Fréttablaðið - 21.04.2004, Blaðsíða 45
33MIÐVIKUDAGUR 21. apríl 2004
Mónakó tók
Chelsea í nefið
Sneri jafntefli í unninn leik á lokasprettinum
þrátt fyrir að vera einum manni færri.
FÓTBOLTI Mónakó er komið með
annan fótinn í úrslitaleik
meistaradeildar Evrópu eftir að
hafa lagt Chelsea að velli, 3–1, í
fyrri leik liðanna í undanúrslitum
á heimavelli í gærkvöld.
Það var Króatinn Dado Prso
sem kom Mónakó yfir á 17. mín-
útu en argentínski framherjinn
Hernan Crespo jafnaði metin
fyrir Chelsea fimm mínútum
síðar þegar hann setti boltann
auðveldlega í netið eftir ágætan
undirbúning hjá Eiði Smára
Guðjohnsen.
Hvorugt liðið náði að bæta við
marki fyrir hlé en það dró til
tíðinda á 53. mínútu. Þá fékk
Grikkinn Vassilis Zikos í liði
Mónakó að líta rauða spjaldið
eftir viðskipti sín við Frakkann
Claude Makelele og þótti mörgum
það ansi strangur dómur.
Leikmenn Mónakó féllu aftar á
völlinn eftir að þeir voru orðnir
einum manni færri og náði
Chelsea yfirhöndinni. Þeim gekk
þó illa að skapa sér almennilega
marktækifæri þótt þeir væru
miklu meira með boltann. Eiður
Smári Guðjohnsen var potturinn
og pannan í sóknarleik liðsins í
síðari hálfleik en honum tókst
ekki frekar en félögum hans að
skora. Þegar stórsókn Chelsea
buldi sem hæst á marki Mónakó
tólf mínútum fyrir leikslok náðu
heimamenn skyndisókn, Fern-
ando Morientes, sem er í láni hjá
Mónakó frá Real Madrid, komst
þá framhjá John Terry, varnar-
manni Chelsea, og þrumaði
boltanum glæsilega í nærhornið
án þess að Marco Ambrosio,
markvörður Chelsea, kæmi
nokkrum vörnum við.
Hafi það ekki verið nógu
slæmt fyrir Chelsea þá kórónaði
varamaðurinn Shabani Nonda
kvöldið þegar hann skoraði þriðja
mark Mónakó fjórum mínútum
síðar eftir að hafa komið inn á
nokkrum sekúndum áður.
Mónakó fer því með tveggja
marka forystu í í seinni leikinn á
Stamford Bridge eftir tvær vikur
og verður erfitt fyrir Chelsea að
vinna upp þann mun.
Claudio Ranieri, knattspyrnu-
stjóri Chelsea, vill sennilega
gleyma þessum leik sem fyrst því
að hann gerði tvær skiptingar í
síðari hálfleik sem skiluðu engu.
Hann setti hollenska framherjann
Jimmy Floyd Hasselbaink inn á
fyrir bakvörðinn Mario Melchiot
og Robert Huth fyrir Scott
Parker. Þessar skiptingar gerðu
það að verkum að Chelsea missti
tökin á leiknum og kannski
möguleikann á því að komast í
úrslitaleikinn. ■
Við eigum 5 ára afmæli
á sumardaginn fyrsta
Af því tilefni bjóðum við nokkur góð tilboð
ADIDAS SUPERSTAR
10% afmælisafsláttur
Pretador æfingafatnaður
Eins og BECKHAM notar
10% afmælisafsláttur
Öllum fótboltaskóm
fylgir minifótbolti
EM æfingatreyjur
ENGLAND
ÍTALÍA
HOLLAND
FRAKKLAND
SPÁNN
FJÖLDI
GÓÐRA
TILBOÐA “EKTA” leðurbolti
Kr. 1.000.-
st. 3 – 4 – 5
Landsliðstreyjur - Nú fer EM að byrja
Tilboðin gilda til 24 apríl eða
meðan birgðir endast.
Jói útherji
Knattspyrnuverslun
Ármúla 36, Reykjavík,
sími 588 1560
www.joiutherji.is - sendum í póstkröfu
Undanúrslit RE/MAX-deildar kvenna í handbolta í gær:
Berglind lokaði Valsmarkinu í lokin
HANDBOLTI Berglind Íris Hansdótt-
ir var hetjan á Hlíðarenda í gær
þegar hún varði sex síðustu skot
Stjörnunnar í 23-22 sigri Vals í
fyrsta leik liðanna í undanúrslita-
einvígi RE/MAX-deildar kvenna í
handbolta. Jelena Jovanovic varði
alls 27 skot í marki Stjörnunnar
en það dugði þó ekki til sigurs.
Berglind Íris varði 18 skot í
leiknum þar af sex á síðustu fimm
mínútum leiksins. Önnur hetja
Valsliðsins var fyrirliðinn Sigur-
laug Rúnarsdóttir sem kom inn á,
í stöðunni 7-9 fyrir Stjörnuna, eft-
ir 20 mínútna leik og gjörbylti
sóknarleik Vals til hins betra. Sig-
urlaug skoraði alls 7 lagleg mörk
úr 9 skotum en næst henni kom
Árný Ísberg með 4 mörk og þær
Gerður Beta Jóhannsdóttir og
Elfa Björk Hreggviðsdóttir skor-
uðu 3 mörk hvor. Elfa kom inn á
eftir hlé og nýtti öll sín skot, það
þriðja kom Val í 23-21 þegar 2:30
voru eftir og það var munurinn á
liðunum í lokin.
Hjá Stjörnunni átti Jelena frá-
bæran dag í markinu, Rakel Dögg
Bragadóttir skoraði 7 mörk og átti
6 stoðsendingar að auki. Elísabet
Gunnarsdóttir var illviðráðanleg
framan af leik og skoraði öll
mörkin sín 5 á fyrstu 36 mínútun-
um og Sólveig Lára Kjærnsted
skoraði síðan 4 mörk. ■
MÓNAKÓ FAGNAR MARKI
Króatinn Dado Prso fagnar hér fyrsta markinu fyrir Mónakó í leiknum gegn Chelsea í gær.
HART BARIST Á HLÍÐARENDA
Mikil barátta einkenndi leik Vals og
Stjörnunnar í gær eins og sjá má að ofan.
Enska úrvalsdeildin:
Dýrmætur
sigur hjá
United
FÓTBOLTI Manchester United vann
dýrmætan sigur, 2–0, á Charlton á
Old Trafford í ensku úrvals-
deildinni í gærkvöld.
Það var franski framherjinn
Louis Saha sem skoraði fyrra
mark Manchester United á 28.
mínútu og bakvörðurinn Gary
Neville gulltryggði sigurinn með
marki á 65. mínútu.
Manchester United er enn í
þriðja sæti deildarinnar með 71
stig, einu stigi á eftir Chelsea
þegar fjórar umferðir eru eftir en
Charlton er í sjöunda sæti með 48
stig, tveimur stigum frá fjórða
sætinu. ■
FR
ÉT
TA
B
LA
Ð
IÐ
/V
IL
H
EL
M