Fréttablaðið - 18.04.2004, Blaðsíða 20

20 18. apríl 2004 SUNNUDAGUR
Meistarar í aflraunum
Dalvegi 6-8 · 201 Kópavogur
Sími 535 3500 · Fax 535 3509
www.kraftvelar.is
HANNES HLÍFAR STEFÁNSSON
Íslandsmeistari í skák í sexgang –
býst við að slá metið á næstu
árum. „Það er frábært að geta unn-
ið við að tefla,“ segir hann.
Hannes Hlífar Stefánsson hampaði nýlega Íslandsmeistaratitlinum í skák í sjötta sinn. Hann hefur um langt árabil verið í fremstu röð
íslenskra skákmanna og stefnir ótrauður á frekari sigra.
Sigur skiptir miklu
máli fyrir sjálfstraustið
Hannes Hlífar er ánægður meðsigurinn, og titilinn, þann sjötta
á sjö árum. Tveir menn hafa oftar
orðið Íslandsmeistarar í skák, báðir
sjö sinnum og það fyrir mörgum
árum. „Það er alltaf jafn gaman að
vinna, maður missir þá tilfinningu
ekki þrátt fyrir marga sigra. En
auðvitað fannst mér mun merki-
legra að vinna þennan titil í fyrsta
skipti heldur en í sjötta sinn.“
Hannes varð stórmeistari í skák
árið 1993 og fimm árum síðar varð
hann fyrst Íslandsmeistari. En
hvernig var mótið nú? „Það var ekk-
ert öruggt í þessu. Ég vann tvö síð-
ustu árin með nokkrum yfirburðum
en nú var teflt eftir öðru kerfi en
áður og því gat þetta farið alla-
vega,“ segir Hannes. Stuðst var við
útsláttarfyrirkomulag í stað þess að
allir tefldu við alla en Hannes er
ekki of hrifinn af því: „Ég er ekkert
sérstaklega hrifinn af þessu nýja
kerfi, þetta er sjálfsagt skemmti-
legra fyrir áhorfendur en ég vil að
allir tefli við alla.“ Hann bendir þó á
að úrslit mótsins hafi í raun verið í
takt við Elo-stigafjölda keppenda,
þeir hafi raðast þannig í sæti.
Sigur í mótum skiptir Hannes
Hlífar máli og það hefur góð áhrif á
hann. „Sigur skiptir miklu máli fyr-
ir sjálfstraustið. Já, og auðvitað hef
ég metnað fyrir að vinna,“ segir
hann.
Umhverfið versnað
Hannes varð stórmeistari í skák
fyrir 11 árum og sjöundi Íslending-
urinn til að ná þeim titli. Síðan hafa
tveir bæst við. Hefur margt breyst
frá því að hann hóf að tefla á alþjóð-
legum vettvangi af alvöru? „Margt
hefur breyst og mér sýnist að þró-
unin hafi ekki verið fram á við. Um
það leyti sem ég varð stórmeistari
flæddu inn skákmenn frá gömlu
austantjaldslöndunum og við það
breyttist margt. Verðlaunafé hefur
lækkað, kjörin versnað og sam-
keppni milli skákmanna stórauk-
ist.“ Hann segist þó aðspurður ekki
geta bölvað falli múrsins. „Það eru
ekki nema nokkrir tugir skákmanna
í heiminum sem lifa sæmilegu lífi á
þessu.“
Hættur að láta sig dreyma
Eins og marga unga drengi
dreymir um að verða atvinnumenn í
knattspyrnu eiga sumir sér þann
draum að verða atvinnumenn í
skák. Hannes dreymdi um það og
draumurinn rættist. En á hann sér
ennþá drauma í dag? „Maður er svo
sem hættur að láta sig dreyma,
þetta er bara vinna og maður verð-
ur bara að halda áfram að sinna
henni.“ Í því felast þrotlausar æf-
ingar enda samkeppnin hörð eins og
áður var rakið.
