Fréttablaðið - 20.04.2004, Blaðsíða 10

10 20. apríl 2004 ÞRIÐJUDAGUR
KANSLARINN BREGÐUR Á LEIK
Gerhard Schröder, kanslari Þýskalands,
situr hér á þríhjóli sem knúið er áfram
með þrýstilofti á iðnaðarsýningu sem nú
stendur yfir í Hannover.
Fundahöld um heilbrigðismál aldraðra á Suðurnesjum:
Sjúkrahúsið sinni öldruðum
HEILBRIGÐISMÁL „Það var einlægur
og samhljóða vilji fundarmanna
að hér þyrfti að byggja upp
dvalar- og hjúkrunarheimili, en
þangað til það risi, yrði sjúkra-
húsið að sinna málefnum aldr-
aðra. Það væri ekkert annað inni
í myndinni,“ sagði Trausti
Björnsson, formaður Félags
eldri borgara á Suðurnesjum.
Félagið hélt aðalfund sinn um
helgina, þar sem meðal annars
voru rædd heilbrigðismál eldri
borgara. Þau hafa verið í
brennidepli að undanförnu
vegna gagnrýni á breytt þjón-
ustuhlutverk svokallaðrar D-
álmu heilbrigðisstofnunarinnar.
Hátt í hundrað manns mættu
á fundinn, að sögn Trausta, þar
sem fjallað var um heilsugæslu
eldri borgara á svæðinu.
Gestir fundarins voru Böðvar
Jónsson, formaður bæjarráðs
Reykjanesbæjar, og Sigríður
Snæbjörnsdóttir, framkvæmda-
stjóri Heilbrigðisstofnunar Suð-
urlands.
Trausti sagði meðal annars að
formaður bæjarráðs hefði skýrt
frá áætlunum Reykjanessbæjar
um að byggja dvalar- og hjúkr-
unarheimili fyrir aldraða á
svæðinu, sem veitti ekki af þar
sem 12.000 manns byggju þar. ■
Nepal:
Lögregla beitir táragasi á stúdenta
NEPAL Óeirðalögregla í Nepal
notaði táragas á stúdenta sem
efndu til mótmæla 18. daginn í
röð gegn Gyanendra konungi í
höfuðborginni Katmandu. Stúd-
entar hafa haldið uppi stöðugum
mótmælum þrátt fyrir bann
yfirvalda við að fleiri en fimm
manns safnist saman á opinber-
um stöðum. Bannið hefur orsak-
að enn meiri reiði meðal al-
mennings og hafa óeirðir orðið
heiftugri en áður. Fólkið krefst
þess að konungur kalli saman
réttkjörna ríkisstjórn á ný og
skipi þing úr öllum flokkum, en
mótmæli hafa sést reglulega í
Nepal eftir að konungur vék rík-
isstjórninni úr starfi og kaus sitt
eigið ráðuneyti fyrir tveimur
árum síðan.
Að minnsta kosti tólf manns
slösuðust og hundruð voru
handteknir í höfuðborginni, en
þúsundir Nepal-búa höfðu ein-
nig uppi hávær mótmæli í bæj-
um á landsbyggðinni. ■
Lífsvog:
Lýsa furðu á
kvörtunum
HEILBRIGÐISMÁL „Við teljum í hæsta
máta óeðlilegt að kenna fjölmiðla-
umræðu um læknamistök um at-
gervisflótta úr læknastéttinni,“
segir Guðrún Óskarsdóttir, stjórn-
armaður Lífsvogar, samtaka fólks
sem orðið hefur fyrir lækna-
mistökum.
„Ég held að heilbrigðisyfirvöld
ættu að líta sér nær enda er starfs-
álag óvíða meira en á spítölum
landsins og undir þeim kringum-
stæðum er auðveldara en ella að
gera mistök. Annað sem ógnar ör-
yggi sjúklinga er sá viðvarandi
fjárskortur sem allar deildir
sjúkrahúsa glíma við ár hvert.“ ■
Keypti gallaða
hunda og
ætlar í
mál
– hefur þú séð DV í dag?
