Fréttablaðið - 19.04.2004, Blaðsíða 13

13MÁNUDAGUR 19. apríl 2004
PAKISTAN Malik Tasaddaq, sem grun-
aður er um að hafa átt þátt að ræna
og myrða bandaríska blaðamanninn
Daniel Pearl, er í haldi pakistönsku
lögreglunnar í Punjab, að því er
fram kom á fréttavef BBC. Hann er
grunaður um að tilheyra ólöglegum
hópi íslamskra öfgamanna sem eru
sakaðir um margar árásir. Sautján
þúsund Bandaríkjadalir voru lagðir
til höfuðs honum.
Annar eftirlýstur maður, Nadir
Khan, var einnig handtekinn í
annarri skyndiárás í Punjab sam-
kvæmt upplýsingum pakistönsku
lögreglunnar. Sá er sagður tilheyra
súnnímúslimum sem grunaðir eru
um árásir á sjíamúslima, stjórn-
völd og vestræn skotmörk. Fjórir
herskráir múslimar hafa verið
sakfelldir fyrir að hafa rænt Dani-
el Pearl en sjö aðrir ganga enn
lausir, þar á meðal tveir sem sáust
skera á háls Pearls á myndbands-
upptöku.
Daniel Pearl vann sem blaða-
maður hjá Wall Street Journal og
vann að frétt um herskáa múslima
þegar honum var rænt í janúar árið
2002 í Suður-Pakistan. Síðar var
hann myrtur þar sem honum var
haldið föngnum. ■
Engar undanþágur
Í svari Árna Magnússonar fé-
lagsmálaráðherra við fyrirspurn
á þingi um hvort framkvæmdaað-
ilar á virkjunarsvæðinu hafi feng-
ið undanþágur frá kröfum Vinnu-
eftirlits um aðbúnað, hollustu-
hætti eða öryggi á vinnustöðum
segir hann svo ekki vera. Enn
fremur segir hann að Vinnueftir-
litið hafi síðan starfsemi við Kára-
hnjúka hófst reglulega gert út-
tektir á hinum ýmsu þáttum fram-
kvæmdarinnar og í mörgum til-
vikum gert kröfur um úrbætur.
Bæði hefur verið gerð krafa um
tafarlausa úrbót mála og einnig
gerðar tímasettar kröfur um úr-
bætur ákveðinna atriða.
Haukur segir miður að ýmsir
aðilar skuli slá um sig með full-
yrðingum sem eiga sér enga stoð
í raunveruleikanum. „Ég tel að
hluti misskilnings margra sé sú
staðreynd að á Kárahnjúkasvæð-
inu er fjöldi svokallaðra búkoll-
na, risastórra vörubíla, sem
Vinnueftirlitið hefur ekki eftirlit
með. Þeir eru ekki flokkaðir hér
á landi sem vinnuvélar og því
þarf einungis meirapróf til að
starfa á þeim.“
Lögreglan á Egilsstöðum fer
reglulega upp að Kárahnjúkum til
eftirlits og hefur gegnum tíðina
gert athugasemdir vegna próf-
lausra starfsmanna á búkollunum.
Mun því starfi verða haldið áfram
en lögreglan fer þó aldrei oftar en
tvisvar í viku enda fáliðuð og
langt að fara.
Annar eftirlitsaðili sem gert
hefur mýmargar athugasemdir
við aðstæður hjá ítalska verktak-
anum er Heilbrigðisnefnd Aust-
urlands. Helga Hreinsdóttir, for-
maður nefndarinnar, segir að enn
séu gerðar athugasemdir við að-
búnað í mötuneyti aðalbúða og
illa gangi að fá lagfæringar á.
Hefur dagsektum að upphæð 70
þúsund króna verið beitt í tæpar
tvær vikur þar sem gólf mötu-
neytisins uppfyllir ekki kröfur
nefndarinnar.
„Mötuneytið er enn ófullnægj-
andi frá okkar sjónarmiði og við
munum fara í dag eða eftir helgi
og kynna okkur hvort orðið hefur
verið við kröfum okkar um úr-
bætur. Eftirleikurinn ræðst svo
af því.“
albert@frettabladid.is
Íslamskur öfgamaður handtekinn í Pakistan:
Grunaður um morðið
á Daniel Pearl
AÐALMÖTUNEYTI KÁRAHNJÚKA
Impregilo er sektað um 70 þúsund krónur
á dag þar sem mötuneytið uppfyllir ekki
enn öll skilyrði heilbrigðisnefndar.
Dalai Lama í opinbera heimsókn til Kanada:
Kínversk stjórnvöld æf
KÍNA, AP Hinn útlægi leiðtogi Tí-
bet, Dalai Lama, hefur hafið
nítján daga opinbera heimsókn til
Kanada, þrátt fyrir hávær mót-
mæli kínverskra stjórnvalda. Yf-
irvöld í Peking reyndu allt hvað
þeir gátu til að fá Kanadamenn til
að hafna gestkomu Dalai Lama á
þeim forsendum að hann væri
pólitískur aðgerðastefnusinni sem
aðhyllist aðskilnaðarstefnu.
Dalai Lama, sem flýði frá Tíbet
árið 1959, eftir að Kínverjar
hertóku landið árið 1951, hefur
svarað því til að hann sé eingöngu
andlegur leiðtogi með alls engan
áhuga á stjórnmálum, og að Tíbet
fari ekki fram á sjálfstæði frá
Kínverjum, heldur aukna sjálfs-
stjórn. Dalai Lama hittir Paul
Martin, forsætisráðherra Kanada,
næstkomandi föstudag, en Martin
hefur sagt að þótt hann virði skoð-
anir Kínverja vilji hann endilega
hitta hinn mikla leiðtoga Tíbeta.
Meðan á heimsókninni stendur
mun Dalai Lama taka þátt í um-
ræðum með suður-afríska erki-
biskupnum Desmond Tutu,
íranska friðarsinnanum Shirin
Ebadi og bandaríska rabbínanum
Zalman Schachter-Shalomi. ■
DALAI LAMA
Dalai Lama á blaðamannafundi í
Vancouver í Kanada á laugardag.