Fréttablaðið - 21.04.2004, Blaðsíða 10
10 21. apríl 2004 MIÐVIKUDAGUR
ÓLÍKIR HEIMAR
Indversk hjón hvíla lúin bein fyrir utan nú-
tímalega verslunarmiðstöð í Nýju Delí.
Samið um orkuflutning vegna stækkunar Norðuráls:
Landsvirkjun fjárfestir
fyrir 6,6 milljarða
ORKUMÁL Landsvirkjun þarf að fjár-
festa í mannvirkjum fyrir 6,6 millj-
arða króna til að geta flutt rafmagn
til Norðuráls.
Það er Orkuveita Reykjavíkur og
Hitaveita Suðurnesja sem sjá Norð-
uráli fyrir rafmagni vegna stækk-
unar álversins en flutningssvið
Landsvirkjunar sér um flutninginn
á því til Norðuráls. Samningur þar
að lútandi var undirritaður í gær.
Friðrik Sophusson, forstjóri
Landsvirkjunar, segir að samning-
urinn marki tímamót. Hann sé sá
fyrsti sinnar tegundar sem gerður
sé á Íslandi eftir að ný raforkulög
tóku gildi. Samkvæmt lögunum ber
að skilja að flutningssvið og fram-
leiðslusvið orkufyrirtækja og það
var því Þórður Guðmundsson, fram-
kvæmdastjóri flutningssviðs
Landsvirkjunar, sem undirritaði
samninginn fyrir hönd fyrirtækis-
ins en ekki forstjórinn.
Til þess að geta flutt raforkuna
til Norðuráls þarf Landsvirkjun að
fara út í milljarða fjárfestinu eins
og áður sagði. Sú stærsta liggur í
lagningu Sultartangalínu 3 sem mun
liggja frá Sandfelli við Sultartanga
að Brennimel í Hvalfirði.Undirbún-
ingur framkvæmda er þegar hafinn
og er gert ráð fyrir framkvæmdun-
um verði lokið áður en uppkeyrsla
Norðuráls hefst í byrjun ársins
2006. Reiknað er með að þörf skap-
ist fyrir 270 ársverk meðan á fram-
kvæmdunum stendur. ■
Fimmtán milljónir
til góðgerðamála
Bónus veitti sextán styrki til góðgerðamála í tilefni fimmtán ára afmælis
verslanakeðjunnar. Styrkþegar voru líknarfélög, félagasamtök og
einstaklingar víðs vegar um landið.
Í tilefni af fimmtán ára afmæliBónuss gaf Jóhannes Jónsson
fimmtán milljónir til sextán líkn-
arfélaga, félagasamtaka og ein-
staklinga víðs vegar um landið í
gær.
Meðal styrkþega var átröskun-
arteymi Landspítala - háskóla-
sjúkrahúss og tók Guðlaug Þor-
steinsdóttir geðlæknir á móti
einni milljón króna. Í samtali við
Fréttablaðið sagði Guðlaug að
styrkurinn yrði nýttur til kaupa á
nýju tölvuforriti sem reynst hafi
vel í meðferð við sjúkdómnum í
Svíþjóð. Forritið er gagnvirt og
hjálpar til við að leiðrétta hugsun-
arvillur sjúklinga varðandi neyslu
matar. Að sögn Guðlaugar skapast
oft mikill vandi þegar átröskunar-
sjúklingum er gefið að borða.
Matur er veginn áður en hans er
neytt og verja sjúklingar oft löng-
um tíma í þrætur vegna þess að
þeir telji að skammturinn sé
stærri en þeim hefur verið skýrt
frá. Tölvuforritið geri það meðal
annars að verkum að sjúklingar
geti ekki lengur véfengt þyngd
skammtsins því tölvuvog sem
tengd er við forritið sýni það
svart á hvítu.
Guðlaug sagði að enn fremur
gerði styrkurinn starfsfólki
átröskunardeildarinnar kleift að
kynna sér meðferðarúrræði sem
reynst hafi vel erlendis og heim-
færa þau á íslenskar aðstæður.
Hún benti jafnframt á að stefnt
væri á að opna dagdeild átröskun-
arsjúklinga á árinu og því kæmi
styrkurinn sér vel við fjármögnun
hennar.
Barnageð, félag foreldra og
áhugafólks um geðraskanir barna
og unglinga, tóku einnig á móti
einnar milljónar króna styrk.
Anna Sigurbjörg Sigurðardóttir,
sálfræðingur og formaður Barna-
geðs, sagði að styrknum yrði var-
ið í að gefa út kynningarbækling
og upplýsingablöð fyrir foreldra
og almenning. Hún sagðist afar
þakklát fyrir styrkinn og hann
hefði mikið að segja fyrir starf
Barnageðs.
„Við lifum í samfélagi þar sem
geðsjúkdómar eru að koma út úr
skápnum og umræða er mikið að
aukast. Geðsjúkdómar barna eru
lítt þekktir og því er það afar mik-
ilvægt að geta staðið að fræðslu
um þá,“ sagði hún í samtali við
Fréttablaðið.
Jóhannes í Bónus sagði að
styrkveitingin væri nokkurs kon-
ar þakklætisvottur um hversu vel
fyrirtækinu hafi verið tekið af
almenningi. „Ef við fáum sömu
móttökur og hingað til er engin
spurning að við munum halda
áfram að veita styrki til góðgerða-
mála,“ sagði Jóhannes. Aðspurður
sagði hann að styrkþegar hefðu
verið valdir með tilliti til stað-
setningu verslana víðs vegar um
landið en fyrst og fremst hafi ver-
ið kannað hvar þörfin væri fyrir
hendi.
sda@frettabladid.is
BÓNUS VEITIR STYRKI TIL GÓÐGERÐAMÁLA
Bónus veitti fimmtán milljónir til sextán einstaklinga, líknarfélaga og félagasamtaka í tilefni fimmtán ára afmælis verslanakeðjunnar.
LEGA NÝRRAR SULTARTANGALÍNU
Sultartangalínu 3 mun liggja frá Sandfelli við Sultartanga að Brennimel í Hvalfirði.
Undirbúningur framkvæmda er þegar hafinn.
Styrki hlutu
Seltjarnarneskirkja
Hrókurinn
Átröskunarteymi Landspítala -
háskólasjúkrahúss
Einstök börn
Barnageð - félag foreldra og áhugafólks
um geðraskanir barna og unglinga
Lauf - Landssamband áhugafólks um
flogaveiki
Umhyggja
Minningarsjóður um Ásgeir Jónsteinsson
Sigurvon á Ísafirði
Hæfingarstöðin á Akureyri
Hæfingarstöð í Kópavogi
Kristnesspítali í Eyjafjarðarsveit
Torfi Lárus Karlsson í Borgarnesi
Þroskahjálp á Vesturlandi
Brunavarnir á Héraði
Þroskahjálp á Suðurnesjum