Fréttablaðið - 20.04.2004, Page 1
● tónleikar í salnum í kvöld
Berglind og Arne:
▲
SÍÐA 22
Flauta í kapp
við tölvuhljóð
● að koma til landsins
Paul McCartney:
▲
SÍÐA 27
Ungir Íslendingar
skora á kappann
Benedikt Kristjánsson:
▲SÍÐA 14
Bækur koma út
allt árið
HEILBRIGÐISMÁL Nýjar tillögur um
breytingar á vaktakerfi hjúkr-
unarfræðinga á skurðsviði
Landspítala - háskólasjúkrahúss
voru lagðar fram á fundi stjórn-
enda spítalans
með hjúkrunar-
fræðingunum í
gær. Alls hafa 22
af 25 hjúkrunar-
fræðingum sagt
upp störfum
vegna óánægju
með breytingar á
vaktakerfi. Að
sögn Elínar Ýrr
Halldórsdóttur
hjúkrunarfræðings höfðu þær
breytingar svo mikla kjara-
skerðingu í för með sér að næmi
tugum þúsunda króna á mánuði
hjá einstökum starfsmönnum.
Þessu vildu hjúkrunarfræðing-
arnir ekki una enda töldu þeir
kjaraskerðinguna ígilda upp-
sögn. Þeir hafa því tilkynnt að
þeir muni láta af störfum 1. maí,
að óbreyttu. Elín Ýrr sagði í
gær, að ekki lægi fyrir hvað til-
lögur stjórnenda spítalans
þýddu, nú yrði sest yfir útreikn-
inga á þeim.
Elsa B. Friðfinnsdóttir, for-
maður Félags íslenskra hjúkrun-
arfræðinga, sagði að kjara-
skerðingin sem þessi hópur
hjúkrunarfræðinga yrði fyrir
væri hluti af sparnaðaraðgerð-
unum á spítalanum. Þar með
kæmi þetta inn í samráðsferli
Landspítala - háskólasjúkrahúss
við stéttarfélögin.
„Starfsfólkið er ekki tilbúið til
að sætta sig við þessa skerðingu
á kjörum sínum, því ætlast er til
sömu vinnu og afköstin á skurð-
stofnum hafa meira að segja auk-
ist,“ sagði Elsa. „En það á að taka
þennan niðurskurð úr launa-
umslagi starfsmannanna.“
Elsa sagði að þarna væri um
gífurlega sérhæfðan starfshóp
að ræða og flóknar og sérhæfðar
aðgerðir myndu leggjast af því
langan tíma tæki að þjálfa annað
fólk upp til starfa á skurðsviði.
„Það er óforsvaranlegt, að
þetta fari á þann veg að þessi
starfshópur hætti,“ sagði hún.
jss@frettabladid.is
MEST LESNA DAGBLAÐ Á ÍSLANDI Skaftahlíð 24, 105 Reykjavík — sími 515 7500
ÞRIÐJUDAGUR
SKÓLI FRAMTÍÐARINNAR
Framsóknarflokkurinn efnir í kvöld til op-
ins málþings um skóla framtíðarinnar.
Frummælendur eru Kári Stefánsson, Guð-
finna Bjarnadóttir, Gunnar Hersveinn, Sig-
mar Vilhjálmsson og Sæunn Stefánsdótt-
ir. Málþingið verður á Grand hóteli í
Reykjavík og hefst klukkan 20.
DAGURINN Í DAG
VEÐRIÐ Í DAG
ÞURRT AÐ KALLA Í BORGINNI
En þó ekki fyrr en eftir hádegi. Lægir
heldur og rofar víða til þegar líður á
daginn. Hlýindi framundan. Sjá síðu 6.
20. apríl 2004 – 107. tölublað – 4. árgangur
● heilsa
Gengur hiklaust
á veggi
Sjöfn Jónsdóttir:
▲
Í MIÐJU BLAÐSINS
BROTTHVARF FRÁ ÍRAK Bandarísk
stjórnvöld harma þá ákvörðun spænskra
stjórnvalda að kalla herlið sitt heim frá Írak.
Þau óttast að fleiri lönd fari að dæmi Spán-
verja. Sjía-klerkurinn al-Sadr hvetur fylgis-
menn sína til að hætta árásum á spænska
hermenn. Sjá síðu 2
NEITA SÖK Tvíburabræður og Þjóðverji
neituðu allir sök þegar ákæra fyrir stórfelld
fíkniefnabrot á hendur þeim var þingfest í
héraðsdómi í gær. Einn þremenninnganna
hefur hlotið tíu refsidóma frá árinu 1990.