„Í raun má segja að eftir að
ákveðnum árangri er náð fer maður
ekkert lengra á hæfileikunum ein-
um saman. Þess vegna þarf maður
að vera duglegur við æfingarnar og
stúderingarnar.“
En þetta er sannarlega drauma-
starfið þitt, er það ekki? „Jújú, al-
gjörlega. Það er frábært að geta
unnið við að tefla.“ En er þetta
skemmtilegt starf? „Jájá, þetta er
gaman þegar vel gengur.“
Hannes viðurkennir þó að þessu
fylgi einvera: „Þetta er mjög erfitt
að mörgu leyti. Það getur verið
erfitt að aga sjálfan sig, stundum er
ekkert að gerast svo mánuðum
skiptir og þá getur reynt á mann.“
En er þetta einmannalegt? „Já, ætli
ég verði ekki að segja það. Það má
sjálfsagt líkja þessu við að vera rit-
höfundur eða eitthvað slíkt. Maður
er mjög mikið einn.“
Bestu vinum sínum hefur Hann-
es kynnst í gegnum skákina: „Ég
eignaðist aldrei sérstaka vini í skóla
eða neitt slíkt, þeir komu allir úr
skákinni,“ segir hann.
En skák er ekki það eina sem
kemst að í huga Hannesar þó hún
taki vissulega sitt pláss. „Ég reyni
nú að fara út annað slagið,“ segir
hann og hlær. „Ég kíki þá helst á
kaffihús eða fer í bíó. En ég á engin
sérstök áhugamál sem ég sinni. Ég
er eiginlega bara í skák.“ Hann við-
urkennir þó að hann fylgist stund-
um með fótbolta ef eitthvað sér-
stakt er á seyði.
Býst við að slá metið
Hannes heldur brátt til Þýska-
lands en hann og Jóhann Hjartarson
eru nýbúnir að munstra sig í þýskt
skáklið og keppa með því í deildar-
keppninni þar í landi. „Það er mjög
spennandi og gaman að Þjóð-
verjarnir hafi haft samband við
okkur sem búum svona langt í
burtu. Svo er Evrópumeistaramót
einstaklinga í Tyrklandi um miðjan
maí og ég býst við að fara þangað.“
Hannes stefnir á að ná góðum ár-
angri þar og ætlar að leggja sig
fram við æfingar á næstunni, eins
og hann hefur gert undanfarin 20 ár.
En aftur að Íslandsmeist-
aratitlunum. Stefnir Hannes á að
setja nýtt met? „Ég stefni kannski
ekkert sérstaklega að því en ég á
nú heldur von á að ég slái það,“
segir hann, „ef maður heldur
áfram að vera með og heldur lífi.”
bjorn@frettabladid.is
HANNES ÁRIÐ 1983
Hannes Hlífar byrjaði snemma að tefla
og vakti fljótt mikla eftirtekt.
Punktar um
Hannes
❂ Hannes Hlífar fæddist árið 1972.
❂ Hann hefur sex sinnum orðið
Íslandsmeistari.
❂ Hefur 2570 Elo-stig.
❂ Hefur teflt á annað þúsund
kappskákir.
❂ Hefur unnið fleiri en tapað.
❂ Finnst betra að vera með hvítt.
❂ Byrjar oftast á að leika
kóngspeðinu fram um tvo reiti.
❂ Finnst skemmtilegast að tefla
við andstæðinga sem tefla djarft.
❂ Skák gegn Kortsnoj á Opna
Reykjavíkurmótinu árið 2000 er hon-
um í fersku minni. Var með svart en
vann kallinn og mótið þar með.
❂ Karpov og Kasparov eru í mestu
uppáhaldi.
Það má sjálfsagt
líkja þessu við að
vera rithöfundur eða eitt-
hvað slíkt. Maður er mjög
mikið einn.
,,
FR
ÉT
TA
B
LA
Ð
IÐ
/R
Ó
B
ER
T