Fréttablaðið - 20.04.2004, Blaðsíða 23
Þriðjudagur 20. apríl 2004 3
CAMBRIDGE KÚRINN.
Nýtt á Íslandi!
Bæði til megrunar og uppbyggingar.
Hefur öll vítamín að geyma sem
líkaminn þarfnast.
Verndar innri líffæri og vöðva.
Viltu vita meira ?
Heimsæktu þá heimasíðu okkar
www.vaxtamotun.is eða í síma 894 1505 Karolína.
eða 894 1507 Þóranna
Vanafesta vegna
hugsunarleysis
Líkami og sál
GUÐJÓN BERGMANN, JÓGAKENNARI OG
RITHÖFUNDUR, SKRIFAR UM HEILSU
LÍKAMA OG SÁLAR.
Flest erum við að einhverju
leyti föst í viðjum vanans. Eitt-
hvað höfum við vanið okkur á
sjálf, annað höfum við apað upp
eftir öðrum án þess að hugsa.
Slíkt hugsunarleysi getur gert
það að verkum að við fram-
kvæmum ýmislegt án þess að
fyrir því liggi rökrétt ástæða.
Gott dæmi um þetta er sagan
af konunni sem skar alltaf báða
endana af sunnudagssteikinni. Að-
spurð sagðist hún ekki vita hvers
vegna, mamma hennar hefði alltaf
gert slíkt hið sama. Hún spurði
mömmu sína og mamman sagðist
hafa apað það upp frá ömmunni.
Aðspurð sagði amman að fatið
hefði á sínum tíma verið of lítið,
þess vegna hafi hún skorið endana
af steikinni.
Önnur saga segir frá munkum
sem urðu fyrir mikilli truflun frá
ketti einum þegar þeir settust
við morgunhugleiðslu. Ábótinn
tók upp á því að gefa kettinum
mjólk og mat og loka hann inni í
herbergi meðan á hugleiðslunni
stóð. Kötturinn vandist á þetta og
kom alltaf þegar að bjallan
hringdi. Ábótinn dó ári síðar en
kötturinn hélt áfram að venja
komur sínar í klaustrið í nokkur
ár. Þegar kötturinn dó varð uppi
fótur og fit. Munkarnir vissu
ekki hvernig þeir ættu að geta
hugleitt án kattarins. Þeir reyndu
að finna annan kött og eyddu
miklum tíma í að fá hann til að
venja komur sínar í klaustrið án
árangurs. Truflunin var allt í
einu orðin að aðalatriði hugleiðsl-
unnar.
Næst þegar þú gerir eitthvað
af gömlum vana, jafnvel í hugs-
unarleysi, skaltu spyrja þig að
því hvaðan hegðunin kemur og
hvaða rökrétta hugsun liggi þar
að baki. Ef þú finnur enga góða
ástæðu, getur verið sniðugt að
breyta um hegðun.
gbergmann@gbergmann.is
Ræktun erfðabreyttra afurða:
Frestað um óákveðinn tíma
Bresk stjórnvöld hafa samþykkt
að hefja megi ræktun erfða-
breyttra maísplantna í landinu,
með miklum fyrirvörum. Meðal
annars yfirlýsingum um hugsan-
legar skaðabótagreiðslur til
breskra bænda sem orðið hafa
fyrir mengun af völdum erfða-
breyttrar ræktunar. Allri slíkri
ræktun hefur hins vegar verið
frestað um óákveðinn tíma. Þýska
fyrirtækið Bayer CropScience
hafði fyrirætlanir um að rækta
maís sem væri ónæmur fyrir
skordýraeitri. Fyrirtækið sakar
bresk stjórnvöld um að gera rækt-
un erfðabreyttra matvæla óarð-
bæra þar sem undirbúningsferlið
undir framleiðsluna yrði of langt.
Þá hafi reglugerðir verið of óljós-
ar og erfitt að átta sig á hvað þær
fælu í sér. Nú þykir fyrirsjáanlegt
að erfðabreytt bresk matvæli
komist ekki á markað fyrr en í
fyrsta lagi árið 2008.
Umhverfisráðherrann Elliot
Morley segir bresk stjórnvöld að-
eins fylgja stefnu Evrópusam-
bandsins í þessum málum, en
rannsóknir hafa sýnt að 90%
bresks almennings eru á móti
erfðabreyttum afurðum og hafa
stjórnvöld því farið mjög varlega
í sakirnar.
Neytendasamtökin hér á landi
telja að ótti líftæknifyrirtækj-
anna við skaðabótakröfur varpi
skugga á staðhæfingar þeirra um
að erfðatæknin sé örugg og ná-
kvæm. Nýjar reglugerðir ESB,
sem taka til merkinga, rekjan-
leika, ábyrgðar, skaðabótaskyldu
og afmörkunar hafi slegið veru-
lega á metnaðarfull áform líf-
tæknifyrirtækja í Evrópu.
Ræktun erfðabreyttra afurða á erfitt uppdráttar í Evrópu
Neytendasamtökin telja ótta líftæknifyrirtækjanna við skaðabótakröfur varpa skugga á stað-
hæfingar um að erfðatæknin sé örugg og nákvæm.
Klifurveggir á höfuðborgarsvæðinu
Íþróttamiðstöðin Björk
Haukahrauni 1, 220 Hafnarfirði
Opnunartími
Mánudaga til föstudaga kl. 9–23
Laugardaga og sunnudaga kl. 9–19
Opnir tímar með þjálfara
Fimmtudaga kl. 18–20
Laugardaga kl. 13–15
Klifurhúsið
Skútuvogi 1G, 104 Reykjavík
Opnunartími
Mánudaga til fimmtudaga kl. 17–22
Föstudaga kl. 17–21
Laugardaga og sunnudaga kl. 12–16
Tilsögn alla daga á fyrrgreindum
opnunartíma
Nánari upplýsingar er að finna á
klifurhusid.is
Kanadísk rannsókn:
Hægt að minnka líkur á astma
Hættan á langvarandi astma hjá
tveggja ára börnum virðist minnka
ef foreldrarnir reyna markvisst að
forðast ýmsa áhættuþætti. Þetta
kemur fram í skýrslu kanadískra
vísindamanna frá Manitoba-há-
skóla. 545 börn sem talin voru í
áhættuhóp tóku þátt í könnuninni.
Þeim var skipt í tvennt og hjá öðr-
um hópnum var lagt upp úr því að
forðast ryk, óbeinar reykingar og
gæludýr. Börnin voru einnig látin
vera lengur á brjósti og biðu for-
eldrar lengur með að gefa þeim
fasta fæðu.
Um tveggja ára aldur var
langvarandi astmi mun óalgengari
hjá börnunum sem tóku þátt í
átakinu heldur en hjá samanburð-
arhópnum.