Fréttablaðið - 20.04.2004, Blaðsíða 22
Sundkennsla fullorðina hefur ekki
hátt en reglulega eru þó haldin
námskeið fyrir fullorðna í bættri
sundtækni og eru sérstök nám-
skeið haldin fyrir þá sem vilja ná
tökum á skriðsundi. Þeir eru ófáir,
sem sækja námskeiðin eftir lækn-
isráði og hafa þannig betur í bar-
áttu við bakverki og vöðvabólgu.
Skriðsund reynir mikið á lungu og
hjarta, sem byggir upp úthald og
eykur brennslu, en hreyfingin er
holl og reynir minna á háls sem
hné en bringusundið.
Matthildur Guðmundsdóttir
íþróttakennari er í hópi þeirra
leiðbeinenda sem sérhæfa sig í
sundkennslu fullorðinna og segir
hún námskeiðin afar fjölbreytt.
„Ég kenni meðal annars skriðsund
frá grunni,“ segir Matthildur.
„Nemendur mínir búa yfir afar
misjafnri sundgetu. Sumir eru
ágætlega syndir og kunna að beita
sér í vatninu, en aðra vantar
herslumuninn upp á þessa
ákveðnu tækni. Skriðsund er mik-
ið tæknisund og þar af leiðandi
snýst kennslan að mestu um
tæknihreyfingar. Þetta eru grunn-
námskeið og við förum hægt og
varlega af stað en aukum síðan
hraðann.“
Oft rætist langþráður draum-
ur nemandans þegar viðkomandi
fer að ná grunntökum á tækni-
hreyfingum í skriðsundi, en
Matthildur, sem einnig er kölluð
Lóló, kennir jöfnum höndum hóp-
um og einstaklingum. Hún bætir
þó um betur og hefur þannig ein-
nig haldið námskeið fyrir vatns-
hrædda einstaklinga sem hafa
orðið fyrir áföllum í vatni og eiga
erfitt með að afmá minningar
tengdri reynslunni. „Vatnsfælnir
einstaklingar glíma oft við erfiða
reynslu, sumum hefur verið hald-
ið í kafi, öðrum verið hent út í
laug ósyndum og svo koma ann-
ars konar áföll til. Að hjálpa ein-
stakling að yfirstíga vatns-
hræðslu er afar gefandi og alveg
sérþáttur. Sund er einfaldlega
holl hreyfing og afar góð viðbót
við aðra heilsurækt.“ ■
Brokkolí er sannkallaður gimsteinn fyrir þá sem
vilja næringarríkt grænmeti. Það er afar ríkt af C
vítamíni og járni, auk þess sem það inniheldur
miklar trefjar. Í brokkolí eða spergilkáli fæst því
mikið fyrir lítið þegar litið er til næringar.
Umboðsaðili: Ýmus ehf.
Arnheiður Sigurðardóttir
hjúkrunarfræðingur B.Sc IBCLC
Sími 564-3607 · Fax 5643608
ymus@islandia.is · www.ymus.is
Hitamælir sem
sýnir örugga
mælingu án þess
að snerta barnið /
einstaklinginn!
NoTouch
Hitamælir Útsölustaðir: Lyfja, Plúsapótek, Lyfjaval í Mjóddog Móðurást, Kópavogi
Þar sem þú getur treyst á gæðin
YGGDRASILL, KÁRASTÍG 1, 101 RVK., S: 5624082
Lífrænt ræktaðar vörur
Sérhæfð í sundkennslu fullorðinna:
Kennir skriðsund frá grunni
Matthildur Guðmundsdóttir íþróttakennari og Þórólfur Árnason borgarstjóri
Sundsprettur á dag kemur skapinu í lag
Borgarstjórinn syndir í hverri viku:
Er alsyndur á skriði
Að loknum viðamiklum vinnudegi segir
Þórólfur Árnason, borgarstjóri Reykjavíkur,
enga slökun betri en hressilegan sund-
sprett í góðri útilaug. „Ég syndi mikið og
reyni að komast tvisvar til þrisvar í viku“
segir Þórólfur, aðspurður að leyndarmáli
góðrar heilsu, en borgarstjórinn býr yfir
fjölbreyttri sundtækni, sem hann segir jafn-
framt hina bestu slökun og afar góða úti-
veru. „Ég hef alla tíð sótt mikið í laugarnar
og tók hér áður gjarnan bringusprett, en
ég synti þá hratt og mikið. Bringusundið
spennti upp á mér bakið og þannig var ég
farinn að glíma við slæmsku í bakvöðvum.
Dag einn heyrði ég svo það holla húsráð
að besta andsvar við bakspennu væri
hreinlega skriðsund.“
Eftir stuttlega umhugsun brá Þórólfur undir
sig betri fætinum og skráði sig á námskeið
í skriðsundi, sem hann segir hafa gefið sér
yfirgripsmikla og skemmtilega þekkingu á
þessum annars hraðskreiða stíl. „Að ná
tökum á tækninni reyndist mér erfiðara en
ég taldi í byrjun, en Lóló er listilega góður
kennari og tókst að laða fram árangur af
mikilli lipurð hjá nemum sínum.“ Þórólfur
leggur þó áherslu á fjölbreytta sundtækni
og þannig skiptir hann sundsprettum í
bringu, bak og skriðsund. „Stundum liggur
þó leiðin beint í pottana,“ segir hann jafn-
framt. „Hrífandi eiginleiki sundstaðanna er
sú staðreynd að þó oft ríki fjölmenni, er
friður og ró allt um kring í sömu andrá.
Þrátt fyrir að engin krafa liggi fyrir um rabb
í pottunum, er ávallt hægt að taka upp
þráðinn, ef menn vilja spjalla.“
Lengi hefur verið talið að áfeng-
isdrykkja auki líkurnar á þvag-
sýrugigt, og nú telja bandarískir
vísindamenn sig hafa sannað það
með könnun sem gerð var á tæp-
lega 50 þúsund körlum á tólf ára
tímabili. Þeir sem drekka mikinn
bjór eru í meiri hættu en aðrir.
Fólk sem drekkur hóflega af
borðvíni virðist hins vegar ekki í
meiri hættu en aðrir á að fá
þvagsýrugigt. Talsmenn rann-
sóknarinnar segja að þetta bendi
til þess að fleiri efni en alkóhólið
hafi þau áhrif að auka fram-
leiðslu þvagsýru í líkaman-
um. Einnig geti verið að fólk
sem drekkur mikið af bjór
borði einnig öðruvísi fæðu en
þeir sem velja sér aðra drykki.
Þvagsýrugigt er vaxandi
vandamál í hinum vestræna
heimi, en hún lýsir sér í bólgn-
um liðum og verkjum. Þvagsýru-
gigt leggst oft á einn lið í einu,
oft stóru tána. Táin bólgnar þá
og verður mjög aum. Sjúkdóm-
urinn getur valdið þeim auka-
kvilla að nýrnasteinar myndast.
■
Bjórinn hefur áhrif en hófleg léttvínsdrykkja ekki
Því er ljóst að fleira en alkóhólið hefur áhrif á þvagsýrugigt.
Áfengi og gigt:
Bjór eykur líkur á þvagsýrugigt