Fréttablaðið - 18.04.2004, Blaðsíða 41
33SUNNUDAGUR 18. apríl 2004
Portsmouth af hættusvæðinu í ensku úrvalsdeildinni í bili:
Steinn í götu United
FÓTBOLTI Portsmouth vann í gær gíf-
urlega mikilvægan sigur á
Manchester United, 1–0, í ensku úr-
valsdeildinni í knattspyrnu. Það var
hinn gamalreyndi Steve Stone sem
skoraði sigurmark Portsmouth af
miklu harðfylgi á 36. mínútu leiks-
ins. Manchester United var mun
sterkari aðilinn í leiknum en gekk
illa að skapa sér færi gegn baráttu-
glöðum leikmönnum Portsmouth.
Portsmouth komst með sigrinum í
fimm stig frá fallsæti en Manchest-
er United er enn þremur stigum á
eftir Chelsea í baráttunni um annað
sætið í úrvalsdeildinni.
Leikmenn Manchester United
vildu fá vítaspyrnu undir lok leiks-
ins þegar Gary Neville virtist skalla
í hönd varnarmanns Portsmouth
innan vítateigs en Alex Ferguson,
knattspyrnustjóri liðsins, sagðist
bera fullt traust til Neale Barry,
dómara leiksins, og það hefði verið
erfitt að sjá hvort um víti var að
ræða eða ekki. „Það var þröngt á
þingi í teignum og erfitt að sjá
nokkurn hlut. Ég ber fullt traust til
Neale Barry og tel hann vera einn
besta dómara úrvalsdeildarinnar,“
sagði Ferguson. Hann hrósaði sín-
um mönnum fyrir að gefast aldrei
upp. „Við gerðum það sem við gát-
um en þetta var ekki okkar dagur.
Markið gaf þeim sjálfstraust og eft-
ir það var á brattann að sækja fyrir
okkur,“ sagði Ferguson og viður-
kenndi að leikurinn gegn Chelsea 8.
maí næstkomandi myndi væntan-
lega skera úr um hvort liðið hreppti
annað sætið í deildinni.
Steve Stone, hetja Portsmouth,
var í skýjunum eftir leikinn. „Þetta
var ótrúlega mikilvægur sigur fyrir
okkur. Nú getum við farið í næsta
leik gegn Leeds með þá vissu að
jafntefli eru góð úrslit fyrir okkur.
Við börðumst eins og ljón og þótt
við höfum oft spilað áferðarfallegri
knattspyrnu þá nægði eitt mark. Við
vörðumst frábærlega gegn gífur-
lega sterku liði og það er það sem
þarf þegar lið eru í fallbaráttunni
eins og við erum,“ sagði Stone. ■
Vítaspyrnu-
draugur Liverpool
Víti sem Steven Gerrard brenndi af gegn Fulham kostaði sigurinn.
FÓTBOLTI Leikmönnum Liverpool
virðist vera fyrirmunað að skora
úr vítaspyrnum. Fræg er skelfi-
lega léleg vítanýting hjá helsta
markaskorara liðsins, Michael
Owen, sem hefur brennt af tíu af
síðustu 23 vítaspyrnum sínum. Í
gær var komið að fyrirliða liðsins
og besta manni, Steven Gerrard,
að taka víti og viti menn; hann lét
Edwin van der Sar, markvörð Ful-
ham, verja frá sér. Þar með fór
fimmta vítaspyrnan í súginn hjá
liðinu á tímabilinu en áður höfðu
Michael Owen tvívegis og Emile
Heskey og El-Hadji Diouf brennt
af einu sinni hvor. Misheppnað
víti Gerrards gerði það að verkum
að Liverpool tapaði tveimur dýr-
mætum stigum í baráttunni um
fjórða sætið í deildinni og þarf að
treysta á jafntefli í leik Aston
Villa og Newcastle í dag til að
halda fjórða sætinu en bæði þessi
lið geta með sigri skotist upp fyr-
ir Liverpool. Gerard Houllier,
knattspyrnustjóri Liverpool,
sagði að Owen og Gerrard hefðu
ákveðið það inni á vellinum hvor
þeir tæki vítið. „Steven tók
ábyrgðina en þetta var vel varið
og sýnir kannski tímabilið í hnot-
skurn hjá okkur,“ sagði Houllier.
Blackburn virðist vera á góðri
leið með að tryggja sæti sitt í
deildinni eftir mikilvægan sigur á
Leicester á heimavelli, 1–0, í gær.
Það var ekki mikill glæsibragur
yfir sigrinum og var sigurmarkið
sjálfsmark hjá gríska varnar-
manninum Nikos Dabizas.