KVEÐJUSTUND
Þrír geimfarar eru lagðir af stað til
Alþjóðlegu geimstöðvarinnar.
Sojus-geimfar á loft:
Þrír geimfar-
ar um borð
KASAKSTAN, AP Þrír geimfarar,
Rússi, Bandaríkjamaður og Hol-
lendingur, eru lagðir af stað til Al-
þjóðlegu geimstöðvarinnar í rúss-
nesku Sojus-geimfari. Farinu var
skotið á loft í Kasakstan í gær-
morgun.
Ferðin tekur aðeins um tvo
sólarhringa. Rússinn Gennady
Padalka og Bandaríkjamaðurinn
Michael Fincke munu dvelja í
geimstöðinni í 183 daga en Hol-
lendingurinn Andre Kuipers snýr
aftur til jarðar að níu dögum liðn-
um ásamt bandaríska geimfaran-
um Michael Foale og Rússanum
Alexander Kaleri sem hafa verið í
stöðinni síðan í október á síðasta
ári. ■
GÍTAR KURTS COBAIN SLEGINN
FYRIR METUPPHÆÐ Gítar, sér-
smíðaður fyrir örvhenta sem var
í eigu Kurts Cobain, hins látna
forsprakka rokkbandsins Nir-
vana, var seldur fyrir átta og
hálfa milljón króna á uppboði í
Dallas í Texas á laugardag. Gítar-
inn var sagður hafa verið í miklu
uppáhaldi hjá söngvaranum og er
fyrsta hljóðfærið úr hans dánar-
búi til að fara á uppboð, tíu árum
eftir að hann svipti sig lífi.
■ Ameríka
■ Evrópa
HEILSUGÆSLA
Eindrægni ríkti á fundi Félags eldri borgara
á Suðurnesjum þar sem meðal annars var
rædd heilsugæsla aldraðra á svæðinu.
ÓEIRÐALÖGREGLA HANDTEKUR REIÐAN STÚDENT
Almenningur í Nepal hefur fengið sig fullsaddan af einræðisstefnu Gyanendra konungs.
Neyslustjórnun með
skattlagningu úreld
Ríkisstjórnin hyggst lækka skatt á matvælum, en einungis á hollustu-
vöru sem er í lægra skattþrepi. Samtök innan atvinnulífsins vilja að öll
matvæli hafi sama skatt og afnema eigi vörugjöld.
NEYTENDAMÁL Öll matvæli eiga að
vera í sama skattþrepi og leggja
ætti niður vörugjöld á matvælum.
Þetta segja samtök innan atvinnu-
lífsins sem í gær skoruðu á ríkis-
stjórnina að skoða nýjar leiðir í
breytingu á skattlagningu mat-
væla.
Ríkisstjórnin hefur áformað að
draga úr skattheimtu af matvæl-
um og hefur látið í ljós hugmynd-
ir um að lækka skatt af matvælum
í lægra skattþrepi.
Á flest matvæli leggst fjórtán
prósenta virðisaukaskattur. Í
þennan flokk raðast flest það er
telst nauðsynjavara og hollustu-
vara. Hærri skattlagning er á því
sem talið er munaðarvara, svo
sem kex, gosdrykkir og sælgæti,
eða 24,5 prósent.
Að sögn Sveins Hannessonar
framkvæmdastjóra eru vöru-
gjöld, sem lögð eru á marga
flokka matvæla, lítt þekktur
skattur. Nefna má kaffi, súpur,
ávaxtasafa, sælgæti, gosdrykki
og rjómaís.
Sveinn segir að núverandi
skattlagning feli í sér mismunun
sem bitnar á framleiðendum og
neytendum. Hér sé um að ræða
umtalsverða tekjuöflun ríkissjóðs
undir yfirskini neyslustýringar í
þágu hollustu. Við nánari skoðun
standist þau rök ekki.
