar Elí Jakobsson.
Hvað ertu búinn að bera
út lengi?
Síðan í janúar 2003, með smá hléum.
Hvað ertu með í
vösunum?
Símann minn.
Hvað finnst þér skemmti-
legast að gera?
Stunda mínar íþróttir.
Hvert er þitt mottó?
Haukar eru bestir.
■ Andlát
■ Afmæli
Magnús Jónsson sjómaður, Safamýri
44, er 75 ára.
Einar M. Jóhannsson fiskvinnslufræð-
ingur, Bleikjukvísl 18, lést þriðjudaginn
13. apríl.
Hrafn Jónasson frá Melum lést mið-
vikudaginn 14. apríl.
Jón Björn Benjamínsson húsasmíða-
meistari, Kópavogsbraut 1a, lést mið-
vikudaginn 14. apríl.
Jón Kristinn Hafstein tannlæknir lést
föstudaginn 16. apríl.
Már Haraldsson, bóndi og oddviti, Há-
holti, lést fimmtudaginn 15. apríl.
Soffía Ásgrímsdóttir Lundberg,
Rödstupveien 28, Kristiansand S, Noregi,
lést sunnudaginn 11. apríl. Útförin fer
fram í Kristiansand miðvikudaginn 21.
apríl.
„Ég var sendill í Geirsprenti, sem var þá og hét,“
segir Viggó Sigurðsson, fyrrverandi þjálfari hand-
knattleiksliðs Hauka. „Ég var þrettán ára rukkari á
reiðhjóli og mjög öflugur sem slíkur, hjólaði um all-
an bæinn þveran og endilangan. Síðan Þurfti ég
alltaf að rukka sjálfur inn launin mín á föstudögum,
annars hefði ég ekkert fengið og það brást aldrei
að ég fengi þau á réttum tíma. Sumrin eftir þetta
var ég svo alltaf í byggingarvinnu og tók mikinn
þátt í uppbyggingu Breiðholtsins enda er ég algjört
Breiðholtsbarn.“
Fyrsta starfið