Graeme Souness, knattspyrnu-
stjóri Blackburn, kvartaði þó ekki
eftir leikinn. „Eins og staðan er í
dag þá skiptir það mig engu máli
hvernig við vinnum. Aðalatriðið
er að stigin komi í hús. Við erum í
bullandi fallbaráttu og þótt við
höfum nú unnið tvo leiki í röð þá
erum við langt frá því að vera ör-
uggir. Við verðum að halda áfram
á sömu braut,“ sagði Souness.
Chelsea missti af gullnu tæki-
færi til að komast sex stig yfir
Manchester United þegar liðið
gerði markalaust jafntefli gegn
Everton á Stamford Bridge. Eiður
Smári Guðjohnsen var fjarri góðu
gamni vegna veikinda en verður
væntanlega orðinn klár í slaginn
fyrir undanúrslitaleikinn gegn
Mónakó í meistaradeildinni í
Frakklandi á þriðjudaginn.
Claudio Ranieri, knattspyrnu-
stjóri Chelsea, neitaði þó að kenna
leiknum gegn Mónakó um slaka
spilamennsku liðsins gegn Ev-
erton. „Allir mínir menn voru ein-
beittir og staðráðnir í því að gera
sitt besta. Það heppnast bara ekki
alltaf og ég get ekki annað en
hrósað leikmönnum Everton. Þeir
voru vel skipulagðir og agaðir og
það var erfitt að finna glufu á
vörn þeirra,“ sagði Ranieri.
Dave Jones og lærisveinar
hans hjá Wolves hafa ekki enn ját-
að sig sigraða í baráttunni um að
sleppa við fall. Þeir unnu góðan
sigur á Middlesbrough, 2–0, í gær
og komust upp að hlið Leicester,
sem er í næstneðsta sætinu. Það
eru þó enn sex stig í Manchester
City sem er í fjórða neðsta sæti en
Jones er ekki tilbúinn til að kasta
inn handklæðinu. „Þetta var góð-
ur sigur hjá okkur og sýnir að
mínir menn hafa ekki játað sig
sigraða. Við munum halda áfram
þar til yfir lýkur og vonandi náum
við nægilega mörgum stigum til
að halda okkur í deildinni,“ sagði
Jones. ■
SIGURMARKI FAGNAÐ
Steve Stone fagnar hér sigurmarki sínu fyrir Portsmouth gegn Manchester United í ensku
úrvalsdeildinni í gær.
ENSKA ÚRVALSDEILDIN
Portsmouth-Man. Utd 1-0
1-0 Steve Stone (36.).
Blackburn-Leicester 1-0
1-0 Nikos Dabizas, sjálfsm.(42.).
Bolton-Tottenham 2-0
1-0 Ivan Campo (7.), 2-0 Henrik Peder-
sen (65.).
Charlton-Birmingham 1-1
0-1 Clinton Morrison (84.), 1-1 Matt Hol-
land (86.).
Chelsea-Everton 0-0
Liverpool-Fulham 0-0
Man. City-Southampton 1-3
0-1 James Beattie (34.), 0-2 Kevin
Phillips (55.), 1-2 Nicolas Anelka (78.),
1-3 Kevin Phillips (81.).
Wolves-Middlesbrough 2-0
1-0 Carl Cort (28.), 2-0 Henri Camara
(62.).
STAÐAN
Arsenal 33 24 9 0 67:22 81
Chelsea 34 22 6 6 60:27 72
Man. United 33 21 5 7 59:32 68
Liverpool 34 13 11 10 48:36 50
Newcastle 32 12 13 7 45:33 49
Aston Villa 33 13 9 11 44:40 48
Charlton 33 13 9 11 44:41 48
Birmingham 34 12 11 11 40:42 47
Southampton 33 12 9 12 38:33 45
Fulham 34 12 9 13 47:44 45
Middlesbrough 34 12 9 13 40:42 45
Bolton 34 11 11 12 40:51 44
Everton 34 9 12 13 42:47 39
Tottenham 34 11 5 18 42:54 38
Blackburn 34 10 7 17 48:57 37
Portsmouth 33 10 7 16 37:47 37
Man. City 34 7 13 14 47:50 34
Leeds 34 8 8 18 35:69 32
Leicester 34 5 13 16 41:59 28
Wolves 34 6 10 18 33:71 28
ENN EITT VÍTIÐ Í SÚGINN
Steven Gerrard, fyrirliði Liverpool, heldur hér um höfuð sér eftir að hafa brennt af víti
gegn Fulham í gær.
FR
ÉT
TA
B
LA
Ð
IÐ
/A
PM
YN
D