„Fátt bendir til að þessi skatt-
heimta dragi úr neyslu. Nægir í
því sambandi að benda á að Ís-
lendingar og Norðmenn drekka
allra þjóða mest af gosdrykkjum
en svo vill til að þeir skattleggja
þá líka mest allra þjóða. Neysla
kolsýrðs vatns stóreykst einnig
þótt það sé skattlagt með sama
hætti og gosdrykkir. Hvort
tveggja er í hærra þrepi virðis-
aukaskattsins og ber vörugjald,“
segir hann.
Hann segir að nágrannaþjóðir
hafi þegar tekið upp þetta fyrir-
komulag. Sem dæmi sé tólf pró-
senta skattur á öllum matvælum í
Svíþjóð.
„Flestar þjóðir eru sammála
um að leggja beri vörugjöld á tó-
bak, áfengi, bensín og bíla. Á Ís-
landi hefur verið gengið mun
lengra og eru vörugjöld lögð á
fjölmarga aðra vöruflokka. Danir
og Norðmenn eru þeir einu sem
enn halda úti vörugjöldum sem
líkjast því sem hér tíðkast en
Finnar hafa aflagt þau að mestu
og Svíar með öllu,“ segir Sveinn.
Fimm samtök þeirra er fram-
leiða, flytja inn, dreifa og selja
matvæli stóðu að áskoruninni,
Samtök iðnaðarins, Samtök versl-
unar og þjónustu, Samtök ferða-
þjónustunnar, Félag íslenskra
stórkaupmanna og Samtök at-
vinnulífsins. sda@frettabladid.is
Kárahnjúkar:
Krani brann
ELDSVOÐI Eldur kom upp í krana
við vinnubúðir Impregilo við
Kárahnjúka í gærmorgun með
þeim afleiðingum að flytja
þurfti vélamann til aðhlynning-
ar á Egilsstöðum. Reyndist hann
hafa sloppið að mestu og fékk að
fara eftir skoðun. Talið er að raf-
magnsbilun hafi valdið eldsvoð-
anum en kraninn er illa
skemmdur eftir brunann. Tókst
að ráða niðurlögum eldsins áður
en slökkvilið kom á staðinn. ■
Héraðsdómur Vestfjarða:
Sektaður fyr-
ir sölu á hassi
DÓMSMÁL Tvítugur maður var
dæmdur til að greiða 75 þúsund
króna sekt í ríkissjóð fyrir að
hafa keypt tuttugu grömm af
hassi af óþekktum manni sem
hann ætlaði til sölu og eigin
neyslu. Tíu daga fangelsi kemur
í stað sektarinnar verði hún ekki
greidd innan fjögurra vikna.
Játning mannsins kom heim
og saman við rannsóknargögn
og þótti nægileg sönnun. Hann
hefur tvívegis sætt sektum fyrir
brot gegn umferðarlögum. Þá
hefur hann sætt sektargreiðslu
vegna brota á ávana- og fíkni-
efnalögum. ■
HVOLFÞAK HRUNDI YFIR ÆTT-
INGJA SÆNGURKONU Sextán
manns slösuðust, þar af tveir
alvarlega, þegar hvolfþak hrundi
yfir biðstofu á sjúkrahúsi í
Barcelona á Spáni. Þeir sem
slösuðust voru ættingjar konu
sem var að fæða barn á sjúkra-
húsinu. Viðgerðir stóðu yfir á
framhlið byggingarinnar þegar
óhappið átti sér stað.
HOLLUSTUVARA
Matur sem flokkast sem nauðsynjavara eða hollustuvara er í lægra skattþrepi en
munaðarvara. Samtök innan atvinnulífsins vilja að öll matvæli verði skattlögð eins
og að vörugjöld verði afnumin.