Sjá síðu 4
VILJA LÖG UM LEIGURNAR Tals-
maður Impregilo segir vegið illa að ítalska
verktakafyrirtækinu í þingsályktunartillögu
hóps þingmanna um erlendar starfsmanna-
leigur. Sjá síðu 6
ÚRELT SKATTLAGNING Öll matvæli
eiga að vera í sama skattþrepi og leggja
ætti niður vörugjöld á matvælum að mati
hagsmunasamtaka atvinnulífsins sem í gær
skoruðu á ríkisstjórnina að skoða nýjar
leiðir í skattlagningu matvæla. Sjá síðu 10
Landspítali leitar sátta
Stjórnendur Landspítala - háskólasjúkrahúss lögðu í gær fram tillögur um breytingar á
vaktakerfi hjúkrunarfræðinga á skurðsviði spítalans. Með því freista þeir að leysa þá kjaradeilu
sem veldur því að 22 starfsmenn af 25 ganga út.
„Það á að
taka þennan
niðurskurð
úr launa-
umslagi
starfsmann-
anna.
Kvikmyndir 22
Tónlist 22
Leikhús 22
Myndlist 22
Íþróttir 16
Sjónvarp 24 GÓÐUR UNDAN VETRI Þó enn sé svalt er vorið ekki langt undan og með hækkandi sól fjölgar upprennandi fótboltastjörnum til muna
á sparkvöllum um land allt. Ekki er annað að sjá en þessir strákar komi býsna vel undan vetri.
EFNAHAGSMÁL Hagfræðistofnun Há-
skóla Íslands kemst að þeirri niður-
stöðu í skýrslu um eftirlitsiðnað á
Íslandi að ábati af eftirliti sé yfir-
leitt meiri heldur en kostnaðurinn.
Hins vegar sé brýnt að reynt sé að
ná markmiðum eftirlitsins með sem
skilvirkustum hætti.
Skýrslan var unnin að beiðni
forsætisráðuneytisins en farið
var fram á mat á stöðu eftirlits-
iðnaðarins út frá hagrænu sjónar-
miði þar sem varpað yrði ljósi á
bæði ábata og kostnað. Niðurstað-
an er sú að beinn kostnaður fyrir-
tækja í landinu sé um 7,2 milljarð-
ar króna á ári en beinn kostnaður
hins opinbera á bilinu einn og
hálfur til fimm milljarðar. Beinn
kostnaður er því á bilinu níu til
tólf milljarðar.
Skýrsluhöfundar telja að
óbeinn kostnaður fyrirtækja
vegna eftirlits sé á bilinu fjögur
hundruð milljónir til fjórir millj-
arðar króna.
Hagfræðistofnun tók sérstak-
lega til skoðunar matvælaeftirlit.
Mikil óvissa er í niðurstöðum
stofnunarinnar en hún gerir ráð
fyrir að ábatinn sé á bilinu 350
milljónir til 11,4 milljarðar króna.
Kostnaður við eftirlit í matvæla-
iðnaði er talinn vera á milli sjö
hundruð milljónir og 2,7 milljarða
króna. ■
FR
ÉT
TA
B
LA
Ð
IÐ
/V
IL
H
EL
M
FRÁ DÓMSUPPKVAÐNINGU
HÉRAÐSDÓMS
Niðurstöðunni var áfrýjað og hefst máls-
meðferð fyrir Hæstarétti í dag.
Málverkafölsunarmálið í
Hæstarétti:
Fallið frá
ákæruliðum
DÓMSMÁL „Það er rétt að fallið
hefur verið frá meira en helm-
ingi krafna á hendur sakborn-
ingum,“ segir Ragnar Aðal-
steinsson hæstaréttarlögmaður.
Í dag hefst málflutningur fyrir
Hæstarétti vegna stóra mál-
verkafölsunarmálsins sem svo
er kallað, en dómi héraðsdóms
frá í fyrra var sem kunnugt er
áfrýjað.
„Alls eru það 58 verk sem rík-
issaksóknari ákærir ekki fyrir
þannig að eftir eru tæplega 50
verk sem sitja eftir fyrir Hæsta-
rétti í dag.“
Fyrir héraðsdómi í júlí á síð-
asta ári voru Pétur Þór Gunnars-
son og Jónas Freydal Þorsteins-
son dæmdir til nokkurra mánaða
skilorðbundins fangelsis fyrir
sölu á sex fölsuðum verkum.
Fyrir héraðsdómi lá að minnst
helmingur verkanna væri sann-
anlega falsaður. Tveir dagar eru
ætlaðir til flutnings málsins fyrir
Hæstarétti, enda málið eitt um-
fangsmesta og dýrasta mál sem
ákæruvaldið hér á landi hefur
komið nálægt. ■
Opinber eftirlitsiðnaður á Íslandi:
Kostnaðurinn 9 til 12
milljarðar á ári
● vika bókarinnar hefst í dag
SPARNAÐUR OG FUNDAHÖLD
Enn er fundað vegna sparnaðaraðgerða á
Landspítala - háskólasjúkrahúsi, nú síðast í
gær. Þessi mynd var tekin af fundi
starfsmanna þar á dögunum, þegar
umfangsmiklar sparnaðaraðgerðir
höfðu verið kynntar.