Fréttablaðið - 20.04.2004, Blaðsíða 11

11ÞRIÐJUDAGUR 20. apríl 2004
Skattar á matvæli:
Í samræmi við stefnu stjórnvalda
STJÓRNMÁL Pétur H. Blöndal, for-
maður efnahags- og viðskipta-
nefndar Alþingis, segir að þau
sjónarmið sem fram komu í heil-
síðuauglýsingu hagsmunasam-
taka í sunnudagsblaði Morgun-
blaðsins séu í samræmi við stefnu
Sjálfstæðisflokksins og ríkis-
tjórnarinnar.
Auglýsingin er frá Samtökum
iðnaðarins, Samtökum verslunar og
þjónustu, Samtökum ferðaþjónust-
unnar, Félagi íslenskra stórkaup-
manna og Samtökum atvinnulífsins.
Í auglýsingunni er skorað á ríkis-
stjórnina að fella úr gildi vörugjöld
á matvæli og setja allar tegundir
matvæla í sama skattþrep.
„Ríkisstjórnir Sjálfstæðis-
flokksins hafa á undanförnum
árum og áratugum verið að
minnka stýringu á fólki í gegnum
skatta sem var mjög almenn áður
fyrr. Nýjasta dæmið er almennur
erfðaskattur sem er jafn fyrir
alla,“ segir Pétur.
Hann segir að breytingar í
þessa átt taki sinn tíma og ein-
nig verði að taka tillit til þess að
þær fela í sér tekjutap fyrir rík-
issjóð. „Það þarf að taka ákvarð-
anir um það á hverjum tíma
hvort lækka eigi skatta almennt
eða draga úr stýringu á fólki
með sköttum,“ segir Pétur H.
Blöndal. ■
HÆSTA BYGGING Í HEIMI
Skýjakljúfurinn Tapei 101 gnæfir yfir höf-
uðborg Taívan. Turninn, sem er 509 metra
hár, líkist gríðarstóru búddahofi. Lokið var
við byggingu Tapei 101 fyrr á þessu ári.
Samræmd vísitala EES:
Ísland undir
meðaltali
VERÐBÓLGA Samræmd vísitala
neysluverðs í EES-ríkjunum hækk-
aði um 0,6 prósent. Hækkunin hér á
landi miðað við þennan mælikvarða
var 0,7 prósent. Ef litið er til síðustu
tólf mánaða hefur vísitalan hækkað
um eitt prósent hér á landi, en um
1,5 prósent að meðaltali í EES-ríkj-
unum. Ísland hefur að undanförnu
verið með lægri verðbólgu en EES-
ríkin að meðaltali að undanförnu, en
var vel yfir meðaltalinu á árunum
1999–2002.
Verðhjöðnun var í Noregi síð-
ustu tólf mánuði en verðbólgan í
Grikklandi var hæst á tímabilinu,
eða 2,9 prósent. ■
Gildir á meðan birgðir endast.
Póstkrafa í síma 568 2255
3.999kr/stk
STÆRÐIR:
155R13
155/70R13
165/70R13
175/70R13
13’’
4.999kr/stk14’’
5.999kr/stk15’’
175/70R14
185/70R14
175/65R14
185/65R14
185/60R14
Þýsk gæðavara
í Hagkaupum Skeifunni
Verðsprengja
185/65R15
195/65R15
205/50R15
25 fyrstu kaupen
dur fá fría
umfelgun hjá Bo
rgardekki
á sumardekkjum
■ Írak
PÉTUR H. BLÖNDAL
Segir að meta þurfi á hverjum tíma hvar
skattalækkanir skuli bera niður.
Hjartveik kona
krefst bóta:
400 grömm
af lakkrís
á dag
BONN, AP Dómstóll í Bonn í
Þýskalandi hefur vísað frá bóta-
kröfu 48 ára konu sem sagðist
þjást af hjartasjúkdómi eftir að
hafa borðað 400 grömm af Hari-
bo-lakkrís á dag í fjóra mánuði.
Konan taldi að sælgætisfram-
leiðandinn Haribo hefði átt að
upplýsa hana um skaðsemi þess
að neyta lakkrís í slíkum mæli
og krafðist þess að fá sem svar-
ar um 525.000 íslenskum krón-
um í bætur frá fyrirtækinu.
Dómari komst að þeirri niður-
stöðu að Haribo uppfyllti reglur
um merkingar á pakkningum og
vísaði málinu frá. ■
ELDFLAUG SKOTIÐ Á SÆNSKA
SENDIRÁÐIÐ Eldflaug lenti á lóð
sænska sendiráðsins í Bagdad í
gær. Að sögn lögreglu urðu engin
meiðsl á fólki en sendiráðið hefur
verið lokað síðan Írakar gerðu
innrás í Kúveit árið 1990. Banda-
ríski herinn umkringdi sendiráð-
ið eftir árásina.
UPPREISNARMENN HVATTIR TIL
AÐ LEGGJA NIÐUR VOPN Banda-
ríski herinn hefur heitið því að
binda endi á umsátrið í Falluja ef
herskáir súnní-múslimar leggja
niður vopn. Bandarískir embætt-
ismenn og fulltrúar súnní-músli-
ma hafa komist að samkomulagi
um að stytta útgöngubann, bæta
aðgengi að sjúkrahúsum og veita
hjálparstarfsmönnum aðgang að
borginni.
BANDARÍSKI HERINN SKAUT
SJÓNVARPSFRÉTTAMENN Banda-
rískir hermenn skutu til bana tvo
starfsmenn sjónvarpsstöðvarinn-
ar Al-Iraqiya í borginni Samaraa,
að því er fram kemur í fréttum
stöðvarinnar. Einn maður til við-
bótar særðist þegar bandaríski
herinn hóf að skjóta á mennina.
Að minnsta kosti 24 erlendir fjöl-
miðlamenn hafa fallið í Írak síð-
an innrásin hófst.
NEGROPONTE SENDIHERRA
BANDARÍKJANNA Í ÍRAK George
W. Bush ætlar að skipa John
Negroponte,
sendiherra
Bandaríkjanna
hjá Sameinuðu
þjóðunum, í emb-
ætti sendiherra
Bandaríkjanna í
Írak. Negroponte
tekur við starf-
inu þegar Banda-
ríkin framselja völdin í Írak í
hendur heimamanna í sumar.