Fréttablaðið - 19.04.2004, Blaðsíða 15
VÍSITÖLUR Verðbólga milli mars og
apríl var meiri en greiningar-
deildir bankanna höfðu vænst.
Vísitala neysluverðs hækkaði um
0,56 prósent í aprlíl, en spár höfðu
gert ráð fyrir 0,2 til 0,4 prósenta
hækkun vísitölunnar. Eldsneytis-
verð, fatnaður og íbúðaverð eru
helstu skýringar hækkunar vísi-
tölunnar. Verðbólga síðustu tólf
mánaða mælist 2,2 prósent, sem
er undir 2,5 prósenta verðbólgu-
markmiði Seðlabankans. Almennt
er búist við að Seðlabankinn
hækki stýrivexti í byrjun sumars.
Greining Íslandsbanka telur að
bankinn muni fara sér hægt í
byrjun og hækka vexti um 0,25
prósentustig.
Fasteignaverð hefur verið á
uppleið að raungildi síðasta árið.
Helmingur verðbólgu síðasta árið
skýrist af hækkun íbúðaverðs.
Þjónustuliðir standa fyrir hinum
helmingi hækkunarinnar. Vörur
hafa ýmist lækkað eða staðið í
stað. Þróun verðbólgunnar á næst-
unni er háð óvissu um gengi krón-
unnar. Veikist krónan mun það
auka verðbólguþrýsting. ■
15MÁNUDAGUR 19. apríl 2004
fiú gætir hitt á töfrastund flegar flú notar VISA
og unni› fer› á Ólympíuleikana í AfiENU 2004
til fless a› hvetja Vonarstjörnur VISA.
Þingsályktunartillaga:
Ríkið efli
íþróttaiðkun
ALÞINGI Þingmenn stjórnarandstöð-
unnar hafa lagt fram á Alþingi
þingsályktunartillögu um íþrótta-
áætlun, en í henni felst að mennta-
málaráðherra verði falið að leggja
fram áætlun um markmið og stefnu
ríkisins til íþróttamála til fimm ára.
Flutningsmenn vilja að í áætlun-
inni komi fram markmið ríkisins
um að efla almennings- og afreks-
íþróttir og tryggja að börn hafi
jafna möguleika til að stunda íþrótt-
ir innan og utan skóla. Í greinargerð
segir að gildi íþrótta fyrir líkamlega
og andlega vellíðan fólks sé fyrir
löngu viðurkennt og ríkinu beri að
tryggja vöxt íþróttamála. ■
Vísitala neysluverðs:
Verðbólgan
umfram spár
VERÐBÓLGAN INNAN MARKA
Verðbólgan var meiri milli mars og apríl en búist var við. Verðbólgan síðasta árið er innan
markmiða Seðlabankans og skýrist að hálfu leyti af hækkandi húsnæðisverði.
Bæjarráð segir að samkomulag standi enn:
Hætt við farþegaflug milli
Egilsstaða og Düsseldorf
FLUGSAMGÖNGUR Bæjarráði Austur-
héraðs hafa borist óformlegar
upplýsingar um að flugfélagið
LTU og ferðaskrifstofan Terra
Nova Sol hafi ákveðið að leggja
niður áætlunarflug milli Egils-
staða og Düsseldorf í Þýskalandi.
„Við höfum fengið þær upplýs-
ingar frá starfsmanni ferðaskrif-
stofunnar að það sé búið að aflýsa
öllum bókunum,“ segir Skúli
Björnsson, formaður bæjarráðs.
„Það hefur þó ekki verið haft sam-
band við okkur formlega og því
lítum við svo á að samkomulagið
standi enn. Við höfum staðið við
okkar skuldbindingar þannig að
þetta kemur okkur verulega á
óvart. Það voru lagðir í þetta tölu-
verðir fjármunir og við borguðum
það sem okkur bar.“ Skúli segir að
ef flugið verði lagt niður muni
heimamenn skoða samningsstöðu
sína. ■
Reyna að uppræta eiturlyfjahring:
Ráðist á heimili
eiturlyfjabaróns
KÓLUMBÍA Kólumbíska lögreglan
gerði skyndiáhlaup á heimkynni
Diego Montoya, meints höfuðpaurs
Norte del Valle-eiturlyfjahringsins
sem hefur tekið við af Medellin- og
Cali-eiturlyfjahringjunum sem sá
stærsti í landinu.
Lögreglan lagði hald á mikið af
eigum Montoya, meðal annars
nokkur lúxuseinbýlishús. Ef það
sannast að eigurnar hafi verið
keyptar fyrir illa fengið fé geta kól-
umbísk yfirvöld selt þær og rennur
andvirði sölunnar í ríkissjóðs lands-
ins. Eigurnar sem lögreglan lagði
hald á eru metnar á annan milljarð
króna.
Montoya hefur ekki enn náðst en
auk þess sem kólumbíska lögreglan
leitar hans hafa bandarísk yfirvöld
boðið 350 milljónir króna fyrir upp-
lýsingar sem leiða til handtöku eit-
urlyfjabarónsins.
Talið er að ríflega 800 tonn af
kókaíni og 10 tonn af heróíni séu
flutt út frá Kólumbíu á hverju ári. ■
FARÞEGAÞOTA Á FLUGI
Samkvæmt óformlegum upplýsingum bæjarráðs Austur-Héraðs hafa flugfélagið LTU og
ferðaskrifstofan Terra Nova Sol ákveðið að hætta flugi milli Egilsstaða og Düsseldorf.
KÓKAÍN
Talið er að ríflega 800 tonn af kókaíni séu flutt
út frá Kólumbíu á hverju ári.