Fréttablaðið - 18.04.2004, Page 38

30 18. apríl 2004 SUNNUDAGUR
REKINN STRAX EFTIR LEIK
Falko Goetz, þjálfari 1860 München, sést
hér á blaðamannafundi strax eftir tapið
gegn HSV í þýsku 1. deildinni í knatt-
spyrnu en þá var tilkynnt að hann væri
rekinn.
Knattspyrna
hvað?hvar?hvenær?
15 16 17 18 19 20 21
APRÍL
Sunnudagur
Eyjastúlkur sáu aldrei til sólar í Þýskalandi:
16 marka tap
gegn Nürnberg
HANDBOLTI Eyjastúlkur eiga erfitt
verkefni fyrir höndum í síðari
undanúrslitaleiknum í Áskor-
endakeppni Evrópu gegn Nürn-
berg um næstu helgi eftir sext-
án marka tap, 38–22, í fyrri leik
liðanna í Nürnberg í gær eftir
að staðan hafði verið 19–12 fyrir
þýska liðinu í hálfleik. Eyja-
stúlkur sáu aldrei til sólar í
leiknum og hefði ekki komið til
frábær markvarsla Juliu Ganti-
mourovu í marki ÍBV þá hefði
tapið verið enn stærra.
Julia varði tuttugu skot í
leiknum en hún og Anna Yakova
voru yfirburðamanneskjur í
Eyjaliðinu. Yakova skoraði tólf
mörk í leiknum og var lang-
markahæst. Birgit Engl og Alla
Gokorian skoruðu fjögur mörk
hvor og Guðbjörg Guðmanns-
dóttir skoraði tvö. Barbara
Strass, systir Sylviu í Eyjalið-
inu, var markahæst hjá Nürn-
berg með ellefu mörk. ■
Tókum þetta á vörninni
Valsarinn Heimir Örn Árnason, sem var besti maður vallarins, var sáttur eftir sigurinn gegn FH
HANDBOLTI Það verða Valsmenn
sem mæta ÍR-ingum í undanúrslit-
um RE/MAX-deildar karla í hand-
knattleik eftir að þeir lögðu FH-
inga, 35–29, á Hlíðarenda, í þriðja
leik liðanna í átta liða úrslitum. FH-
ingar byrjuðu mun betur í leiknum
og höfðu yfirhöndina framan af.
Þeir leiddu, 11–7, þegar tæpar tutt-
ugu mínútur voru liðnar af leiknum
en þá vaknaði Valsliðið, skoraði níu
af þeim ellefu mörkum sem skoruð
voru það sem eftir lifði hálfleiks og
hélt til búningsherbergja í hálfleik
með þriggja marka forystu, 16–13.
Sá munur hélst fram í miðjan
síðari hálfleik en þá kom annar góð-
ur kafli Valsliðsins þar sem liðið
skoraði sjö mörk gegn einu marki
FH-inga, staðan var orðin 29–21, og
aðeins tæpar sex mínútur eftir. FH-
ingar reyndu hvað þeir gátu til að
minnka muninn en höfðu ekki er-
indi sem erfiði. Varnarleikur Vals-
manna síðustu fjörutíu mínútur
leiksins lagði grunninn að sigrin-
um. Hann var frábær sem og Pálm-
ar Pétursson í markinu. Heimir Örn
Árnason var allt í öllu í sóknarleik
liðsins og var að öðrum ólöstuðum
besti maður vallarins. Sigurður
Eggertsson var einnig gífurlega
drjúgur sem og Hjalti Gylfason og
Baldvin Þorsteinsson.
FH-ingar náðu ekki að fylgja eft-
ir góðri byrjun og þeim var hrein-
lega pakkað saman. Sóknarleikur-
inn var einhæfur og byggðist upp á
einstaklingsframtaki þeirra Loga
Geirssonar og Arnars Péturssonar.
Ekki vænlegt til árangurs og voru
margir leikmanna liðsins hálfgerð-
ir farþegar í sókninni. Þeirra á
meðal var fyrirliðinn Guðmundur
Pedersen en hann átti ekki eitt ein-
asta skot í leiknum. Hann sagði í
samtali við Fréttablaðið eftir leik-
inn að það hefði verið fúlt að ná
ekki að fylgja eftir góðri byrjun.
„Ég veit eiginlega ekki hvað gerðist
en við hættum bara. Það er hund-
fúlt að detta niður á svona leik þeg-
ar allt er undir en þeir voru vel að
sigrinum komnir.“
Heimir Örn Árnason, sem átti
frábæran leik í liði Vals, var öllu
sáttari. „Við tókum þetta á vörn-
inni. Hún var alveg frábær og ekki
var Pálmar í markinu síðri. Við höf-
um sýnt það í vetur að við erum
með góða breidd og það var gaman
að sjá menn eins og Sigurð [Egg-
ertsson] koma sterkan inn í sókn-
inni. Nú mætum við ÍR og vitum að
það verða erfiðir leikir. Það býr
hins vegar mikið í þessu í liði og við
erum hvergi nærri hættir.“
Mörk Vals: Heimir Örn Árnason
9/1, Baldvin Þorsteinsson 8/4, Hjalti
Gylfason 6, Sigurður Eggertsson 5,
Freyr Brynjarsson 4, Hjalti Pálma-
son 2, Atli Rúnar Steinþórsson 1.
Varin skot: Pálmar Pétursson 22/1.
Mörk FH: Logi Geirsson 9/3, Arnar
Pétursson 8, Hjörtur Hinriksson 5,
Magnús Sigurðsson 3, Brynjar
Geirsson 2, Pálmi Hlöðversson 1,
Svavar Vignisson 1. Varin skot:
Magnús Sigmundsson 15/1, Elvar
Guðmundsson 4. ■
Ítalska knattspyrnan:
Tólf stiga
forysta
FÓTBOLTI AC Milan er komið með
aðra höndina á ítalska meist-
aratitilinn eftir sigur á Siena,
2–1, í gær. Andryi Shevchenko
og Kaka skoruðu mörk AC Mil-
an en gamla brýnið Enrico
Chiesa skoraði fyrir Siena. AC
Milan hefur nú tólf stiga for-
ystu á Roma á toppi ítölsku
deildarinnar en Roma á reynd-
ar tvo leiki til góða. Carlo
Ancelotti, þjálfari AC Milan,
var þó rólegur eftir leikinn og
sagði alltof snemmt fyrir sína
menn að fagna titli, reynslan
hefði sýnt það. ■
LEIKIR:

