Fréttablaðið - 20.04.2004, Blaðsíða 16

Bækur fyrir alla - allt árið
LJÓÐASAFN STEINUNNAR
Allt frá því fyrsta bók Steinunnar Sigurð-
ardóttur, ljóðabókin Sífellur, kom út árið
1969, hefur hún verið í fremstu röð íslenskra
rithöfunda og verk hennar hlotið margvísleg
verðlaun og verið þýdd á fjölmörg tungumál.
Ljóðabækur Steinunnar hafa margar verið
ófáanlegar um langt skeið en nú birtast þær
saman í nýrri og vandaðri útgáfu. Guðni
Elísson, bókmenntafræðingur, ritar ýtarlegan
formála um ljóðin og höfundinn.
KILLIANSFÓLKIÐ
Sigfús Killian, bílapartasali á Lækjarbakka, og hans skraut-
lega fjölskylda, er í forgrunni í þessari bók, sem er ný útgáfa
skáldsagnanna Heimskra manna ráð og Kvikasilfur.
Sagnagleði og húmor Einars Kárasonar nýtur sín til fullnustu í
fjölskrúðugum frásögnum af athafnamönnum og auðnuleys-
ingjum af Killiansætt, göfugum markmiðum og lítilsigldum
framkvæmdum þessa nýríka og síblanka fólks sem endur-
speglar vel íslenska sögu síðustu áratuga.
ERU RÚSSARNIR AÐ KOMA EÐA FARA?
Fáir Íslendingar þekkja
Rússland og Rússa jafn
vel og Árni Bergmann.
Í þessu stutta og
skemmtilega yfirliti
yfir sögu og menningu
rússnesku þjóðarinnar
bregður hann upp lifandi mynd af þverstæðu-
kenndri þjóð og margbrotnu landi. Hann
skyggnist yfir landslag þjóðarsálarinnar og
skoðar hvaða hugmyndir Rússar hafa sjálfir
gert sér um sögu sína og sjálfsvitund.
Í LEIÐINNI
Ari Trausti Guðmundsson
er landsmönnum að góðu
kunnur, ekki síst fyrir
fróðlegar og vinsælar bækur sínar um íslenska náttúru
og jarðfræði. Árið 2002 hlaut hann Bókmenntaverðlaun
Halldórs Laxness fyrir smásagnasafnið Vegalínur og nú
sendir hann frá sér sína fyrstu ljóðabók. Hann yrkir um fólk
og fjallgöngur, heimsreisur og heimahaga, hversdagslíf og
heimsviðburði – manneskjuna andspænis náttúrunni og í
náttúrunni. Bókina prýða einnig ljósmyndir eftir Ara sjálfan
og Ragnar Th. Sigurðsson.
METSÖLUBÓK
SEM SKIPTIR MÁLI
Norska blaðakonan Åsne Seierstad hefur vakið
heimsathygli fyrir frásögn sína af bóksalanum í
Kabúl. Bókin vakti deilur en hefur einnig notið
mikilla vinsælda, til dæmis í Bretlandi þar sem
hún var tilnefnd til Bresku bóksalaverðlaunanna.
Nú er þessi metsölubók sem selst hefur í yfir einni
milljón eintaka komin í kilju.
101 dagur í Bagdad
Einstæð frásögn Åsne Seierstad af stríðinu í Írak
þar sem hún dvaldi sem stríðsfréttaritari í 101
dag. Væntanleg í júní.
VINSÆLASTI KVENSPÆJARI HEIMS
Mál og menning hefur tryggt sér réttinn á einum helsta metsölubókaflokki heimsins um
þessar mundir, spennusögum Alexanders McCall Smith um kvenspæjarann Precious
Ramotswe í Botsvana í Afríku. Þessar bækur hafa fengið frábæra dóma gagnrýnenda
og hlotið margvíslegar viðurkenningar, en jafnframt raðað sér í
efstu sæti metsölulista flestra landa bæði austan hafs og vestan.
Alexander McCall Smith, prófessor í lögfræði við Edinborg-
arháskóla, þykir takast fádæma vel að flétta saman spennandi
atburðarás og húmor, um leið og hann dregur upp sannfærandi
og hugstæð mynd af daglegu lífi í Afríku.
Fyrsta bókin í röðinni, Kvenspæjarastofa númer 1, er
væntanleg í kilju í vor í þýðingu Helgu Soffíu Einarsdóttur.
KÓNGURINN KEMUR
Stephen King er einn vinsælasti
rithöfundur samtímans og kannski sá
höfundur sem best hefur fjallað um
ótta nútímamanna andspænis illskilgreinan-
legri ógn. Metsölubækur hans hafa flestar
verið þýddar á íslensku og nú hefur Vaka-
Helgafell endurútgáfu á þessum vinsælu
bókum í kilju. Fyrsta bókin á markað er 8
gata Buick, nýjasta þýdda bók hans, en
í sumar fylgja hinar sígildu Örlög (Dolores
Claiborne) og Eymd (Misery).
ORÐ UM ORÐ
Saga orðanna
Sölvi Sveinsson, sagnfræðingur og skólameistari
Fjölbrautaskólans í Ármúla er höfundur þessarar
ýtarlegu bókar um sögu orðanna í íslensku máli.
Eins og ættfræðingur eða leynilögreglumaður
grefst hann fyrir um rætur málsins og útkoman er
hreinn skemmtilestur.
VÆNTANLEG Í MAÍ
Ljóðabækur
Steinunnar Sigurðardóttur
Sífellur 1969
Þar og þá 1971
Verksummerki 1979
Kartöfluprinsessan 1987
Kúaskítur og norðurljós 1991
Hugástir 1999
VORBÆKUR ÁRSINS
„Ólgandi kímni og óprúttin fyrirlitning á almennum siðvenjum
gerir skáldsögur Einars Kárasonar að dýrlegu lesefni.“
Jyllandsposten
Dönsk-íslensk orðabók
Endurskoðuð útgáfa í ritstjórn
Halldóru Jónsdóttur
Dönsk-íslensk orðabók kemur nú út í nýrri
útgáfu, talsvert aukin og endurbætt. Þetta er
viðamesta og glæsilegasta orðabók um grann-
málin í norðri sem gefin hefur verið út á Íslandi.
Þörf handbók fyrir skóla, heimili og vinnustaði.
VÆNTANLEG Í JÚNÍ
VÆNTANLEG Í JÚNÍ
VÆNTANLEG Í MAÍ
ÖFLUG BÓKAÚTGÁFA ÁRIÐ UM KRING