16.00 ÍA og ÍBV mætast á Gervigras-
vellinum í Laugardal í B-riðli efri
deildar deildarbikars karla í knatt-
spyrnu.

18.00 Fram og Þróttur mætast Í
Egilshöll í B-riðli efri deildar deild-
arbikars karla í knattspyrnu.

18.00 ÍBV og Haukar mætast í Vest-
mannaeyjum í öðrum leik liðanna
í átta liða úrslitum úrslitakeppni
RE/MAX-deildar karla í handknatt-
leik.
SJÓNVARP:

09.50 NBA-boltinn á Sýn. Útsending
frá leik Indiana Pacers og
Boston Celtics í úrslitakeppni
NBA-deildarinnar sem fram fór í
gær.

11.30 Boltinn með Guðna Bergs á
Sýn. Guðni Bergsson og Heimir
Karlsson kafa djúpt ofan í leiki
laugardagsins í ensku úrvalsdeild-
inni ásamt góðum gesti.

12.50 Enski boltinn á Sýn. Bein út-
sending frá leik Aston Villa og
Newcastle í ensku úrvalsdeild-
inni.

15.10 Enski boltinn á Sýn. Útsend-
ing frá leik Liverpool og Fulham
sem fram fór í ensku úrvalsdeild-
inni í gær.

17.00 Markaregn á RÚV. Sýnt frá
leikjum helgarinnar í þýsku 1.
deildinni í knattspyrnu.

17.00 NBA-boltinn á Sýn. Bein út-
sending frá leik Detroit Pistons
og Milwaukee Bucks í úrslita-
keppni NBA-deildarinnar í
körfuknattleik.

19.30 Evrópumótaröðin í golfi á
Sýn. Sýnt frá Dunhill-meistara-
mótinu á síðasta ári.

20.30 UEFA Champions League á
Sýn. Fréttaþáttur um meistara-
deild Evrópu í knattspyrnu.

21.00 Boltinn með Guðna Bergs á
Sýn. Guðni Bergsson og Heimir
Karlsson kafa djúpt ofan í leiki
laugardagsins í ensku úrvalsdeild-
inni ásamt góðum gesti.

21.40 Helgarsportið á RÚV. Farið yfir
atburði helgarinnar í íþróttaheim-
inum.

22.30 Inside the PGA Tour 2004 á
Sýn. Vikulegur fréttaþáttur um
PGA-mótaröðina í golfi.
ANNA YAKOVA
Var markahæst í Eyjaliðinu með tólf mörk
og sú eina sem lék af eðlilegri getu í sókn-
inni.
SIGRINUM FAGNAÐ Í LEIKSLOK
Valsmenn fagna hér sigrinum gegn FH með látum inni í búningsklefa eftir leikinn í gær.
FR
ÉT
TA
B
LA
Ð
IÐ
/V
AL
LI